大本瀛日式放題

營業中

休息中

lunch放題首選成日見到好多放題餐廳係兆萬出面派傳單 今日經過又餓 聽到d人話大本灜嘅熟食幾出色 心郁郁就上咗嚟試啦 其實我好鐘意係lunch食放題 因為唔洗book位又平d (慳錢都要食放題)一坐低侍應哥哥就推介一定要試下佢地嘅泰國菜 因為呢個正正係佢地與別不同之處 咁有人推介到 無理由唔試架嘛咁我地就叫咗春卷 通菜 炒蜆 蝦餅 冬陰公 牛油雞翼 豬頸肉 其實都差唔多叫哂 當中仲有好多encore咗 因為熱辣辣又好有鑊氣 我覺得鐘意食日本野+泰國野嘅你一定要嚟試之後就到真係食放題嘅重點：刺身同壽司啦！我地encore咗好多甜蝦 因為好肥美又新鮮 好食過其他刺身勁多 同埋佢地d三文魚好似唔洗錢咁 大大塊 好鮮甜 其他刺身都唔差架！而係壽司方面就遜色啦 有對比嘛 佢地d醋飯爛咗d 但整體上面嚿魚都唔錯 黑松露好香最後就到小食啦 最鐘意就係馬來沙嗲燒雞肉串 個沙嗲醬好香花生味 雞肉又嫩好香 好值得留肚食多幾串！而其他小食就不過不失啦 我覺得可以一件起兩件止 食多d甜蝦同泰國菜最正！(其實係我鐘意食)整體而言 旺角嘅放題餐廳何期多 要突出就要有特別之處 而呢間大本灜正正是日本同泰國菜都兼顧