大滿喜日本料理 (已結業)

早兩日我去咗大滿起食放題 咁我去幾日嘅時間係八點 呢個時間都比較多人 都幾full 所以去之前記得要訂位嘢食種類多就一定唔使講但有一點要讚嘅就係佢比其他放題多一啲特別嘅嘢食=肋骨大家都知道食肋骨最怕就用刀叉分開兩條骨並且唔好整污糟個嘴 但係佢好有心機咁已經斜切左舊骨 所以食起嚟都比較方便 表面佢都燒得相當之有肉汁 唔會太老 大細都啱啱好 值得加分 另外都一樣好食嘅就係雞翼同埋羊架 兩個非常之有肉汁外面燒得好乾脆 但係裏面仍然好嫰口 每一次來都一定會食一坐低嘅時候仲送咗一個刺身拼盤 但我本人一個人唔食魚生所以剩下嘅份量都比較多 呢一個就係唯一需要損分嘅地方 因為佢冇按客人需要比適當嘅份量另外一個一定要注意嘅位置就係有清酒同梅酒提供 兩個都係非常之有水準啦 就算佢係不斷refill 非常易入口所以飲多啲都唔夠都冇問題少甜幾清新唔會太苦呢度除咗普通寫紙放題愛 仲有磯燒同埋蒸嘢食淨 係蒸野食方面我哋叫咗豪扇貝同牛肉 全部都好新鮮冇雪藏味 提醒一下蒸豪嘅時候可以去除豪學可以蒸得比較快最後要提一提嘅係侍應嘅服務我覺得係我食過最有效率嘅 因為我計過落

同男朋友兩個人去試下觀塘嘅放題。因為旺角嘅始終食得太多次就想試下其他地區嘅放題。一樂園單啲嘢食就快到。飲品嘅選擇都好多。啤酒啦普通嘅紙包飲品都有。最特別嘅係佢竟然連梅酒清酒都可以自助飲飲呢樣嘢係令到我哋都好驚喜嘅。最近重新出咗一個蒸海鮮鍋。 有蠔, 蟶子, 牛肩肉呢一啲嘅嘢食可以擺上去蒸。呢一間放題好令我驚喜嘅嘢食係烤羊架。因為肉厚肉汁又多好正好好味啲職員態度都好好。我哋有乜嘢需要就即刻過咗埋嚟。 唔似一啲嘅餐廳佢會好緊張, 然後不停望住會令到我哋都食得好緊張。呢一間佢就見到我哋有書需要。就會自動埋嚟啦。去到甜品還是因為我就付普通啦。但係男朋友就好中意食甜品所以就差唔多每一款都叫咗個嚟食。整體嚟講我就覺得呢一家嘅服務態度好啦然後佢食物嘅種類多元化 最中意有得蒸海鮮~~~佢價錢都係合理嘅~

一向幫襯開旺角分店，見到觀塘開咗間分店近近地就試下啦。環境坐得舒服，食物上菜速度都ok既，所點既食物都有到齊，間中有有一兩個order要追，飲品多選擇。講下食物質素先，刺身大致都ok，論新鮮就唔及旺角店，壽司既飯無旺角店做得咁好、唔夠軟綿，最失望既係燒雞軟骨，炸到過晒火，硬崩崩無晒應有既口感。反而甜品既cream brûlée 有驚喜，好滑好香好好味。晚上9點半後有68折，總括嚟講如果之前無食過旺角果間的話呢間都唔錯。

經常要四出工作既我，今日工作地點來到官塘區，經朋友介紹下，放工去左大滿喜日本料理放題開懷暢食暢飲一番。一開始先點了刺身拼盤，每款刺身先試少許，三文魚、甜蝦、象拔蚌、八爪魚等，款式選擇頗多，刺身亦很新鮮。刺身船外表吸引，吃落亦非常鮮味。三文魚刺身色澤均勻、厚簿適宜，不會過肥過瘦。品嚐完刺身，再黎幾客壽司，鰻魚壽司、赤貝壽司和黑松露三文魚壽司，壽司飯握得力道適中。放題除了刺身和壽司外，還有很多鍋物、天婦羅、串燒等選擇，燒羊架亦不列外。放題飲品、甜品選擇也很多，又是一頓豐富晚餐。

今晚公司做到很夜，打算與同事吃完宵夜才回家。同事想吃日本放題，可能大家都知道，觀塘區有很多日本放題，但這一間大滿喜日本料理相信是觀塘區數一數二的。我們二人不用等位就進去了，太好啦，二人卡位非常寬敞，有別於其他放題那麼擠逼。如其他日本放題一樣，都是自己寫單叫食物，點單紙種類繁多，令人目不暇給。先來一個刺身拼盆，用一隻刺身船送上，下面有層乾冰，瀰漫出白色的煙，有心思。甜蝦清甜，三文魚不太軟，有口感，帶點鮮味，油脂分佈平均，我之後再encore 一碟。我很喜歡吃燒羊架，很厚身，外層燒得很香，不太有羶味。牛油炒金菇，不是很多日本放題會有這碟餸，炒得很香，牛油味很濃郁。牛柳粒，枝豆，基本上每次放題都會叫，一邊吹水，一邊吃枝豆，感覺很爽。反卷: 不是弄得太大，淺嘗確是一流。火灸三文魚壽司，細細件剛剛好，鰻魚亦燒得很香。飲品及雪糕是自己出去拿的，有好多款式。

週末既假期又俾我的吃貨女友脅持左我個胃同銀包去食放題小胖女一坐低就有理無理係度寫寫寫 order到一枱都係野食 基本上所有刺身佢都唔放過 有點黎食架刺身船黎到出晒煙咁 賣相相當駕勢除左刺身夠新鮮 壽司同手卷都幾多款同有質素 吞拿魚同芝心鰻魚都係小弟首選見有海膽同鵝肝呢類貴價手卷 小弟當然都唔會客氣要點黎試下 手卷份量細細 唔怕塞飽個肚 可以食多幾款都無問題熟食類都唔錯 猶其個燒羊架燒到恰到好處 肉質同油脂分佈平均 食羊既朋友一定唔可以錯過其他老火燉湯 串燒 天婦羅都食得過 食埋甜品雪糕果d 輕易回本

一家人吃個生日飯，星期六即日訂檯晚7:00，要延至7:15，幾滿。一進場就先點刺身：三文魚，甜蝦，象拔蚌，希靈魚，都很新鮮。侍應勤快執碟......再嚟熱點，海膽甜筒夠創意，細細枝，海膽滿滿。焗蠔，焗帶子，焗鰻魚，不同材料，有不同口味，具心思。最佳推介必定是牛：一口牛粒，牛窩，醬煮牛仔骨，全部淋而入味。正品！雞翼兩款都很有心思，香熱夾脆，炸榴槤可口，內軟外脆，忍不住連吃三粒。要到甜品胃起動！一口品嚐，真體貼，全部嚟一件淺嚐，還是要多客焦糖燉蛋！滿足地舉杯飲啖梅酒！

今日去觀塘見兒客就收工，做到成日冇停過，超肚餓，諗緊咁早邊到有放題食呢，原來樓上已經有，咁就試下喇...餐廳樓底高，幾乎每張台都有梳化位。坐底即點個刺身拼盤，刺身船上台時噴煙，刺身厚切，肥美又新鮮。之後再來燒羊架：肉質非常嫩，有點羊羶味，但口感超軟熟，正。鹽燒三文魚胶：魚肉肥美又啖啖肉。炒什菌：好香牛油味，一定要試串燒海蝦：大大隻，蝦肉爽甜又彈牙。芝麻雞翼：炸完仲皮脆肉嫩多汁，追加再食。紫薯香芋波波：每次放題見到都必食，外脆內軟。最鐘意個雪糕櫃，有我最愛既韓國蜜瓜雪條，第一次見到放題有呢隻雪條，我食左三條，超開心,大滿足的一餐。

同朋友，男女朋友約會，都不外乎係打邊爐呀，放題呀等等，而今次我就去左食呢間放題。咁坐底左之後，就梗係瘋狂叫野食啦！！！咁首先黎到嘅係刺身一大盤，刺身又厚又新鮮，而且選擇又多，亦都有我鐘意食嘅帶子。跟住黎到嘅係炸物，男朋友最愛，大推榴槤炸彈，皮薄餡多，重要熱辣辣送上要睇一間放題好唔好當然要睇佢地既壽司有無誠意啦，呢到有好多特別又精緻既壽司選擇，最重要係飯少料多，食多幾舊都唔怕好快就飽！芝士燒扇貝，略嫌凍左啲唔夠熱飲料方面有驚喜，就係呢到竟然連酒都係任飲！女士們飲梅酒好適合呀，唔會太濃，但又可以幫到消滯同油膩既感覺，估唔到呢到既梅酒都OK喎，真係無幾間放題有供應架咋最後要介紹埋呢到既湯品，魚翅鮑魚湯，本來都無expect黎呢到飲湯，但見好多人都點呢個就試下，點知最後忍唔住再order多一次tim！因為湯既味道好濃，又配料充足，令人回味

每逢星期六我地屋企都有個家庭聚會，我地會揀間餐廳食個飯輕鬆下。今次就去咗位於觀塘嘅大喜屋。本身都成日去觀塘但都無留意到呢間餐廳，因為佢喺10樓但勝在交通方便，喺地鐵站隔離。餐廳嘅裝修可以話係非常宏偉，重要啱啱坐咗係窗口位，雖然唔係啲咩靚景但都可以睇到觀塘呢幾年嘅變遷。重頭戲當然係叫野食拎野飲啦，首先講吓飲品，有好多唔同選擇，唔只有汽水，仲有綠茶同開解茶，較適合兩老嘅口味，抵讚。嘢食方面我哋主要叫咗刺身，串燒同炸物。刺身放得非常工整，俾like，所有刺身都好有鮮味，個人比較鍾意八爪魚同帆立貝，先甜彈牙多汁，一定要試！串燒方面誠意推介雞軟骨，燒得非常香脆，加埋秘制醬汁簡直一絕。最後就係炸物，芝麻雞翼同芝士年糕簡直係無得輸，尤其係芝麻雞翼，燒到外脆內軟，而旦完全無'油淋淋'嘅感覺，即係油温適中，正呀。最後甜品淨係食咗一條大腳八雪條，因為太飽了。總括嚟講呢度嘅食物，裝修同地點都係滿分，誠意推薦各位朋友嚟食，無得輸！

九月開學啦，mentor話要請我地食飯，派過3爆4利是俾我地，有啲咁好意頭嘅嘢收，就梗係即刻拿拿臨揾吓有啲咩好嘢食啦！因為mentor平日要返工，就只好揀假期食，上openrice search吓，就俾我地見到呢間嘅放題評價唔錯，一於就打電話book位！大家記得假日嚟食嗰陣一定要book位，因為個場都幾爆吓㗎！一嚟到，就安排咗我地坐窗口位，景色開揚，胃口都好啲啦！放題嘅重頭戲就當然係刺身啦！我地差唔多叫哂所有刺身嚟個大包圍，啲刺身鮮甜，冇雪味，睇得出啲刺身唔會話擺咗好耐，好新鮮有誠意！之後我地又叫咗啲熱食，我地最鐘意嘅係羊架同燒骨！肉質juicy唔乾，啲汁俾得好闊綽，非常惹味呀，我地都encore咗幾次！放題結尾就梗係唔少得甜品啦，甜品選擇非常多，除咗可以自己出去攞唔同牌子嘅雪條，仲可剔紙仔叫甜品！今次食得好滿足，mentor都話正！

九月有老友喺上海返嚟香港同我地食飯敍舊，我地決定揀食日本放題，今次我地一行四人就揀咗星期六喺觀塘嘅大滿喜食午餐時段放題，星期六每人都係178加一，好抵食呀，而且我地坐嗰個位可以望見觀塘裕民坊重建，更加勾起我地呢幾個已經過半百嘅呀叔回憶！我地一坐底就叫咗一個刺身拼盤，當中有三文魚、帶子、北寄貝、鮑片、八爪魚同象拔蚌，選擇多樣化又豐富！每一款刺身都非常新鮮同甜美，有啲更加有爽口嘅感覺，除此之外，我地係咁encore芝麻雞翼同鹵水雞翼，因為啲雞翼非常夠味又唔太鹹，真係左牙食過右牙香，右牙食過透心涼！另外，我地都覺得呢度啲串燒同天婦羅好香口都脆卜卜，新鮮又好食！另外值得一提嘅係，呢度仲有啲無糖嘅道地解茶同解綠茶，非常適合現今注重健康嘅社會，咁樣超水準嘅食物同舒適嘅環境，簡直係物超所值呀！

我地今次食9點半嗰個時段，所以人唔算多，早到左等左大概5分鐘就可以入得啦! 放題頭盤當然係刺身啦，啲三文魚好厚切，自己超鐘意食三文魚，所以超滿足，另外一大驚喜係八爪魚，我自己平時都唔係好食八爪魚刺身，但呢度既八爪魚刺身係好彈牙同埋好新鮮，ENCORE再ENCORE! 另外呢度既壽司都好特別同唔常見!自己覺得較特別既係鹽燒左口魚邊同辣汁大蝦!值得一試! 小食方面同其他放題差唔多，自己覺得比較好味既有芝士焗扇貝同泰式生蝦! 芝士焗扇貝夠多料，生蝦都夠新鮮! 呢度既飲品都多選擇，我自己飲左蜜桃烏龍茶，飲左兩罐夠消濟! 呢度overall唔錯，食物選擇都算多，值得一試~

九月就係食開sem飯嘅月份，難得組爸返完工出咗糧話要請食飯，咁梗係刷噃餐勁㗎啦為咗迎合唔同人嘅需要，我地就揀咗食放題，貪佢咩都有啲嘛今次我地就揀咗食大滿喜嘅午餐時段放題，每人都係178加一，叫做錫住組爸嘅荷包啦一入到去就梗係要嗌刺身先啦，冇多冇少，同我地落單嘅數量一樣，抵贊呀特別推介三文魚同帶子，兩個都好鮮甜，三文魚厚切無根無雪味，帶子大大粒夠飽滿，正！北寄貝爽口彈牙，都唔錯㗎刺身之後就梗係要食噃啲熱嘢啦，我地四個人一致認為芝麻雞翼同芝士年糕係最好食嘅！雞翼皮脆入味唔太咸，加埋芝麻就更加錦上添花，好香口，芝士年糕熱辣辣，流心芝士加上軟糯嘅年糕真係好好食！咁嘅價錢，咁嘅質素，我地一定會再encore!

星期六訓醒突然心癮起 好想食刺身壽司就拉埋小胖男友同我去食放題一坐低乜都唔駛講 黎一round刺身船先再講第一次食橙色既希靈魚 小胖男友話口感好特別 唔似食緊魚 但又好有魚味壽司好正 材料新鮮 亦好多花款辣味拖羅, 火炙蟹棒, 鰻魚等都食完一次又再encore除左刺身同壽司 熟食都好多選擇除左基本既天婦羅 羊架等 仲有辣酒花螺 焗帶子 串燒等燒菠蘿勁juicy 炒魷魚鬚味道調教得不錯 炒得好惹味 另外老火湯真係碗碗都有鮑魚仔當日小妹都飲左兩碗暖胃 食多兩粒鮑魚仔當回本食足3個鐘 掃埋甜品 食到肚滿腸肥 可以收隊