大家樂 (鳳德商場)

營業中

休息中

今晚孤獨的善食家外賣了一隻大家樂秘製的醬香雞回家加餸，僅$49，絕對超值！雞肉醬香濃郁，肉質嫩滑，搭配飯菜完美，味道令人滿足。更棒的是，準備方便，回家即食，省時又美味。這份優惠真心不容錯過，但要留意，優惠只到5月12日。每日下午3時後供應，原隻不斬件且限外賣，售完即止。喜歡醬香雞的朋友，趁這機會試試吧，善食家誠意推介給大家！快去大家樂訂一份，享受這份平價美食的幸福滋味！👍👏😀

住呢度附近，所以經常都會嚟呢一間大家樂食下午茶，每一次食下午茶都好糾結，因為好多都好想食，但係最後每一次都會嗌咗一個燒味嘅茶餐，就係雞翼紅腸瀨粉，佢嘅瀨粉係非常之出色，因為佢唔會特別腍，嗰個軟硬程度係啱啱好，而且再加埋佢一啲燒味嘅湯底，係非常之好食，但係值得一提嘅係佢每一次嘅味道都會有唔同，控制唔到一致嘅味道，有時佢個湯底會好淡，有時佢個湯底又會好濃，我自己梗係會偏向係濃嘅湯底，因為係比較重口味，但係如果要嚟食嘅話記住就要早啲喺app嗰度落單，因為每一次呢喺下午茶時間呢都人山人海特別係禮拜日嘅時間，呢個係溫馨提示，如果唔係真係會等成半個鐘至九個字到不等

同爸爸去完街，行左一整日已經好攰，所以返屋企留下大家樂食左個鐵板西冷套餐一人一個食豪啲。⭕鐵板西冷套餐我跟我爸爸叫了同一個套餐不過我同鐵板上，西冷牛扒屬於後腰脊部位，較有嚼勁，肉味比肉眼濃郁，油花不算多，但分佈平均，而且有彈性。酥皮湯對我黎講好有童年回憶呢個酥皮亦好有驚喜！嗰層酥皮好酥脆好香口，而入面既龍蝦湯好濃郁，充滿龍蝦既蝦鮮味。焗薯薯仔腍度足夠，汁亦都好惹味配上酥皮湯非常夾。個人感想：環境乾淨，配菜的洋蔥亦非常之好。

晚餐時段突然想食大家樂嘅鋸扒😋咋咋淋鐵板餐（蒜香豬扒‧麥蘆卡蜜糖雞扒‧奧爾堡雞肉腸）配黑椒汁 牛油粟米‧洋蔥條‧扒茄‧酥皮洋蔥湯 ($63)🌟份量多，非常抵食，熱辣辣，小心彈汁彈到成身都係...配好濃味嘅酥皮洋蔥湯，好味道但味道偏鹹奧爾堡雞肉腸非常好味，夠脆皮；麥蘆卡蜜糖雞扒肉質不錯，夠彈牙；豬扒反而不好吃，肉質太淋，好似煮咗好耐；牛油粟米加了醬汁好好味，夠鮮甜爽口黑椒芝士焗豬扒飯 ($58)🌟正常水準，份量多，食落好濟，飽肚感十足

叫兩個下午茶熱狗外賣都可以用七個字去等，睇住後過我買果啲一個一個咁拎住外賣走，我就一個一個字咁等，雖然你係大家樂，唔會expect太多，但作為快餐店，35分鐘去整外賣……真係快到差啲粗口都講出黎

講到焗豬扒飯都係大家樂既最好味，鳳德大家樂店內寬敞，下午茶抵食。出餐速度都好快，晚市黎打邊爐，食物質素都唔差，價錢快餐黎講算係親民。一哥焗豬扒飯，豬扒夠厚 肉質夠林，好好食

依家香港百物騰貴出去食個 lunch無一百蚊落唔到樓大家樂既下午茶係窮人恩物30蚊一個燒鴨米粉 包杯野飲味道絕對對得住呢個價錢！ 本身仲可以免費升級紅豆冰 只係我自己揀咗熱奶茶😇

大家樂推介指數👍🏻👍🏻👍🏻👍🏻午餐無出去好彩有家人買外賣俾我食今次叫左個荷葉飯食配檸檬菜荷葉飯大大件好好味有好大份阿而且好足料， 一個人食都好飽檸檬茶反而外賣而有點酸，要拎走先得果然是充滿夢幻既餐廳！———#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

見到炸肶餐好想食由細個到而家，食左10幾年都係覺得個炸肶好食，其他油肶都唔得，入味之餘個皮又脆，油係油左小小，但雞肶係咁，唔難切。個雪菜肉絲米粉就.....都係罐頭野，咁米粉又唔算太淋，k啦飲熱檸水都無特別，有4片檸檬，算大方不過個價升得好快，咁就36，大集團下午茶係咁上下，今日係25號，都多人，拎餐果時D阿姐又黑口黑面咁，另一個飲茶走，無比煉奶，開口問又黑你面，仲有用白色熱飲杯，但好似有小小洗唔干淨，熱檸水有積

冇來大家樂一排，下午茶又轉左款雖然有咁多款式，但係我都係揀炸雞脾既然有優惠券，就叫多個有沙律配。雞脾炸得好燶，不過都幾脆口。蘋果薯仔沙律好食超值下午茶可以免費配凍飲。內有5件燒鴨，都啖啖肉，但就嚡啲。如果叉燒可以配粉麵就吸引得多，因為下午茶真係唔多想食飯。唉，早知叫杯凍奶茶或可樂算叫左比爸爸又話嫌甜得滯。

前幾日剪左免費報紙coupon，凡食鐵板餐就可以減$5，一試無妨。當晚就約埋父親大人一齊去鋸下扒先!我地叫了西冷牛扒（$66）和雜扒餐（$61），分別配酥皮湯和「紅豆脆棒雪糕」，另外加$7有杯「楊枝甘露冰」。由於用coupon，所以要分開比錢。雪糕因為餐後食，所以收銀會比張換領咭我!鐵板餐都係要睇號碼取，不過都出得好快。塊鐵板係夠熱，但係雞扒和豬扒就唔見出煙（之後見其他食客的鐵板餐，都有冒煙，感覺熱好多）帆立貝沒有特別。本人一向好怕食豬扒，但切左一塊仔，食落好淋，頓時改觀了。雞扒都煎得香脆，但就細塊左啲。由於鐵板熱力十足，所以蔬菜熱度剛好，十分好吃。兩個餐都選配黑椒汁，但本人就不太喜歡，顏色唔多似，加上辣度都冇，跟外面餐廳有很大差別。牛扒雖然煎到9成熟，但都軟淋，一啲都唔韌切開都有少少粉紅色，但有一邊煎得比較熟，整體來說，都好食食完個扒之後，就去拎雪糕喇oreo脆棒分明係疏左風。紅豆粒粒都不算太甜，再配上花生碎，出奇地好食，賣相一啲都唔hea。因為爸爸狀態不佳，餐後才飲周打魚湯，嗰塊酥皮都飽到食唔落。

星期日，跟外子一起睡至自然醒。醒來已日上三桿，過了正午時段，才離家覓食。飢腸轆轆，沒多考慮便走到凰德邨商場大家樂。剛好遇上下午茶時段，我毫不猶豫地點了小時候最喜歡吃的燒鴨米粉。女孩子要測試自己的魅力，快餐店燒味櫃位絕對是一個試點，拿不拿到燒鴨脾，告訴你一切。但現在年過三十，年華老去，唯有擠出最燦爛的笑容為自己爭取一下-------阿媽我得左 成功取得燒鵝脾!!雖然成功，但燒鴨骨比肉多，加上厚厚的一層肥膏，實在叫人大失所望。米粉尚算爽口，但略嫌過硬，味同嚼蠟。一邊吃一邊擔心，禁不住想起那個快餐店米粉有塑膠成份的傳言。不知是否回憶總是美好的，總覺得小時候的燒鴨米比現在好吃得多。

今日好夜收工，都唔知去邊度食好唯有近近地去大家樂試下，見到有個新嘢，好就試下佢，都係好普通，菜飯就冇乜味，有D油膩感覺，返而隻雞髀就幾香，口感都唔差，價錢都可以接受，可以代試下!

平時阿媽唔煮飯 就叫我落街買飯食 成日食M記又唔健康 見大家樂呢排係咁賣廣告 咁我就叫個焗豬扒飯 個豬扒飯都幾抵食 塊豬扒都幾大塊 而飯又唔硬 再加上D配料如菠蘿蕃茄 酸酸甜甜 我咁大食都夠飽 成個飯加咖啡,茶,汽水都係44蚊 轉紅豆冰都係49.5 我以後既晚餐有著落了 

打邊爐一直都係我秋冬最愛既食野Mode，而其實我已經無去大家樂打邊爐有好幾年，因為覺得大家樂真係又貴又唔抵食，樣樣得1件，連肥牛都只係得薄薄既3~4片。 前幾日，係無心理準備之下，朋友係大家樂叫左2個火煱SET！ 醬料自已調配 飲品揀左檸樂同酸梅湯檸樂好正常 但酸梅湯係無味  ... 淡而無味，好唔得 ！ 我地又特登叫左飛子魚滑  ，呢個好好食 ，之後想再加錢買都已經售嚮，只係開始晚市30分鐘就賣完，太誇張！魚滑雖然無墨魚粒粒係入面，但都好彈牙，加上入面有蟹子粒粒，每食一啖都有卜卜聲口感 ，好食  。 套餐入面有；魚皮 : 好脆！ 手打豬肉丸： 新鮮又彈又夠味 水餃：皮唔算薄，但放係水入面滾完之後，味道都OK，又唔會爛栗米： 還可以 蟹柳豆腐； 食落去軟林林，都幾特別，口感幾好。 主角「肥牛」： 份量比以前多，不過雪得好實，跟本唔可以一片片夾，最後唯有成餅放入煱中。 肥牛既味道其實好普通，但加上沙嗲湯底既味道，(只要唔係滾得太耐 ) 就覺得好好味。 整個火煱份量改善左好多，而味道方面，以平民價格來說，算唔錯！最鍾意享受自己最鍾意既食野Mode，一邊同朋友閒聊。