大滿喜日本料理 (已結業)

平日book左5:30pm,5:15pm已經上到去,估唔到已經有二三十人嚮度等緊...但餐廳都堅持5:30pm先放人入去..其實可以早d俾人入去坐住先囉,最多唔嗌野食住先既o者...入到去就即刻剔野食,都係剔返我地鍾意食既野...各樣食物黎既速度都幾快,而且最重要係無乜漏過單,只係刺身既天使蝦永遠數量減半,我前後剔左三次(8/8/4),但佢地黎既係4/4/2...但其他刺身又有多無少架bor...唔明.嚮facebook print埋coupon(其實佢樓下附近都有人派,想去食既可以留意下),7:30pm前埋單每人平$20,感覺抵D呢.

平日星期二，2條友 Walk in 9:30PM，到達約幾分鐘有位，可惜兩位檯比較細， 向待應反映咁細檯放唔落要叫既食物，兩小時唔夠時間，部長回應會盡快清理食碟，結果未見理想。環境Ok，先ORDER 刺身 有三文魚(新鮮堅挺)，鮑片(OK) ，榮螺(冇味)，細粒元具(OK)，有甜蝦和天使蝦(必食推介)，象拔蚌(Ok)， 希靈魚(咸咸地)， 刺身款式都算多。 天婦羅 蝦好味，必食羊架(外脆內林), 牛柳粒 (麻麻,有牛味)，壽司賣相麻麻(帶子/和牛)，牛乳鍋唔錯(湯底好味)，啤酒任飲(除藍冰，還有韓beer)，甜品只有細雪糕(朱古力，芝麻，芒果，雲尼拿)，其實還有個"棷汁炖蛋"(叫佐冇出現)。

四條友 BOOK 6:30PM, 到達約十分鐘有位, 可以接受.安排卡位, 但坐位真的好窄, 坐得不太舒服飲品很快送上,先ORDER  刺身 有三文魚(都肥美), 吞拿魚(OK), 鮑片(好味), 榮螺(好味),帶子(冇味), 蝦有兩款 (OK), 象拔蚌(order 2次得來1次)立魚, 希靈魚都有D腥腥地刺身款式都算多天婦羅 蝦好味芝麻雞翼 外脆內嫩 必食鴨腎 , 牛柳粒 超咸不過一到夠鐘, 仲有一半食物未食完, 已經要比人趕走

話說我同男友等左三個字，十點一入座，一坐低緊係即刻點野食啦，好快就遞左單但等到十點半，眼見其他檯同我地一樣時間入座，但偏偏我呢檯唔好話一碟野食，連一罐汽水都未有，人地就已經擺到成檯都係野食，真係好誇張囉。。。於是叫人催單，終於有個走黎話廚房根本無單！！唔係下話。。。叫左幾個幫我地跟，跟極都未有，於是我地又寫左第二輪單寫完第二輪，終於有野黎，但黎左大約一半野到啦，又再無野黎黎左既有刺身,串燒同埋沙津,其實黎呢度都係為左食天使蝦刺身,因為唔係好見其他旺角區既放題有,D刺身都有黎足,不過我見到就唔係碟碟都有冰底,不過都係新鮮既,幾多款,串燒不過不失啦,個燒魚餅幾正,有芝士係入面啲侍應一係就話跟轉頭無左件事，一係就扮睇唔到你，我上一次黎呢度開張左無耐，印象都好好，啲人又有禮貌，點解而家搞成咁？個個好似訓未醒咁，我男友後尾仲望到有個侍應拎住張寫我地檯號既紙，但碟野竟然去左另一檯。。。果下真係無言。。。呢餐結果唔係食左好多野，我地再叫個男侍應黎，想投訴下點解淨係我地呢檯漏得咁緊要，點知佢又係叫我地再寫過，轉個頭又走左去，搞到我要自己行出去遞比佢，試問有邊間可以做到咁。。。。最後食左個雪花牛肉窩,但

Book咗六點台 去到即有位坐底即刻order 最愛嘅刺身唔使好耐 刺身到左三文魚 甜蝦 最贊！螺片都好甜其他嘅油甘魚 呑拿都唔差跟住其他野都到了芝麻雞翼 外脆內嫩芝士魚餅 芝士味唔會太濃 啱啱好香芋丸 濃郁嘅香芋味👍👍燒羊鞍 係油左少少 不過好yummy 唔會so芝士蝦卷 個口感一d唔簡單蟹粥 必食 叫完再叫系列有有機甜蕃薯 細細粒 甜甜地 雞軟骨串 講唔出嘅好味

小弟很喜歡食魚生,所以每個月都會去食放題。聽朋友講話大滿喜好似唔錯,就訂了6點,我們一行4人去到很快就安排了坐位。我當然立即就點了我最喜愛的刺身,刺身種類頗多,有十多款,等了不用5分鐘,刺身就到了,味道很鮮甜,和朋友食了2大盤,三文魚,油甘魚,貝柱,甜蝦,象拔刺身都比較出色。熟食方面也有很多選擇,個人比較喜歡:天婦羅番薯仔 小甜很好食芝士年糕 咬落流心芝麻雞翼 香脆而且肉很嫩滑香芋丸 外脆內軟,帶有淡淡的香芋味雞肉串 嫩滑香口燒菠蘿 很甜很多汁燒羊架 用香料醃制過不會有羶味牛乳海鮮鍋 鮮甜很香

小妹除了三文魚，帆立貝、象拔蚌和龍蝦刺身外其他的刺身一概不吃所以日本菜對小妹來說可算是少之有少深知衛斯里喜愛三文魚極了今夜便和他到來大滿喜以一解他對三文魚的掛念吧大滿喜位於彌敦道創興廣場八樓，雅蘭中心旁很是方便我們七時便到達大滿喜不消一會便能入座大滿喜與典型日本餐廳風格截然不同以黑色為裝修色調木枱和絨毛梳化也是黑色為主天花板懸掛水晶吊燈，好不華麗打造時尚風格可惜小妹不懂欣賞反覺得有點浮誇造作大滿喜佔八樓全層地方雖大，但可能為了應付昂貴的租金餐廳都完美善用每個地方以擺放餐枱理所當然地小妹與衛斯里被安排到二人小桌桌與桌之間的隔離之近是就算你把耳朵蓋上，也能清楚聽到鄰桌的話的距離在香港地少人的地方，特別這些旺區其實見怪不怪只是今次鄰桌坐的是兩位上了老紀的婆婆每當食物送上，她們也探頭一番而且評頭品足，更甚還會手指著食物，問道「這是什麼？好味嘛？」然後再道「邊度有得叫？等我地又叫先！」整頓晚飯就像和陌生人一同吃似的食物方面種類繁多，比平時的放題店多（小妹見識少，在之前的放題都沒有見過有帆立貝刺生供應，所以是次甚覺驚喜）沙律和前菜試了蟹子沙律和溫泉蛋沙律一般，不夠冰凍溫泉蛋有點兒腥，是吃不慣吧？刺

因為返工關係, 好耐無出過旺角食飯, 亦好耐未約朋友出黎見面有朋友提議食放題<大滿喜>, 本人去開<吉壽>, 未知其它店舖質素如何, 只抱著一試心態, 並無太大期望。這反使我驚喜, 刺身尤其出色。圖片看出師傅是花訐多時間堆砌, 漂亮非常。最重要的是全是新鮮刺身、無一點雪味,個人認為除了貝柱、玻璃蝦(?)外, 其他刺身都必須點來試試。款式:如果無記錯, 共有A-I 既食物單、雪糕單同飲品單。每張單約有八款小食, 算是多元化了。最基本, 每張單亦總有幾款岩口味、會點來試試的。速度:很好, 可以接受。每次交單、上菜都很快, 並沒有等好耐野食才到來!值得一讚!漏單/伏:漏單問題, 相信每間放題都有, 呢間當然有, 但唔算嚴重起碼我想試的食物最後都有到來。而這食物 就是 --- 燉蛋-----真是大伏, 一開始就以為有焦糖(係我既錯, 係我想得太美好)而且真心覺得唔好食、唔想食 (個人認為)被我推選為 "今晚最難食既食物"另外, 壽司配大大舊飯,嗚丫, 好在叫得2件食 =_=其他食物....我只列舉一些食完而覺得好食的食物推介,(什麼無圖無真相? 野食一黎就食啦,

我真係對放題越黎越反感以前平既年代仲有百幾蚊一位又食到咁多野就算啦宜家閒閒地都２百幾蚊仲要係食黎食去都係果Ｄ款好似今晚咁，真係好唔抵地方又逼又嘈上菜又慢又會走單又要限你時你食物唔黎，人都未飽叫人走？食埋Ｄ粗製濫造又唔熱唔合格既食物比２００幾蚊我相信有其他更好既選擇溫泉蛋好睇唔好食冰凍的好怪流質冇味又唔鮮好，呻完講番食物其實真係冇咩好推介款式人人食過放題既都知有咩大路野可以講有幾種是晚冇中伏既刺身必叫回本順氣之一種類都多既魚都叫做切得厚同新鮮但其他貝款就好細件同散象拔蚌同螺片味道鮮甜又爽要叫就要叫多Ｄ因為佢黎既份量係打左折仲有個紫心香芋球新鮮炸起所以好熱辣辣咬開係好靚既淡紫色香芋味就唔係好食到係勝在外脆內軟又唔太甜我全晚唯一ＥＮＣＯＲＥ既係風味醬蝦仔似美極蝦但更惹味香口有好濃既蒜香係極唔健康同油既但真係炸得好香脆連殼都要食埋咬到閘閘聲芝麻雞翼炸到深啡色極脆入面既肉係雪白色又極嫩有Ｄ就質素好差可以唔食既有燒菠蘿－咬唔開既，燒得唔夠香又唔甜唔ＪＵＩＣＹ蜆－冇味，用水煮咁既豬頸肉－白雪雪冇鑊氣燉蛋－怪味又唔熱，食左一口頂唔順放低冇下次！

7個人可以食好多野今次係我第二次來食不過感覺比上一次來冇咁好食入座時我地未齊人不過都照叫住野食先首先講下剌身我記得上一次來既時候吞拿魚係唔新鮮既不過吞拿魚來講要新鮮既有d難都係睇番…入貨既來源靚唔靚今次可以讚下吞拿魚唔錯其次主要係食d冇過既食物串燒方面同燒物點左雞腎雞肉牛肉雞肉好滑好好食仲有燒雞翼同芝麻雞翼佢地主要既分別係一種得雞中翼一種係雞全翼我就兩種都鐘意食但鐘意食芝麻雞翼比較多煮物有機甜蕃薯其實都係第一次見呢樣野食我覺得可以試下一粒粒好細粒(本身我以為係一條長蕃薯)不過佢同壽司飯差唔多大細食落甜甜地好好味牛油粟米朋友例牌會叫既食物但我就對佢興趣一般但同平時既牛油粟米相比佢就香d濕d唔會好乾身唔難食白汁煮蜆蜆殼可能有十隻蜆肉可能得七至八粒呢種現象唔出奇不過d汁都好稀海鮮湯問題唔係湯既味道海鮮湯係白色好正常不過一舊海鮮都見唔到我有d接受唔到只係一碗入面放番一小片魚/蜆等等既海鮮都可以拎佢既外貎改變亦可以令人下次再試

因知道爸爸想食放題,所以已經兩個星期前預訂可能因為節日的關係,7:30就last order, 8點要離座食物方面:市場刺身:三文魚,tuna,希靈魚,立魚等都不錯,當中受我們歡迎的是象拔蚌同螺片,十分鮮甜同爽脆,encore了幾次壽司:普普通通,手卷比想像中多飯所以食左一件就停手天婦羅:蝦,南瓜都中等水平,反而我最期待係蕃薯仔!!!!!!!因為係同一集團食過燒既好好食,令我一試就愛上外脆內軟,入面甜甜地,今次係另一番味道....炸物:芝士年糕,芝麻雞翼都係必叫,最特別係香芋丸,第一次食,都係外脆內軟,有芋頭香味,正!!炸蠔大大隻,我呢個蠔怪食左好多隻燒物:菠蘿,羊鞍都好好味,其他味道ok其他鍋物,熟食都ok爸爸媽媽都好鍾意個蟹粥,我就冇食啦,可能佢地想食左d熱野暖下個胃整體都滿意,雖然節日關係,但今日完全冇漏單,值得一讚下次係旺角又有一個放題選擇啦

是日母親大人生日，本來諗住去酒樓食，但年年都係好似有點兒悶又無新意。於是今年就決定帶媽咪去食放題。旺角放題其實好難簡。食物質素參差唔在講，又要坐得舒服，諗起新開左間放題係創興，睇食評好似唔錯，決定試一試個莊先。估唔到有驚喜。打去訂枱緊係問生日有咩優惠，佢話全單九五折，有長者咭就收返小童價，咁都唔錯，幾抵。我訂6點到8點半呢個時段，5點9上到去，諗住要等一陣，但門口經理話可以入去拎位食住等，咁又幾好，唔洗係出面呆等，呢樣讚！咁同行都有十個人有老有嫩，份量不能少，不能怠慢餓親佢地，拿拿臨寫紙落野食！第一樣當然係刺身啦。速度都幾快，可能頭段未有咁多人啦。賣相唔錯，冰底上，插左個裝飾花，胃口大開！三文魚有腩，肥美新鮮。象拔x新鮮，當然唔小得最愛 甜蝦啦！油甘好味！仲有章紅，螺片之類，都唔錯，都好新鮮。唯獨希靈魚就接受唔到個味道。炸物當然唔少得天婦羅。好少食到好食的天婦羅，因為好多好厚粉，好滯。但呢到出奇地係好食架！蝦好大隻，粉薄，熱辣辣入口，正！仲有個必食推介，蕃薯仔令我食完再叫，叫完再叫。內軟外脆，甜而不膩，食過就知唔係一般蕃薯咁簡單！芝士年糕都唔錯，入面芝士味都幾重，但要襯熱食，凍左唔好食

今次係我第二次去, 上一次去感覺不過不失, 今次見時段可以自己揀, 食兩個鐘。佢地個集團其他分店, 大喜屋和滿屋時段都只係6:00~8:30, 8:45~11:00. 其他分店我都超滿意, 刺身和熟食都好味, 最正係d 有頭蝦, 好大隻, 好味。我都知大滿喜有頭蝦是有限度供應的, 如果你落單食蝦, 佢第一次多數比多d 大蝦你, 但之後落單都係好hea 咁落10隻比2隻大蝦, 有時仲無, 全部比晒D細甜蝦你。其他分店唔會咁做, 長落長有。我第一次去食時已發現, 不過因為時間, 地點, 算吧la.當天點了的食物如下:所有刺身都好新鮮, 例如:三文魚, 油甘魚, 鯛魚, 有頭蝦和甜蝦。壽司方面, 要讚的是大﹑小剛好, 火炙的壽司令我有驚喜。例如:火炙左口魚和三文魚。炸物:炸蠔﹑炸蝦﹑炸墨魚餅都中規中舉, 但我配以沙律醬入口, 突然加分。蟹子沙律:雖然味道不是很突出, 但因為吃得太多魚生和炸物, 這沙律可以幫我去膩。白汁煮蜆:比較特別, 但蜆肉太細。燒羊架:有點"蘇"味.燒翠玉瓜:咸咸地幾好味。椰汁燉蛋: 椰汁味濃, 如果再滑一點, 效果會更好。我book 左7個人, 會有3個人會遲到。我和另

一早book了5位 去到時不用等位就直接入得同一般放題一樣 有好多張紙俾你tick 刺身/炸物/壽司等第一炮當然是試刺身 刺身選擇約十款 關鍵係全部都好新鮮 特別是象拔蚌刺身非常非常的鮮甜 食落好爽脆 十分推介! 至於吞拿魚 都是十分出式 一點雪味都沒有.和三文魚一樣 魚脂分佈算多 食落好甘香 這個燒牛柳粒就好"UN" 好離咀嚼 而且燒到好老太硬身了! 燒物除了菠蘿幾清甜外 都無咩有特別覺得好味的...炸物方便 通通都好油膩 睇落都已經覺得好油..唯一較欣賞的是吉列炸蠔 蠔細細隻 清得都幾乾淨 炸到金黃香脆的外層 一咬開就是熱到出曬煙的生蠔仔沾上一點沙律醬 幾重口感 不俗! 壽司特色欠奉.這個燒青口太好味了!!不是很多地方有這個小食今天試了 一試愛上! 青口燒到乾身 上面鋪滿沙律醬和芝士醬 食起來好惹味好開胃!! 推介!向來喜歡吃羊 這個燒羊架真是不得不提.燒得好香口 上面灑了少許黑椒 羊一點都不''SO'' 好惹味! 這個燒蓄薯仔我們encore了5次.實在太甜太好味了!!!!!!!!!!!!!!!!!!!!!!!!!!!!!!2個鐘都無人來執過木台-.-.......

是日 , 四少爺我三生有幸 , 約左位金髮美女傾下人生的意義 , 咁因為之前問左阿金想食乜 , 咁阿金就話係旺角食放題 , 當時本禽獸.....丫唔係...本少爺我約到位金髮美女 , 就幾大乜都話好好好嫁啦 , 一Whatsapp完 , 我心諗...旺角食放題....?好似間間都食過晒 , 冇乜邊間得嫁喎.....一係近近地去尖咀食大喜丫....但係得返三日...一定冇位啦....算啦,上黎呢到搵下有冇d隱世高店算 , 日本菜 , mk 油麻地 , 自助餐/放題 , 搜尋 五月花...聽講好難食...吉壽 . 組長 . 郎田 . 和田....平時食開都唔覺得好好火鳥 ......銀城既我一定唔去 , 然後 .... 依 , 乜創興有間叫大滿喜既咩@@睇落都多好評喎 , 所以就黎左呢到試下啦 , 好 , 入正題 , 一開波我地兩個5點九就上到去了 , 然後佢都直接比我地入 , 仲問我地食到七點半定八點半 , 如果食到七點半既就16幾一個 , 咁之後我就睇下阿髮既意見啦 , 之後你眼望我眼...可惜過唔到電 , 最後阿美都決定左食到八點半 , 之後入座啦 , 然後坐低 , 我就隨手一拋 ,