大漠 (已結業)

見到大家個評語都咁好,男朋友又鍾意食羊,於是就去試下!!六點幾去到,冇人,得我地兩個,女侍應問我地係唔係第一次黎,我地話:"係". 跟住佢就介紹招牌菜俾我地...但係我都係鍾意自己叫多d...首先黎個牛尾湯,真係正如大家所講咁幾正,好濃牛尾味喎~~跟住叫個涼菜,麻辣雞絲老虎菜,唔麻亦都唔辣,仲覺得有d鹹.叫呢個菜前,已經問女侍應,"係唔係真係辣?", 佢話我"係"!!!結果都係要問佢拎d辣既野黎點下...失望地,係得辣椒油,仲要係桂林辣椒油...仲諗住呢d特色餐廳會有自己特色既調味料添....之後就係烤羊..唯一最滿意既一碟..不過冇驚喜...仲有個羊pizza,..好多芝士係面,但係食唔到羊味乜滯..炸哈密瓜牛腩,好難食!!兩種味完全唔夾...真係好難食..最後黎多個辣羊湯麵,d麵好爽口,個湯都幾好味,係甜左少少囉...環境好整潔...侍應好服務...

禮拜日同家人到這間食店試吃, 五人同行,要了Waitress 姐姐介紹的四人餐,再加甜品, 非常豐富美味, 特別是羊架和咖哩羊腩, 環境唔錯,乾淨企理, 服務細心, 比銅鑼灣的帕莎更好, 因為唔使限時限刻.

三個星期前要幫舅舅買美心餅卡禮卷,順道就來這裡嚐試吓,來到已差不多2:00pm,剛巧有一位小姐正要結帳離開,剩下一枱是兩位學生妹,地方不算大,但環境絕對舒適整齊,可能過了午飯市,只得一位男侍應,外表斯文有禮,面帶笑容,服務態度又好,午市套餐只提供四款,不太合我意,但爸爸就選到,要了清湯羊肉拉麵$34 有**餐湯+拉麵+飲品/苿莉花茶(如轉其他款的花茶另加$5)+甜品**,而我就在燒羊鞍與羊肉pizza之間徘徊,最後都選了燒羊鞍$62/4件.羊肉拉麵~羊肉不韌,湯底好清甜,那種味道怎麼說呢,不同於平常吃開的拉麵店,可能他們用了新彊香料的關係,感覺好新鮮特別.燒羊鞍(侍應同時奉上兩小樽香料*孜然粉同辣椒粉*)~第一件沒加任何香料,原汁原味,羊鞍燒得並不乾身,肉質鮮嫩,第二件加了孜然粉,這種香料並不太濃味,不會搶了羊肉的味道.之後叫侍應奉上花茶,以為得一杯沒想到他是整壺拿出來,個壺是透明的好清雅,後來侍應見我們差不多喝完,自動過來要幫我們潻加,我同爸爸不約而同笑說不用了,沒多久那位男侍應不知何事離開店舖,之後有位女侍應奉上兩小個甜品~羊奶凍,沒想到他們這麼體貼周到甜品都奉送兩個,因為我們只要

前排夜晚去食...星期6晚...但係9點幾...所以冇咩人...唔駛等位...第1次食新疆菜...真係唔知有咩好食...就叫個個男waiter介紹啦...佢好有耐性逐樣逐樣講...邊樣好食d...杯心心相印真係好得意...睇住佢開花咁真係好靚...到d野食黎啦...個燒羊"比"好好味...其他野都唔錯...而且都唔係好貴...下次一定再黎過...

前排同咗屋企人去呢度食, 個環境幾好, 幾乾淨, 啲waiter 又好禮貌, 又好笑容果日叫咗咩餸就記唔晒, 不過印象最深就係有個"新疆松子魚"(唔太肯定個名), 松子魚無松子, 但係個酸甜汁就好香橙味.跟住就係個"新疆炒飯"(都係唔太記得個名), 唔知係因為熱辣辣就咩啦, 我覺得幾好食, 好似有少少香草味.仲有係個"羊腿", 無咩特別, 略嫌份量唔夠多

第一個食評~~新彊菜, 港人可能對此有點密生, 今次有幸在"大漠"中細嚐, 令人回味我和友人在一個星期六的晚上七時到達, 當時已滿座了(幸好有訂位呢!~~)我們叫的食物:牛尾湯--之前看過板友們的食評說不錯, 試過後, 真係好好味啊, 湯的料很足. 味很濃~~海哲老虎菜--老虎菜是一些不同的瓜菜切絲, 再以酸汁拌著涼吃的, 很開胃, 友人很喜歡雞pizza--是將一些雞絲加上芝士放在燒餅上, 很特別, 而且很好吃胡椒燒雞--加入了一些香料, 雞的size不大, 二人吃剛好~~蔥油餅--不過不失啦雖然不是正宗的新彊菜, 但是很有特色呢~~店子的裝修不錯~~, 坐得很舒服, 值得一讚的是服務員的態度很好呢~~, 我和友人都很滿意值得大家一試呢~~

朋友介紹這間吃新疆菜的小店.土瓜灣北帝街很多有特色的食店, 這是其中一間.店子小小, 裝修不錯, 店員服務一流.點了羊鞍, 雖然不多, 但很香, 雞肉pizza, 小小的, 很脆, 很好吃, 還有海鮮飯, 亦是水準之上...但這幾味餸比較不好的地方就是很多油...我們還點了一味叫老虎菜, 這味比較失色, 是一條條的瓜..總括來說這小店真的很不錯...今晚都不是太多人, 所以都坐得幾舒服.

第二次再來..今次我地叫左上次唔同既菜式試下...希望可以試盡佢地menu內既野食. 今次2個人叫左個細牛尾湯- 用料好足, 好香牛尾味...又用好多蔬菜煮成...起初都怕係罐頭湯, 但一飲就知自家煮架.唔知咩"茹".....上枱係一大塊茹(有d似一件鮑魚既size)加2塊西蘭花, 用蠔油煮成. 要自己切開d茹. 我覺得就麻麻地無咩特別, 不過傻鬼就話係出面未食過此茹.羊肉pizza - 好多食評都話此味好漏好油..反而我就覺得唔錯, 可能佢地個size都唔係好大件, 所以唔係食太多仲可以應付得來. cheese落得好足, 反而食唔出有咩羊肉味.最後叫埋個燒鴨胸- superise..估唔到燒羊鞍一樣燒得咁出色, 個sauce配埋d肉令到食落唔覺肥膩.全晚都食得好開心, 份量剛好唔會食得過飽.p.s唯獨真係想彈下有位女服務員既服務真係麻麻又成日好似要趕客走見到d客一食完就即刻收曬野(就算未食完都食完未, 食完同你收碟....不過今次有個年輕d既男服務生就真係唔錯...有會主動同人客倒水.

上次上完堂已經決定同傻鬼去此店試下, 昨晚終於試到. 6:30pm只有我地一台客. 2個人唔係太餓又覺得2人套餐都係差不多價錢, 最後我地係散叫. 叫左燒羊鞍- 燒得好香口同埋好多juicy呀. 好鬼死正,真架. 我估佢地做羊既菜式好出色啦. 又唔會過熟或過生...又可以保持肉汁係入面, 真係出色過出面西餐做既羊類菜式. 一個乳酪皇帝菜- 同之前既食友所講, 有d似西洋菜. 佢地仲有加埋一d什菌上面加左一patyogut. 好香又係好好味....不過嫌比較咸同埋好多水.最後叫左個香蔥烤餅- 有d似蔥油餅. 都算ok好味.佢圩仲有好多菜式我好想試, 下次一定要再去食過. 如果佢開係旺d既地方就方便d啦...

由朋友介紹，一行七人到此店享用晚餐。在荔枝角地鐵站轉乘紅van約十分鐘就到了。很難想像在這街道有這樣一間風味小店，微昏的燈光襯托著掛牆布飾和實木椅，挺有氣氛，佈置得很有心思。我們得店主介紹，品嘗了多款不同美食，有不少驚喜呢。燒羊鞍真不錯！肉質好，燒得香口，外脆內軟，而且不會很羶。我曾在Intercontinental Grand Stanford吃過羊鞍，比較下我覺得大漠的羊鞍特別值得一讚。羊肉pizza很特別，用層層酥皮代替餅，size不大，好令人回味的小吃。朋友喜歡咖哩的香滑味濃，還有特色的乳酪炒皇帝菜(多些乳酪更好)，爽口的紫椰菜，味道香甜的牛尾湯和鮮味帶辣的海鮮湯…甜品是火焰南瓜餅和羊奶凍。侍應在餐桌前用火燒著灑了酒的一個個如叮噹豆沙包的南瓜餅，藍火光很好看，就如表演一樣。酒燒過了，留下淡淡橙香，很好吃。羊奶凍也很豐滿滑溜。那夜我們帶了紅酒，店主也推介了多款花茶，談談吃吃，我們一眾歡聚了一個晚上。抱著開懷的心情，更能讓我欣賞小店對烹調食物的熱情、推陳出新的心思和對食客的體貼。吃膩了中、西、日菜，我覺得大漠是很不錯的選擇!

因為farewell朋友仔去日本讀書，臨走前緊係食返ｄ特別的中國菜。book左位，入到去見到裝修好有心思，好中國得黎又有一點民族氣氛，我好鍾意！^^第一輪野食叫左︰哈蜜瓜炸牛腩、羊鞍、ｘｘ菇髮絲麵、牛pizza、羊奶芝士炸大蝦第二輪叫左︰羊脾、麻辣羊肉、火焰南瓜餅o拿～講真，味就唔係太夠味，因為一般外省地方的菜應該較為濃味，但呢度ge菜就唔夠地道lor。逐樣講下先︰哈蜜瓜炸牛腩︰好得意，有一種好獨特ge香味，夠創意！唔錯！羊鞍︰都係果句，無乜味，份量亦唔夠。ｘｘ菇髮絲麵︰又係果句，無乜味。牛pizza︰好多cheese！我鍾意！>v<羊奶芝士炸大蝦︰香草味好重，完全食唔出羊奶芝士個味！不過都幾好味ga！本來一碟得４隻，但我地５個人，老闆送多隻俾我地食！多謝！^^羊脾︰雖然繼續都係無乜味，但係肉質比羊鞍好得多，至少份量多ｄ先啦．麻辣羊肉︰已經叫左中辣，但係一ｄ都唔辣。無味、油、唔好食。火焰南瓜餅︰老闆推介的新菜，其實仲未有正式的菜名。原塊南瓜上漿炸，面頭再加酒加糖燒，有噱頭但唔太好食，因為完全無南瓜味。(一樣因為唔個人ge關係，老闆繼續私人醒多塊！超好人！^^)其實睇得出

一行二人叫了;羊肉pizza: 食不到羊的味道,但好多芝士在面,而餅底則好油.辣大蝦: 不太辣,蝦亦不算大,但waitree介紹時又話D蝦好大隻,大過平時食果D.乳酪皇帝菜: 不太油,外貎及口感似炒的西洋菜,算OK啦.羊鞍: 唔好食.

其實係因為行錯路，“中”入大漠。感覺裝修很有特色，價錢不貴，人不太多。我兩個人，點了，好脆，面舖滿芝士，個底有好多洋蔥，雖然食來唔覺牛肉存在，但整體好吃。還有唔記得咩，係伙記推介，一片片羊肉好軟林林，都幾好，但要趁熱食，凍冇咁好食。我都有點，係好得意菜色。兩塊哈蜜瓜夾著牛腩炸，脆口，但粉好厚，中間牛腩其實冇乜味，哈密瓜本身味道好搶，如果配味道濃烈少少肉會好。佢配甜酸汁，點食只會搶哂味，唔係好夾。仲有食個菜，好似叫，個菜好好趙，味道好似芹菜，男友本來唔鍾意食菜都食哂…-_-“飲品叫混合花茶，感覺幾消滯，唔洗再飲甜椰椰飲品。甜品係，好似叫 之類，好味呀，唔太甜，似奶皇，但係凍食。服務，ok啦，冇咩唔妥。但我去晚好似有其他食客帶狗入去餐廳，仲好惡，搞到其他食客報警，食食下見到有差人殺到，都算第一次。唔好意思，其實都成個月前去，所以菜名有唔記得。我覺得呢間可以再食。

同男朋友係屋企附近苦惱緊去邊度食飯既時候，行行下去左呢頭，加上有朋友都介紹過呢間餐館，所以就走去試下。餐館裝修得好有民族風格，可能因為聖誕節關係，天花板都掛左d聖誕吊飾，但係都唔會太過奇怪，店內氣氛都唔錯，如果有埋d民族background music就更好喇。惟一係店鋪細細，坐位有點窄。我地叫左兩個湯，<牛尾湯>好有肉尾，酸酸辣辣；<羊肉粉絲湯>就清d（但係裡面只有金菇冇粉絲…）再叫左三個：<羊肉pizza>既酥皮底好脆，羊肉味都ok，仲有好多我鐘意食既cheese，size唔係好大，兩個人食岩岩好，$28都唔貴~好好味<鮑魚菇>好厚身，但係可能其他食物既味道都較濃，相比下呢味菜冇乜特別。waiter推介<哈蜜瓜炸牛腩>，真係很不錯~用兩塊哈蜜瓜夾住件牛腩黎炸，不會太油膩，哈蜜瓜甜絲絲，配酸辣醬汁食，好好味~其實service都唔係太差，waiters都有笑容同幾有禮貌丫。大致都不錯~可以一試

冇你地講得咁差，服務都幾好呀，D待應成日都笑既仲成日幫我加茶。D野食好好味呀！個羊安，辣蝦，羊肉Pizza，羊西泠，羊扒，胡椒雞，都好好食呀，到最後食甜品、原來係個甜品最好食架個甜品叫做羊唔知咩凍。我呢個星期帶D fd而經去左三次啦！一定要去o下架，細就細D，不過幾得意呀!!!環境唔錯！