大家食

營業中

休息中

咁芫茜有好多人都唔食嘅因為味道本身嘅涼拌麵係可以走芫茜嘅咁唔知幾時改左唔走得咁我話算啦減少得唔得點知員工話減少芫茜都唔得我自己想食唯有自己整走芫荽仲叫我食炸醬麵對冇得走芫茜好失望對唔食芫茜黎講冇得走真係好難受下次唔會再食芫茜多到根本無法自己整走唔食芫茜嘅朋友下次可以考慮下黎唔黎食好仲要味道同以前唔同哂依家靜係食到胡椒粉味我除咗胡椒粉味咩味都食唔到唔知係唔係啲雞有咩問題啲雞特別重胡椒粉味同埋雞嘅味道完全唔同左

酸辣湯底一流。又黎到我出黎搵野食時間。黎開深水埗搵野食⋯想食米線⋯譚仔周街有，就黎大家食出名手攪麵，削瑤麵（=刀削麵）但我都係揀番我至愛-米線配餸一定揀 過山雞（辣+炸左既雞肉）一定要試下，辣辣地幾好食其次揀左炸豬扒（即叫即炸，推薦一下）我揀左酸辣，辣度都可以自己揀，我揀左中辣， 等於譚仔既十少辣辣多少少辣菜脯每碗會送一份，記得✔️因為吾✔️吾會俾的

Eat together is more down-to-earth. Customers can sit closer which is suitable for social bonding. The face of the founder of eat together can be seen everywhere in the shop, which psychologically impacts customers. compared with the cafe de coral (which has no such a lovely face all over the place) I definitely will pick happy together as a restaurant to represent Hong Kong另外豬油撈飯味濃但飯凍,有點可惜51蚊算抵食

終於工作到收工啦 😽突然朋友仔話咁耐無見 不如一齊食下飯咁啦 ！於是我哋就約好咗 係深水埗福榮街等啱啱收工嘅我 竟然係最早到 同埋等咗佢哋成粒鐘先到 ！真係等到小妹 背脊都濕透啦 💦終於 佢哋都人齊  係呢個鐘數間間餐廳都多人啦 見到 大家食 J 好似啱啱走咗一枱人！😼就拿拿聲同朋友仔沖入去 （提提大家 ，如果要食深水埗嘅大家食，一定要簡門口有 金槍人LOGO果間  ，因為果間會好食啲）坐到去 好快拿拿聲咁 叫咗嚟大家食必叫嘅 過山雞 ，同 東玻肉 😻👍🏻Order 咗大幾5分鐘 就幫我哋出咗餐啦 一食落口 ～·嗯 ！ 同以前中學食嘅味道一樣咁好食👍🏻 唔知係咪太肚餓嘅關係，小妹我 用咗10分鐘就已經食曬成碗米粉啦 ！成餐都好滿足 ～下次如果大家嚟到深水埗唔知想食乜 就可以過嚟 (金槍人）嘅大家食J 啦 

大家食一直係窮人恩物，咁多年來即使點加價都好，食碗麵都係$30左右嘅事，你話呢啲價錢而家仲邊度搵😆最鍾意食蕃茄蛋牛肉麵，蕃茄蛋甜甜地又有蛋香，牛肉就正常貨色啦，出色為係個手攪麵上😎手攪麵好彈牙，唔好以為$30就得過且過，絕對用心經營👍🏻

上次食過隔離果間大家食，個名一樣但係個logo同埋入面既menu有啲唔同。果間食完之後覺得麻麻地，今次就黎食埋呢間大家食。呢間大家食，人稱大家食J，因為佢個logo有個J子🤣雖然唔知咩意思，不過加埋佢個老細既嘜頭係後面做logo有幾搞笑🤣呢間大家食，有聽過人地攞佢同譚仔、三哥較量，緊係要試下先知係咪真係咁掂！1⃣️村村住家鍋麵（$40）（過山雞$+3）成個鍋咁上，都幾有特色😳入面配料本身有青椒、洋蔥、蕃茄、紫菜、海帶、韭菜，再包一款$9配餸，湯底有得揀原味、蕃茄蛋、麻辣或者酸辣，原味都幾有風味🤤帶胡椒同少少孜然香，唔係淡茂茂冇味果啲。配料加左錢要佢地既過山雞。雞肉食落甜甜地，帶皮，食落都算嫩滑，值得一試👍另外麵揀左佢地既招牌手攪麵，食落冇想像中咁驚喜，淋左啲。   2⃣️十八會（$53）（麻辣湯底+$2）呢碗超豐盛～有豬肉、雞肉、豬潤、魚腐、牛肉、生菜、蘿蔔、腐皮、豆卜、火腿、竹笙、龍蝦丸、絕椒肚、黑椒牛丸、海帶、鹹腩肉、雲耳、韭菜。麵都係揀左手攪麵。另外加錢轉左麻辣湯底，麻辣湯底幾夠麻，而且唔會太油太鹹😋 

大家千祈唔好去錯另一間，要記住平頭裝老闆個頭嘅招牌個間先好入去每次出開深水埗都會食，首先平靚正不在話下，老闆份人又好笑人又好，好欣賞佢嘅創業理念佢自創的手攪麵、削搖麵都好出色，雖然舖頭嘅菜式同設計都簡單，但勝在用心創出同經營，至今仍受到一眾街坊嘅支持💂🏼‍♀️《自選百搭麵-過山雞、餐肉蛋麻辣削搖麵》$41削搖麵親手製作，比平時的刀削麵更長更闊更有口感。麻辣湯底好濃香，好有麻香味，湯底夠哂濃味，令到啲麵吸哂湯精華好正！過山雞一定係必叫的餸，鮮嫩多汁的雞肉，用滷水汁腌完再炸到外脆內軟，好好食食麵梗係要配埋餐蛋先夠圓滿啦！份量好多，所以真係好抵食頒發軍階:上將🎖🎖🎖🎖

情人節食大家食，豬油渣和過山雞香噴噴，豬油渣食完牙痛，實在炸得利害，聽日訓醒又無事了，哈哈😆豬油渣好食過隔離個間專賣油渣麵店鋪，比較濃味一些，過山雞就普普通通。

👨‍👩‍👧‍👦大家一齊食👩🏻‍🤝‍👨🏼👬大家食👩🏻‍🤝‍👨🏼呢間大家都唔陌生😂我覺得呢間抵食果譚仔🥳佢$37有八個餸😍佢地嘅雞肉 比較大塊 唔係一絲絲🐤所以好有口感 佢仲有豬肉等等🐷湯底亦都有少少味 唔會太鹹🍲.最特別就係佢地嘅手攪麵🍜雖然有啲硬 但係佢好有口感 😎食落又唔會好乾身 整體都唔錯👍🏻.如果大家想食菜脯 記得落單果時落埋 唔洗錢㗎☺️.回頭率💫： 🌕🌕🌕🌘🌑.#yms_深水埗#yms_港式.

今日又再出街食野，不過今日夜左，出街買野食個陣，已經差不多十點。望多兩望，見到間大家食，好似未幫襯過，不如試試原來想食飯，不過大家食好似出名係麵，所以都係叫左碗麵。我揀左個叫八聚會Ａ既麵，應該係有８種餸係入面，詳情我唔記得，另外要左手攪麵，聽講係最出名。同埋要清湯我叫左外賣，要另外加２蚊，拎到返屋企（約１０分鍾路程），都仲熱既。食落手攪麵有Ｄ似幼Ｄ既鳥冬，粗Ｄ既米線咁，都係好味既。Ｄ餸就無咩特別，有火腿，雲耳咁，都合格既。不過唔知點解，明明叫左清湯，但有Ｄ酸味，我估可能係廚師個舀，整過Ｄ醋既野？　還是清湯係有酸味？我都唔清楚了。總體黎講，都合格，$39

我從來未寫過食評，呢次真係差，忍唔住比左第一次比呢間垃圾大家食，話說叫左一個手攪撈面同雞翼尖，面都可以但係見到雞翼尖我冇曬胃口 ，雞翼尖每件都係好多雞毛，點食？即刻想嘔，細細聲叫佢換，仲話吾換得，同埋凍檸茶啲糖水吾洗錢？勁甜，侍應態度又差，又串到死，總之差差差，雖然坻食，但問題食吾落口，又算吾算抵？真心覺得十分我只會比0分，食咗三十年飯最差一餐。我諗以後見到大家食個logo頭像都會嘔，真心嘔，冇咩事一定吾會在去

「一次不來你錯過，二次不來我過錯」「大家見面大家食，大家食面見大家」呢啲金句相信大家都唔陌生，冇錯今次就係要介紹金槍人—大家食啦！（笑）大家食簡直係平民美食，讀書嗰陣食同而家個價錢好似都係爭幾蚊一直以來我最愛就係佢哋蕃茄蛋牛手攪面分量大大碗，一定食得飽湯底係濃濃嘅蕃茄味，仲有啲蛋花手攪面好彈牙，出面係食唔到，大家食獨有有時想平平哋食一餐，大家食絕對係一個好選擇唔會因為價錢低，減少份量絕對夠你食得飽，味道又唔差

平時食開3哥就知叫乜餸今次第一次食 平頭佬 大家食淨係研究餐單點叫都諗咗一陣左諗右諗都唔知食乜見到有個18會哇！一次過滿足我18個願望一於試試佢.十八會 酸辣湯底 手攪麵十八會真係好足料！齊曬18個餸啱晒啲唔鍾意揀嘅朋友仔～咁多個餸都無邊個特別出色但係都有應有嘅水準.至於個湯底叫咗微辣 唔係好辣但係就略嫌有啲鹹同埋湯有啲少 唔怪之得隔離枱話要多湯.今次第一次試佢哋嘅手攪麵都幾出名 好多人推薦但個人認為就有啲林 冇咩特別我都係鍾意食返米線多啲 哈哈.辣菜脯免費送的！都幾好食！記得落單嘅時候係紙仔度tick不過我覺得係超級辣唔食得辣嘅朋友仔要注意啦.三餸麵3滷水雞翼都幾好食番茄牛肉當一個餸又幾好不過其實overall嚟講叫餐只係平咗一蚊所以我下次應該會散叫.飲品要加$7凍熱飲同價

今日突然間想食佢嘅酸辣手攪麵，特登搭車過去買佢嘅外賣，買咗個手攪麵同十三會。嗌嘅時候佢同我講有四個餸湯同麵分開上啦，結果佢比少咗個麵俾我！期盼咗咁耐有啲失望。😞

大家都知道大家食有兩間唔同餐廳，上次食錯左另一間，今次特登食翻呢間餐廳。雖然我未見過老闆真人，但都有係其他媒體睇過佢既報導同歷史，我認為佢真係好勁，出身軍人自己獨力開左一間咁既食肆，仲要自創左咁多款式既菜。今次我就點左個涼拌雞絲麵加豬油渣再加多杯凍鴛鴦。食物方面我覺得雞絲既份量都算多，配合埋適量既青瓜增添口感，比到人清新既感覺。呢碗麵我選擇左小辣，我反而覺得唔夠，下次可以再升一級，我加多左個豬油渣餸，出面無乜地方可以食到豬油渣啦，所以一定要試。整體黎講門面企理，招呼幾好，原本以為食客既年紀會係中位數，點知好多後生幫襯。