大漠 (已結業)

前幾天同友人實行計劃已久的夢想，決定前去一試大漠風情。叫了一個二人套餐，再加一個咖哩牛。開始上來的牛尾湯非常入味，可能牛比較多，所以煲出來鮮甜無比。再來一個冷盤，是豆腐，沒有人可以想像其滑的程度，加上上面的肉鬆，一濕一乾，可口非常。接著的是炒紫椰菜，菜比普通椰菜甜，較一般的特別。第四樣是咖哩牛，連同不一會上的烤餅一起吃，友人說它有點辣，個人就認為可以接受;牛是煲了很久的貨，一入口，只需輕咬便能把它完全地粉碎，加上咖哩，一絕也！雞肉薄餅上面是一層半厚不薄的芝士，老實說，芝士味欠奉，不過餅身算是幾好，可以試試。鴨胸就失色了，吃完都不覺好味，最好避免。最後的烤羊鞍乃全餐之精華，烤至六七成熟，血加少少肉在口中融合，味道直迫小肥羊的那款。職員都好友善，我們一行四人，應該只有兩個甜品，他們贈送多兩個予我們，非常開心。甜品是羊奶凍，滑不流口，邊吃邊傳陣陣香味，令人為此感到滿足。

第一次向香港食新疆菜,印象中都係向北京食過一兩次,但都只限於羊肉串燒。星期日晚兩個人去到土瓜灣搵新疆菜,成8點半去到都仲好多人,不過餐廳方面都好有禮貌&好快手地安排座位畀我地。雖然間餐廳細細,不過都佈置得幾好。打開餐牌,冇叫到兩人餐,因為怕食唔哂...兩個人叫左一個細size既酸辣海鮮湯,涼伴蜜瓜雞絲,燒羊鞍,一碗辣羊肉麵&兩杯花茶。個酸辣海解湯都幾好飲,但係味道就同平時既泰式餐館果d酸辣湯冇咩大分別。涼伴蜜瓜雞絲就清清地,蜜瓜都幾甜~~^^~~羊鞍有四件,7成o岩o岩好,亦鐘意佢夠"so"有羊味。最欣賞都係碗辣羊肉麵,湯底少少辣,好似加左蕃茄,亦有好多菇同羊肉,不過呢個羊肉就冇咁"so"...可以"so"d就更好呢~~叫左兩杯花茶,我果杯"心心相印"真係有粒花向裡面,一加水就會開花...好得意~~^^~~$12蚊一杯又真係好抵飲~~好過去cafe tim~~不過baby果杯就好重白花油味!! 哈哈!! 最後試左佢既是日甜品,係羊奶布丁,味道ok。不過我唔係咁好creamy既甜品,下次要試下其他果d先得~~總括而言,呢一次土瓜灣搵食之旅好成功呀!下次一定會再來食過~~

謹此對周先生公開致歉！本餐廳因安排不周，未能安排閣下依時入座，致令閣下及家人失望而回，謹此致歉。本人亦應代本店員工，就其個人之憶測推斷，以致閣下未能依時入座一事，致以萬二分歉意。在此感激周先生對本店之盛情，並就得失閣下之事再三致歉。

I seldom gives comment for the restaurant I visited however I think it is 'fair' to receive credit if they really earn it with heart. Two things need to express here1) the owner is gentleman and it is first time I see a man really knee down and talk to customer at eye level. he also gives very fair suggestion and tell you what is just gimmick by dishes name and what is good to try if it is 1st time visit.(2) the food is tasty especially the King Veget and Curry Chicken. Also don't miss their lam

第一次去食是因為雜誌介紹，吃過後覺得燒羊仔脾幾好食，而他們有一隻調味料的名好得意，叫做“勃然粉”通常食羊仔脾時侍應生都會介紹你用這隻調味料來佐食，另外炒什菌都唔錯，建議第一次去的朋友可以吃套餐，價錢會抵些，而且只有吃套餐才會有甜品吃的，個侍應說甜品是用羊奶做的，真的很好吃，每次去我都要吃那個甜品才叫吃完。但奉勸各位唔好一大班人去，因為全間店只有一張圓枱，其餘的都係四坐位的木枱，通常都會有其他食客在左右，很多時都沒法將那些四坐位合併一起的。

第一次光顧，感覺到侍應們都很友善。少有地午餐時段不用等位，nice~叫了一客意粉，淡淡的香料味，再加上螺肉，美味！凍飲有微微的玫瑰香，令我好relax~最後有粟子味甜品，好濃粟味，也不太甜，比鄰近的大少甜品店更合我意。不知道甜品屬誰人主理，但我覺得蠻有水準的！埋單不過$35，也不用趕急地吃，好舒服！

兩個人叫了兩個set lunch, 其中一個係麻辣xx羊湯麵。等待時, 聽到隔離台有位小姐想吃xx羊湯麵, 但想走辣, 仕應很免強、很免強答應。當朋友食完畢後, 我問他是否很辣, 他話乜原來係辣架咩??? 我們追問仕應, 佢好驚咁答我地(加埋d 笑容), 剛才有位小姐想走辣, 應該是廚房調轉了。我們都吃完, 他轉過一碗乜吃不落, 況宜佢亦無咁的打算。但我親眼、親耳聽到佢話會安排走辣的麵給那位小姐, 如果調轉了, 那位小姐實出聲。我好相信是廚房費鬼事煩, 又開多了味精湯, 咁隨便比埋我朋友囉。咁的食店, 講大話的食店, 仲要扮親切咁講大話, 我唔會再光顧。

冇諗過響土瓜灣都有咁既食肆，整體既感覺非常唔錯。食物方面，羊肉果然係佢地既主打菜，唔‘so’不特止，仲好鬼嫩滑，抵讚！最驚喜反而係甜品，以為又係普通桂花糕之類，叫凝脂白玉。但一食之下口感滑到不得了，又有淡淡桂花香，最重要係唔會死甜！正！跟住就到服務，老實講，我以為一班男侍應都唔謊好服務得去邊，但係佢地體貼到呢~~~~「會唔會風口太猛呀？較細小小個冷氣丫！」「有老人家響度，都唔好食得太油勒！」「呢個portion都應該夠食ka la~唔夠的話先再叫過啦！」呢D咪叫服務業囉！值得一讚！我一定會同家人再返黎^^

首先個名大漠, 大漠一般唔係指蒙古嗎?拌老虎菜....原全唔係個回事! 老虎菜應該係切成絲而不是一條條! 而最重要的是老虎菜的靈魂係洋蔥但居然一條都冇! 而老虎菜的辣本身出自青色的尖椒而不是用辣椒油(仲有檸檬葉添,東南亞菜??)! 總之當係開胃沙律會好一點!羊肉清湯面....羊肉好好味湯亦夠甜, 但有兩不足, 一面線不應用日式拉面,而應用粗身一點的面(如油渣面的一類), 二不應加菇同菜伴而應改用更正宗的紅蘿蔔同番茄, 因為正宗新疆面是這樣的! 但整體算好味!全麥烤餅....唔初初己為係新疆人食的"郎"...卻原來是風馬牛不相及北方人食的的麥烤餅...味道唔錯好有口感....但餐牌上的英文唔用"naan"呢個字會好一點law...烤羊架...唉...我的評價有兩面:當西餐的燒羊架, 值90分! 賣相好好, 羊肉本身好嫩, 好有羊肉味, 燒的時間剛好, 欠的是一份刀叉同法國芥末.當新疆菜...原全唔得! 羊本身調味料不夠, 只有表層有香料味, 同時小茴香粉同辣椒粉係燒的時候根本冇落到, 而係後來放兩份係桌上等您加....要知道小茴香粉同辣椒粉係新疆羊肉的精神所在, 燒的時候唔加羊肉根本唔會

一直很怕去土瓜灣, 因沒地鐵, 不懂得怎樣去, 但因很久前已答應跟朋友們來這裏一試, 好, 就做做功課, 看看坐乜巴士去！今次有十三人一齊去, 又熱鬧, 又可試多款菜式, 好開心！最喜歡這裏全沒煙味, 而且裝修特別和舒服, 新任老細說剛於九天前才接手大漠, 非常有禮貌、誠意、耐心、細心、好傾。先由打電話去訂位開始, 他已前多謝後多謝我的訂座；到今晩正式去食飯前個多鐘頭, 他再次致電來confirm和多謝我的booking, 而且還已經set好枱等我們(語氣不似外面般公式化)。正式坐下來, 有前菜青瓜條和玫瑰花熱水飲, 夠清香！Kim走來說今晚是他專程serve我們這枱 (感覺被重視和似上賓), 然後開始介紹大漠之特別菜式(因知道我們是第一次來食), 一直見他蹲下來介紹, 想請他坐下, 但他說不用了。我們點了十三款菜, 除牛尾湯和串燒外, 全是找Kim介紹的, 果然冇介紹錯！- 牛尾湯(濃濃的, 好好味)- 老虎菜(少少spicy, 但清新)- 雞肉牛肉串燒(好重香料味, 唔硬, 總之好味啦)- 燒羊架(我本不好羊, 怕羶, 但它只保留少許羶, 面煎得少少香脆, 易入口又好味)- 炸哈蜜

以前經過親門口都唔會想入去，因為太過黑，唔多想入去，但今日一入去，感覺光左好多，一問之下先至知道轉左手，感覺唔錯，咁先至似一間餐廳丫嘛。值得一讚係D侍應，就算佢地一望就知係生手，但態度方面絕對係五星酒店水準，我肯定土瓜灣冇一間有咁既服務。果種感覺係當你上賓一樣，even我剩食一個炒飯，一個烤餅，都冇俾面色我睇，值得一讚！！出品方面，都幾我口味，幾惹味^^裝修都幾好丫，一定會再去幫襯^^

媽媽生日, 所以前晚到家附近的地方吃晚飯, 而媽媽又喜歡食羊, 便去大漠.因為是閒日夜晚, 人不算多. 我們三人叫了一個二人套餐:麻油海蜇老虎菜-- 一般, 類似瓜沙律.炒椰菜-- 可以, 不過有點油..鴨胸-- 不錯, 汁很特別.燒羊鞍-- 十分好吃, 很有口感, 外脆內滑, 而且不蘇, 一定要試!羊pizza -- 非常好吃, 芝士很香濃羊奶凍-- 好好味, 有點像吉士加上很有新彊感覺的裝修, 真的不俗.

北帝街食肆系列,寫埋呢間都差不多,其他有些真的沒有興趣去試.今日的主題,就係新疆菜作主打的大漠.初期時誤會以蒙古菜為主力,事後孔明係烏魯木齊,當係烏蘭巴托,一時胡塗.事實上蒙古菜在香港,最有印像就係早期的鐵木真,在鐵板上炒雜碎.沒有任何深刻印像.眾老外吃罷拍手叫好.晚市未試過,就講下午市吧.一律$34一個餐,未計加一.學生哥會平一些.所以每次中午前往,例必人頭擁擁.學生哥佔大多數.ABCD四款揀,MENU不定期更新.馬孜別克土豆燒牛柳絲飯,包個餐湯同甜品.餐湯係雜菜湯.味道更似意大利口味.只係無意粉在底.奇哉.難道係馬可勃羅遺留下來的產物?馬孜別克,呢個應該係其中一個中國少數民族,來源不詳,以不學無術的小弟所推斷,以字眼去估,應該係來自隔離的哈薩克,或者隔幾個街口的烏玆別克.如有不足,請指正.小弟對哈薩克料理的皮毛印像,莫過在旅遊節目中,看到燒羊頭罷.見到當地人用刀逐忽片出來.好似吃片皮鴨.相信係每一個羊痴的美夢.這個午飯又如何?上桌,見到係白飯,打左折頭.心想應該大約會係巴依的手爪飯咁上下.薯仔絲伴牛柳絲,好廣東的食法.起碼我對此菜的印像,就是如此.你話我唔識都係咁話.極其量舖在面頭

坐下，門面細細的，裝璜上不過不失。菜牌都用一些少數民族風格裝飾著，友人先點了一杯新彊紅酒，酒鬼，反正戒酒二字都只是他的口頭禪。看了數次菜牌，大家都是決定不到該點哪些，結果都是一位朋友拿下決定，牛尾湯再加兩個四人套餐。其實這兩個四人套餐分別有些甚麼，我也不太清楚。牛尾湯的味道，有點像雜菜湯，但牛味來得比較重。隨後來的有牛雞羊串燒、咖哩牛腩、咖哩羊腩、炒牛柳絲等等。炒牛柳絲之中夾有一些青辣椒，要小心分清楚，誤吃一小塊，很辣。之後主菜－－燒羊鞍，這一道比較出色，生熟度掌握得十分好，入口鬆化，不愧在openrice.com的食評之中最多人稱道的鎮店菜。大伙兒笑著吃著。最後上甜品－－羊奶凍。看樣子有點像吉士，入口味道又有點像燉蛋，口感亦算不錯。坐了一會，結帳，剛剛好一千塊，每人盛惠約百元。

這是登記成為openrice會員後的第一篇食評,因為本人嗜羊所以以"大漠"為首篇食評.久聞這店水準不俗但礙於太座不食羊未有機會一試.上星期五太座有事,於是帶埋個仔專程試食.是晚共叫了四樣菜:牛尾湯,燒羊架,羊肉湯麵及羊pizza.牛尾湯-真材實料,味道OK,無乜驚喜燒羊架-肉嫩味香,全晚最正羊肉湯麵-湯底清甜,羊肉OK羊pizza-微辣香口花茶雖然無乜特別但只收12元,亦算底飲.至於環境方面,由於舖位面積小,座位頗為擠逼.整體而言,十分滿意.