大本瀛日式放題

營業中

休息中

好耐冇同屋企人出嚟食飯，見咁難得共聚天倫樂，就去左食放題食得好啲，又滿足到大家唔同嘅需要枱與枱之間仲有得落簾，私隱度頗高炙燒三文魚，蒲燒鰻魚，芝味大蝦壽司壽司細細嚿，貪佢唔會太飽肚炙燒燒出三文魚既油脂香，蒲燒鰻魚都好肥美胡麻豆腐、白雲鳳爪簡簡單單既前菜白雲鳳爪表現很佳，骨位脆卜卜，而外層爽身，好新鮮和風牛肉烏冬烏冬彈牙，而牛肉比得幾爽手，有4、5塊湯底清清哋，唔會過咸 仲有海帶、栗米同旋風卷作為配料日本吉烈蠔、紫心香芋丸、貓山王炸彈以上都係必食炸物蠔外脆內爆汁，充滿蠔味紫心香芋圓同貓山王炸彈都係外脆脆，然後中間一層軟糯，最中心一層就有香甜芋蓉同埋榴槤蓉豉椒炒花蜆食放題除咗食刺身，仲要食多多海鮮先夠化算 豉椒味濃郁，重點蜆肉乾淨無沙牛油炒雜菇雖然全部都係菇，但就有唔同嘅口感，簡單加牛油炒，菇既香味就話都冇咁易出左黎香蒜煙肉焗北海道帆立貝、和風芝士焗廣島蠔個名長一長，代表配料都有唔少，味道果然會有返啲層次 炒香咗既蒜蓉、煙肉，同埋甜酸醬汁都係畫龍點睛之作

抵食又就腳@大本瀛日式放題 和大胃王朋友食飯當然要食放題，令佢食飽也可以有預萛一點嗎 大本瀛日式放題位於放題集中地兆萬中心的10樓 都是卡位為主，坐得頗舒服，不過人非常之多，來食飯建議先行訂桌 飲料是自助形式 大量韓式飲料可以選擇 食放題最重要是食量和款式多， 這裡想食什麼基本上都有，而且上菜速度非常快，服務員服務很有禮貌 食放題的重點是食刺身吧,這裡的刺身雖然不如高級日本餐廳的上等貨，但食起來新鮮沒有雪味,加上口感也爽口,也是令人食得很安心的~ 尤其是大蝦刺身,超美肥的, 好鮮甜美味。而帶子刺身也是厚切(和其他放題店比較下)食一圈也回本了 這裡的壽司細細件的，可以一次過試多幾款嗎 花雕雞翼很推介，皮很爽口而且夠入味 竟然有冬陰公湯可以點,酸酸辣辣好開胃!入面也有好多料!不過份量也真的太多了,下單前不妨叫店員拿小份的就好 燒鯖魚也很好食,魚皮燒到脆卜卜,入面又唔乾!加點檸檬汁食起來更有層次 燒雞翼好JUICY,可惜是真的很飽不能再ENCORE 燒羊架好多汁,而且沒有羶味,食起來很嫩滑 泰式生菜包~ 這裡還有好多款泰式食物可以點 泰式蝦餅和蔗蝦~即叫即炸

行過旺角經過兆萬見好多間日本放題派發傳單，接過幾間傳單，上網搵下評論，發覺大本瀛評分高，價錢又算便宜，最後決定黎食餐勁。估唔到平日都禁多人，等左半個鐘左右先有位。已經好肚餓，極速點刺身食先，刺身種類達至 15 款，非常多選擇。刺身以冰墊底, 三文魚刺身勁厚切, 入口肥美。 甜蝦同帶子夠哂鮮甜，八爪魚刺身夠爽口，整體鮮度十足，不錯。海膽手卷，細細件，唔驚飽肚，海膽鮮甜滑，唔會有濃濃既海水味。八爪魚、螺肉沙律凍凍地好夠味！蟹籽沙律菜好新鮮，蟹籽都算足料，細細碟好開胃。香蒜煙肉焗北海道帆立貝，香蒜味香濃，帆立貝鮮甜，燒完唔會乾身好夾。和風芝士焗廣島蠔，蠔都幾肥美，酸酸甜甜沙律醬加埋芝士，非常惹味。羊架好入味，肉質嫩滑又吾羶👍🏻牛舌都有2款，鹽燒和鐵板，鹽燒咸香味重很爽口。鉄板加入醬汁和蔥炒，味道香濃，更加惹味。各有特式。牛柳粒去牛味香濃，唔會'un'蝦餅炸得夠香口，沾上甜酸醬好好食👍🏻之後再叫d炸物，芝士年糕、榴連炸蛋，炸蠔等。芝士年糕唔錯，好煙韌，芝士多又香，唔會成舊粉。榴連同香芋炸蛋更加唔使多講，熱辣辣，香口非常。甜品方面，有雀巢雪糕同雪米滋任食。正！

同妹妹行完h&m，去了兆萬食平靚正的大本瀛日式放題。餐廳的位置好舒適。開放式廚房，可看見廚師煮嘢食。先點了一盤自選刺身拼盤。三文魚幾新鮮。再點了些小食。雞軟骨幾脆。酥炸生蠔幾香口。貓山王榴槤炸彈最正，必食。黑松露帆立貝壽司好鮮嫩。鰻魚壽司略嫌燒得不夠香。羊鞍超正、好嫩滑，又冇渣。黑椒牛仔骨都不錯。豉椒炒蜆好夠汁。天婦羅蝦唔夠熱。通菜有點硬，不過可能因為我鍾意食菜葉。又點了一盤刺身，但甜蝦有點霉，可能因為食最夜場。麵豉湯ok。支豆唔夠熟，有啲硬。多春魚好夠“春”。食到超級飽。

又到週未, 一個人悶悶地, 梗係约朋友行吓街,食吓野。在Shopping 前當然要醫飽個肚才有energy, 原來好朋友昨晚已Book左日本放題, ,一入到去有似曾相識感覺, 原來是我之前來過。一出lift 便見到大雪櫃, 放往包羅萬有飲品及雪糕。由於都好一段時候沒吃放題, 所以一坐下便急不及待看order紙, 好明顯今次多左D泰國及其他國家的小吃。因自己肚這幾天不太舒服, 所以不敢吃太多刺身,  珍寶帶子入口即溶, 鮑片爽口彈牙, 赤貝,泰式生蝦新鮮。火焰三文魚壽司, 蒲燒鰻魚壽司, 黑松露珍寶帶子壽司, 香葱和牛巻Yummy Yummy胡麻豆腐,手拍青瓜,白雲鳳爪都是我的至愛。熱辣辣味噌湯夠鮮甜。和風炒野菜,和風芥末醬炒安格斯牛柳粒肥瘦適中,  板燒牛仔骨惹味。台式鹽酥花姿丸,香蒜煙肉焗北海道帆立貝鋪滿大量蒜蓉及煙肉的帶子,正適合我這些愛蒜蓉及煙肉的人。我倆每人在離開前還吃左兩杯朱古力雪糕, 飽晒 。

今日晏晝收早.....約咗個老友落旺角行街....當然梗係食埋飯啦.....點知佢話想食放題.....我心諗唔係呀咁攞膽嘅事都做我真係好耐未試過晏晝食放題.....不過佢話有好介紹....有一個地方食放題又抵....而且有三個鐘頭任你食佢話就係旺角兆萬中心10樓嗰間大本灜嘩淨係睇到佢啲poster已經吸引到爆入到去個環境都好寬敞舒適....而且燈光好柔和每一張枱都有唔同嘅燈飾佈置當然一坐低.....梗係要食佢啲刺身啦佢啲刺身都好新鮮但係有樣嘢必須要讚就係無論你嗌幾多張食物....佢哋都會好快咁上齊比你....絕對唔會拖你時間呢樣野極都抵讚另外佢啲燒烤🦐好食到不得了而且好大隻鍾意食蝦嘅朋友....呢度絕對能夠滿足你我自己都食咗八隻大蝦另外佢嘅花之戀細細夠易入口而且羊架亦燒得相當好味....肉質鮮嫩味道啱啱好一般嘅放題...食佢嘅消𤐶比較細隻....但係呢度嘅燒廣島𤐶又出奇地大隻同好有芝士味但係有一樣野.....只要你嚟到大本灜....就一定要必食必食必食既紫心香芋丸同貓山王榴槤炸彈真係好食到你停唔到咀尤其是佢嘅榴槤炸彈....外層嘅炸粉相當幼細.....而且食落去嘅榴槤蓉真係標晒出嚟..

朋友話想食放題，之前食過呢間幾好食，就帶佢黎食個午市放題啦有個開放式刺身區，可以隨時見到師傅係度切魚生~仲有飲品同甜品櫃，係自助式嘅，可以任揀自己鍾意嘅飲品同甜品。飲品同甜品嘅款式都幾多，雪糕主要係雀巢雪糕同糯米糍，以雪糕味道共有四款，有芒果、朱古力、士多啤梨同雲呢拿，都幾多選擇食物方面，今次食物嘅款式俾我上次仲要多，而且某啲食物都幾特別同朋友一人一罐飲品，蘆薈同芒果都幾好味，蘆薈清甜，而芒果嘅芒果味好出，唔會話味道假，都幾好飲刺身方面，個人最鍾意食帶子刺身，好厚片，而且好新鮮，爽口彈牙。三文魚同甜蝦都好新鮮，生蝦配埋個泰式醬汁酸酸辣辣都幾開胃螺肉爽口入味。花雕雞翼幾重酒味，雞肉嫩滑，而金菇肥牛卷，調味唔錯，金菇爽口。雞軟骨炸得好脆，有少少椒鹽味，送酒一流。鹽燒雞翼，燒得好香口，好重孜然粉味。炒雜菌充滿牛油香，食落好香。而炒蜆好惹味，啖啖肉。焗蠔同焗扇貝，好香蒜味同芝士味，必定要encore天婦羅蝦、天婦羅玉子同炸蝦餅，炸粉唔會好厚，天婦羅蝦新鮮爽口，炸玉子都係第一次食，甜甜地幾好味。而炸蝦餅好足料，口感彈牙個人最鍾意炸芝士年糕同埋榴槤炸彈，年糕口感煙煙韌韌，仲有好多芝士喺裏面。而榴槤

服務超好，員工好有禮貌，老細勁好人！明碼實價，唔會好似其他咁，起樓下派傳單一個價，呃人上去，上到去又另一回事！食物好味，款式多，嘢食嚟得快，唔會走單！刺身新鮮，多款式揀！環境舒服，唔會迫！

難得放假，一於就去食個開心lunch輕鬆下啦！天氣咁熱最岩就係去食日式放題啦餐廳非常舒服同大，而且咁熱嘅天氣最緊要就係冷氣夠凍啦！呢度絕對岩晒啦！食放題就梗係要食刺身啦！呢度嘅刺身都好多款，而最多款嘅莫過於係蝦刺身啦！有甜蝦、泰式蝦、大頭蝦、虎蝦等。當然有我最愛嘅三文魚腩啦！除左種類多之外，而且每件都大件兼新鮮，真係好正除左刺身，食放題梗係要食埋壽司啦！呢度嘅壽司好特色嘅，有黑松露壽司，非常香而新鮮，當然唔少得花之戀壽司啦，每件壽司都係一口嘅，唔會太大令到好濟點了份冷麵，沙律醬生麵。真係好正，好多芝麻醬，配搭埋蟹籽，真係一流。呢度仲有好多熟食選擇，真心讚喔！

外國家姐一家難得暑假返泥香港旅行探親。更係要帶佢地食好野啦! 尼間日式放題價錢同食物質素都滿意! 十幾歲既姨生仔同姨生女都食得開心同滿意! 食到個個攬住個肚走! 我自己已經係第2次去尼間放題!!

身為旺角嘅兒女點可以唔知道旺角有咩好嘢食今日行街行到攰 就同妹妹兩個人上咗嚟兆萬中心呢一間放題食餐飽兆萬中心可以話係旺角嘅放題餐廳集中地可以話係花多眼亂今日同妹妹都係隨心左黎你一間叫大本瀛既放題開頭見到個瀛字心諗應該係以日式為主題嘅放題點知其實係一個多國菜嘅放題食物選擇繁多睇吓下面由A-J 一共十張嘅點菜紙就知道食物嘅種類劃分為日式泰式中式港式韓式主要係以東南亞為主題食物方面有煎炒煮炸、刺身、一鍋上都有可以話一定會搵到一樣啱你食嘅嘢為免眼闊肚窄 小編都係叫咗幾樣自己最鍾意嘅食物食完先再叫 唔好做大晒鬼呢度嘅刺身好新鮮有海水味 但冇腥味象拔蚌甜蝦帶子味道鮮甜濃郁三文魚嘅肥瘦平均 淡淡都有三文魚嘅油脂香味而旁邊嘅生蝦配合買特製嘅醬汁去食別具泰式風味嚟到小編最鍾意食嘅溫泉蛋入口即溶 蛋黃係口中散發住陣陣嘅蛋香味上面嘅蟹子令到溫泉蛋有啲口感上菜嘅時候安全帶應加入左少少豉油做調味清酒煮蜆 呢個可以話係必點嘅菜式餐廳將蜆清洗得好乾淨 食落去唔會有沙加入清酒去烹調味道更加鮮甜小編連湯都飲埋 味道一流泡菜豆腐湯小編可以話係無辣不歡所以點都叫樣辣野 去刺激下味蕾睇外表唔覺得佢好辣但食落就真係辣啦豆腐係呢

啲食物味道正，服務好，啲員工好搞笑🤣幾忙都會抱住開心既心態對付客人，又唔推到成枱野都唔收👍🏻👍🏻👍🏻👍🏻成個氣氛都好好，食野食得舒舒服服☺️啲單又黎得好齊，寫幾多黎幾多，唔會亂黎👍🏻

今次經過兆萬又心思思想食放題，7點上到去等左十分鐘左右就有位啦，都好快手！我地有2個人，比左個一面嘅卡位我，場內都坐得幾爆。飲品櫃有綠茶、烏龍茶、汽水、蘆薈汁、忌廉汽水芒果汁同啤酒等等。大概有十幾種選擇，放題黎講都算多。刺身。都係有普通放題有嘅選擇，但蝦類選擇幾多，有三款。有頭甜蝦、珍寶赤蝦同迷你甜蝦，另外仲有挪威三文魚、珍寶帶子、日本角螺、玉子、鮑片等等。啲刺身都幾新鮮，蝦類好細心挑曬蝦腸，帶子原片上入口鮮甜，三文魚係厚切上碟，食落油脂好豐富幾好味。火炙三文魚、火炙左口魚邊壽司、芝士玻璃蝦壽司。左口魚好有咬口，而三文魚就好軟身，入口即融，玻璃蝦好爽口。啲飯細細舊，醋都落得好均勻，唔會太酸。水準幾高。人參雞湯。上枱有好香嘅參味，湯入面有小小雞肉絲。入口參味都濃，飲完個口有小小甘甘地，幾足料。惹味豉椒炒花蜆。每個蜆殻連住啲肉而且冇沙，啲肉脹卜卜，食落辣辣地。個芡汁調得好好，每個蜆都痴滿左汁。安格斯牛柳粒。一串有兩粒，大大粒。燒得岩岩好，入口肉質鮮嫩，一咬爆曬啲汁。燒牛仔骨。外表睇佢燒得燶燶地，以為食落好老。。一咬先發現好嫩好滑！薄薄地一塊入面仲有小小紅色，但真係好好味。放題選擇都ok多，

第二次食呢間，炭燒和牛壽司真心正，啲牛只係燒熟表面入面仲好嫩，encore左幾次. 鰻魚同左口魚壽司都幾正，值得一試.刺身方面，章紅魚好好食，叫得貴價油甘魚，真係比油甘魚更加好食，油甘魚就肉質軟身啲；章紅魚爽口啲，兩樣都幾鮮味，鮑片就好似幾好食個啲罐頭鮑甘，放題質素不過不失. 熟食方面，食左幾塊羊架，唔會再食，肉煮得太耐過老，仲有一堆根係道，好在個味唔算差. 牛同雞翼就發揮正常水平，特別係牛舌幾正，可以再食！之後食左個冬蔭公，有埋蟹肉係入面，拍得住出面成百蚊既質素！整體黎講200蚊既放題性價比幾高，鐘意呢度有竹簾分開客人唔洗面對面夠哂私隱，雖然有啲甩漏，但員工幾有禮貌夠快手，食物味道質素中上，200十分抵食！

和舊同事約食飯，為方便大家多數選擇放題，可以迎合不同人士的口味。是次地方便利，方便各同事。食物種類挺多，味道也不錯。當然，美中不足是甜品種類太少，只有雀巢雪糕、布丁、奶凍。後兩者如果不是看到隔離台進食我們也不知道有，細問之下原來是要另外點的。如果熱愛飲後食甜品的你們，這間會令你感到很失望的。