大師傅粥品 (金昌摟)

營業中

休息中

經開大圍，去咗大師傅粥品 醫肚。點咗炒麵 $10白糖糕 $5齋腸 $10豆漿 $9埋單$34。個炒麵好大碟。但係凍咗。相信一早做好大量現貨後交貨。麵條好彈牙。白糖糕好清新，好甜。齋腸要加入大量甜漿及花生漿。先會好食。好大碟。豆漿唔算好甜。但好飲。自家製，好足料。

今日星期六，但都要Over Time到夜晚十點。收工後，我就返到屋企附近嘅大師傳，買左碗狀元及第粥，佢地粥底一向有保證，豬潤好粉；豬腸通理得好，無雜味；豬肚亦好爽，好滿足的一碗粥，大家不妨一試

白粥外賣： 賣相可以， 九蚊一碗算抵。 白粥稀濃適中，煲得好棉，有點淡口需加鹽，可惜啲粥有小小膠味， 因為外賣膠蓋容左， 同埋發泡膠盒都變左小小形， 堂食可能會好啲。另外想分享今次幫襯不愉快的經歷： 一入門口個收銀女人態度極差， 完全趕客， 唔舒服想買碗粥返屋企食， 算， 照幫襯。 買左碗粥外賣， 叫佢比兩粒花生， 收銀果個又粗聲粗氣話無花生比。 個伙記仲要呃我話加左花生喺入面敷衍我走， 返到去一粒花生都無。 係， 你係慳返幾粒花生既錢， 但亦得失左位客人。

尋晚病咗，真係冇乜胃口，就去屋企附近買粥食。買咗碗皮蛋瘦肉粥食。但估唔到個皮蛋瘦肉粥咁足料，好似擺咗成個皮蛋落去咁，仲有好多瘦肉係碗粥入邊，個粥煲到好香，而且好有皮蛋味。好彩有呢碗粥，如果唔係都唔知食咩好。嗰日冇乜胃口，但係呢碗粥令我越食越開胃，成功食晒成碗粥。住咗咁耐大圍都唔知有呢間咁好食同埋價錢便宜嘅粥。下次應該會多啲嚟幫襯。

每逢經過大角咀埃華街的時候都會看到這所叫"大師傅"的粥店。按道理以小弟這一個典型的粥痴來說這店本應一定不會逃過我的法眼的，但偏偏自己就竟是從來都沒有來光顧。更令小弟出奇的是這店原來是有好幾間分舖的，光是在大圍短短兩條街之隔便已有兩所舖了，真是失覺晒....我今早去光顧的是地理位置較佳，人流更旺的大圍分店。都已過了晨早的上班高峰時候了，料不到店內仍是一位難求的。最後幾經艱苦底下，好不容易就在近巷仔邊擠到了一個座位來....甫坐下，點了一碗米王，加一條油炸鬼，再安哥多一碟魚片腸....這樣的組合很輕易便讓我晨早吃得飽飽....米王尚算綿滑杰身，米香頗突出的。有許多人喜歡吃它時會加鹽，小弟一向對之甚感不解。於我而言，就這樣清清淡淡淨食不是更好嗎 ?....油條雖不是熱至燙手加燙口但亦不至於太軟淰。用來伴白粥吃永遠是絕配....魚片腸相當的夠件頭，一碟中就有差不多有四五大條。驟眼看上去還以為是棉襖來的，由此亦可估計到它的皮是如何的厚身了；魚片的量也相當足，味沒有太腥的跡象但遺憾的是細骨有點多食起來有些麻煩....還只吃了一半左右，肚子已被塞滿了，忍不住要繳械投降....

去大圍踩完單車, 交完車都7點, 見隔離有間粥店, 好奈都無食, 就試下先艇仔粥, 粥滑軟綿、芳香鮮味，味道鮮濃，熱氣騰騰，主要是以新鲜魚片、葱花、海蟄、花生為原料，集眾多物料之長，爽脆軟滑兼備, 非常足料的荔灣艇仔粥,味道清甜, 質地細綿炸兩以嫩滑的腸粉，包裹著酥脆的油條，將兩種截然不同的口感，完美的結合在一起, 配芝蔴同甜醬一齊食, 滋味無窮最重要係今餐食完無口乾, 值得食店無落味精, 值得一讚!!

途經看來此店於區內是不錯的食肆，進去試試。散點了艇仔粥和炒麵，艇仔粥餸料豐富，味足亦煮得軟，粥質地夠綿。炒麵稍油膩，但份量足，味道可以，飽肚。粥品屬高質素，好味道。

去完玩, 好想食宵夜, 點知女朋友話要食粥, 好啦, 陪佢食叫左一個窩蛋碎牛粥, 個底真係有一隻生蛋, 個粥都幾綿叫左個好耐無食既白糖糕, 好懷念, 都幾好食, 真係無咩地方有得食本身想叫炸兩, 但賣曬, 叫個牛脷酥, 我覺得OK 架, 但食食下女朋友又話, 點解唔叫油炸鬼

突然好想食粥, 早左兩個站落車去食, 記得大圍有兩間, 不過一間無咩人唔好食, 一定要食呢間。有好多粥可以揀, 仲好抵食叫左個粟米生菜粥, 再加豬紅, 加左粟米個粥甜好多, 粥底都唔錯, 好棉, 有生菜感覺好似健康D。不過D豬紅就唔得, 唔彈牙, 又好深色. 不過咁大碗都係23蚊, 幾抵食, 又飽肚。當然唔止叫咁少, 想叫炸兩, 賣曬, 叫左牛脷蘇, 不過個牛脷蘇唔夠香脆，但都唔錯, 好過好多餐廳, 都只係8蚊, 送粥都唔錯. 不過好飽....

大師傅（大圍）同fd去，我叫左艇仔粥，FD食白粥，配炸兩。艇仔粥d料係足既！魷魚都好多下，d碎牛都幾好口感。一碗好大，之前試過同男仔fd去食，食完果下男仔都會覺得飽，所以$20價錢都幾合理，平過海王粥鋪得來又多料過佢。（所以真心建議大家少d幫襯連鎖大財團既鋪頭，私人店有誠意好多！）炸兩都幾好食，一碟出來有成三大條，$17. 不過d油炸鬼唔夠脆，可能果下夜晚好遲去擺耐左，相信早餐/lunch時間去應該好好多。至於白粥，FD既評價係入口即溶。總括來講系唔錯既，之前係過度食過d碎牛粥，都好好食，好似都係十幾蚊。如果兩個人去食，一人一碗粥，叫碟小食（eg 炸兩）就岩岩好，兩個人幾十蚊就搞掂一餐。

星期日中午與太太一齊去,都勉強搵到位.其實我早前去過一次吃早餐,覺得粥只普通,但腸粉很好.太太極愛豬肝粥,姑且再試.鮮牛肉粥 - 喜出望外,粥底綿滑,味道剛好(且吃完都沒口乾,沒加味精),牛肉夠腍,算有鮮味.望入廚房,原來師傅不是上次那位.豬肝粥 - 也十分正,豬肝不會過熟,爽口有味.牛肉腸粉 - 粉皮夠薄,但牛肉普通.炸兩 - 油條夠脆夠熱,加上腸粉皮是無得頂.吃粥我最重粥底,以後不用去佐敦啦!價錢便宜(四樣共$74),喜出望外真是可遇不可求.但願各從業人員努力,讓市民有啖好吃,怨氣也少一點.

感冒發燒睇完醫生當然食番碗大師傅啦，次次病都係食佢！ 今次食左魚片皮蛋粥，外賣拎走食，好快唔洗5分鐘就有得拎。番到屋企一打開就食啦，d腸粉好軟綿綿好似綿花糖，正呀！食到停唔到口。粥都夠綿，皮蛋就硬左d，個心同個皮分開得好明顯，個心都硬硬地，不過好在d魚片夠靚有魚味，份量岩岩好 。

見感冒病, 唯有食粥啦~ 生滾肉丸粥 - 有5粒肉丸, 佢混入左d肥膏, 變得滑左! 而粥底無乜味... 生菜鯪魚球粥 - 可以話無生菜... 鯪魚球d骨未切得碎, 仲有細骨係中間... 牛脷酥 - 凍冰冰, 又唔脆... 炸両 - 又係凍冰冰, 油炸鬼又係淋, 唔脆...

大師傅粥品的生滾粥粥底很綿，生滾材料很多選擇，豐儉由人。我比較喜歡平民化的豬潤生滾粥，除了綿綿的粥底，剛剛熟的黃沙豬潤軟軟滑滑令齒頰留香。幫趁過三次大師傅粥品，三次都有吃炸兩，第一次剛開業吃炸兩，完全吃到炸兩應有的風味，腸粉皮軟滑，油炸鬼香脆。到今早的吃的炸兩有三份之一的油炸鬼已經不香脆轉諗了！

好多時都係外賣,堂食都有好幾次,食物質素OK,粥底米多且綿,腸份即叫即拉,每樣都夠熱,價錢合理最初以為啱啱開業,人手唔夠,近呢幾次去,依然係人手唔夠....今次堂食叫咗一個齋腸-走豉油同一碗咸蛋碎牛粥...1) 阿姐手快加咗豉油...都好禮貌問我唔要可以做份新...最後我都要份新2) 咸蛋碎牛粥變咗皮蛋碎牛粥...叫人換...之後個阿姐又拎番皮蛋碎牛粥問係咪我...再重覆一次話佢知出錯粥...拎走咗碗粥等咗十分鐘...眼見其他人ge粥不停出...自己碗完全無...後尾阿姐埋嚟問我食完未...嗰下真係火都嚟埋...平時外賣錯咗...我都懶得番去換....今日堂食...叫兩樣都有問題...阿姐呢頭拎完碗粥問我..過一陣問我食完未...單無打錯...貨不對辦...服務真係要改善囉~!!!