大本瀛日式放題

營業中

休息中

好耐無食過放題，見呢個星期不用加班，就約朋友出黎食下吹下水。由於夜晚太full，約左中午食brunch，原來價錢同夜晚一樣，餐牌亦一樣咁多野食，咁食咩時段都無所謂啦，中午時段$198一位。飲品自助，雪櫃在門口，哈哈，朋友話中午都要啤一啤佢。刺身梗係唔少得，寫嘅數量同黎嘅一樣無漏單，新鮮肥美亦算多款，正。壽司細細件，飯軟腍，火灸系列尤其正。麵豉湯，溫泉蛋同牛仔骨，如果鍾意食肉同食牛，牛仔骨啱哂，入味燒得香口，一口牛油好好味，上枱時仲熱㗎。串燒同燒羊架，同樣熱辣辣，翠玉瓜勁多汁，encore左。焗蠔同扇貝，雖然細細粒，都幾鮮味，上面啲芝士沙律醬先係重點。泰國野系列的飛天通菜，不太夠辣外都幾好。同樣係泰國野系列的九層塔炒蜆，個入覺得唔夠味，辣啲仲正，但至少啲蜆無砂。炸天婦羅同雞軟骨，夠熱唔太油，合格有餘。泰系列的豬頸肉，燒得甘香，啖啖肉正呀。燒菠蘿，意外地甜喎。一次性甜品有心太軟同泡芙，超迷你版，哈哈。仲有雪糕杯自助，呢樣任食的，牛奶公司都唔錯啦。總括黎講好滿意，食中午人較少，店內感覺唔迫仲有空間感，上菜快無漏單，食物仲係熱嘅添，店員收紙收盤出菜亦快，比起食夜晚態度好十倍，哈哈～

因為一連串的事，情緒受盡打擊，自我形象極之低落。心坎中，藏著絲絲苦澀，只要輕輕觸及，便如缺堤般洶湧出來。想哭，淚水卻不肯掉下來，那種無奈和唏噓，揮之不去。每逢失意，小妹就會放縱自己大肆吃喝，因為只有這樣，才能開懷一點。想毫無顧忌地大刷一番，日式放題是不錯的選擇。由於稍後要到旺角購物，就選了這間位於兆萬中心的餐廳。甫坐下，即取出點餐紙剔格仔，超爽。店家供應的食物款式多樣，包括：刺身、壽司、卷物、前菜、小食、一品料理、爐端燒、鐵板燒、天婦羅、火鍋等，還有主打泰國風味的菜式。首輪攻擊，當然揀最易翻本的壽司和卷物。火灸京蔥三文魚壽司肥美無比，油花不停滲出，脂香滿盈，之後忍不住encore了兩次。蒲燒鰻魚壽司出乎意料地彈牙，配合濃郁醬汁，十分惹味。香蔥和牛卷生熟程度剛好，加上酸酸的調味，醒神開胃。和風龍蝦沙律吞拿卷用料慷慨，味道則相對普通。第二輪到熱辣辣的燒物出場，當中以香茅燒豬頸肉最為出眾，爽彈軟滑，但又不會過膩；蘸些少酸甜醬，滿有泰式風情，值得推介。炭燒雞翼真正做到皮脆肉嫩，散發焦香，令人回味無窮。鹽燒珍寶大蝦物如其名，件頭巨型，足有手掌般長。其鮮味適中，及格有餘。至於岩鹽燒牛舌油份極足，以

提起日式放題就不得不提依家的我真的吃得不多所以都係間唔中同朋友出去吹下水先揀講真二百幾就食到不同種類既野都算超值既約半年前來過之後，佢地好似多左個新MENU---泰國風味例牌既剌身先~~我朋友大愛佢地辣辣甜甜的虎蝦爽脆得黎，味道又足。甜蝦小巧又清甜三文魚雪味不重，所以好厚實的三文魚的質感北寄貝、赤貝等都爽脆，好味~次次都無肚食壽司咁~~今次就把心一劃就第一時間叫左先質素都不差架~~~飯團細，但材料好足前菜就有中卅沙律、八爪魚、雲耳、螺肉次次必點項目，始終街外買好似好蝕，同埋買得多又食唔曬喎~牛肉骨，香濃的牛肉味，油脂同肉質均勻，好正清酒煮蜆就啖啖都伯是肉，不過清酒味道不算太出我成日都點的牛舌，因為有牛味之餘，又淋身好好食既金菇牛肉串，燒汁既味道非常夾一口氣地叫左炸物了~~炸天婦羅、茄子、蟹棒同雞軟骨雞軟骨一點都不油，脆卜卜架~~~真係一口接一口了泰式煮蜆，味道會較清酒煮蜆入味些少既同時都叫左D通菜平衡下花枝丸係台灣的風味，同炸紫薯丸都係必點。滿分的香煎黑椒牛肉粒啖啖都是一口牛肉粒，煎後牛肉汁噴曬出黎咁門口仲有個自助的雪榚櫃，千萬不要錯過同時佢起LAST ORDER個陣會俾張額外的甜品紙

lunch放題首選成日見到好多放題餐廳係兆萬出面派傳單 今日經過又餓 聽到d人話大本灜嘅熟食幾出色 心郁郁就上咗嚟試啦 其實我好鐘意係lunch食放題 因為唔洗book位又平d (慳錢都要食放題)一坐低侍應哥哥就推介一定要試下佢地嘅泰國菜 因為呢個正正係佢地與別不同之處 咁有人推介到 無理由唔試架嘛咁我地就叫咗春卷 通菜 炒蜆 蝦餅 冬陰公 牛油雞翼 豬頸肉 其實都差唔多叫哂 當中仲有好多encore咗 因為熱辣辣又好有鑊氣 我覺得鐘意食日本野+泰國野嘅你一定要嚟試之後就到真係食放題嘅重點：刺身同壽司啦！我地encore咗好多甜蝦 因為好肥美又新鮮 好食過其他刺身勁多 同埋佢地d三文魚好似唔洗錢咁 大大塊 好鮮甜 其他刺身都唔差架！而係壽司方面就遜色啦 有對比嘛 佢地d醋飯爛咗d 但整體上面嚿魚都唔錯 黑松露好香最後就到小食啦 最鐘意就係馬來沙嗲燒雞肉串 個沙嗲醬好香花生味 雞肉又嫩好香 好值得留肚食多幾串！而其他小食就不過不失啦 我覺得可以一件起兩件止 食多d甜蝦同泰國菜最正！(其實係我鐘意食)整體而言 旺角嘅放題餐廳何期多 要突出就要有特別之處 而呢間大本灜正正是日本同泰國菜都兼顧

同幾個朋友約好下午要食放題黎到兆萬樓下再睇下海報間抵食又吸引呢咁多張海報最岩我地心水就係呢間大本瀛日式放題啦室內環境算寬闊 唔會感到好迫 每張枱之間距離唔會太 我地被安排坐卡位都幾舒適一坐抵 唔洗講一定第一時間緊係要填刺身個頁啦三文魚刺身有驚喜 好肥美好香 絕對係有質素帶子 鮑片 八爪魚 希靈魚 螺肉 生蝦都係必食！另外仲有泰式生蝦添呀唔係間間放題都會有溫泉蛋食 呢樣都竟然有芝士蠔超讚 仲有蒜蓉帶子不過有d咸海膽三文魚都唔錯 海膽唔會腥 清新新鮮外脆內軟豆腐 呢個一定要點呀軟殼蟹手卷同蜆都唔錯另外仲有點左雞湯同牛柳粒 燒蝦 榴槤同芝士波波 仲有好多食到成枱都係燒菠蘿好多水好甜 甜品叫左牛乳 心太軟 仲有雪糕不過甜品款式可以再多d 身為"甜品人" 認為未夠整體黎講係旺角放題不錯選擇

與朋友聚舊，約了去旺角，貪這裡交通方便，餐廳的選擇亦多，朋友提議食日式放題，於是book左食過幾次的大本瀛。選擇大本瀛的原因，不外乎上菜速度快，無漏單，食物選擇多而質素高。今次點了很多食物，有三文魚、帶子刺身、壽司、天婦羅、壽喜燒、椒鹽雞軟骨等等。先講刺身，新鮮程度高，沒有雪藏和臭味，食材優質；炸物的水準也不錯，很喜歡它的椒鹽雞軟骨和雞翼，炸得乾身又入味。有時候一大班朋友食飯，總有些人不吃這樣，不吃那樣，吃放題的好處就是各自叫自己鍾意的東西，大本瀛實在是一個選擇多，水準平均高的好地方。

好耐冇食過放題～因為我的食量真係唔大～覺得食放題好屣錢，但偏偏男友好想食放題，仲一早Book咗旺角呢間大本瀛，講明唔好食嘅話乜都得～既然係咁就一於認真哋試一試佢先！雖然Book咗位，但估唔到真係多人到要等一陣，喺等待期間，店員超好服務，仲叫我哋可以拎住門口嘅雪糕同飲品享用住先～超貼心！男友係超級三文魚Fans，盤刺身一上枱，佢就大讚夠新鮮又夠厚肉。鮑片刺身係另一樣佢極力推介我試嘅嘢食，佢話之前同朋友嚟試過，佢只會食呢度嘅鮑片刺身！而帶子刺身都好新鮮好甜，忍唔住一次過食咗3粒！其他壽司同樣亦都冇得輸，尤其鐘意鰻魚壽司，燒得啱啱好，淋埋醬汁上去真係好好味！感覺上好少放題可以做到咁高質，因為通常都係細細舊，味道又麻麻～另外花之戀壽司上面仲放咗海膽架～細細件成粒啪入口好正，層次勁豐富！而三文魚腩都好好味，油脂OK，唔會覺得膩！值得一提嘅係估唔到燒菠蘿咁好味！點完又再點，好甜呀！！平時都好鐘意食雞軟骨，而大本瀛嘅雞軟骨都唔錯喎～夠味得嚟又唔會話覺得好咸，幾惹味！羊架大大啖肉，好正呀～而且唔會覺得好騷（雖然我可以食得好騷）男友平時少食羊都覺得呢個羊架OK~穫炒蒜片牛柳粒味道香濃，最重要係佢肉質唔會

假日約朋友輕鬆下，於是就book咗呢間大本瀛食午市放題食物既款式都幾多，除左有刺身、壽司、天婦羅、燒品同日式料理之外，仲有泰式風味既美食，包括:冬蔭功、生菜包同炸蝦餅等，食物種類非常豐富餐廳仲設置飲品櫃，客人可以自助去攞野飲，非常方便落單冇耐，野食好快就送上啦，刺身方面叫左帶子、三文魚、北寄貝同生蝦，都幾新鮮，三文魚肥美，帶子啖啖肉，蝦同北寄貝都爽口彈牙焗蠔同焗帆立貝，分別用芝士同蒜蓉焗，味道夠哂濃郁香口前菜方面，有皮蛋、蒜味螺肉同涼拌木耳，皮蛋咸咸辣辣幾惹味，蒜味螺肉爽口彈牙，涼拌木耳酸酸辣辣好開胃。鹽燒雞翼，外皮燒到脆卜卜，肉質保持到嫩滑而牛柳粒重黑椒味，肉質都幾腍，食落好香燒大蝦，蝦都幾大隻，新鮮爽口彈牙，用少少鹽調味已經好夠燒物方面，我地叫左牛仔骨、肥牛金菇同牛舌，個人最愛食牛舌，爽口，好重牛味。而金菇肥牛卷好juicy，充滿燒汁香蒜香炒雜菌，好香蒜味，而且菇都好爽口燒菠蘿好多汁，味道好香甜品方面，我地叫左奶凍，心太軟同木糠布甸，個人最愛奶凍，奶味濃郁，而且口感軟滑唔夠仲可以係門口自助攞雪糕同糯米糍食，味道都幾多種，好滿足😆

平時食放題，要等朋友都放工，通常都擠在最多人的時段，要等位，座位空間都會比較迫。今次和老公放假，6點就去食，位置超舒適~這間食過很多次，刺身依然是我最愛~特別是泰式蝦，個醬汁好好味，蝦好彈牙~炸物必點雞軟骨，還有吉列蠔都好好味~另外炸榴槤真是我每次來都翻點幾次的食物，更可以當作甜品~~推薦給所以喜歡榴槤的人~飛天通菜是我今次最最喜歡的食物~因為辣椒夠辣，炒得好，味道一流!!溫泉蛋都是日式放題中最愛，今次熟了點，味道還不錯~香蔥和牛卷，牛肉好嫩，入口好香!!這個都翻點了幾次。燒物今次主要食了雞翼和羊架~~而湯類，這間我最推薦人參湯，有料夠味~好喜歡~又一推薦必點~~飲品這家的選擇都很多~~最後還有張甜品紙，不過食了雪糕和好多炸榴槤已經好飽，今次無點到~下次再來~

個人推介指數分6(10分為滿分)-昔日在旺角吃日式放題, 就是總會見到一大條長龍在等候. 漸漸放題越開越多, 不論地方和人流也未能復當年之勇. 對此, 原來只是我個人的解讀, 近日再臨旺角品嚐日式放題, 才驚覺時光還是停留着. 這所樓上日式放題, 食物質素尚可, 以此價錢來說也萛不錯.服務卻少有地不差, 基本上沒有留單, 只是人流實在太多, 大家即使訂了座, 也可能要守候些時間, 耐心等待. 是夜和同事工作後, 同事竟提議食日式樓上放題, 我們便試一試運氣. 看見LOBBY等待的人潮, 老實說我是想離開, 因為人實在太多了, WALK-IN 是沒有可能等待到. 幸好原來同事昨天已訂了座, 我們一行四人等了二十分鐘左右就能入座. 座位雖然不大, 但比起昔日我在旺角吃過的放題也萛不錯了.坐下了, 我們四人不由分說就開始劃紙仔, 一交就是七八張點菜紙. 這裡的效率非常高, 基本上平均五至十分鐘食物就會送到枱上, 所以每每我們的口就要比他們上菜更快. 先來的是是晚筆者的TARGET, 雜綿刺身, 有三文魚, 甜蝦, 墨魚, 希靈魚, 鮑片, 馬刀貝,章紅魚和帶子. 其中以甜蝦的味道最令我留下印

今日黎左旺角行街，行到肚餓決定食放題，我地是但喺兆萬點指兵兵揀左大本瀛日式放題。刺身當然係必叫嘅放題食物啦，呢到嘅刺身都新鮮，叫多幾round就可以回本。我自己就比較偏好食火炙京蔥三文魚壽司，因為用火燒一燒嘅三文魚更香口~除左刺身，當然仲有爐端燒同鐵板燒吸引我啦，我特別鍾意炭燒雞翼同汁燒冬菇串~飲品係任飲，都算多款式選擇，我自己食放題就唔會飲可樂怕一肚氣食唔落野XD $262一位瘋狂食足飲足兩個鐘真係唔錯~

表姐好耐都無食過放題 😖約埋表姐去食餐勁 🥳🥳🥳今次就試出名多放題嘅兆萬十樓🤩晚市時段全院滿座 😱😱😱好彩表姐一早打咗電話訂位☺️🤣完全唔使等就有得入座 🤟🏻總共有十款放題紙任點任食😋 冷盤熱盤都大把選擇 一坐底先點刺身拼盤 新鮮而且多選擇 八爪魚刺身有咬口🥳 帶子刺身大大粒 😉三文魚件件厚切 🥰泰式生蝦爽口 冬陰公湯香辣惹味 😌大大隻蝦🤩 真材實料一碗啱啱好 😌飲完就開胃👍🏻燒菠蘿 香得黎仲鎖住菠蘿汁 正清酒煮蜆 無沙 蜆肉勁有清酒香 每粒蜆都有肉鹽燒珍寶大蝦 蝦肉實而不韌 鹽燒後帶鹹香 蝦身啖啖肉 好食 椒鹽雞軟骨 非常香口 外脆內軟 上檯時熱辣辣壽喜燒牛肉鍋 🐮 湯底濃香微甜 😉牛肉嫩滑加上大蔥🥳食完個鍋成個人即刻暖笠笠👍🏻👍🏻👍🏻👍🏻 最令人驚喜當然係榴槤炸彈 炸至金黃色 內裡流心榴槤肉 榴槤香撲鼻 榴槤迷一定唔可以錯過甜品我個人偏好細細個嘅朱古力心太軟食多幾個都唔覺膩 一咬開朱古力湧出 流心效果 不論打卡定味道 一樣咁正 下次想再食放題😌 我都會揀呢間🥳

沉晚係兆萬樓下拎左傳單 寫住9點198， 點知埋單208。我問個老闆點解價錢唔同，佢竟然話張傳單係舊（我兩個鐘前係樓下問一個著住大本瀛t shrit嘅人拎），話門口貼左新價錢。試問有幾多人會出lift專登睇多次價錢呢？個個人食兆萬放題都係係樓下揀好一間先入去。我唔係志在個$10 只係覺得佢咁樣唔合理

太耐無同閨蜜K去行街食飯了⋯ 所以就相約係旺角先食放題後Shopping⋯ 旺角食放題相信大家同我一樣諗起兆萬商場。係雲雲的選擇中，我們就揀左係網上較有人氣的大本瀛！餐廳的野食主要分為刺身、壽司、前菜小食、和風拉麵烏冬、爐端燒、鐵板燒、炸物、泰式風味小食及火鍋都應有盡有。食放題當然先點最回本的刺身啦！雖然無我最愛的呑拿魚，但都有不少的選擇。當中我鍾意有頭甜蝦(比想像中大隻)、日本角螺(爽口彈牙)及泰式生蝦(加埋香蒜辣椒碎 勁香)。好少放題的壽司愈更我Encore，不過呢個黑松露珍寶蝦壽司，我食完第一Round的2件後，係第二Round再加多兩件！壽司上的蝦刺身比淨刺身大隻及肥美好多，加上上面個點黑松露，令整體更香！軟殻蟹手卷盡對有驚喜，而且同市面上的連鎖壽司店有得Fight！職員有温馨提示手卷要先食，因為紫菜會淋。手卷內的軟殻蟹都幾厚肉，加埋沙律醬、蟹子及堅脆紫菜，整體的口感都好豐富。海老天婦羅雖然唔肥美，不過炸粉唔會太厚，而且食落唔粉，食落都唔差。唔知有無人同我一樣，知道豬頸肉唔健康但都超愛吃～呵呵 餐廳的香茅燒豬頸肉都燒得幾香，而且唔會太乾身，加埋泰式酸辣醬就非常惹味。朋友話好耐無

我哋大約七點上到去，呢個時段每位208蚊， 喺同區嚟講算係平 👍🏼店內都唔會坐得太迫夾。睇睇餐牌，一般放題有嘅嘢佢都有 。本住食得曬先好嗌嘅精神，我哋每樣都嗌咗少少試下 。未講嘢食之前先要讚咗啲侍應生😁。有個四眼侍應反應十分之快。我呢邊寫完張落單紙，都未叫佢，佢就自動幫我收走去落單。而且佢仲會主動教大家先落咗刺身 🍣，再嗌熟食，咁就會快啲有嘢食。果然刺身好快就送上。刺身味道正常，而且唔會有溶雪嘅問題，亦都唔會切得太薄冇曬口感。另外都叫咗幾款唔同嘅壽司，細細嚿，唔會畀啲飯撐飽曬 。再上就已經係一啲燒物🍖。估唔到佢哋啲燒物都幾好食。燒羊架唔會乾爭爭而且幾入味。每次必食嘅燒菠蘿🍍亦都係好多汁好juicy，上到嚟仲係熱辣辣。燒雞翼味道有啲似土匪雞翼。亦都係好入味。炸生蠔入面仲有好多汁，亦都唔會油冧冧。焗帆立貝同焗蠔亦都係高分之作😋。雖然都係細細粒，但係好食就夠啦!佢仲有個泰式系列，我叫咗炸蝦餅，炒蜆同埋飛天通菜。真係要讚下個飛天通菜好好食 😍。佢上枱嘅時候熱辣辣又唔會太多油同埋太鹹，仲食到有啲鑊氣添。另一個要讚嘅係溫泉蛋🥚。佢個溫泉蛋除咗已經加咗醬油同蔥花之外，仲有蟹子，食落去又香又滑好正。最