大少燒味茶餐廳

營業中

休息中

#過時過節 食飯最方便緊係買燒味加餸，大少係大埔區內幾受歡迎嘅燒味茶餐廳，午市外賣雙拼飯都係$35，抵食👍🏾燒味款式有乳豬、燒鵝、燒肉等，當然唔少得個人最愛嘅叉燒！「大少潛艇」啱晒叉燒控，裡面有叉燒、煎蛋🍳同芝士🧀配搭中西合璧，下午茶時間配杯奶茶都幾嘆☕️另外叉燒例牌份量俾得好足，切得厚身有口感，半肥瘦叉燒軟腍有肉香，少少肥肉加上蜜汁甜甜哋，淨食定送飯都好正油雞皮爽肉嫩，雞皮甜甜哋薄薄一層，連皮食都唔油膩，肉質滑嫩，配上薑蓉更加滋味🥳

這間就在大埔墟街市附近，附近也有挺多燒味檔的，不過就只有他有堂吃，但價錢比起其他店會貴一點，不過有質素，難怪經常看到要排隊！燒鵝燒鵝是下庄，大大隻燒鵝腿，吃起來肉質挺嫩又有彈性，而且燒鵝皮很脆，鵝味很濃，吃的時候沾上燒鵝汁就很夠味了，配酸梅醬就解膩。燒鴨特別叫了留腿，整隻拿著來吃非常過癮，而且吃得出鴨肉很新鮮，肉質不會發梅，很有彈性，也沒有鴨騷味，醃得也很入味！燒鴨皮也保持到脆度！叉燒潛艇（40元）這個來到店員特別介紹，配上大大件的叉燒，煎蛋和芝士，用麵包夾住，就是一個中式漢堡包的感覺，叉燒肉質鬆化，蜜汁味香甜，配上香濃的芝士和蛋，味道挺不錯油雞腿肉質非常嫩滑，而且醬油味很濃，肉很多，挺有驚喜的！

呢度既燒味靚過酒樓多多聲🔥大埔人行返大埔墟大明里呢頭搵食一定要試🥢今次我地兩個人食lunch～叫左咁多野都只係大約 $300🥵分量多到要打包🤭🤭🤭🤭1️⃣例牌叉燒 🐽2️⃣例牌乳豬 🐗3️⃣大少潛艇 🚤4️⃣淨瀨粉🍜呢度既叉燒同乳豬真係一流 半肥瘦 完全唔鞋 有豬味😝個乳豬更加不得了 大大件 塊皮超級香脆 仲要都幾熱👏🏻優質茶記👍🏻 我地自製雙併燒味瀨 超正✨

茶記周街都有，當中亦有專賣燒味嘅茶記大埔都有一間喺廣福道嗰頭，行過見幾多街坊入去幫襯，睇嚟幾有料到咁喎燒味唔一定配飯嘅，原來配潛艇麵包一樣得，呢個隱藏menu，店長唔提大胃真係唔知一打開塊麵包，塊塊叉燒厚切極度色誘，仲有煎蛋同芝士，連包一齊咬，層次合一，肉香、蛋香、芝香三連爆頭先只係頭炮啫，燒味飯點都要食，一食就食兩個最上等嘅餸，就係燒鵝髀同乳豬。乳豬啲皮燒得勁脆薄，豬肉好有層次，唔會得個肥字。燒鵝嘅皮都好香好薄身，肉質激嫩，點醬食更提鮮見到叉燒飯有埋煎蛋，成件事咁黯然銷魂，一定要試吓啦揭開塊蛋，又係塊塊等住你嘅誘人叉燒，肥瘦太完美，加上有靚米襯托，好食到變家燕姐呢間啲嘢食勁大份，驚死你唔飽咁，連菜都成座山咁，菜心又粗身又多，青翠爽口，都唔怕唔夠膳食纖維喇食燒味呢間油物，飲吓檸檬飲品就最解膩呢度竟然，都有無糖可樂配只要篤爛啲檸檬，一樣都係咁好飲頂癮

❣︎ 大少燒味價錢大眾化🤩燒味可以單買或配飯配飯$35仲送埋例湯 呢個價錢超值👍🏻燒味款式齊全🫶🏼今次單買外賣加料🥡♡⋯⋯食評⋯⋯♡ ☻ 4.5/5 ✨ 乳豬例牌 乳豬皮酥肉嫩 啲皮咬落去好脆口 口感豐富搭配上乳豬醬汁 香味四溢✨ 叉燒例牌 叉燒厚切 蜜汁晶凝通透 望落都增加食慾肉質鮮嫩 醬汁的甜味均勻地滲透進每一塊肉中 正✨ 大少潛艇 鬆軟的熱狗包🌭包裹著雞蛋·叉燒和芝士咬下去的瞬間 感覺到蛋香和叉燒的甜味交織都幾有創意🤪

同男朋友假期留喺屋企休息夜晚諗唔到食咩 就去咗大埔街市附近行吓 見到呢間燒味店門口嘅燒味好吸引 而且源源不絕咁排隊 裏面都坐滿滿晒 好似好吸引 即刻買返個外賣上車試吓先 叫咗幾款店員話必食嘅燒味有我最鍾意嘅燒鵝髀 都係唔使$100食落去肉汁滿滿 而且個皮好香嫩 油脂感十足我哋兩個share啱啱好再叫多咗個乳豬飯兩個人一齊share 乳豬咬落去香口卜卜脆 肉嫩無比 仲有啲可以食到嘅軟骨 咬落去唔會好油👍🏻👍🏻見到佢嘅叉燒好似好吸引 就叫咗呢個梅頭叉燒蜜汁香濃 燒到油香四溢男朋友唔夠喉仲叫咗個大潛艇口感好豐富 而且好多配料 必食之選！

經過呢間「大少燒味茶餐廳」好多次，見好多人喺門口等外賣，所以上星期我都去果度買燒味返去加餸！喺大埔想食乳豬都比較麻煩，通常都要至少要訂半隻，但見呢度有例牌，所以試吓！一打開已經好吸引，因為望落無肥膏。一咬落去「索」一聲，真係好香脆！盒內裝咗2層，其他燒味店通常面果層又靚又脆，壓住果層就比唔靚唔脆嘅，但大少嘅真係2層都香脆，下次再想食乳豬會返轉頭去呢度買。另外，再買咗盒叉燒，屬於比較瘦嘅部分，入口都惹味，如果蜜汁再多少少更佳。店員介紹我食「大少潛艇」，話係類似熱狗嘅包，見個名咁得意，叫咗個試吓。返到屋企打開，真係一個熱狗嚟，但內裏夾嘅唔係腸，而係叉燒！！個包哄過暖暖地幾香同煙韌，內裏夾住叉燒、芝士同煎蛋，大大件，份量好足，幾特別，味道都不錯，女士 lunch time 食一個已經夠飽。

大明里幾高質嘅燒味店，燒味款式有燒鵝、燒鴨、乳豬等可以單買可以配飯，午市外賣飯盒$35有交易，價錢親民，有飯有麵，所有鍾意食嘅都有齊，而且有奶茶咖啡啱晒我☕️叉燒夠厚切，望落已經好加分，肥瘦均勻，口感軟腍帶點油脂香，少少肥肉加上蜜糖香甜，成件事好完美乳豬例牌份量都好足，薄薄一層乳豬皮，口感香脆唔油膩，肉質嫩滑，做到皮脆肉嫩大少潛艇以鬆軟麵包配叉燒、煎蛋同芝士🧀味道鹹鹹甜甜，芝士係半熔㗎，好有誠意👍🏾唔食飯食呢個都好飽肚

這天下午茶時段，路過位於大埔的大少燒味茶餐廳。點了一客大少潛艇，當中最突出的是以肥美叉燒做餡料，外層是香軟麵包，如果覺得叉燒瀨或其他粉面組合未夠新意的話，可以試一試這嶄新的大少潛艇呢。此外，還帶了一份例牌叉燒和一份例牌乳豬回家加餸。叉燒肉質柔嫩多汁，帶有恰到好處的油脂；表皮焦酥，酸甜鹹味的複雜口感令人回味無窮。乳豬外表金黃酥脆，內裡肉質嫩滑多汁；皮脆肉嫩，豬油恰到好處，口感香濃可口；可按個人口味加入乳豬醬調節味道。

每次下午茶必定會走嚟食既大埔燒味茶餐廳，價錢性價比高又好食，燒鵝燒腩係我特別鍾意❤️，例湯又大大碗。要知道餐廳自己整燒味，真係係香港買少見少。最後一句，夠地道好食過iron man!

大埔多好嘢食係人都知，而廣福道附近，圍住大明里廣場一帶嘅餐廳更加係高手林立。呢日響大埔收工，跟手去親戚屋企食飯，諗起不如去大少燒味茶餐廳度斬啲料加餸啦。叫咗例牌嘅叉燒、乳豬同埋燒鴨，味道嗰啲我晏啲再分享，講一講啲題外話先。就係一定要讚吓餐廳入面嘅職員全部都好有禮貌，尤其是喺我等緊斬料果陣，都有三四位年長組嘅顧客買燒味外賣，但係收銀姐姐都好有耐性咁幫佢哋落單，非常抵讚！熟練嘅燒味師傅好快就幫我斬好哂啲燒味。我上到位親戚屋企，佢哋都話啲燒味個賣相好得。埋位食飯，「叉燒」有少少燶邊，半肥半瘦香氣四溢，食落去又夠肉味。「乳豬」脆皮鬆化，伴隨少少油脂嘅甘香，調味控制得好好，唔好太鹹或者太淡。「燒鴨」有肉汁，兼且唔會靭。都係非常之有水準。講真，燒味就梗係趁熱食最好味，下次再食嘅話，希望有時間堂食啦！

之前堂食試過麻麻哋，見到佢話轉左班底，由太子旅館返，所以就俾多次機會佢啦，今次食咗叉燒乳豬同埋燒鵝，進步咗好多，油雞瀨冇轉錢加比，佢都俾咗雞髀我，物有所值，買外賣嘅可以試吓

話說經過大埔大明里，老婆想食油雞，見大少燒味門口人多，心諗應該吾會差得去邊，決定幫襯一下，外賣買咗半隻油雞，等等下忘記話要多葱油，即刻同收銀講，收銀吩咐外賣姐加䓤油比我。可惜收貨後冇為意，行咗一段路先發覺原來冇加到䓤油，心諗：「唉！算啦！依家D服務質素差哂！費事返去追」不過此時有把聲音「先生！先生！剛才同事忘記加䓤油比你，我哋加返」突然個心態180度逆轉，估吾到此小鋪對客態度咁認真，雖然小事一樁，意義卻非小，北上潮下都有不少好鋪。今則記事雖然與味道沒有多大關係，為咗香港嘅食鋪，希望能被通過而表揚一下！

本人從來食嘢都係食物質素為先，服務態度根本完全次要。但係今次連食都冇食，就寫呢一篇評語。身為呢間食肆嘅老闆，如果你睇到嘅唔該你檢討吓你係唔想做就結束㗎啦。1）環境惡劣，四邊牆身嚴重發霉，懷疑店舖入邊有幾多細菌之生，其實係有理由搵食物環境衞生署每一樣東西都要驗吓有冇超標嘅細菌？2）5月4號早上11:45滂沱大雨，打算店舖午餐，店舖入邊有三位單人男性用餐，將近食完，另外有一張枱坐住兩個着住大少制服嘅女人食緊飯，我哋兩個人坐卡位，都仲未坐低，一名白頭髮高身材老男人的職員馬上呼喝坐埋一邊，我顧盼四周完全都冇客，點解仲要一定要你坐埋一邊？仲要態度非常之唔好。店舖如果有CCTV嘅唔該你自己睇吓。冇辦法再可以響間餐廳入邊用膳。轉身就走了。*** OpenRice嘅職員，麻煩你落去大埔呢間大少燒臘餐廳度感受一下，環境態度已經係差到冇得再差㗎啦，仲點樣叫客人光顧食物？

下午茶時間入鋪頭食個叉燒瀨盛惠38蚊食到一半發現有個小黑色飛蟲🦟 有腳有翼在碗中原本好少事 更換一碗就可但職員一開始否認係蟲 辯稱係叉燒鑊焦但有翼喔.！！！ 一番驗屍後先肯更換而我lunch time 已過一半 於是要求打包點知被告知不能廚房幫手打包要整好攞出檯面客人自己幫自己打包埋單是仲要另收2蚊外賣盒錢 前後40蚊而而而 最氣憤的是出門見到大大招牌寫外賣燒味瀨 32蚊連飲品第一次也是最後一次