大滿喜日本料理 (已結業)

食放題一定要約埋三五知己一齊食先夠開心！今次個聚會已經約咗好耐，咁耐冇見，當然要大擦一餐，一路食一路傾計！而首選就當然係去食日式放題啦晚市放題時段為兩小時任食，星期一至四及假日嘅價錢略有不同，而不同時段亦有不同嘅收費，價錢最貴都只係$258一個人，其實都幾抵食一坐低先來個刺身拼盤！我哋所有款式都有嗌少量，好快就俾我哋食晒要再encore！佢既刺身真係又鮮又甜，非常抵讚連海膽都有得任食芝士焗帶子，送上來嘅時候熱到辣手，真係即叫即焗嘅呢！佢嘅燉湯有兩款，分別係人蔘雞湯及海螺鮑魚湯，感覺冇乜味精，飲落清新鮮甜及舒服！鍾意食榴槤嘅你一定要試吓呢個榴槤炸彈！佢外表係一層煙煙銀銀嘅糯米，入面包住榴槤蓉，非常香濃好食！日式炸天婦羅都做得十分出色，款式選擇亦很多。除咗飲品櫃入邊嘅飲品之外，鍾意熱飲嘅人都可以選擇熱綠茶、熱水或熱柑橘等。飲品種類超多仲有個雪糕櫃，佢嘅雪條同雪糕選擇亦都十分豐富呢！

老豆生日，諗住請佢食一餐豐富啲嘅大餐！因為老豆都鍾意食日本魚生，咁就決定食日式放題，我地最後決定近近地去位於觀塘亞太中心嘅大滿喜大擦一餐點菜紙嘅分類已經有10多款之多，非常誇張！一開始梗係先食個魚生先啦！我哋每樣都有點，當中甜蝦、玻璃蝦、鮮螺肉、油甘魚、鮮帶子同北寄貝等最為鮮甜味美，老豆大贊海膽手卷細細舊，一啖過啱啱好。壽司嘅款式亦都唔少呢！我最鍾意食炙燒左口魚！日式天婦羅嘅款式亦都唔少。炸蝦大大隻，啖啖肉！日本皇帝蟹柳亦都超巨型，而日式嘅蕃薯粒又甜又淋，超好味！日式蒜片燒牛柳粒。牛柳粒都算嫩滑多汁，燒汁亦都十分惹味，好食焗芝士帶子，送上來時仲係熱辣辣！串燒款選擇很多，我哋揀咗雞軟骨及牛舌阿媽最鍾意食魚，所以叫咗個鹽燒青魚比佢，佢都話魚肉滑滑又多汁泰式沙嗲串燒有雞肉同豬肉，兩者都十分惹味及嫩滑！有驚喜

一大班人食飯每人有唔同嘅口味 所以最好就係揀自動餐或者放題 今次就嚟到apm隔離呢間大滿喜 係食日式放題嘅舖頭 仲有磯燒海鮮食添 不過最後都係食普通放題 星期一至四 八點前離座價錢只係$208一位連埋加一都係唔使230蚊 價錢嚟講唔算貴 座位算闊落好多卡位 點菜紙有成十三張食物種類繁多 一坐低已經有個預設嘅刺身拼盤 唔會浪費一分一秒 有油金魚 希靈魚 帆立貝 帶子刺身 三文魚等等 全部多新鮮 而且仲係厚切 拼盤後面仲加上乾冰 d煙係咁湧出嚟 視覺效果十足 炸物叫咗番薯bb 皇帝蟹棒 芝士年糕 榴槤炸彈等等 全部夠熱夠脆卜卜 壽司都係唔錯嘅選擇 佢係微型版嘅壽司 小小飯 食多啲都唔怕會好快飽 個人最推薦鰻魚芝士卷 入面加咗忌廉芝士 好creamy 估唔到放題都有乳鴿食 個乳鴿仲係先滷水後炸脆 肉同骨都入曬味 超好食 有唔少嘅支裝嘢飲同埋雪條都係任攞

• 大滿喜日本料理• 觀塘觀塘道414號1亞太中心10樓真的棒，同時真的很佩服大滿喜，連乳鴿都有得食，而且肉質蠻嫩，味道不錯，超讚！！這裏除了有清酒任飲，還有冰凍梅酒，梅酒酒精濃度不高，反之梅香味濃！！前菜佳選，八爪魚，螺肉，鳳爪....冰冰涼涼很開胃！！海鮮鍋，有較特別的聖子，還有些蔬菜，湯底很鮮甜！！焗扇貝，味道一般，太濃味！！刺身十分新鮮，當中甜蝦鮮甜得停不了口，連蝦頭位都不可放過，吸吮到蝦膏的甘甜！！辣酒螺，只屬微辣！！咸蛋炒蝦，最近真的十分流行咸蛋做調味，咸蛋味爆米花，咸蛋味薯片，確實味道很夾！海膽手卷，新鮮不腥！！炒通菜，顏色嫩綠沒有炒黑，炒通菜真是一門高深學問！！人蔘雞湯，入口甘香，雖然小小一碗但落足料，一口氣飲了三碗！！

今日同朋友去開觀塘行街 經過apm嘅時候 朋友就話好肚餓 又話多多嘢都食得落 咁好啦 既然佢咁講 我哋就一齊去挑戰香港最有名嘅自助餐 即係日式放題啦 搜尋偉大嘅openrice 就搵到附近有一間叫做大滿喜嘅日式放題餐廳 咁我哋就決定上去 同各種珍貴嘅食材黎一場肉搏戰嘞好首先就有一個刺身拼盤 呢個刺身拼盤嘅擺盤非常之靚 點解咁講呢？因為廚師好貼心咁樣喺個碟上面擺上一樽裝有液態氮嘅樽 當刺身上枱嘅時候 成個盤就好似係仙境入面遊走一樣！ 好廢話少講 呢個刺身入面有帶子 甜蝦 北寄貝 希靈魚 珍寶赤蝦 油甘魚 三文魚 全部都非常之鮮味可口 唔似有啲舖頭咁樣畀啲冇咁新鮮嘅刺身人地食 非常之鮮甜 尤其是帶子同埋希靈魚 油甘魚亦都同其他魚一樣 非常之有魚味 北寄貝嘅口感非常之煙韌可口 極之正之後我哋就叫咗火灼三文魚壽司 黑松露三文魚壽司 火灼左口魚裙邊壽司 同埋一啲卷物 包括鰻魚卷 海膽手捲 呢個海膽手捲真係不得之了 因為係用上非常之新鮮鮮甜嘅海膽 極之正跟住就試下 芝士波波同埋芝士年糕 呢啲嘅芝士味非常之正 非常之香濃可口之後就試下燒乳鴿 燒雞肉串 同埋燒羊架 燒乳鴿喺其他日式放題都應該比較少有

其實呢間都預抵食唔算好多人，每次一班人去都有位，食物種類又多。如果食set lunch 配埋沙律吧任食再加埋嘢飲同湯。其實個沙律吧周不時都有唔同嘢食，有時係蔬菜水果沙律為主，有時係炸物，甜品，韓式唔同種類嘅泡菜都有，有肉類，每次去都唔同啱哂我。今日我就食左個極上刺身定食，魚生都算幾新鮮唔會切到好薄，份量都好夠。黎呢到lunch都係一個唔錯選擇

說起這間大滿喜對我一點都不陌生，皆因旺角分店已食了很多次印象良好，這次在開飯啦無意搜尋到這間觀塘分店，估計是新開分店來的，二話不說約朋友試一下！！！放題來說，我最喜歡食而且最有要求的莫過於刺身，這裏的刺身均很新鮮，食兩三回都值回票價了……甜蝦.赤蝦.希靈魚.榮螺.北寄貝.帶子最為喜歡，必食之選！！！花膠厚身，吸盡鮑汁精華十分入味！！！羊架燒得不錯，不會韌，肉質細滑！！！燒菠蘿可愛的新穎甜品，第一次食放題見到！！！“鯛魚燒...用麵粉糊包入紅豆餡燒成魚形狀...美味美味！！！小食：帶子裙邊，好爽口！！！小食：泰式生蝦，伴蝦汁既辣又酸，食得過癮！！！鹽燒海蝦炸物都有很多選擇。吉列蠔中的蠔，蠔味十足而且蠻大粒！！！牛奶海鮮鍋，熱騰騰的牛奶湯，飲落十分醒胃，而清淡的牛奶湯被海鮮增添了幾分鮮甜！！！

為左慶祝上哂堂就同左朋友食呢間大滿喜食完之後果然同佢個名一樣食完真係大滿喜食放題一上佢個刺身已經令人震驚點解可以成條船咁上好威之後仲有煙噴出黎成件事勁興奮 食落啖啖鮮甜真係好難忘仲有！！佢竟然有我放題最愛既生蝦bb真係叫出聲完全無個種雪味而係真係平時泰國餐廳既新鮮生蝦味覺得好滿足佢另外佢個泰tomyumsoup都好正勁足料成隻大蝦一野dum落去 成個湯都吸足哂佢既鮮味完全feel到有二萬隻蝦係我個口跳舞仲有佢堆炸物又係令人一試難忘全部都大大份勁抵食唔會話有好厚既炸粉一咬落去又熱又脆 完全係油炸食物既表表者佢堆壽司唔會話好似平時放題咁為左整飽你就整勁大舊飯而係壽司大過舊飯唔會覺得佢想整飽我而係真係想令我試真d個壽司必須力推佢既榴連波波本身我都無咩expectation唔諗住食而唔小心食左個朋友個舊之後即刻令我地榴連呢樣野有好大既改觀佢個榴連香係超勁基本上一咬一口就擁哂出黎好似千君萬馬既榴連向住我既方向奔走咁成餐放題都勁滿足有種好耐無食然後食到好心動既感覺以後要食放題都唔會再亂咁揀地方永遠都食呢一間就夠好開心好滿足

知道觀塘亞太中心呢度有好多餐廳，但一直都未試過。呢日就約咗朋友上嚟食久違嘅放題呢日9點半先上去，上到10樓，燈火通明，好大間！我坐喺近門口位，拎飲品同落單都十分方便最後食到差唔多完場先肯走 雖然嚟得日式放題都係想食日本野，但我地兩個都鍾意泰國野，見到紙仔有得，就即刻叫咗幾樣～生蝦時間嚟得啱啱好，酸辣嘅味道令人胃口大開另外仲嗌咗個冬陰功，十分之足料！最開心嘅就係呢隻刺身船！旁邊有個乾冰小壼一路好靚而且刺身都不錯～嚟多張煙霧彌漫嘅刺身船，上菜嗰時真係眼前一亮！接下嚟嘅手卷滴滴色色，啱哂中場休息食放題我地除咗刺身外，最鍾意就係炸物。炸物係即叫即炸嘅，所以比較遲上，一棒上嚟就feel到佢既熱力！搞笑嘅係，我地啦咗榴槤炸彈同紫芋波波，但次次都分唔到邊個打邊個。朋友一咬就發現食錯咗榴槤嘅，好彩佢唔怕榴槤，唔係就大件事壽司都幾精緻～細細件好適合放題嘅食法～牛油大蝦真係好好食！呢度嘅員工都好友好，而且今次去上菜快又冇漏單，食物仲要熱辣辣，真係大滿喜

平時依間餐廳都係夜晚黎食多，因為多數都係食放題，但原來中午飯都幾抵食喎。我地一行幾人就早幾日黎食lunch，都幾多選擇，而且價格唔貴。我叫左一個set 係海膽三文魚丼，有湯有野飲，都只係68加一，味道都不過不失，性價比好高。

今日朋友生日就去食放題賀賀佢，見呢間野食選擇比較多，所以選擇黎呢度。坐低睇睇餐牌果然好多選擇，連甜品選擇都零舍多。出到去飲品櫃，比起平時放題多好多選擇，而旁邊個雪糕櫃亦都係好多平時唔見的款式。先黎份刺身，款式都幾齊全，三文魚腩好肥厚又唔會得雪味，赤貝好爽口，帆立貝鮮甜，而且份刺身上台時好霸氣，煙霧四散，好有仙氣。到卷物，花之戀塊三文魚大大塊又夠鮮甜，另外鰻魚包住青瓜爽口之餘帶走油膩感。芝士帆立貝好出色，塊帆立貝好大塊，配埋芝士咸香味，再加埋沙律醬酸酸甜甜，食忍唔住再返加碼叫多兩份。海哲素翅，辣辣甜甜，好開胃。白雲鳳爪，好爽脆而且夠辣，食到停唔到口。扇貝裙邊，好大片，而且有少少芥末提味，好惹味。泰式生蝦好新鮮而且少少酸辣。

同事之前話食過呢間放題，話覺得好食，所以Happy friday帶我黎黎食選擇非常之多，令人花多眼亂一開始先黎左個刺身拼盤，整體都好新鮮，個人好中意食希靈魚，口感煙韌。而吞拿魚就好肥美，接近入口既溶芝麻雞翼大大隻，炸得好香口，外皮脆，但雞肉仲保持到鮮嫩。芝士年糕咬落煙煙韌韌，仲有芝士流出黎好正。榴連炸彈先係重點，裡面既榴連蓉好香，令人一試難忘手卷方面，我地叫左海膽同軟殼蟹，係一口size，好方便食。海膽都算鮮味，而軟殼蟹炸得脆卜卜，幾好食黃金炒蝦，係用咸蛋黃炒嘅，鹹蛋黃味都幾出，蝦肉爽口彈牙，味道好夾甜品方面，都有幾多選擇下，雪條仲要係高質嘅，有韓國牌子嘅雪條。另外我特別鍾意朱古力慕絲，朱古力味香濃，慕絲嘅口感軟滑飲品方面，係自助式嘅，客人可以去雪櫃嗰度自由攞咩野飲都得，非常方便呢個放題我都幾滿意，款式又多，味道又唔錯，同事果然冇介紹錯

收工同朋友仔嚟到觀塘亞太中心呢度食放題，由於好耐未食過放題，所以我哋都超級期待，早兩日已經book好位，一去到已經即刻可以入座時間尚早，但係已經坐滿晒人食物嘅款式非常之多，主要係日式，另外仲有一啲東南亞風情嘅食物飲品同埋雪糕都係自助形式嘅，自己鍾意食咩飲咩就隨便攞，款式都好多吓先來一個刺身，擺盤非常之靚，有我最愛嘅甜蝦刺身，鮮味爽口，三文魚係厚切嘅，非常肥美，其他都不俗芝士焗帆立貝，送到黎仲係熱辣辣，非常多芝士，同帆立貝味道好夾，呢個一定要再encore我哋都order左唔同嘅卷物黎試吓，個人特別喜愛炸蝦卷，蝦炸得外脆內軟。而且壽司都係細細件，唔會話塞飽個肚，非常貼心沙嗲豬肉串 ，豬肉唔會好韌，點埋沙嗲汁，非常野味另外仲叫咗一個冬陰公，味道都幾正宗，酸酸辣辣好開胃，裏面仲有唔少海鮮，有蝦同埋青口，都幾足料如果消夜時段黎個價錢仲抵食，下次會黎食下宵夜

紀念日的重要性，作為男人，我會覺得是絕對不重要，因為我每次一定會忘記！但在太太的「重覆提點」下，我記得了今日：第一次拖手紀念日。今天太太帶我去食放題，一早已訂了，餐廳環境不錯，全層都是，餐廳門口大大的告示：有訂位的可以優先入座，在長長的人龍中可以盡快入座，真是優越！放題又怎可以不叫刺身先？三文魚十分肥美，好多水份同脂肪，一點也不腥，玉子甜甜的而且好大片。油甘魚好香，放入口中好甘香，食完都有點回甘。特別介紹：白鳥貝，起初我都不知道是什麼，只覺得它的口感很爽脆，感覺很像象拔蚌，但顏色較白。跟手梗係叫壽司啦，黃金醬燒蟹棒壽司：好似面有點燒融了的芝士，火灸味道。椒鹽左口魚邊壽司真的有椒鹽味，有點串燒的味道，左口魚好軟滑，入口就融化，黑松露三文魚壽司味道好突出，本來只有魚油味既三文魚，加上黑松露味道仲好！！熟食方面，我們都是主攻熟食和串燒，燒菠蘿味道不錯，菠蘿很多水多汁，雞肉串也是汁濃，這裡的雞軟骨不是一碟碟，是一串串的，雞軟骨好入味，串住食用更覺滋味！雞軟骨中沒有肥肉，啖啖都是軟骨，好有口感！最最最特別就係：炸泥蜢！份量都不少，有6，7件，炸得很好，油不多，味道有點似椒鹽九肚魚，魚骨較多，大家

呢間放題位於APM隔離個座大廈，都幾易搵的。上到去第一感覺係呢度同一般放題店好唔同，比較光猛同埋中式。而座位以卡位為主，位置普遍寬敞。飲品同雪糕都係自助形式，而甜品就另外有紙叫。先講手卷，叫左香蔥拖羅，件拖羅好鮮甜唔會腥，而海膽手卷份量都唔少，海膽鮮味好突出，帶有些許海水味，食過番尋味。牛柳粒，好爽口，唔會煮到鞋口，而且好重肉味，件件都大件夾好食。到串燒，好難得係放題會見到燒茄子，因為都比較費時，而呢度居然有之餘，味道亦都不錯，食落有足夠水份而且調味恰到好處。雞串都有水準，係剛好熟而又唔會過熟。芝麻雞翼肉質嫩滑，調味亦都充足，帶有孜然味亦都幾唔錯。羊架，無騷味，肉質軟熟，燒得金黃剛好，賣相不錯。最後加多份甜品，樣樣都好精緻，尤其是伯爵朱古力慕絲，好creamy而且茶味香濃，食滯時食呢個好清新。