影片
更多
2021-11-17
6579 瀏覽
前排真係好有胃口 幾乎每個星期都想食一次日本放題 最衰約唔到有好多選擇嘅大喜屋 但係就發現旺角都有好多間！呢間就係兆萬中心上面好多放題之中脫穎而出！午市3小時放題💰～210/per person其實我地冇預約到 不過到左即刻都有得入 入面都有好多位 而呢度冇用QR code落單 反而係傳統嘅紙筆 好似增加左員工工作量但係都冇漏單嘅情況！🍣刺身方面嗌足上台就真係超壯觀！呢度有齊基本嘅三文魚 甜蝦 帶子 赤貝 仲有特別嘅泰式生蝦 係醃左D泰式辣椒醬上去 味道特別 酸甜開胃！而螺肉 鮑片同自家製玉子都出乎意料地好味 八爪魚都好軟滑！呢度嘅刺身師傅真係對我地好好 一開始都偏薄同細塊 後尾越切越大份🤣🍣壽司方面佢有普通壽司同火炙壽司 不過整體壽司都偏細件 就可以食多幾樣！蒜蓉牛油汁玻璃蝦壽司 青檸象拔蚌壽司都好特別 仲有黑松露赤蝦壽司！個人更喜歡火炙壽司 覺得口味更多 和牛 鰻魚同埋醬燒芝士蟹棒都好惹味！仲有卷物同手卷 記得好似黑松露三文魚拖羅蓉卷唔錯 芥末八爪魚軍艦都幾好味😙🍖串燒料理方面有最經典同最出色嘅薯仔炒牛柳粒 照燒汁炒牛舌 另外仲有煙肉焗北海道帆立貝 芝士焗廣島蠔同埋焗一口雞等！串燒
午市3小時放題
💰～210/per person
其實我地冇預約到 不過到左即刻都有得入 入面都有好多位 而呢度冇用QR code落單 反而係傳統嘅紙筆 好似增加左員工工作量但係都冇漏單嘅情況！
🍣刺身方面
嗌足上台就真係超壯觀！呢度有齊基本嘅三文魚 甜蝦 帶子 赤貝 仲有特別嘅泰式生蝦 係醃左D泰式辣椒醬上去 味道特別 酸甜開胃！而螺肉 鮑片同自家製玉子都出乎意料地好味 八爪魚都好軟滑！呢度嘅刺身師傅真係對我地好好 一開始都偏薄同細塊 後尾越切越大份🤣
🍣壽司方面
佢有普通壽司同火炙壽司 不過整體壽司都偏細件 就可以食多幾樣！蒜蓉牛油汁玻璃蝦壽司 青檸象拔蚌壽司都好特別 仲有黑松露赤蝦壽司！
個人更喜歡火炙壽司 覺得口味更多 和牛 鰻魚同埋醬燒芝士蟹棒都好惹味！
仲有卷物同手卷 記得好似黑松露三文魚拖羅蓉卷唔錯 芥末八爪魚軍艦都幾好味😙
🍖串燒料理方面
有最經典同最出色嘅薯仔炒牛柳粒 照燒汁炒牛舌 另外仲有煙肉焗北海道帆立貝 芝士焗廣島蠔同埋焗一口雞等！
串燒就最基本嘅燒牛舌同翠玉瓜都好味！而香草燒羊架都唔腥膩好惹味！
至於和風料理就仲有枝豆 焗一口甜薯 清酒煮蜆 壽喜燒牛肉鍋都有～好多選擇呢 都有沙律同埋冷盤例如皮蛋 青瓜鳳爪等等
🍤炸物方面
有日式天婦羅同埋其他炸物！天婦羅包含左大蝦 蟹棒 茄子等等蔬菜
炸物就仲有我最鐘意嘅流心芝士年糕 都好大舊！同埋甜甜的紫心香芋丸 仲有新奇嘅榴槤炸彈！鹹點就有芝麻雞翼 魷魚鬚 金沙雞軟骨等等！
呢度好特別仲有南亞風味嘅嘢 我就食左辣椒膏炒青口味道極濃厚！仲有豬頸肉 通菜生菜包等等 全部都好吸引呢
最後員工會比一張甜品紙 我地都嗌左木糠布丁 同埋奶凍 奶凍奶味好純！特別好味 而銀耳糖水都好溫暖 出面都有雪櫃擺放左雪糕糯米糍！
員工會係你食完之後即刻收走D碟 驚我地冇位擺咁🤣而且會不斷提醒我地有咩要食先 又好有戲咁擺低D野食 不過最鐘意都係切越來越大舊嘅刺身比我地呢😍
📌 大本瀛日式放題 (旺角)
旺角西洋菜街1號兆萬中心10樓
張貼
