大本瀛日式放題

營業中

休息中

旺角一帶日式放題基本都有食過，但食物質素在$2xx左右價錢來講都算是第一。刺身不是急凍拿出來的，亦夠新鮮。鹽燒蝦肉質juicy 。牛柳粒、天婦羅等味道及分量剛剛好，不會太大量而令人飽肚。特別喜愛芋頭丸，甜度剛剛好。絕對可以用來代替雪糕、西米露等甜品。另外服務真是一流。今次叫食物時有漏單情況，染紅色頭髮店員殷勤地幫我再三跟進。亦不厭其煩地詢問我們最終是否有到齊。感覺現在很少有任食食肆有這個服務態度。又見當中有客人生日，會放上生日蛋糕及播放生日歌，非常溫馨。唯一美中不足是環境稍為壓迫。沒有什麼景觀。

尼間放題味道好好.服務又一流.特別一個紅色頭髮嘅男生服務態度好到我哋都唔好意思！碟上有小小嘢就即刻幫我哋攞去揼咗又換新碟.上菜又快.唔錯尼間值得推薦俾大家👍👍

第一次食呢度，食物同價錢都公道，性價比不錯！刺身新鮮，沒有食到臭的甜蝦熟食 ， 燒物都很不錯，特別係焗蠔同燒帆立貝！ 仲有送既鮑魚刺身都新鮮好食，同埋居然佢個冬陰功湯有驚喜，我飲咗兩碗最值得一讚嘅係呢度所有員工都非常親切有禮。通常食放題因為啲員工太忙，個個都做到黑口黑面！ 試過有幾次食放題都食到幾受氣但呢度啲員工雖然都係好忙，但仍然保持到呢種服務態度非常抵讚！所以話員工真係公司很重要的資產！非常推介，會再嚟幫襯

好有heart 既放題啊、食物、取單都好快，炸物好食，炭燒雞翼，蝦，脆肉瓜串好好食呀～ 有個正字個啲必食 職員好好，未試過感受到咁熱情既放題⋯同同事兩個食得非常開心既一晚😬 。

先送一個剌身，另外再有食物但要選擇，侍應服務態度好，很主動幫忙，收碟也快不用催，食物也出得快，竟然沒有漏單🥰食物普遍也不錯，但炒蜆有沙就不太好了，刺身新鮮，羊架、牛肉粒薯仔等也不錯廚房出品都很好👍燒蝦也大隻唔dry, 燒菠蘿也juice,到食到差唔多時，侍應會俾另一張甜品紙，每人可以要兩款，另外雪糕就往外面自取，生日送蛋糕，侍應話係像雪糕的蛋糕，果然真的呢！也是book位時主動送的，生日的一個半價，真的不錯

前排真係好有胃口 幾乎每個星期都想食一次日本放題 最衰約唔到有好多選擇嘅大喜屋 但係就發現旺角都有好多間！呢間就係兆萬中心上面好多放題之中脫穎而出！午市3小時放題💰～210/per person其實我地冇預約到 不過到左即刻都有得入 入面都有好多位 而呢度冇用QR code落單 反而係傳統嘅紙筆 好似增加左員工工作量但係都冇漏單嘅情況！🍣刺身方面嗌足上台就真係超壯觀！呢度有齊基本嘅三文魚 甜蝦 帶子 赤貝 仲有特別嘅泰式生蝦 係醃左D泰式辣椒醬上去 味道特別 酸甜開胃！而螺肉 鮑片同自家製玉子都出乎意料地好味 八爪魚都好軟滑！呢度嘅刺身師傅真係對我地好好 一開始都偏薄同細塊 後尾越切越大份🤣🍣壽司方面佢有普通壽司同火炙壽司 不過整體壽司都偏細件 就可以食多幾樣！蒜蓉牛油汁玻璃蝦壽司 青檸象拔蚌壽司都好特別 仲有黑松露赤蝦壽司！個人更喜歡火炙壽司 覺得口味更多 和牛 鰻魚同埋醬燒芝士蟹棒都好惹味！仲有卷物同手卷 記得好似黑松露三文魚拖羅蓉卷唔錯 芥末八爪魚軍艦都幾好味😙🍖串燒料理方面有最經典同最出色嘅薯仔炒牛柳粒 照燒汁炒牛舌 另外仲有煙肉焗北海道帆立貝 芝士焗廣島蠔同埋焗一口雞等！串燒

午市去食，因為唔多人，四個人都安排咗八個人嘅位俾我哋👍收碟嘅速度好好，服務員態度都好親切，我自己細細聲講嘅說話都會幫手。整體食物質素不錯，羊假同埋牛小排都有驚喜。

呢間放題服務非常好👍今晚同friend慶祝生日，竟然被安排一間獨立房，真係有點驚喜。而且服務員態度非常有禮、落單後，食物很快送上，還貼心提醒某些食物不宜等太耐，要趁熱食。我哋買咗生日蛋糕，呢度仲唔洗收切餅費！又係一個加分點👍呢度嘅食物質素都好高、款式都好多，除咗日式放題有嘅食品，呢度可以食埋火鍋。今晚顧住食，忘記咗影吓啲食物相🙈但整體而言，呢間放題無論服務、食物、價錢、地點都好好👍

整體都唔錯，餐單上標明「正」嘅食物都唔錯，值得一試。落單嘅燒物即叫即燒，夠曬熱，燒翠玉瓜同菠蘿都好甜。食物種類都算多，仲有得額外叫生蠔或者鮑魚。上餐速度都幾快，冇漏單，下次會再去。

今日同同事慶祝生日，揀咗去旺角呢間大本瀛度食日本放題。佢啲刺身都幾新鮮冇雪味，啲魚肉食落去都唔會梅爛爛，嗰啲螺肉都幾爽，尤其是啲魚佢溶得幾好，食得出啲魚本身嘅味道。啲雜物真係即叫即炸嘅，嚟到嘅時候全部都好熱辣辣，仲好辣嘴㖭！佢食落去冇油益味,脆卜卜都幾正！多春魚都燒得夠香，唔係好多放題有得食多春魚嘅，所以我哋都叫咗好多次encore再encore。個燒菠蘿都好甜，唔錯唔錯！咁其他嘅食物就同普通放題一樣，普普通通所以就唔特別講啦，不過呢就要讚下佢哋啲服務員，我哋原本係去慶祝生日，有個蛋糕，但佢哋聽到我哋講有人升職，佢哋就喺個蛋糕邊，嗰度同我哋寫埋祝賀個朋友升職,呢啲我哋都同個職員冇夾過嘅,個friend都幾開心,真係要多謝佢地。

第一次黎呢間試，居然真係唔錯，食物感覺都好新鮮，種類都多，有送生蠔，海膽，鮑魚同雪糕，一行5人+一個小童，點幾多上幾多，真係好足數，服務真係值得一讚，有禮貌，收碟勤快，其中睇到之前有人讚過的紅頭髮，真係好好禮貌，之前一直幫襯開另外一間有成10年，因為裝修所以先轉呢間，之後應該都會黎呢間啦！位置真係好窄，其他都ok！我比較中意食刺身，特別讚下甜蝦，真係好甜，無咩腥味。生蠔都算ok，海水味比較重。海膽係家人試，都話ok。

晚飯時間係旺角行行下突然想食放題，於是去兆萬碰碰運氣。揀咗10樓，放眼望去係爆場狀態，幸運地有位(2人)。預備入座嘅座位唔算寬敞，門口職員建議我寄存背囊係佢地度等我可以食得舒服啲(有為顧客諗，不錯)。食物速度好快，味道好! 壽司嚿飯唔大，唔怕撐到飽晒。嗌咗嘅食物中，覺得雞軟骨一般。個人喜好刺身：三文魚、甜蝦、章紅熟食：鹽燒牛舌、羊架因為太滿足，火鍋、甜品呢啲食唔落喇 期間見啲職員好忙，但都會同啲食客有講有笑，又有耐性地解答呢碟係乜、嗰碟係乜咁

我地一行12人 坐得幾舒服 唔會覺得迫 隔離都有2枱先後慶祝生日 成個area一齊唱生日歌 氣氛幾好添😂另外服務態度好好 野食黎得又快又黎足 刺身都係寫幾多黎幾多👍反而仲提醒我地壽司有飯 唔好叫咁多😳 甜蝦超甜 三文魚都比d靚位 唯獨係帶子質地唔得🙈 其他野食都好好食 鹽燒牛舌好香 焗蠔個醬都好好食 整體都好滿意 下次食放題都會揀返呢間👍食得開心掛住玩同食 野食無咩點影到相🙈 呢個食物質素同體驗 的確有打破我對兆萬放題既印象🙈

在openrice找晚餐放題發現在兆萬中心1 0/F 大本瀛日式放題任吃2小時每位只收$258加一現凡任何訂位便可亨有四選一優惠(生,诲膽,鮑魚及雪糕)每人可選自己喜歡的一款亨用我們兩個都選擇了生值得一讚 生蠔新鮮有口感 刺身新鮮 ,壽司細細件又好味燒菠蘿鲜甜好味道其他食物不過失餐廳出菜快,收碟也很快令枱子有足夠位置擺放食物出來都熱辣辣的,加上又细细碟,令我們可以多吃幾款沒有漏單👏👏👏員工親切有禮貌👍👍👍下次我們會再來的

第三次幫襯，奶奶生日平日過黎食12點，係呢度定佐位有刺身或雪糕送帶佐2歲幾bb話bb唔收費，超良心！服務態度一如既往好好，上菜快，今次去到直接卑佐贈送紙，但甜品紙都係要問服務員羅，建議直接夾餐單度。之前去甜品好似每人限點2份今次話覺得好似可以點多點每份量都少少食佐好多種類，奶奶都表示好滿意！但個價錢真係撲朔迷離，兩人457.6？平日午市唔係188+1？去過幾次每次價錢唔同，真係唔明😂