大本瀛日式放題

營業中

休息中

見屋企人突然之間想食日式放題。就訂咗呢一間。入到去座位好寬敞。地方也很衛生。至於食物味道。真係比起好多日式放題好食好多，至少所有都是熱辣辣的出邊食好多日式放題都會冷冰冰的。值得推介佢嘅三文魚火勺壽司, 真係好好食,入口有甘香味。無論冷熱食物整體嚟講都好好食。媽咪好鍾意食燒羊架， 佢話羊架燒得好香冇羊騷味， 試咗佢個日式火鍋， 叫咗佢隻大紅蝦一嚟到好有驚喜^^真係好大隻， 雖然唔夠鮮味，但勝在夠大隻多肉， 仲有佢嘅焗蠔/焗扇貝 雖然好細粒， 但上面嘅沙律醬汁真係好惹味 壽司好 值得讚賞， 幫我剝緊蝦殼嘅時候， 店員竟然細心 幫我預備好濕紙巾給我抹手， 還留意著收拾 已經食完嘅東西

四人同行，一人半價。book左位一星期後竟遇上二人限序令，好彩餐廳有預備4人枱，中間放張隔板，夠1.5距離我地可以方便傳遞食物，同隔住距離傾計。熟食真係幾好食，食完暖笠笠，今日天氣都幾凍，出街都要帶住帽。員工服務都幾好，就算見到有昆蟲係牆爬過都會幫手捉，食物未來都會幫手追單，服務態度真係好緊要，就算催左3次單，都覺得對方係有心幫你追單，就算因為其他客人又係有人生日，見對方個個肥師大隻，都會有禮貌同我地講有客需要用大枱，幫我地換位坐，枱上所有野幫我地拿過去第二張枱。今日餐廳打左2次電話確認今晚入座，生日優惠送蛋糕仔。刺身壽司ok,食物都ok,3小時任食好夠時間，由7點15食到10點15，食到9點幾賣完單仲可以坐到夠鐘走。整體我地同朋友都覺得ok,雖然未至於會想立刻好密甘下月再來食，但將來再有慶祝都可能會再來食

好友约<日式放题>条件是非假日，晚餐不考虑，只午餐可能??但本人平日收工下午13:00喔。众多条件限制下再加上<疫情>因素~竟然浏览 Open rice 找到合适的<大本瀛>。喜出望外订位14:15~3位更可优惠-15%。<旺角>地铁站交通方便，所在地去年购物<自由行>期间人山人海，现在盛况不再，食肆在影响下~立杆见影，大厦入口宣传招徕工作人不少，惟独未见<大本瀛>参与???证明实力雄厚👍👍👍支撑有力。大家鱼贯埋位~先试鱼生刺身，挪威三文鱼+呑拿+鲍鱼片新鲜，味正宗。烧大虾+羊架+牛舌+牛柳粒+鲭鱼+多春鱼好味道。人参鸡汤有惊喜。令人奇怪是食物用<调味料>厨师控制得宜，各人未见有<味精>口渴症状 ，良心店家~值得称道。2小时搏杀后大家都抱团满足100%。人均不到$200消费~再送甜品。服务有礼，物超所值.....

生啤添飲重用杯，試過侍應撈亂我同朋友隻杯。唔太衛生，應該用新杯好D. 食物OK. 員工有禮。They will refill beer for you. But one of the servers (guy) mixed up the glasses of myself and my friend and obviously not acceptable... I tested by dropping a tiny object in mine and after refill, the server gave that glass to my friend..

旺角放題多如雨後春筍，今日和朋友嚟食呢間嘅大廈，全幢食肆都係主打放題😀放題目標為本嘅就係👉魚生，食材是否新鮮，有幾多種類可選都是重要因素🥢🥢亦係其中一個人氣指標魚生質素唔弱😘，除咗必有嘅三文魚、赤貝、甜蝦⋯⋯第，仲有自家製作的玉子燒👍，質素媲美日式餐廳😘再encore😄生蠔🦪$108/6隻起，生蠔睇落雖然不是十分飽滿，但鮮甜美味😘意猶未盡，前後order 左2打😄值得推介😋😋仲有其他👇前菜熱食/熟食晚市$248/位每位加$40啤酒放題，啱晒鍾意飲啤酒🍻嘅朋友

講起放題 大家都一定聽過旺角兆萬中心而網上面都流傳呢度係劣食之塔🤯前幾日路過 就走左去試呢間平價日式放題-先讚一讚呢度嘅店員服務態度好好 上菜速度都好快每位入座會送一隻生蠔/海膽/磯燒鮑魚揀咗生蠔同海膽 兩樣品質都係差唔多 唔算難食海膽冇乜腥味 生蠔有少少金屬味尚算可以入口-刺身黎講 比較驚喜係可以任食珍寶帶子帶子有少少雪味 不過呢個價錢接受到既三文魚頗為肥美有油香 八爪魚爽口唔韌其餘既刺身都唔難食-金菇肥牛卷非常好食👍🏻牛肉嘅肉汁滲哂落金菇同出邊日式餐廳食到嘅差唔多🤓-芝麻雞翼、脆炸魷魚鬚、芝士年糕、紫心香芋丸呢幾樣野極度油膩 完全入唔到口 千祈唔好嗌🤗-壽司全部都係細細舊 唔會令到人好飽花之戀、火灸京蔥三文魚壽司唔錯軟殼蟹手卷塊紫菜有啲淋 唔係幾咬得開😕-總結係你永遠都唔會知邊一樣野係好食 邊一樣係中伏價錢上真係抵既 不過你食唔到太多野都係去返普通餐廳算好味評分😋：3/5🌟🌟抵食指數🤑：4 /5 🌟🌟餐廳環境 🤪：4/5🌟🌟

補足朋友生日所以選擇咗嚟呢度食放題，因為朋友本身好鍾意嚟呢度..我同另一朋友就第一次幫襯..我哋book咗夜晚7:30，唔小心早咗15分鐘去，不過店員都好好話都係7:30先幫我哋計時。一坐低就係咁剔剔剔...店員好好行過都即刻話幫我哋交左先唔洗5分鐘已經上左盤..勁快手..甜蝦係大隻既三文魚好肥美...雖然刺身選項唔算多，不過起碼係新鮮鹽燒大蝦，真係有手掌咁長，燒得都幾香..但D肉就有少少淋。訂座會有生蠔或者海膽仲有其他限定嘢送..我哋三個都揀咗海膽嚟到第一眼有啲嚇親...心諗個顏色點解咁黑鼓起勇氣食咗最黑嗰舊，味道講唔想係好鮮甜，不過不失...但唔會想再食不過呢度最驚喜就係生日蛋糕會有支煙花蠟燭送...仲播生日歌..

帶子解凍不足，三文魚不新鮮，基本上刺身拼盤比較差，但是我亦都不能完全怪你哋，因為疫症過後，不少放題刺身質量都下降，可能你們嘅情況也一樣，熟食還可以，但是鹹蛋雞軟骨近乎食不出鹹蛋味，只是見碟底有油，其他質素還好，但現在疫症員工不是每位都有戴口罩，衛生意識令我有點失望,但是你們出單出得足，還有出單出得快，都是值得欣賞，但是今次嚟食真是有少少失望。當然佢都覺得你們羊架做得唔錯，香料足夠，但是直接壽喜燒因為牛肉太老所以唔好食，之後我們直接叫火鍋質素好好十分多。天婦羅十分好，但是種類不足。雞翼也好食。

在去之前都知道呢間食店檔次唔高，但openrice高分,所以都試吓。端午節假期2:30去到，已經少咗人，仲好坐得好舒服，隔離冇人。落單後好快就上菜，神奇。食物水準都ok，最深刻印象係羊骨架，夠稔夠香夠多汁，牛舌都不錯，唯芝士焗蠔就唔多新鮮，好腥，又細隻，但都預咗。罐裝飲品任飲，暢快。泰式蝦，燒雞翼不錯，壽司雖然唔靚仔，細隻，但ok好食。上網訂枱有85折，$800/4人，食到摸住個肚落樓，臨走先知有雪糕食，侍應話可以帶走，攞埋走，算抵食啦！

知道呢間小店五月裝修後重開 所以再來再戰江湖! 首先就食咗個大會提供嘅海膽, 海膽鋪上青瓜上面食落口清爽。 之後就開始日式放題 ,先叫刺身拼盤 ,刺身仍然保持水準 之後就叫咗冷盤有：拍青瓜 鳳爪 皮蛋 蟹子沙律, 以及我個人推介嘅柚子汁帶子沙律 。之後炸物就叫咗新出品嘅芝麻雞翼 鳳尾蝦 以及炸榴槤丸,再嗌少少壽司 ：有左口魚 鰻魚 赤蝦 以及象拔蚌 。天婦羅方面 有大蝦 茄子 南瓜及蟹柳, 全部炸物出嚟都係新鮮熱辣 以及不油膩! 我個人在推介係金沙雞軟骨 配合清酒一絕。 燒物方面我推介係鹽燒牛脷肉質爽口彈牙, 其次就係燒蝦及燒菠蘿。 最後再要埋個清酒煮蜆及麻醬冷麵 作為呢一餐飯嘅總結😋

喺OpenRice度搵咗好多間日式放題，終於朋友介紹咗大本贏。其實兆萬有好幾間日式放題，d間我之前都試過。不過，今次食過又覺得啲嘢進步左。魚生好新鮮，仲要好過酒店buffet。壽司即叫即包，啲紫菜仲好脆嘅。值得一讚係隻燒蝦，係上等嘅大虎蝦非常鮮。食物都好多選擇，兩個鐘頭同朋友傾偈都覺得唔係好夠，切埋蛋糕夠。老闆很好人，還幫我哋個蛋糕點上煙火蠟燭，雖然非常之趕時間，不過大家都非常之飽，值得推薦。👍

第一次同朋友食呢間放題，我地今次食4:30，人唔算多，但服務員都好好，好有禮貌🥰前菜味道不過不失，泰式鳯爪對我黎講有一點酸，但十分開胃！💕我本身唔太鐘意食生既食物，但佢既螺肉、北寄貝都好爽，唔中意食刺身既都可以試下💕壽司有好多唔同既種類，都唔錯，但個人覺得蟹棒一般般佢既炸物必叫啊！全部都好脆，而且一啲都唔油，推薦！服務員見我地過左一陣都唔食，仲突登提我地要快啲食，因為剛剛炸好🥰🥰下次都會再嚟食🥰

最近香港氣氛不太好，連街上的人都少了很多，好想吃好味又飽肚的食物舒緩一下氣氛，經過兆萬中心，見到大本瀛有刺身有壽司有打邊爐，張海報十分吸引，所以吸引到我去那裏大快朵頤。首先一岀電梯門口，員工會說日文來歡迎我們，想不到十分熱鬧，旁邊就有雪糕櫃，一入座，首先先點刺身，推介帶子、馬刀貝和甜蝦，三者海鮮都十分鮮甜，而馬刀貝咬下去夾脆。熟食則推介羊架，上面還有香料作點綴，咬下去肉汁豐富，牛油雞翼都不錯，外層有一粒粒咬感，內裏沒有雪藏味，口感好棒，絕對推介。亦都嘗試了肥牛壽喜燒和肥牛豬骨拉麵，兩者的肥牛都好吃，油脂分布平均，拉麵好吃，湯底清甜，如果不是飽了都想叫多一碗。

星期五中午三點去食日式放題，去到員工服務幾好有問有答，之後坐低開始揀食物，第一樣揀刺生，三文魚生還可以，甜蝦唔太新鮮，因交第一張紙只叫了各種少星刺生食，再第二次比order 紙，等左成15分鐘都未到，以為多客oder 漏單算數再order過（當時成間鋪只有三四枱客）之第二次又等左15分鐘食咁耐放題未試過張枱會吉左成半個幾鐘都冇食物，叫侍應幫手叫先到，唔緊要食嘢最緊要開心，唔介意再落炸物燒物，又等左20分鐘只有幾件天婦羅，食左個半鐘只係食左兩盤刺生同一碟天婦羅，好我再忍，因為截單關係只好再寫多幾張炸物燒物，因就夠時間又冇咩食嘢再order碟壽司諗住食飽算，交左order紙又等，半個鐘只係嚟左幾粒炸紫薯...頂激到噴火，反映比侍應叫我再order會親自幫我跟，今次就係係嚟齊最後果一張order幾嘅嘢，之前果d就total lost ，食埋夠時間又要交枱，好野，食咁耐放題未試過食唔飽，呢間我以後都唔會去

第一次食呢間放題今次食4:30呢段時間環境幾好，唔會話好迫服務員態度非常好👍🏻好有禮貌🔸泰式鳳爪較為入味，而且好開胃🔹青瓜如果係手拍既話會更入味🔸螺肉好食，同平時食開個啲差唔多🔹皮蛋既味道係好食，但個醬再多啲會更好食📢前菜不過不失，可叫可不叫🔹泰式生蝦好好食，但個人比較中意自己點醬，分開醬汁另上會更好🔸帶子好鮮，唔會有未溶雪既情況出現🔹螺肉、北寄貝、甜蝦必叫！如果唔食生野既朋友仔都可以試下螺肉，一啲都唔腥，比較爽口🔸赤貝較爽口🔹八爪魚食落略為有少少奀，但都好好食📢刺身整體好好食👍🏻都好新鮮，必叫！🔹軟殼蟹手卷必叫！好脆呀🔸芝士蟹棒壽司還可以，條蟹柳麻麻地📢其他壽司都可以叫黎食，不過個人覺得舊壽司飯略為酸左少少📢天婦羅炸出黎唔算油，會另外有個汁，點個天婦羅汁會冇咁油膩🔹牛仔骨唔會好奀，如果味道濃少少更好🔸燒菠蘿好甜，放題必叫！🔹燒冬菇表面會有燒汁，好入味📢燒物都可以試下，仲有啲瓜、雞翼、餃子...燒物黎講都比較多選擇🔹清酒煮蜆不推介❌似芫茜湯多啲，芫茜覆蓋左本身既味道🔸炒蜆一般，個味道唔突出，較普通📢下次唔會叫呢2款蜆食，味道麻麻🔹芝麻雞翼實冇死😆好入味，炸得剛剛好🔸香芋丸、榴連丸都好好