大家食

以前好鍾意食大家食，因為價廉物美，一個18會可能都係50幾蚊樣樣都有，不過自從佢哋品牌翻新之後價錢貴咗勁多。今日去到先知原來一個面底已經要20幾蚊，如果加多幾個餸，隨時70-80蚊先落到樓。以前鍾意食呀，因為佢嘅削瑤麵彈牙同埋有別於一般連鎖米線舖，麻辣湯底都好食，總之就係CP值高。但係今次再去到舖頭食，再冇18會，13會……只係叫咗兩個餸加杯嘢飲已經要50幾蚊，呢個價錢呢個質素嘅話令到大家食變得唔太吸引了。希望老闆都可以好好再調整一下個餐牌。…查看更多

我最近去咗「大家食」嘅餐廳，試咗佢哋嘅擔擔湯底手搞面，真係令人印象深刻！首先，湯底嘅香濃程度非常高，辛香料嘅味道相當夠味，令我每一口都充滿驚喜。鍋底還有蘿蔔、午餐肉同埋芫荽雞絲等配料，讓整碗面多了層次感，特別蘿蔔吸收咗湯底嘅精華，咬落滑口。手搞面同樣好彈牙，面條嘅質感令人滿意，整體就令我非常滿足。而且，價錢大約$60-70，對於呢種質素嘅餐廳來講，算係合理。不過，這碗湯面都有幾個可以改善嘅地方。首先，湯底雖然香濃，但對某些人來講可能會覺得偏鹹，建議可以適量減少鹽分，令味道更加平衡。另外，午餐肉嘅份量似乎可以再加多一點，畢竟搭配面食時，肉類能夠增添更多飽腹感。總體來講，「大家食」嘅擔擔湯底手搞面係一個值得一試嘅選擇，期待下次再嚐試其他菜式！…查看更多

見到個logo咁得意，儘管試吓。我都有聽過唔少人話佢幾好食，而事實上都真係幾好食。價錢都係正常㗎，冇話特別平特別貴。個面質都好好食，有我最鍾意嘅刀削麵。但可惜嘅就係食完非常之頸渴，我起碼飲枝500 mL嘅水，佢唔係咁重味精嘅話，我諗會好好多。但調返轉頭講可能因為重味精先至咁好食。所以其實係有啲失望，大家可以考慮唔食。但服務員嘅態度就幾好，我就就算我未人齊佢都話可以俾我坐喺度等人。而且啲姐姐笑容滿面唔會黑面。…查看更多

深水埗大家食，我好鐘意呢一區嘅食物，因為行完街 ，，尤其係啲豬油渣麵，不過可能唔係每間鋪嘅味道都一樣啦。我試過幾間，有啲真係一般般，係咪你試嘅呢間就係呢種情況呢？豬油渣麵係我覺得好簡單又好美味嘅一餐，但係如果味道一般，咁就真係好可惜啦。有時候可能要靠運氣啦，揀到一間好味嘅鋪真係好開心。不過都好，至少你試過一次，有個經驗啦，可能下次揀其他嘢試試，會有驚喜嘅！食物係一種探索嘅過程，唔好放棄，繼續尋找啦！哈哈…查看更多

大家食Eat Together🍜講起手攪麵第一時間就諗起「大家食」。今次叫左個 擔擔麵湯底 手攪麵 加 炸豬扒而佢的炸豬扒長期保持水準，好脆和乾身， 叫咗個細份豬扒， 女士們細份，已經夠食，次次來都會叫佢，好喜歡食。而店內大部份人也會叫炸豬扒手攪麵有好多榨菜芝麻， 湯底易上口， 辣度啱啱好， 辣度應該好多人都會啱。麵底軟硬剛剛好再加多杯凍檸檬茶。一共 $60店有大長枱，方便一個人坐，啱晒放工速食的客人。地點方便，左近又有玩具街下店員姐姐有禮，吃完會好同你講多謝，如果講快餐店有這種禮遇香港比較少有。📍深水埗福榮街80號地舖…查看更多

講到呢一間以人像頭像做招牌非常令人有記憶點嘅大家食👨🏻由細個時候最鍾意都係食佢個茄蛋手攪麵🍜最近發現原來佢嘅酸辣湯底係勁好食㗎❤️辣度可以自由選小辣中辣大辣，雖然酸度就冇得調整～但最鍾意嘅就係佢個酸度係剛剛好！非常之惹味開胃～而且米線底亦都超級有驚喜！能吃得出的煙靭爽滑！不會過軟腍！自從發現咗佢個酸辣湯底有驚喜之後，宜家一星期最少都會去食一次😋～實在太鍾意佢個酸辣湯底❤️「🍜自選百搭麵 / $25」-🌶️加酸辣小辣 / $5 -🐮牛肉 / $7 -💛竹笙 / $7-🐔雞肉 / $7-🐷鹹腩肉 / $6同埋佢哋嘅過山雞小食都係很推薦👍🏻-🐔過山雞 / $15 （細份）-🥤跟麵餐凍飲 / $9 （加配價）…查看更多

閒日下午去食，入到去都算多人。兩個人叫左胡椒豬肚雞湯，炸豬扒，皇牌炸醬撈麵加渣渣，油渣牛腩清湯削瑤麵，可樂。胡椒豬肚雞湯真係得啖笑，果然圖片係只供參考。湯入面有兩塊腐竹，有豬肚，重點原來啲雞係雞絲，除左胡椒味之外都飲唔到其他味。油渣牛腩削瑤麵，油渣完全唔係油渣，牛腩有4小舊，每舊得一隻手指公都無咁大舊，又係得啖笑。油渣皇牌炸醬麵個麵勁淋身，味道唔夠，配料勁小。炸豬扒唯一一樣叫做正常，今餐最滿意既係罐凍可樂。埋單$138。…查看更多

夜晚過來點咗碗麵食入到黎坐嗰個位已經好逼左邊個男人一直係度傾電話狂噴口水諗住食完碗面快D走個員工黎到碗面好大聲砰砰丟係檯戴眼鏡個阿姐黑面完全冇道歉服務態度勁差碗麵都未食完就過來收咗起身埋單又係前面阻住嗮黑嗮面勁冇禮貌個戴眼鏡員工 阿姐黎…查看更多

平時都好鍾意周圍食米線，但係去大家食就一定係為咗佢個手攪麵自選湯麵$35 包2款餸 酸辣湯底+$5平時我就一定會食佢個東坡肉好出色但今日又唔係好想食肉，所以就嗌咗蘿蔔同埋生菜，佢啲蘿蔔都幾好食㗎朋友嗌咗麻辣湯底+$2餸就揀左牛腩同埋東坡肉今次仲嗌咗胡椒豬肚雞湯$23嚟到個賣相又真係唔係幾討好嘅真係好似一碗湯入面有張紙巾咁不過其實食到個味道真係唔錯嘅，都有啲胡椒嘅辣味，又有腐竹同豬肚下次都會考慮encore…查看更多

紫菜份量及送的份量要紫菜餸.紫菜兩三條小道可憐.都不如本身面有嘅配菜牛肉兩塊指甲咁大三片.不如唔好畀人啦買廚房做嘢完全冇畫一規定要交幾多貨出嚟樓面只係話正常係咁多.完全擘大眼講大話…查看更多

大家食好多年前食過，今次再食應該起碼都三年⏳，餐廳環境依舊，不過啲卡位木櫈就有啲爛…換左新招牌🏬，有老細真人大頭喺度😂嚟親都係食🍅蕃茄牛肉手攪麵 蕃茄味好夠，唔需要加4蚊轉蕃茄湯😌不過牛肉份量比較少，同埋冇咩肉味，同枱叫左前後兩碗，佢哋係分開上嘅，呀姐強調係一碗一碗煮㗎👍🏻所以擺上枱之後都熱辣辣👅，手攪麵同以往一樣咁好食，出面其他舖頭食唔到嘅口感🥺想食就一定要過番呢度🤣咁平有呢個質素真係好…查看更多

叫咗個村村住家鍋麵，加蕃茄牛肉，加雞肉，加中麻辣。另外叫咗個炸醬麵加，加炭燒之心丸，海膽丸。都係削搖面。平時叫住家鍋麵係清湯，但係中麻辣會加椰菜。蕃茄牛肉嘅蕃茄夠味，唔使加$4蕃茄湯。…查看更多

「一次不來您錯過，二次不來我過錯」、「大家見面大家食，大家食麵見大家」，呢啲金句相信大家都唔陌生😆「大家食J」扎根香港多年，名物蕃茄蛋牛麵、手攪麵、過山雞等由細食到大，絕對係香港平靚正特色麵店❣️.位於深水埗福榮街嘅大家食總店，每次行過麵爆場😝今時今日仲可以$40解決到一餐邊度搵，仲要認真製作唔Hea做🫡手攪麵及削搖麵全部堅持每日人手製作，鮮熬湯底，絕對係一分錢十分貨👍🏻.🍴自選百搭麵💰$35（包一款配餸）揀咗蕃茄蛋湯底+蟹籽包心丸+手搖麵，再額外加滷大腸（$10）✨湯頭濃郁香甜，帶蕃茄酸香發洋蔥甜美🍅手攪麵口感滑溜Q彈😋滷大腸好入味且香口，跟麵芽菜夠晒爽脆😙仲要係份量都唔少下，$40你話邊度搵🤣.🍴皇牌炸醬撈麵💰$38除咗湯麵，大家食嘅拌麵都好出名🌟撈麵包含炸醬、花生、芽菜、青瓜絲，可以自選麵款✨炸醬味道香濃，撈埋麵食就啱哂😋花生提升撈麵香氣，青瓜絲嘅清新平衡炸醬濃香，所有配料都恰到好處😌.🍴過山雞💰$15（細）雞肉嫩滑入味，就咁食會有啲鹹，但配埋麵/飯食就啱啱好😚.🍴絕椒魚腐💰$23炸到熱新新呈上🔥魚腐外脆內軟，椒鹽調味好惹味，啖啖魚香😋.香港本土品牌，良心價錢用心製作❤️而家仲有個「J擁躉」優惠😍大家一齊食😎🤟🏻…查看更多

天氣熱熱地，想食得冇咁heavy，又唔想食粥咁鬼熱，清淡啲就揀咗大家食，1點幾可能啲人已經食完飯，唔算多人，可以隨便揀位坐。叫左個八聚會，又唔錯喎，好多餸，芽菜超多，其他配菜都唔少，有八個餸都好抵食。湯底雖然係清湯，但又幾有味，唔淡亦唔會咸到一食就知係味精，食完都唔駛飲水，感覺都幾健康。我叫咗削麵，啲麵大概2cm闊，少少厚身但又唔會話好un身，都幾好食。不過加野飲就要俾$7，我冇加錢，食完出街買野飲。…查看更多

夜晚買外賣諗住食大家食平靚正一開始食個魚腐都幾正呢個價錢食到呢個質素已經好好拎咗返嚟，咁耐都仲係暖既食落都有魚肉嘅味 炸得算香最後都有全部食晒嘅但係點知惡夢就嚟啦叫咗個涼拌雞絲麵落咗微酸辣點知酸到酸菜魚咁辣就真係小辣一開始食一啖好似有沙咁以為係錯覺點知淡淡都有最後忍唔住搵出嚟究竟係啲乜睇完都唔知係乜但係總之就好似兜面倒咗落盤沙咁攪勻俾你食食咗都唔知有冇10分一食到牙都痛即刻放棄呢碗麵真係完全fail…查看更多