影片
更多
2013-06-08
213 瀏覽
是日母親大人生日，本來諗住去酒樓食，但年年都係好似有點兒悶又無新意。於是今年就決定帶媽咪去食放題。旺角放題其實好難簡。食物質素參差唔在講，又要坐得舒服，諗起新開左間放題係創興，睇食評好似唔錯，決定試一試個莊先。估唔到有驚喜。打去訂枱緊係問生日有咩優惠，佢話全單九五折，有長者咭就收返小童價，咁都唔錯，幾抵。我訂6點到8點半呢個時段，5點9上到去，諗住要等一陣，但門口經理話可以入去拎位食住等，咁又幾好，唔洗係出面呆等，呢樣讚！咁同行都有十個人有老有嫩，份量不能少，不能怠慢餓親佢地，拿拿臨寫紙落野食！第一樣當然係刺身啦。速度都幾快，可能頭段未有咁多人啦。賣相唔錯，冰底上，插左個裝飾花，胃口大開！三文魚有腩，肥美新鮮。象拔x新鮮，當然唔小得最愛 甜蝦啦！油甘好味！仲有章紅，螺片之類，都唔錯，都好新鮮。唯獨希靈魚就接受唔到個味道。炸物當然唔少得天婦羅。好少食到好食的天婦羅，因為好多好厚粉，好滯。但呢到出奇地係好食架！蝦好大隻，粉薄，熱辣辣入口，正！仲有個必食推介，蕃薯仔令我食完再叫，叫完再叫。內軟外脆，甜而不膩，食過就知唔係一般蕃薯咁簡單！芝士年糕都唔錯，入面芝士味都幾重，但要襯熱食，凍左唔好食
於是今年就決定帶媽咪去食放題。
旺角放題其實好難簡。食物質素參差唔在講，又要坐得舒服，諗起新開左間放題係創興，
睇食評好似唔錯，決定試一試個莊先。估唔到有驚喜。
打去訂枱緊係問生日有咩優惠，佢話全單九五折，有長者咭就收返小童價，咁都唔錯，幾抵。
我訂6點到8點半呢個時段，5點9上到去，
諗住要等一陣，但門口經理話可以入去拎位食住等，咁又幾好，唔洗係出面呆等，呢樣讚！
咁同行都有十個人有老有嫩，份量不能少，不能怠慢餓親佢地，拿拿臨寫紙落野食！
第一樣當然係刺身啦。
速度都幾快，可能頭段未有咁多人啦。
賣相唔錯，冰底上，插左個裝飾花，胃口大開！
三文魚有腩，肥美新鮮。
象拔x新鮮，當然唔小得最愛 甜蝦啦！
油甘好味！仲有章紅，螺片之類，都唔錯，都好新鮮。
唯獨希靈魚就接受唔到個味道。
炸物當然唔少得天婦羅。
好少食到好食的天婦羅，因為好多好厚粉，好滯。
但呢到出奇地係好食架！蝦好大隻，粉薄，熱辣辣入口，正！
仲有個必食推介，蕃薯仔令我食完再叫，叫完再叫。內軟外脆，甜而不膩，食過就知唔係一般蕃薯咁簡單！
芝士年糕都唔錯，入面芝士味都幾重，但要襯熱食，凍左唔好食架。
仲有其他墨魚餅就普通，可吃可不吃。
香芋丸幾特別，之前未食過，都幾好食，咬落有芋頭味，鐘意食芋頭的人會鐘意。
芝麻雞亦出曬名正架啦，唔多講啦。
串燒的話燒菠蘿乃小女子命根。
我可以食十塊八塊，因為真係好好食，又甜又多汁，又係令人難以自拔。我食菠蘿堪稱變態，哈。
個羊安，老豆話好食唔so，但我唔食羊，唔清楚，佢咁講應該唔差得去邊，睇樣都幾入味。
仲有鍋物食，雪花牛肉鍋，牛乳海鮮鍋，都幾特別，
但最正係個蟹粥，連媽咪都讚好食，好綿，煲得好靚，又有蟹食，鮮甜入味。
仲有個虎皮尖椒都幾辣，食到d籽都幾係野。好彩我都鐘意食辣，頂得住。
壽司泥講款式幾多，飯都唔算大，唔太頂肚。
火x壽司，卷物都好多款，最好食係芝麻和牛卷。
但手卷就無咩特別吸引，無咩好食唔好食。
其實都幾多野食簡，order紙由a至j，好似字典咁厚。
大部份食物都幾好食。無咩邊樣難食，二百蚊算係咁，我真係收曬貨。
最好係佢雖然會漏單，但都即刻幫你跟返，
即刻問廚房仲有無單，有心為客人服務，漏左的的食物都好快跟返俾我地。
其實令我有驚喜係服務方面，
大家都知放題一定忙，到後期七點幾個場爆矖，門口塞滿人，
但見侍應都好有禮貌，態度好好。有求必應，唔會黑你面，厭你麻煩。
動作收碟換碟都好快手，候生仔女係唔同d。
大滿喜係一間食物質素好，用心服務的放題，放題唔等於食垃圾，唔等於要受氣，唔等於未食飽就俾人趕走。
呢餐生日飯成家都食得好開心好滿足。
希望大滿喜一路可以保持個水準。旺角要食放題呢間會係首選。
Ps埋單記得拎coupon，有得減30蚊。
張貼
