大滿喜日本料理 (已結業)

今日阿女放磅，得知佢可以入到心儀既中學，為左獎勵佢，當然係要同佢去食放題！放題係官塘唔算多選擇，今次我地就去左 - 大滿喜.一到埗,見到好多辛辛學子都係同父母慶祝食放題!阿女最鍾意食三文魚刺身，一坐低就點左大大份既刺身，有三文魚、新鮮帶子、甜蝦、螺肉、鮑魚片......看見佢食得好滿足既樣，感覺呢一年既努力無白費！我比較鍾意呢度既熟食，芝士焗帶子我極力推薦,海蝦鮮甜又彈牙 ,芝麻雞翼好香口，燒菠蘿酸酸甜甜好醒胃!松葉蟹腳啖啖肉好好食,鰻魚飯好甘香！至於串燒出到黎既效果就好麻麻，睇到都唔想食，希望可以再改善！