大滿喜日本料理 (已結業)

係觀塘附近行完街，等朋友收工，又想食放題，好彩係觀塘都唔難搵既，今日黎到呢間放題，但咁岩撞正收工時間，所以係樓下等LIFT既人係好多多多...所以上去食野既朋友，記得要預時間等LIFT上去先到餐廳呀!!!食物既選擇都好多，而且飲品可以自己出去拎，但地方唔大，所以會有D吵，但食物質素都唔太差，一班人黎happy下都唔錯嫁!!!而且上菜都幾快，唔會等好耐，溜單情況都唔多，比較小，有時間想係呢到食個放題都可以一試既

今日阿女放磅，得知佢可以入到心儀既中學，為左獎勵佢，當然係要同佢去食放題！放題係官塘唔算多選擇，今次我地就去左 - 大滿喜.一到埗,見到好多辛辛學子都係同父母慶祝食放題!阿女最鍾意食三文魚刺身，一坐低就點左大大份既刺身，有三文魚、新鮮帶子、甜蝦、螺肉、鮑魚片......看見佢食得好滿足既樣，感覺呢一年既努力無白費！我比較鍾意呢度既熟食，芝士焗帶子我極力推薦,海蝦鮮甜又彈牙 ,芝麻雞翼好香口，燒菠蘿酸酸甜甜好醒胃!松葉蟹腳啖啖肉好好食,鰻魚飯好甘香！至於串燒出到黎既效果就好麻麻，睇到都唔想食，希望可以再改善！

放咗工約咗朋友喺觀塘大滿喜食放題，貪佢係地鐵附近，行6分鐘就到，仲有早時段時間優惠，由五點半開始食到7點半都係$188，價錢吸引得黎又唔算貴！食完仲可以唔使咁趕返屋企，仲可以慢慢行下消化一下d美食！一開始我地當然係點人人都喜愛既刺身，嘩！上菜既速度快靚正，伴碟既冰塊散出黎既煙霧好鬼有仙境feel!呢度最值得一讚既就係佢嘅上菜速度真係好快，一眨眼就上晒所我哋所點嘅食物！擺到成枱都係，感覺上好豐富好多食物好有満足感😋😋😋再講下呢度既食物啦，炸物脆卜卜，刺身够新鮮，有新鮮帶子、厚切三文魚、甜蝦、希靈魚、螺肉.....牛粒大大粒，靖魚好好味，款式都算多，味道不過不失，迎合香港人口味，如果侍應既態度好返小小就好了！我最鍾意呢度既焦糖燉蛋，好香好好味，唔太甜，食多幾個都仲得！我一共食左10個先收手！比較搞笑既係係呢度居然食到馬拉盞炒通菜，味道拍得住出面食既泰國菜！係我第二喜愛食物！最後當然係食埋雪糕先走啦！

大滿喜 我真係好鍾意食放題，大大小小嘅放題都會去試，今日去咗觀塘食大滿喜，好耐冇食呢一間放題，放題嘅食肆越開越多，呢間都是老牌子，冇平常嘅自助吧，不過唔緊要，大家可以更加專心咁樣一路食飯一路傾計。刺身係必食嘅推介，刺身一定要新鮮，呢一間就做到啦，同埋佢嘅切三文魚刺身係厚切，帶子都好大隻又新鮮，朋友最鍾意食蝦，絕對滿足佢嘅需要。好鍾意食嗰個芝士焗帶子，餐廳將帶子起肉，然後加上紀念冊，焗到有一種焦香。一邊嘅汁都好滑，好creamy ,我非常鍾意食。蟹子沙律，雖然好似好平凡，但係食材新鮮，所以每一次食都起碼要叫兩客先夠。到我最喜歡的環節，就是甜品，感覺上食咁多間放題，我最滿意係焦糖燉蛋，個焦糖好甘香，之後啲蛋燉得啱啱好，所以我極力推薦尼到大滿喜，一定嘗試個焦糖燉蛋，價錢實惠，下次一定要再次光顧。

大滿喜 今日同朋友食放題，要就佢住觀塘，本來想去極尚，點知超多人，所以去咗大滿喜。呢度雖然冇自助吧枱，不過上菜夠快，同埋七點半之前買單，只係＄188 ,都幾抵食。食放題，可以食刺身，一大片刺身，仲要噴煙，真係不得了，非常吸引，仲要好新鮮添。刺身嘅種類同平時嘅放題差不多，帶子好鮮甜，淨係蝦嘅刺身都有兩款，蝦迷必點，虎蝦又大隻又超鮮甜啦。黃金蝦炒得好靚，真係超驚喜，啲蛋黃包住隻蝦，炒得均勻又唔會太油。串燒翠玉瓜真係推介，燒得剛剛好，配上孜然粉惹味十足。羊扒亦都係大家一致推介，唔會太乾身。食到最後，大家一定要叫甜品啦，推介佢嘅焦糖燉蛋，比我想像中好食，燉蛋上面有一層薄薄焦糖，而且燉蛋甜度適中，唔會太甜，比燉奶出色，係必選嘅推介。。飲品櫃有凍嘅梅酒同清酒，可惜冇熱嘅清酒，其餘一半嘅選擇都幾多，不過飲杯酒，輕輕鬆鬆咁樣傾計已經好開心。

好耐冇食放題啦， 今次去咗觀塘大滿喜度食， 呢間我都嚟過㗎啦， 價錢食物都ok， 所以今次又帶屋企人去食， 貪呢度方便丫嘛， 收工過嚟就到。一早book咗位， 所以去到等一陣就可以入去食啦， 即刻嗌咗刺身先， 在嗌緊其他嘢食嘅時候，刺身就到，好有速度，正。刺身都有好多選擇，當中三文魚，甜蝦，松葉蟹，帶子，都好出色， 好鮮甜。壽司冇特別嗌，但都食左花之戀， 海膽手捲，好味。仲想讚下佢啲熟食， 好多元化， 而且幾高質， 花膠鵝掌鮑魚呢d貴價食物都有， 上碟都係熱既，幾正，父母最愛。整體都好滿意，帶屋企人嚟食就最啱喇。

今日黎到觀塘，偶然俾我發現左間高質放題店。唔單止刺身新鮮，放題黎講，價錢亦相當實惠。今日禮拜四，只要係7點15分前離座，每個人頭只需要俾$168，性價比超高！一開始梗係食左刺身先！落單後唔洗十分鐘，一盆精緻既刺身盤已經送到眼前，仲有乾冰裝飾，頓時充滿仙氣，岩曬各位鐘意打卡既朋友仔。平時食放題，最怕刺身唔新鮮。而呢度既刺身鮮甜之餘，份量亦相當慷慨，可謂質量兼備。而當中我最愛帶子同油甘油，非常肥美，令人上癮，結果我地足足嗌左三次刺身先肯罷休。除左刺身，壽司都唔錯。當中左口魚壽司最討我歡心，調味恰如其分，岩曬我。一口一粒，夠曬迷你，個胃可以預留位置裝其他食物，一次過試曬多種款式！除左刺身同壽司，當然唔少得熟食。先黎個鍋物 —— 冬蔭公湯，味道偏酸，辣度不高，超級開胃。而且入面仲有唔同海鮮，有蝦同青口，非常豐富呀～土匪雞翼：雞翼皮脆肉嫩，唔會乾爭爭無曬水份，值得一試。另外各款串燒都非常推介，新加坡沙爹雞串同日式雞肉串都係必食，多汁又好味。甜品除左日韓雪條之外，仲有燉蛋白，雕魚燒等等，選擇都幾多。蛋白好香甜，有淡淡奶香。而雕魚燒熱辣辣，入面仲有微甜既紅豆蓉，為今餐畫上完美既句號。食到飽一飽，咁多

今天友人生日，所以約他一同去品嚐大滿喜日本料理。先看看地理位置，座落於鄰近apm的亞太中心10樓，十分方便，當日我早到了都是在apm逛逛街然後就行過亞太中心。第一道菜上的是刺身拼盤，款色都頗多，三文魚入口即溶，當中我個人最喜愛甜蝦，徐徐放入口中享受甘甜的味道，確實好吃。然後到熟食，先上的是燒菠蘿，的確色香味俱全，陣陣菠蘿幽香從碟中傳到鼻子裡，再看菠蘿賣相，不會燒得過份爛熟，保有一定水分，淺嚐一口，菠蘿汁四處溢出，十分juicy，加上甜甜果肉完全不黏牙，好食！再來是沖繩網燒牛肩肉，配上燒汁，更加帶出牛味，而且牛肩肉相當鮮嫩，令人再三回味！吃到咁上下，點了個鮑魚翅燉湯，用茶杯上碟，看起來不太大，不過裡面卻有齊鮑魚、冬菇、魚翅，真是麻雀雖小，五臟俱全。喝下一口，湯十分濃郁，鮑魚亦帶有鮮味，可見用料新鮮。喝畢，剛好端上剛才一拼點的炸物，有榴蓮炸彈，芝士年糕，吉列炸蠔，榴蓮炸彈入口爆汁，濃郁榴蓮香氣充滿口中，芝士年糕亦很煙韌，可以拉出長長的芝士絲，喜歡芝士的你當然不可錯過，吉列炸蠔的炸粉不算很多，加上蠔亦算大隻，不會變成吉列炸粉！

今日同朋友去觀塘亞太中心10樓嘅大滿喜日本料理食放題, 見分開訂座與沒有訂座隊入場，這個安排不錯，沒有訂座的顧客也可以品嚐美食，店配以絨布座椅很舒服。職員招呼入座後，我地先點左不同刺身。有三文魚丶帶子丶玉子丶北寄貝和油甘魚等，全部都很新鮮沒有雪味，尤其係甜蝦十分甘甜，我地都連續點左幾轉。在炸物方面，天婦羅同炸番薯係唔錯嘅選擇，天婦羅炸得好香脆，而番薯亦都非常甜，細細件唔會太飽肚，可以留肚食其他野。另外炸物亦有榴槤炸彈丶芝士年糕丶吉列炸蠔等，全部熱辣辣上枱十分滋味！壽司同手卷亦有很多選擇，有辣味三文魚手卷丶龍蝦沙律手卷等，仲有經典嘅芒果軟殼蟹手卷以及海膽手卷。雖然手卷細細件但係好足料，係扺食之選。卷物方面，忌廉芝士三文魚卷更加係我的最愛，忌廉芝士同三文魚意想不到地匹配，加上牛油果餡口感豐富。另外亦品嚐了三文魚親子沙律卷以及芝心鰻魚卷，同樣是不錯的選擇。仲有大熱既韓國MELONA雪條同雪米糍，夾埋有十幾種可以揀。又有飲品和甜品。

剌身壽司都keep到幾新鮮,幾好味~ 但熟食同甜品就差左好多...常點既佛跳牆炒飯無左,燉湯啲料又少左,啲牛柳粒牛肩肉燒羊架全部”韌”到食唔到...煱物啲肥牛又係食唔到...新加既乳鴿又燒到乾曬黑炆炆成舊灰咁...相都唔想影🙈 最差係甜品,食開既牛乳布甸而家勁難食,用粉開既...brownie蛋糕仔芒果糯米池都無曬,新加果啲全部都勁難食,只可以食雪櫃啲雪條~ 一直幫襯左好耐,尋晚食真係失望,短期內唔敢再去~

唔知大家有冇試過午餐食放題？ 見今日星期三，平日的中午呢間係觀塘的放題午市有優惠3小時任飲任食，於是就約左個老死一齊留左個下就去豪食。由亞太中心上去，一出lift就見到餐廳的裝潢幾亮麗，燈光夠鮮明，唔會好似有啲日本餐廳咁，成間黑漆漆，食左啲咩落肚都睇唔到。放題一黎到當然要叫返架刺身船先啦，有我最愛的三文魚、赤蝦、帶子、北寄貝，魚生好新鮮，食到魚的鮮甜味，不錯👍🏻值得一提係我填左每款刺身四至五件，兩人份，黎得好足，而且成程都冇漏單，抵讚！！壽司🍣方面就叫左蟹棒、鰻魚、帆立貝！面頭輕輕火炙過，更加香口，唔會好燶。小食方面，我地食過最好食的芝麻雞翼同埋雞軟骨串燒，不停Encore！凍熱飲品、雪糕雪條、沙津吧都係自助的，好多款，有三個鐘比我地慢慢試晒佢😝😝

今日同朋友即興去食Lunch放題，大滿喜出名抵食，地方又方便，觀塘地鐵站和Apm隔離，12點去到，餐廳剛剛好開門！包保食物同刺身會好新鮮！餐廳提供自助Salad Bar，仲有唔少生果、熟食。不過胃食嘅我第一時間都係衝返位到點野食先！哈哈每次放題的重頭戲當然是刺身！一上枱，船形的刺身盤仲有乾冰不斷噴氣，我們將每類刺身都點了，個人最愛三文魚、赤蝦！非常厚身！啖啖肉！之後都忍唔住encore幾次～壽司方面，我個人最推薦我最愛嘅鰻魚卷，餐廳好貼心咁包到好細舊嘅壽司飯配上大大塊鰻魚！完全唔怕食哂啲Quota😂呢杯人參雞湯好易入口，唔會好苦，又唔會好大陣藥材味！健康之選！呢條鯖魚有手掌咁大條，燒到魚皮好脆，再淋上少少檸檬，特別滋味～咁多種熟食，我最喜歡芝麻雞翼！香脆多汁！而且好淋，啲雞肉唔會痴住雞骨到！有水準～雪櫃裡面有多款雪糕、雪條，見自己八成飽即係衝去食住先！最後我揀哂所有甜品嚟個Happy Ending! 咁多款最愛焦糖布丁～面頭嘅焦糖脆卜卜配上滑捋捋嘅布丁！好味！

幾個朋友約埋食生日飯，就腳關係揀咗喺觀塘，攪手知道主角鍾意食日本野，就一早訂左呢一間大滿喜放題好彩一早訂好位，見到全院滿座，你到時見有其他人想Walkin食都無位坐底拿拿聲叫野食先，選擇夠晒多，生既熟既都應有盡有，要俾個like 刺身嘅選擇都非常之多喎，果然無揀錯地方幫朋友慶生飲品就同一般放題咁有自助飲品區，特別既地方係竟然有好似便利店既熱飲櫃，會有熱既紙包飲品拎刺身嚟到喇！嘩，都唔馬虎好似一d放題求其比幾塊你咁，我地4個人，但每款都俾6-8塊，同埋都好新鮮，放題嘅好處食品都會流轉得快，俾得既都會新鮮不過每樣6-8塊點夠鍾意食日本野既我地，食完立即叫多round 竟然有海膽手卷！雖然係一口既Size, 不過放題嘛，可以無限encore熟食都唔錯，天婦羅食得出係即叫即炸壽司唔會得魚生加一舊飯咁簡單，都有不同嘅處理手法同調味，有heart!牛柳粒都水準之作焗帶子，芝士味都好香，好食！串燒都好好食唔知由幾時開始，食放題一定要食蟹粥，好似已經係習慣

日式放題開到成行成市，旺角尖沙咀地區閒閒地叫價300起，想食又平又好食既放題，我一定尼觀塘食呢間位於亞太中心既大滿喜我已經食過幾次，相比起同一幢大廈其他既日式放題，呢間坐得舒服D, 環境冇咁嘈。晚市5:15 段時間係會平D既，食完仲可以行吓APM或者返屋企煲劇，簡直一舉兩得啦。首先刺身，寫咁多件真係比足咁多件，帶子、三文魚、甜蝦、赤蝦、螺、玉子都好有水準黑松露三文魚腩壽司，魚腩超級肥美，大滿足，後來有再追加架。XO醬帆立貝壽司，加左XO醬都幾夾牛肉都幾淋既，加上醬汁都唔錯天婦羅蝦&紫心番薯上菜熱辣辣，炸粉落得岩岩好海膽手卷，SIZE 同壽司飯差唔多，食多幾舊都唔會好飽三文魚頭, 燒得好食沙嗲豬肉串，好泰式既味道，豬有肉汁蒜片牛柳粒，好淋蟹粥，2-3人份量，清甜，推介!飲品方面兩個凍櫃加一個熱櫃，好多選擇雪糕雪條雪米滋，推介韓國雪條甜品有好多選擇, 楊枝甘露，焦糖布丁，芝士餅都好食

幾個朋友幫我慶祝生日，佢哋知我鍾意食日本野，就一早book好左去食日式放題。大家都係觀塘人，就嚟咗呢間口碑很不錯嘅大滿喜日式放題食晚飯刺身選擇有10多款之多！款款都非常新鮮，我哋尤其鍾意食油金魚、甜蝦、玻璃蝦及北寄貝等，質素非常高食完一轉都唔夠，要再encore串燒款式也有很多，我哋叫咗雞軟骨、豬肉及雞肉等，肉質尚算鮮嫩，不會很「鞋」，味道也十非惹味！值得一讚嘅係呢隻燒蝦！大大隻，肉質爽口彈牙，非常新鮮，呢個超讚！似乎大家都特別鍾意食蝦呢個黃金蝦個外皮炸得非常香脆，食落口有啖啖的鹹蛋黃味，超邪惡估唔到個蟹粥都有大大件蟹肉，粥底都幾鮮甜熱湯烏冬細細碗咁，食到尾聲時食幾啖，食完啱啱好，飽晒！自助區域有款式十分繁多嘅飲品！冰櫃嘅雪糕雪條種類也非常多，如果唔係咁飽真係想食晒佢哋