大滿喜日本料理 (已結業)

早排同朋友去左觀塘行街，諗住是旦搵下啲野食，後尾都係決定左去食放題，見價錢又接受到😀原本對呢間冇乜期望，因為好似無乜點聽過，點知食完發現係比期望中好，都幾高質👍🏻👍🏻岩岩入到間鋪，見到啲裝修都幾好，環境都幾乾淨，而坐既地方都幾闊，唔洗屬似同隔地台逼好埋咁，都幾舒服幾唔錯☺️放題岩岩開始就當然要食刺身啦，而小編我最愛既就係甜蝦，不過蝦呢啲間間既質素都有所參差，不過呢間既蝦竟然喜出望外，小編感到驚喜🤤除左刺身之外，最令小編驚喜嘅就係火焰壽司同甜品，見到火焰壽司的賣相就知道呢間放題既壽司製作一定係擺咗心機落去，而並非hea🙈👍🏻而甜品方面，甜品嘅款式有好多亦賣相精美，都係令到小編感到驚喜😆😆相信下次到觀塘應該會再試呢間放題🎉👍🏻

前果排同朋友一齊去食放題 聽屋企人講呢間唔錯就試下啦😆間餐廳環境唔錯 坐既位置都夠闊落 唔會太逼😆同埋最令我驚喜既一點係佢張枱夠大 啱曬食放題可以一次嗌好多食野 可以夠位擺😍食物都相當唔錯 啲魚生雖然種類唔會特別多 但勝在新鮮😍🤤🤤同埋佢啲食物全部都細細碟 可以試好多款 好似個手卷咁 一啖就食得曬 唔會太飽肚 但大食既朋友可能要叫多幾個先夠飽喇😂😆我食放題都幾重視野飲呢一part 得啲野好食冇野飲都冇癮🤕😂但呢間放題既飲品好多種類 好多選擇 有室溫有熱有凍😆我同啲fd都覺得好驚喜 我地都揀到自己中意飲既😍真係好滿足😍😆我覺得呢間放題啱曬貪心既人😂因爲可以一次過試好多種野食 好多野飲 滿足曬啲願望😆😆😆值得encore!!!!!

同成班朋友去食放題，價錢都唔算貴，直頭係我哋打工仔既恩物啊！！首先一入到去就覺得環境唔錯，啲位夠闊落，張枱都夠大，放得落好多我頭先行街買既野，啲staff服務好好，刺身切得幾厚，算係幾新鮮，而壽司舊飯細細舊，唔會咁快撐飽個肚，仲有手卷都唔錯，特別係芒果軟殻蟹手卷，酸酸甜甜幾好味，另外炸物都好正，啱啱炸起熱辣辣，大埋番薯天婦羅，刺身船其實超正，賣相精美吸引，有三文魚啦、北海道帶子、油甘魚、甜蝦、八爪魚、北寄貝、希靈魚、象拔蚌，全部都十分新鮮甜美，沒有腥味，特別係推介北海道帶子，象拔蚌， 壽司款式多而且新穎～芝士燒三文魚、蒲燒鰻魚、七味辣牛肉，火炙XO醬帆立貝，又新鮮，一個字正！！

得閒無野做當然要去食下放題啦,食放題似乎已經成為香港人嘅習慣， 今次嚟到觀塘呢間放題， 除咗平時有得食嘅嘢之外，仲有得食磯燒海鮮, 聽到已經流口水!! 一嚟到就叫咗個海鮮盤， 未開始食已經流曬口水喇！完全感受到佢食材新鮮嘅程度！影相先！除咗燒海鮮，當然食埋燒菠蘿啦！香港人鍾意新鮮，時刻都要保持新鮮感，梗係得閒就要有啲新搞作啦！ 每枱都有一個爐，上面放咗個鐵絲網，咁樣燒住啲海鮮，好快就可以食得！啲海鮮燒起上黎真係別有一番風味！其中最鍾意嘅係蟹蓋！

同成班fd去食放題，諗住價錢唔算貴就冇乜期望啦，點知又幾有驚喜喎，直頭係我哋呢啲小資女嘅恩物啊～首先一入到去就覺得環境唔錯，啲位夠闊落，張枱都夠大，放得落好多嘢XD啲staff服務好好，會主動幫手收走啲空碟，上嘢都上得幾快刺身切得幾厚，算係幾新鮮，而壽司舊飯細細舊，唔會咁快撐飽你個肚，仲有手卷都唔錯，特別係芒果軟殻蟹手卷，酸酸甜甜幾好味另外炸嘢都好正，啱啱炸起熱辣辣，大推番薯天婦羅，外脆內軟又夠甜🤤最驚喜嘅係甜品！最鍾意嘅係楊枝甘露糕，唔膩反而好開胃，brownie嘅朱古力味夠濃，但又唔會話太甜最後記得記得要去出面拎嘢飲同雪糕啊，飲品種類算多，最特別係有梅酒同清酒，而雪糕方面竟然有我最鍾意嘅韓國雪條😍呢間放題cp值算係高，下次再嚟食先～

第一次去食lunch既放題，結果都係冇令我失望！！一開波緊係要食刺身啦！d蝦d膏多到嚇親😂😂但食落一d都唔腥！而且夠晒凍，好味！三文魚嗰啲紋都分布得好好，油脂比例啱啱好。另外，佢個八爪魚都比到驚喜，食落去一啲都唔韌，唔會咬到牙骹軟呀😂😂之後就開始食佢啲熟食，芝麻雞翼！！My Favourite!!佢個皮炸到好香脆，但入面d肉仲係好juicy!!我真係忍唔住encore多2round!!!另外佢個吉列蠔都好好食，啲粉都唔係好厚，隻蠔都唔會乾爭爭🤣我哋仲嗌咗d手卷, 佢個size啱啱好，唔會太大件，如果唔係食一件就飽🙄佢d炙燒壽司都好味！芝士簡直幫個壽司畫龍點晴左😍😍好味道。放題次次食到甜品都食唔落，我哋揀咗啲每樣少少試吓，因為真係太飽喇。但係個牛奶布甸大家真係要試吓！

刺身: 選擇都算多,有三文魚,甜蝦,油甘魚, 帶子,北寄貝,八爪魚等等. 刺身夠厚切夠新鮮,自己比較鍾意三文魚,超厚切!!夠肥美!! 最後食左兩轉三文魚😛至愛燒鯖魚: 原來以為係一小舊, 點知一上檯見到係一大條, 份外驚喜😬花膠雞煲: 其他放題好少見! 原本諗住只會普普通通, 點知個花膠都算大同埋個湯都好飲, 值得一試!總括呢度食物味道算唔錯,選擇多,地點又近APM, 岩晒行完街想食放題滿足一下😛😛

約埋好姊妹吹水，水真係吹得越耐越好，晏晝時間食乜可以吹咁耐，梗係放題la！係觀塘食放題都係第一次，我以為觀塘所有食肆都係apm入面，原來apm隔離都會有放題食。時間仲早，搭𨋢上到去都要我哋坐喺度等，等佢叫位呀！ 入到去我哋第一時間走去睇下有咩嘢飲，啊啊啊啊原來有好多種類，我諗唔到晏晝都會有酒飲，清酒梅酒仲係任飲，味道雖然係一般但係任飲已經勁抵！ 寫纸仔等緊嘢食嘅時候見到好多人走出去排隊攞嘢，攞乜嘢？我都想去睇多份，原來係沙律同埋小食任食。 食食下嗰啲魚生壽司送嚟，都幾快嘅因為晏晝個個趕返工嘅時間，刺身大塊，好肥美，壽司係一囗，唔硬飯。 燒菠蘿幾甜唔會拮脷。 炸物ok囉，未到差這方面，我話超好味就係呃你啫！唔太油係真嘅！ 烤羊架有羊味都唔會唔ok，烤得唔會太熟如果你唔奄尖嘅話都得嘅！ 甜品除咗雪條仲有啫喱布甸呢啲，咁樣咪ok囉！最緊要就係同姐妹一邊吹一邊食，侍應好nice唔會阻人發達，唔會係咁催人走。

今日朋友帶左我去試食呢間，原來係我8月尾係旺角食個間既分店。我地大約6點鐘入座，可能今日星期三，入到去都仲有好多位。入到去個侍應帶左我地去一張2人座，間餐廳見到明顯既2人座區，4人卡位，同埋後面大卡位（應該可以坐6個人的），算係一間人流管理唔錯既餐廳。呢間就眼睇比旺角個間少左部Yogurt機，Salad Bar，斟酒bar，甜品bar等，不過都有得拎飲品同雪糕。張2人座雖然望落好細，但都夠位擺食物。第一碟上菜既係羊架，有d Surprise，因為平時食放題第一碟一定係刺身！因為羊架通常都要燒又要落哂d調味料先出。雖然無咁新鮮，但都幾大件，夠味。之後我就去左洗手準備開大餐miss 左第2至4碟上菜既時間，不過我之後有問番朋友既。第二碟係燒雞軟骨串，食落幾好味，夠咸，夠脆，尚算ok。（因為朋友已經等唔切我已經開左餐，每碟都食左一半，為左唔影響以下食物既美感，我無影到相）第三碟到既係天婦羅蝦同蟹棒，食落去無粉味，唔油，已經比起其他放題餐廳係唔錯，加上唔駛點豉油都好味，呢個值得一試!第四碟上既係期待左好耐既刺身!!我地每款都叫左5件，有三文魚、海立魚、甜蝦、八爪魚、北寄貝、象拔蚌、帶子、白鳥貝

每年11月 都有個日子要興祝 唔係雙11哩啲無喱頭節日 而係老豆生日 佢食開東南亞菜既 我就話阿媽想食sushi 但無緊要 孝順又聰明既我 更係唔會順得哥情失嫂意啦 一於就去觀塘大滿喜 方便就腳 唔好講咁多 去圖講明興祝 飲兩杯少不免 老豆同我就飲清酒 佢老婆就飲梅酒咁靚刺身一上 Tum 到佢老婆鬼死咁開心 唔好以為影相用 啲野堅新鮮 有鮑片 仲煙韌過佢兩公婆燒物非常岩老豆口味 老豆食燒烤大既整左個人参雞湯比佢補補 佢可能有用佢地食好野 我都唔輸 有卷物 海膽手卷甜 唔腥最後整返個七色甜品 佢老婆以為自己生日其實我真係好鐘意食放題 平靚正 又有得揀 唔使拗食物 生曰快樂 老豆

這是我第二次去吃大滿喜啦 上一次是比較多人 而這一次是兩個人去 我們本來book了7點鐘的 可是我們早到了 於是就六點半已經入席了 這裡的員工很nice我們一坐下，就拿上新鮮的刺身 每樣每人都有4件 而我們最喜歡的就是甜蝦 又大隻又新鮮 放題來說是真的不錯 這裡的飲料很多款式 常溫和凍的都有 任你選擇 還要不是cheap的 令我印象大增 之後我們叫了點炸物還有壽司 炸物就不過不失 我最愛就是燒牛肉和帆立貝 吃完忍不住encore了 之後吃了蒸鍋 我叫了開邊蝦 花甲 還有聖子 蝦和花甲是很新鮮的 聖子就一般 因為很小隻 沒什麼咬口 之後選了人參雞湯 小小盅 很適合我樣樣都想試的心態 出乎意料地好喝 不是很假的味精湯 最後選擇了一些甜品 唯一敗筆就是甜品 真的不出色 但是 有韓國雪條和雪米磁提供 還算不失望整體而言 200多的價錢來說 cp值是真的挺高的 推薦。

今日難得約到一個勁來冇見的朋友😍，一齊去左食n年都唔食一次的日本放題🍣🥗🍲。本身諗住星期五食嘅，但係驚太多人所以book咗星期二食。首先入到去佢會介紹返個蒸煱🥘，同埋自動比一盤刺身🍣俾你食先啦，我同我個friend加埋兩個人佢就每款刺身比左4件我哋，雖然我唔係好食生嘅嘢，但係我個friend就話係呢度啲刺身🐡🐟🐠，係好新鮮，重好甜tim😙。但其實一去到坐底左，等店員講完野之後，我地就即刻走咗去拎飲品，我哋見到嗰啲飲品都有好多唔同野揀，仲好細心感，有凍同唔凍的野飲揀呀，對於我呢個唔飲凍野嘅人嚟講真係正嫁❤️。壽司就好快到咗，我見到嗰啲壽司呢其實好細件嘅，就唔使驚個d壽司係勁大件，搞到好快就飽食唔到其他野。喺嗰度我最鍾意食嘅京係牛柳粒我覺得真係滑唔會有根，重冇肥肉tim😻。之後重飲左湯，個度d湯係用平時去飲茶的杯，所以唔會太多，岩岩好。甜品都係細細件，不過中2食甜品的人就要叫多几件lu。

朝早冇食早餐，晏晝要趕project，淨係食左個包，心郁郁就想瘋狂食好西🤤於是同事就話不如係公司附近食放題，見隔黎撞正大喜屋就入去試下！入到去D坐位都幾闊，裝修仍唔錯，選擇多，不過諗住通常裝修好食物都一般，點知大跌眼鏡，第一輪上碟既緊係刺身。見到即刻嘩左聲，好靚～😍賣相十分出色，魚生係我食過既咁多間放題中尚算新鮮，味道鮮甜，不過蝦就一般啦。跟住就試下串燒香腸既香草味好濃郁，香草控表示真係食過番尋味😋😋之後雞肉烤串我去間間放題都會點，但呢間絕對係我既前三名以內，不過呢碟野既美中不足就係翠玉瓜落得太多胡椒，搞到係咁咳，好彩有烏龍茶飲balance下。榴連炸彈皮薄餡多，仲好濃既榴連味，食完唔夠喉仲哎左幾個，唔錯唔錯👍🏿牛奶海鮮鍋冇得彈👍🏿👍🏿👍🏿咁多個之中我最中意，一D腥味都冇而且好鮮甜，唔係飽得濟真心想再叫多個😍😍😍下次要食得有策略D呢幾個有創意，又是牛油果又奇異果，不過不失啦。黑松露三文魚幾香，不過三文魚味就唔突出，但係鰻魚都唔錯。呢到仲有樣野幾新意同好吸引我，就係可以自己order海鮮自己蒸，真係幾好玩，而且帶子好好食幾有𡁻勁，不過生蠔蒸熟縮水縮得好勁，加上冇調味所以冇乜特別。甜品賣相

我好耐都冇食個放題啦聽到朋友介紹呢間， 即刻搵朋友陪我食，本身都唔知有蒸爐，係有啲驚喜首先餐廳環境都唔錯嘅，地理位置都唔算唔方便服務態度又好好 10分推薦大家去呢間，價錢都OK！唔講咁多即刻去睇相啦佢個賣相好新鮮，同埋好好好吸引一嚟到有好大炸乾冰好多煙，好鬼死正。我忍唔住即刻用手機影低。跟住呢個就真係要重點介紹啦呢個係用蒸籠蒸嘅，超級好味！佢有一個蒜蓉蝦，但係唔記得影相佢份量又唔會太細，唔會好un胃！你睇下！佢真係原隻帶子咁樣俾你唔係講笑呢個真係一定要食呀呢個黑松露三文魚壽司超級經典！非常之易入口！三文魚有三文魚味，黑松露黑松露味！雖然我好似講緊廢話， 但係佢味道鮮明呢個沙嗲串入面有豬肉，雞肉，啲雞肉串燒好好好味， 我同朋友食咗好多串呢啲都係食極唔厭！呢個睇落去好普通但係我呢個係個人極度極度極度極度鍾意嘅因為佢個牛奶湯味好重牛奶味！ 真係好似牛奶咁飲好鬼死正呀呢個芝士焗帶子， 普普通通同平時食開嘅一樣， 不過都好好味嘅最後就係甜品啦甜品份量好少， 所以叫咗好多款同埋佢嘅無限供應嘅雪條有哈密瓜味,朱古力味，香蕉味， 任君選擇！

仔仔成日都話要去食放題，又唔知媽咪賺錢辛苦，不過算啦偶爾食下都冇乜大所謂， 今次就去咗觀塘嗰間大滿喜食。食放題嘅，好多時都有唔同嘅優惠，唔同時間當然又有唔同嘅收費，自己係要睇下，我喺呢度唔會寫咁清楚，費事一陣間有朋友仔喺唔同時間嚟咗又話收費唔一樣又鬧鬼我呢度除咗係入單叫嘢食之外，出面仲有個吧檯有好多嘢食。正常嚟講，食放題一定就係食刺身先，呢度啲刺身都唔錯，起碼就係魚有魚味蝦有蝦味，叫嗰啲刺身係都畀得足，冇漏單，可能每個人對食物嘅要求唔同，我就覺得呢度啲刺身都ok唔錯嘅。叫完刺身之後，當然就係食壽司同埋手捲嘅時間，壽司件件都握得好似唔錯，最起碼個樣都四四正正，其實壽司種類就有好多，基本上唔可以食得曬，所以都係揀啲自己同個仔比較鍾意食嘅壽司，啲手捲都係唔錯，而且手捲梗係要盡快食啦。跟住又叫雞肉串燒同埋一口牛肉嚟食，其實好難講啲味道係點樣，因為都係正正常常嗰啲嘅味道，唔會話特別好驚喜好好食嗰種，又唔會話好難食咁樣。最正就係原來呢度有鮑魚湯飲，係唔係原盅燉我就唔夠膽講，不過味道都算ok啦，最起碼見到鮑魚粒啦，放題嚟講算唔錯啦。