大滿喜日本料理 (已結業)

今日約左成班同學來食呢一間，一開始緊係叫左刺身先架啦。佢有 有頭甜蝦~不過得幾隻係有頭好過冇啦~呢到係佢d食物紙我地講下d食物先刺身 - 我係其他食評見到有小柱...我去食既時間冇左~好唔開心燒物 - 佢d燒羊架好好食忌廉煮蜆 - 通常係日本餐聽都係食清酒煮，佢用忌廉煮幾特別，可惜d蜆一d味都冇~炸物 - 炸芝士年糕 - 一d都食唔到芝士味，好粉 炸墨魚餅 - 有少少散，但唔太差 炸蕃薯仔 - 好食 炸蠔 - ok唔會太腥 炸蝦 - 唔會太厚皮其他唔記得啦，不過D野食真係唔差既

我FD係前日生日,大家就一早訂左位去大滿喜食放題慶祝8點幾上到去,已經見好多人排緊隊,不過只係等幾分鐘就話咁快輪到我地坐低之後,睇下Order簿入面有成A至H咁多款野食,寫完之後快手D落單,我地見到D野食都好肚餓喇同朋友吹下水,大約等左幾分鐘,刺身最先黎,我地叫左希靈魚,甜蝦,鱆紅魚,貝柱,三文魚、吞拿魚等刺身入面最好食係三文魚同貝柱(貝柱一粒粒食落去果時好鮮味,加埋わさび更加好味),而且賣相都好好,冰鎮同D樹既裝飾,可以睇到師父有比心機去整壽司方面:估唔到放題入面有虎蝦食(泰式辣醬+虎蝦,簡直一流),另外,最好味係灸燒芝士蝦壽司(芝士同蝦既配合得好好,真係忍唔到再叫)而熟食方面,有天婦羅,燒鯖魚,海蝦,牛油粟米,燒蕃薯仔,羊架,手指魚,燒菠蘿等比較特別係手指魚同芝士年糕,當初見到手指魚係外表,以為入面係薯餅之類,食落去先知原來係魚柳黎之後問waitress拎沙津醬,食起上黎好得意,而芝士年糕外表好似一個煎堆咁,但咬落去果時外脆內軟既口感,加上年糕既味道同芝士既香味,味道相當唔錯,食左一個之後,好快比FD食哂熟食入面最好味係日本蕃薯仔,一串2個,食果時,蕃薯既味道濃縮係入面,甜味又恰當

可以即日book檯的而仲有位的日式放題顯然不多，幸好最後由細佬提議去位於旺角創興的大滿喜。創興因為食店林立，所以就連排隊搭電梯都要排到出街外。幸好我地book左位，7點上到去已見到大班人係度等緊，朋友一早已到場坐下，場內有卡位，閃閃的紫色裝修頗grand！見到一大份order紙，分別有手卷、炸物、烏東、燒物、刺身、壽司、雪糕和飲品等！款式頗多。可以重點講下我地所叫既野:炸雞翼: 甜甜的，細細隻，外脆內軟，而且夠晒入味，我地共翻叫2次吉列蠔: 脆槳頗厚，食到深少少先咬到隻蠔，隻蠔比手指公小炸雞軟骨: 粒粒脆口，送酒一流，咸度有至刺身: 還可以，唔算十分新鮮，老公覺得三文魚唔得。而我就覺得佢就仲有D根未起好，美中不足，幸好所有刺身都有冰墊底，保持冰凍壽司: 細細件的，可以一口一個，size十分好，咁樣就可以食多幾款野，而且壽司食落都不錯，飯而結實唔會散到一碟都係灸燒芝士蝦壽司: 灸燒之壽司中最好食，味道適中，蝦亦有點爽，可以翻叫燒羊架: 全晚最好食既食物，羊燒得外脆肉軟，好似有D回香既味道，細細件，唔好好阻胃。可惜由一坐底就落單到埋單後先黎左1次，我地想再翻叫都已經太遲，好可惜！焗金茹:

之前係佢開張第一曰食，十分讚！於是今次帶朋友來，可惜面目全非，今次一坐低，無啦啦比左個刺身頭盤我地（幾隻有頭甜蝦，幾粒貝柱仔，白色魚生片），我之前食都唔係咁架，唔通無得任食刺身？侍應話有d款無得任叫，我即o 晒咀食放題，就係為左刺身而來，我最愛既甜蝦，以前大大隻，又有頭，而家咩都無，又細又唔鮮貝柱也沒有任食，除左三文魚，其他刺身都食唔到鮮味，再叫一個之前我極力推介既海膽手卷，哇，佢d海膽少到呢....似輕微幫手卷染上一處顏色就算，我之前食都唔係咁既我好相信佢其他野都唔會好得去邊，果然....炸物唔熱，卷物好似隻隻一樣味，其他的都不評了....我仲特登帶朋友黎食，無晒面子了，佢新開張到而家，開左兩三個月就唔同到咁...不會再回來吃

book 左 8:45pm 果轉, 上到去見到已經有好多人等緊~ 但等一等都係值得 ge~二人位張枱比較細, 所以分批叫, 第一輪當然叫刺身先啦, 新鮮爽口!之後果 d 我地都掛住食無影到相~ 雖然上菜有點慢, 但無漏單情況發生, 顧員服務態度良好有禮貌羊胺 & 雞翼好有驚喜, 同其他放題完全唔同, 羊胺林林地好入味, 雞翼有好脆口有雪糕甜品, 食飽飽好滿足地離開

細妹睇雜誌見有間新開放題...於是一家六口去試o下~ 由於佢話午市同晚市d食物係一樣...所以我地食o左午市...11:45去到...未夠12點都已經有唔少人o係門口等lu...12:00開o左門等多一陣就入座~ 鋪入面d櫈係我至愛o既紫色~ 而且又新~ 張檯又閃令令~ 都唔錯~ 係d位窄o左少少... 放題紙由A至I...仲有一張飲品同一張甜品...款式都算OK~ 我地即刻叫o左一round刺身先~ 估唔到都嚟得幾足wor~ 唔會俾得太少~ 我地叫o左兩round刺物都係大大盆ge~ 幾好~ 最好係個盆有冰底...慢慢食都唔會熱晒...同埋有棵樹做裝飾...幾搞笑~ 呢度d刺身都幾新鮮~三文魚都切得幾厚~ 無乜雪味~ d吞拿魚口感算唔錯~ 唔會好粉~ 甜蝦同元貝仔都幾好味~ 反而八爪魚就一般~ 佢d卷物得5款...所以點o左一人一件~ 都唔錯~ 最好食係有腸仔o係入面o個個~ 同埋軟殼蟹o個個~ 仲有d火炙壽司都好正~ 細細舊唔會太多飯~ 又係一人一件~ 正正正~ 另外一樣正o既係芝麻雞翼~ 炸蠔同魚條都唔錯...不過真係好熱氣~ 上檯o個陣仲有d熱氣撲埋嚟...哈哈...唔好食o既

新年前, 同朋友們放題慶祝都有一段時間無食放題SEARCH openrice見到旺角新開, 見食評都唔錯膽粗粗就book位試下.....準時入席, 一到就即可以入瘋狂點完round 1 的食品後就充滿期待ge心情等待...落單後, 飲品好快就送到跟住就到放題主角-刺身總共叫左3 round全部刺身都好新鮮!!!賣相好靚, 用冰鎮住最驚喜係有頭甜蝦又鮮甜, 又大隻, 睇見都想再食壽司細細, 一啖一舊唔會好似其他店咁大舊飯一路食, 其他食物都一路送到前菜沙律就正正常常無咩特別朋友們好喜歡食牛油粟米串燒蝦表面上有點鹽, 少d就更好, 食落有點咸羊架燒得唔差, 幾淋其中有一舊比較生侍應見到, 轉頭好快換左一舊比我地天婦羅夠新鮮, 唔會油, 唔會多粉食下食下, 好多相都無影呢餐我地都食得好滿足 侍應有禮貌, 中途可能到左"黃金時間", 人多了, 上菜慢左d侍應都問過我地幾次: 係咪漏左單? 好快都幫我地跟進到如果可以添加更多串燒&熱食ge款式就更好

Book左位8點鐘上到去報到仲要等五分鐘到入座4位坐卡位野食款式唔算多剌身、壽司、手卷、甜品等等既種類樣樣都有得揀唔係多，但有部分幾特別壽司唔錯細細件可以一口食晒而且飯又唔會散出來可以試下有芝士係面既壽司剌身方面要推介一下甜蝦而吞拿魚就....唔太好食好難入口炸物叫左天婦羅蝦同炸蠔呢兩個都好食岩岩炸起個心仲係熱既咬落口時都脆卜卜好好食仲有既係甜品雀巢雪糕....味道唔洗講啦^^

新開試新嘢, 失望!!’因為朋友之前去過, & 網上食評話OK, 咁2個人走去試試, 下午5時多打去訂枱, 要8點先有, 咁7:45去到,點知就可以入座啦!全場都幾FULL, 所以佢D枱非常密集, 枱又細, 格離7個男仔要迫埋2張拍枱, 睇見都迫, 如果大家想傾密計, 請停一停,諗一諗!食物方面: 刺身, 壽司, 燒物, 湯烏冬, 汽水(C+, 芬達提子汁, 可樂), 啤酒(BLUE ICE ONLY),前菜: 枝豆(本人最愛, 但非常淋, 好似放左好耐, 已變了淺綠色), 蟹子沙律 (蟹子及沙律醬極少, 青瓜極多), 三文魚頭湯(好明顯係個蘿白湯+魚頭, 清)刺身: 賣相唔錯, 但......三文魚、吞拿魚、甜蝦、鱆紅魚、白肉拖羅(無味)、八爪魚、榮螺片、象拔刺身、貝柱(貝柱每粒超細)、象牙貝, 本人覺得所有唔太新鮮，所以之後沒有再叫。壽司: 三文魚, 腐皮 (唔錯, 因為D飯好細), 而虎蝦壽司也蠻奇怪，上面配了泰式活蝦刺身的酸甜汁，感覺怪怪的 (之前D人寫的, 原來是真), 海膽 (無ORDER, 但侍應放錯了, 照食, 但唔好食), 火炙壽司:火灸和牛(幾好, 但

見食評幾好，便來試試，但真的有點失望一入坐，枱同櫈都很窄（三隻手掌長乘三隻手掌闊），放了醬油後，只可放一至兩碟食物，如果點了數碟，一齊到，爆哂枱，都唔知放邊好到刺身，唔知係咪因為星期日，三文魚唔肥，吞拿魚肉淋，希靈魚腥，貝柱好味，甜蝦"梅＂到天婦羅，皮脆但略厚，炸豪，皮很厚火炙壽司好味，細細舊，一啖一舊，好~仲試了羊鞍，牛柳粒，炒蜆，一般佷想贊贊服務員，添茶、收碟、換碟很勤快但也彌補不了食物的失敗

早排同朋友響旺角想食放題，諗住求其搵左間食啦，點知吉壽同組長都full晒，行行下就去左創興大滿喜，估唔到有驚喜Tim果日係星期五6點幾，因為我地係walk in既都驚無座架，點知好彩仲有得比我入，入左去唔夠10分鐘，全場爆晒入到去環境暗暗地幾有情調，又水晶燈又紫色梳化，應該係新裝修的，地方大但d位幾窄，張枱是正正方方的，細細張，我諗可能唔想你order太多食物，咁你放唔晒落枱度，你就會嗱嗱聲食晒先再order，係咪Order紙由A至H，寫左幾多件就可以比侍應，好good既係，你寫幾多件黎足咁多件，侍應d態度又超nice，值得讚讚首先叫刺身， 刺身盤擺得好有心機，樣樣都好新鮮，不過元貝粒太細又d腥，所以只叫左一轉無再叫啦壽司都ok，冬姑，蟹棒，虎蝦天婦羅正雞翼好味又夠熱抵食P.S.因為限食2小時，加上1：30小時就要截單，感覺幾趕，食得黎又要order野食，如果黎得快又食唔切， 如果可以比多半小時我諗會食得舒服d，呢間放題好似比較其他旺角的放題貴$10-$20一位，（可能係多左加一），但係一分$一分貨，食物質素都好重要，唔係一味多野揀就得，要好味架嘛，我覺得值law

果日，正正係小弟既大壽.........前半個月大堆有心同事早左成半個月幫我慶祝真心想講，你地想食可以唔洗順便同我慶祝生日喎(笑)由於，唔係本人搞活動既關係，淨係知道有人book左，去到唔洗等成團10個人，大枱一張丫唔該，不過無影相野食方面講多無謂有圖有真相服務ok，可能係平日下次有機會，試下星期六日去總結 : 可以一試呀

好耐未試過咁正既放題.首先.5點幾去到.可能因為訂左位同平日.唔駛等位同入去未夠鐘都可叫野食.d野食全部都好新鮮.d職員服務同態度都好好.執野同勘水都超快手.同埋唔會黑面.有問必答.仲好有禮貌.之後到重點.講下食物d刺身全部好新鮮.三文魚好厚好鮮.d刺身壽司完全無腥味.無雪味.係好鮮甜.敢講食過旺角區咁多間壽司同放題.無一間做到佢地咁好.另外，佢地完全唔會漏單.....真係做到叫幾多..黎幾多....我地有4個人食到係飽到...要叫佢停..d野食唔好黎..想佢漏單都無得漏..一路食一路黎..無停過...下次一定會再黎.好抵食.生日仲有折.d員工真係好好.值得一讚.

有book到枱, 一到就入到去,唔洗等位於一去到就order刺身, 有三文魚, 吞拿魚, 貝柱, 白肉拖羅, 象拔蚌, 甜蝦和 玉子. 厚度適中, 都幾新鮮. 火炙壽司就有芝士蝦, 芝士三文魚, 鰻魚 和和牛,壽司就叫左三文魚, 腐皮和壽司漢堡. 壽司比想像中一般, 火灸就強差人意. 炸物一般都尚可 雞翼脆身入味天婦羅更係值得一讚 料足可口 燒芝士魚串好味亦不會太膩 不妨一試燒豬仔骨多汁, 又鬆軟.鹽燒鯖魚脆身可口, 魚並不腥, 同少骨. 海膽手卷夠新鮮, 沒有腥味. 三文魚和吞拿魚手卷夠足料.大致上都不錯.只是薯皮比較膩和易飽.

心血來潮想食放題，記起早前見到創興有新開的放題，見評價不錯，即管試試。7:00抵達，不需要等位便可以直接入內，幸好早到一步，入來不久，門外便開始出現人龍；場中設有不少卡位，而且地方整潔，座位是紫色的絲絨梳化還綴有閃石，被旺角其他放題餐廳，環境不錯。食物方面，選擇不少，點菜紙由A至J，食物都是大路的選擇，一開始喪點一輪食物，檯上擠滿食物，首先談刺身，擺盤蠻漂亮，試過三文魚、吞拿魚、甜蝦、鱆紅魚、白肉拖羅、希靈魚、八爪魚、榮螺片、象拔刺身、貝柱、象牙貝(除了玉子，全部也試勻)大部份刺身都新鮮，厚度亦適中，不過吞拿魚、鱆紅魚和希靈魚都不是我們喜愛的，所以之後沒有續盤，貝柱雖然鮮甜，不過每粒只有大約手指尾指甲的SIZE，也未免太細粒吧。一連串食物之中，最喜歡虎蝦天婦羅、芝麻雞翼及吉列蠔。天婦羅熱辣辣，吃下去不會一口油，而且蝦亦彈牙；芝麻雞翼更有驚喜，不但惹味而且連翼尖也脆口；吉列蠔水準亦不錯，咬開會嘗到蠔的甜味，而不是一舊吉列粉團。其他的食物質素亦不錯，相對來說，壽司比較平平無奇，帶子壽司的刺身有點萎縮，似把刺身片開數片，而虎蝦壽司也蠻奇怪，上面配了泰式活蝦刺身的酸甜汁，感覺怪怪的，鐵板牛柳粒