大家食

營業中

休息中

好耐冇食大家食啦，我諗都有6-7年冇去過，印象中地方雖然污漕，但d野幾好食的，今日去完黃金買野，路過就俾多次機會佢睇睇佢幫唔幫到我改變對佢既印象啦今次叫了（10）八聚會，小辣，酸辣又係幾好咪既，麵質彈牙，但配料明顯食得出係大陸貨😭😭😭仲有炸一字骨，同炸魚腐

深水埗搵野食大家食裹面有5種麵選擇，我最仲意食手攪麵和削搖麵- 叫了過山雞+狀元骨手攪麵兩款餸都值得一試，過山雞同麵/飯一齊食都好好味食麵會免費送菜脯，真係幾辣另一樣餸絕椒肚，好夠胡椒味，我好少食豬肚，但這間我會食

深水埗行完街經過就入去呢間坐低門面光猛，logo令人無語，90年代快餐店咁，好老套呀🙄嗌左碟招牌撈麵同雞肉麻辣麵分別試左手攪麵同削搖麵，前者一般唔太特別，後者好得意，係一條條寬布咁，又彈牙，幾好食架😆雞肉份量足，湯底麻而不辣，扣分！我地仲嗌左個麻香雞，18蚊大大碟，勁正，可惜雞肉唔太新鮮，有啲霉咁

今日黎到諗住食村村小鍋麵啦，點知一黎到點解有隻有鬚嘅東東做配料嘅呢？仲要超肥超大隻，睇黎佢食得好住得好喎！點解咁明顯有隻強係到廚房嘅人可以完全睇唔到。大叫左幾次有曱甴啊！先有職員處理下，啲阿姐仲指住個天話應該係上面跌黎咁話喎本來阿姐想另上第二碗小窩麵比我嘅，但係一諗到都唔知隻曱甴係邊到黎，一唔好采，如果隻曱甴係黎自碗湯底，比你多幾次都無補於是啦！隔離枱咁岩都叫左小鍋麵嘅人見到我呢個情況都拿拿臨停手唔食去退左個麵佢由於見到小強，實在太驚恐，嚇到無曬胃口，我地決定果斷離場。其實阿姐比我地揀過其他野食，但隻曱甴行過嘅地方，真係估計唔到，邊夠膽繼續食落去丫！

今朝一早起身出咗去深水埗揾早餐食九點幾都冇咩選擇🤔🤔見到呢間餐廳已經開門，就入去食下😋😋早餐一個面連野飲，都只係$28酸辣雞肉米線本身以為外表都幾平庸嘅餐廳會冇咩特別，送到來這碗麵比我想像中大碗同足料，湯味都算濃郁，仲有蘿蔔片、酸菜、炸醬等等做配料，但係炸醬就略為少咗啲，雞肉係新鮮雞肉塊，酸酸辣辣咁，好吸引食慾，米線加酸辣湯，更加開胃，湯底有炸醬肉粒，飲湯仲有d口感，完全係意料之外😍😍依間餐廳有自己特色既湯底，而且呢個價錢有呢個質素，絕對可以一試👍🏼

the photos themselves speak the volume 1) as captioned, the photos themselves speak the volume, 2) ie kind of good, considering the price & the quantity of the meat, 3) affirmative, the focus is more on the quantity, 4) fair to say, again, bearing the price in mind, the quality is nevertheless OK good, 衍生 points: i) hard or unjustifiable to compare, for instances, 10 to 12 (claiming 12, believing just 10) 安士 steak in a dinner combo charging around $400, & a 牛腩煲 around $450, they are li

多年前成日食，之後一段時間都無食過，今日貪方便，再走進去!三個人點了4個小食:東坡肉: 咸左d，硬左d麻香雞: 呢個就淡左d，唔夠味，雞肉太乾身。絕椒肚: 名改得唔錯，食落都係最好既，爽脆，椒鹽永遠都係無敵組合!好食都嫌份量太少!過山雞: 完全比個名吸引，食落毫無特別，不吃也罷!

因為今日兩個人食，所以係食食我叫左冬菇麻辣削面，麻辣要小辣，麻味十足，但削面闊身，所以可能咁個份量唔多啦，冬菇好入味，而且肉好爽，一d都唔悔呀，面質都煙un，牙菜輕輕減了點辣，份量多d好喇男友食豬油渣面，冇試，但佢話面質淋左d wor汔水要忌廉，夠凍

大家食皇牌撈麵皇牌撈麵係計大家食飯類既必食之作，每次黎到麵必點！今次又食撈麵，簡左手搞麵，份量超大！兩個人食都夠。撈麵配料有肉醬，味道超濃，加上青瓜絲同係底既芽菜，食落好fresh冇咁油膩。而餸菜方面簡左過山雞，雞好嫩，味道恰到好處。記得必加辣菜脯，辣辣地食落更開胃。

茄牛蛋飯加雞翼 ($40)好多人見到大家食就唔想食，因為佢地既裝修真係唔吸引，不過佢地既食物就真係好好食。司令好中意食大家食，真係好中意😂，有冇同好係度？前排因為油麻地間大家食執左（定裝修？🤔）司令都唔開心左一排，唯有轉戰去深水埗食。大家食除左麵食好出色之外，飯類都好好味。司令就覺得佢嘅蕃牛蛋飯真係冇得輸，蕃茄煮到爛爛地，加左洋蔥個汁好香。同埋牛肉本身已經好有味又唔淋，加上炒蛋，真係叔叔不行了😫。加左四隻雞翼都係加十蚊，雞翼又係本身醃完再炸，咬落去juicy又入味，好得！食麵既一定要加辣菜甫，辣得夠過癮！不過而家冇得任加，扣少少分！香港有一間咁好味嘅餐廳真係好難得，千祈唔好執呀！同埋記得認著有男人樣個間，司令覺得贏得食神名譽嘅呢間好食啲。Btw，老闆都好似食神入面個吳孟達😂，係咪以佢做藍本拍食神架？

今日放假自已一個去咗深水埗行，行到肚仔餓就去揾嘢食啦，行嚟行去揾嚟揾去，見到好耐以前食過嘅大家食仲係度，一於入去食嘢，睇下啲嘢食味道係咪仲係同以前一樣無變過。一入去就點咗個豬膶南瓜麵同埋韮菜煎餃，南瓜麵麵身同以前一樣咁彈牙有咬口，而豬膶就都新鮮，最緊要碗麵同豬膶都仲同以前一樣咁足料，大大碗料又夠，無偷工減料。而韮菜煎餃就煎到外皮香口咬落juicy，加上餃身飽滿，一睇就知落足料，所以雖然唔係食咗好多嘢，但我都已經過足口癮非常滿足。

大家食，一個港式面食的傳奇。招牌照抄大家樂，店主不覺得是問題，加埋「有此人樣貌方為本公司」，你實在吹佢唔漲。間野upup dupdup咁，店內既電視仲長期播住亞視，你咪理，D野好食就得啦！而且蔡san仲俾過獎佢地添佢個茄蛋牛面，真係由細食到大！即係咁，要令茄、蛋、牛分別有茄、蛋、牛味，真係好難既事！咁多年了，Ok在味道仍然一樣，冇特別好到，又冇特別差。反觀「鬧雙包」而衍生出黎既另一間「卡通版大家食」，D茄蛋牛真係太唔係路，佢地個湯底，太酸了，我真係接受唔到囉！而另一個鎮店之寶：東坡肉都真係我另一飛佛！草根既價錢，就可以食到呢樣中國非物質遺產級既美食！！(其實爛鬼肥豬肉嗟，根本唔係好貴之嘛！)或者你會話，肥豬肉之嘛，有乜咁特別？特別在佢果個甜甜地又唔太過甜，又唔會太過酸喎，OK啦，東坡肉陣味都係咁架啦，味道唔可以有特別大上落，之但係佢果種鬆化，入口即溶果下快感，真係完全蓋過果份罪惡感！

十年前有朋友介紹我食哩間店，不過係旺角分店，仲記得當時一個麵都只係十幾蚊~十年過去，再光顧，價錢雖然上調了，但依然好抵。一個麵加豆漿都係32蚊蕃茄蛋牛肉手攪麵是我的最愛，每次只點這一款，蕃茄味濃郁，湯味帶酸甜，手攪麵有咬口，最愛湯裡的洋蔥，帶出牛肉的鮮甜。味道十年如一日!回味♡

由於小妹超級鍾意食麵, 所以又去左我個御用飯堂"大家食"喇...依度選擇都吾少, 一定搵到一款岩你口味蕃茄雞蛋牛肉手攪麵趁熱飲口湯, 不算油膩茄蓉和蛋絲的湯料味道好夾, 茄蛋帶酸甜, 蛋絲和牛肉都好滑, 牛肉應該用上肥牛所以唔會鞋口麵的份量很多, 麵條亦好有嚼頭, 還附上滿滿的韮菜和芽菜, 很perfect 豬頸肉南瓜麵湯底味道較淡, 但豬頸肉夠香口惹味, 麵條亦有淡淡的南瓜味, 感覺唔錯韮菜餃子煎得個外層香脆得黎唔肥膩, 非常抵讚隻隻餃子都真材實料大大隻其實以這個價錢, 環境服務合格, 食物味道和份量多都算合理

本少由這位老闆還會每日在店親自削麵的時間已開始光顧這店。當時還以平價招徠。現在已不是那回事。　　現在有點像車仔麵的玩法，自選麵的種類與湯底。再選餸菜。都可以玩到40幾50一碗。　　話需如此，這裡依然座無虛設。我來十次大概九次需要搭枱，剩下一次是沒有位置。　　這裡的湯麵確有其吸引之處，因為本少非常喜歡吃辣，這裡的辣絕對夠勁。一樣有分大中小辣，大辣絕對不比譚仔的大辣遜色。而辣得好味這一點則尤有過之。即使不食辣的，他們這裡的湯麵也確實很香。削搖麵（即前身刀削麵）會較有特色。其他麵呀米線呀也可以。　　湯麵者，一字貴之曰湯。他們應該有其製湯秘技。尤其喜歡吃辣的，本少以為這裡的辣比起某幾間以辣麵辣米線聞名的食店要好吃一點。很多以辣聞名的湯麵米線食店都只見其辣，卻不見其香。這裡是辣得夠勁之餘又不失麵與湯及餸菜的風味。故小弟久不久還是會回到這間食店光顧一下。　　推介款式有這個名為18會的雜錦麵。樣樣都有一大碗好不豐富。　　但是！（像歌唱比賽的評審，好話說完就要開始毒舌了。又通常以＂但是＂開始）本少見證過他們幾次更換門面。不知怎的，好像怎換還是給人老套／殘舊的感覺。都不要緊，好些店給人的感覺是不夠乾淨。