大師傅粥品 (金昌摟)

營業中

休息中

一早起身，食早餐想食碗粥，附近都無乜選擇就去咗呢間大師傅粥店。一入去舖頭唔係大，店員服務都唔係好。分別叫咗一碗皮蛋瘦肉粥，一碗魚片粥同一碟鮮蝦腸粉。先講腸粉，一嚟到唔係熱嘅，應該都係整完擺係到保暖住然後攞出嚟嘅啫。表面非常之乾，佢落嘅豉油有少少果皮味咁，個人就唔係太鐘意。另外，皮蛋瘦肉粥裡面皮蛋嘅感覺又係唔新鮮咁，有點臭，挑起哂無食到。但粥底就無乜問題嘅，肉片同魚片都只係普普通通，魚片就仲有少少碎骨。綜合嚟講係唔好食，所以下次都唔會選擇返呢一間粥店。

冇咩胃口想食清淡啲,所以嚟食下粥😃我嗌左白粥, 炸兩同朋友share, 朋友嗌左炒米粉。白粥煲得好綿, 好有米香炸兩個腸粉好滑, 油炸鬼脆口, 麵筋位有咬口朋友嘅炒米粉, 清清哋呢間粥店好啱唔舒服嘅時候嚟食, 清清哋👍🏻

20/2/2019 @大圍大師傅今日同屋企人搞屋企嘅事搞搞下已經10點，一路都冇時間食飯， 周圍餐廳都已經關門嘅時候，好彩仲有間大師傅 鹹肉粽炸兩 皮蛋瘦肉粥 碎牛粥個人最愛：生菜粟米粥

大師傅d 粥品一向味道都正正常常，大圍又冇乜粥店，好多街坊想平平地食啖粥都會幫襯。佢嘅油器都唔錯，油炸鬼、牛脷酥、煎堆都幾好味，一出爐就好快賣曬，錯過左就要等一頭半個鐘先有下一批。但係佢嘅腸粉真係好難食！唔係一般難食！個腸粉皮粉感好重，好粗孩又容易爛，仲要係爛到夾唔起，d 餡料又少得可憐。牛肉腸嘅餡係牛肉球咁上下味道同材料，但係好稀好少，d 豉油死鹹，根本成個腸粉真係食唔落口。重點係食完就肚痛肚痾，好肯定係因為佢，今日全日淨係食左佢個腸粉。點都好啦，真係唔會再食佢嘅腸粉。

凍凍地, 去食個粥先•窩蛋牛肉粥 (HKD27)其他粥要加HKD5嘅”窩蛋”, 以粥滾燙嘅熱力”煮”熟隻生雞蛋同碎牛肉, 撈匀左顏色勁吸引, 食落口感更加綿滑, 碎牛肉係最正宗嗰種勁好味.坊間某啲粥店齋切牛肉條就當係碎牛粥真係無得比.·炸兩腸 (HKD15)即叫即喺櫃拎腸粉出黎包油炸鬼嘅炸兩, keep到好脆又夠熱, 係一個人份量可能大份左😂·豆漿 (HKD9)店家嘅豆漿係現成入唒樽放店外雪櫃, 豆味ok香甜度適中, 如果有熱豆漿

有晚去左大圍到食個清淡既晚餐，大師傅既粥真係幾高質，本身我都好少出街食粥，因為我鍾意食啲稠身啲既粥，所以覺得呢到啲粥真係好岩我口味！其實有好多唔同配料可以加配，而且仲有拉布腸粉、炒粉面等。非常推薦黃沙豬膶粥，我有另加既粟米生菜就係底。喜歡食豬膶既朋友就會明白，黃沙豬膶既口感綿密得黎又有咬口既感覺！呢到啲豬膶唔會煮得好老，所以好好食！炒麵既分量都好多，略嫌油左少小。油炸鬼既話系即炸，所以好脆口。牛肉腸粉皮薄餡靚，牛肉既分量剛好，所以口感都好好，味道都不錯。

大師傅既粥真係好好味。踩完單車食個粥，叫個皮蛋瘦肉粥。平平地20幾蚊，粥既口感香滑，而且好夠味道。原本諗住食個粥就算。但味道好好，所以整多個油條腸粉。腸粉自己任加花生麻獎，油條吸曬麻獎味道，真係不得了。越食就覺得越開胃。同埋重點係呢間大師傅價錢平，又好味。原來有好多分行。可以生存咁耐一定有佢個原因。飲左個凍豆漿。豆漿落左少少糖，所以飲到既係濃郁既豆漿味，甜味係少甜。好健康既飲品。食左個炒麵。發覺自己食好多野，可能太肚餓，一係就係好好味。炒麵都炒得唔似出邊咁hea。值得食。

呢間大師傅粥品我都食過兩次，令我回頭既原因主要係佢d粥煮得幾綿又足料叫左碗艇仔粥，粥底綿滑，非常足料，食落去吾會得粥水，特別係魷魚，食到最後都仲有，真心值得加分。依家有不少粥店已經吾會落咁多料去一碗粥入面，所以呢一點我十分滿意另外一樣令我驚喜既係呢一碟XO醬炒米粉，估吾到佢咁好味同咁香，食落去送粥一流，我同朋友都一致比個好評呢碟炒米，相信下次有機會再黎都會再食至於炸兩，個人認為正正常常，但唯一缺點係佢食落有少少涼

今晚同我老婆揸車去買兩個外賣粥的時候，當時一位帶眼鏡中年坐收銀位的女職員本來叫肉片粥和皮蛋艇仔粥，我叫錯其中一個為肉圓粥，我付款後本想回車等立即發現自己叫錯，知道是自己過失，都立即回去試問可否更換，那位收銀職員立即頭也不轉沒有幫我詢問一句就答沒有得換，我本想如態度好的給我回覆的話我都無所謂，就此我立即跟這個有特別服務給顧客的職員再叫一個正確的，她更沒有想幫我這位顧客的直接再收我錢，都不緊要又不是多少錢我就再付款，她依然沒有動作一聲不響，到錯的粥出來我更叫打包的職員不用打包我沒有取走，我只希望一間做服務的食市能做回本份吧，我都是這店的常客，相信少了我一個常客沒什麼大不了，但我見其他的食評都說其服務差，就應該正視一番吧！

尋晚係度買左外賣生滾牛肉粥，差唔多食哂既時候食到有d野硬硬地，吐出嚟原來係蟑螂腳!!!!!真係十分嘔心，仲食哂成碗先見到，以後唔會再去想打電話去投訴冇人聽，唯有話俾食環署知呢間店既衛生可以話係零

呢間粥鋪一開嗰陣d粥同炸兩都幾好食 又近屋企 所以我同女友都幾鐘意去食下brunch..可惜，好野係好難維持，今次食完決定以後唔會再去，主因如下。 1. d炸兩好淋好凍又落太多是油，嗰陣只係中午12點幾，間野仲不斷有客order呢樣野，唔明點解可以擺到咁淋2. 收錢女人(老闆娘？)態度好差 黑口黑面，比錢嗰陣問我有無散紙，咁我咪揾下有無，點知佢好唔耐煩咁催我，明明佢一d都唔忙，又無人等，都唔知佢催咩3. 無熱水供應4. 上次食已經差左，今次更差

好日都唔會食一次粥，特別係呢啲咁熱嘅天氣，諗起粥呢一類熱食根本就唔會覺得開胃。但呢一日只係想食粥，因為我病咗，真係無咩胃口我發覺呢一間粥店嘅粥品款式比一般傳統嘅粥店多而我呢一日就揀咗鹹蛋皮蛋肉片粥。鹹蛋同埋皮蛋嘅份量比我想像中要多，各有半隻肉片方面係令我感到喜出望外嘅真係冇諗過會係咁大塊肉片，而且每塊肉片都有返咁上下嘅厚度，仲好嫩滑添！份量亦都出奇地多，有7大片！呢碗粥對於生病中嘅我嚟講，絕對係一片綠洲

One of my favourite regular congee join. Small local business，nothing fancy. The Congee base is really smooth and fluffy. The pig liver is thick and tender, none of that thin dry bullshit. Generous portion you get around 5 to 6 slices of pig liver .The fried Chinese churro is freshly made, so crunchy and hot .great when u dip it in your congee.I would highly recommend this place

今日想食得清淡少少，所以揀左食粥。碎牛魚片粥，雙併粥都係$23，抵食。仲要好足料，每食一啖都有魚片，魚片好嫩好新鮮，唔腥，粥底都做得好好。另外加左條牛脷蘇($8)，炸得幾好，一啲都唔硬，又唔會好實。

住係樓上多年，睇住佢開剛剛開店時粥品質量不錯的，價錢雖然不算平宜但總會有想食粥之時剛開店時最不滿的是等待時間太耐或服務真係有待改進近一兩年，大圍道開了另一分店後每次食及第粥都非常重味精，食完多半要飲大量的水有時更覺得水汪汪咁附近又工聯會放學又近馬路，再執都難想清清地還是食白粥較好