大家樂 (鳳德商場)

營業中

休息中

鐵板窩蛋穀飼牛肉 ~~ 晚市 鐵板唔夠熱, 餸沒有冒煙沒有"滋滋"聲, 要扣好多分!!! (有時食呢間既鐵板牛扒, 個鐵板都係唔夠熱的) 整個餸好似用油+豉油浸住, 幾鹹 覺得像普通肥牛, 因幾多肥肉

焗肉醬意粉 好幸運地遇上剛剛焗起既肉醬意粉, 意粉軟硬度剛好, 一d都唔乾身 面層舖滿肉醬及芝士, 芝士夠多, 肉醬不會過杰, 濕度適中 肉碎亦足料, 粒粒有肉味有嚼頭, 拌著有鮮蕃茄茸既茄醬好醒胃 唯一缺點是油份較重

新出既盛盒茶餐幾飽肚...叉燒米, 焗芝士火腿卷, 咖喱角, 腸, 西米糕, 粟米, 餐飲 個卷外皮像印度薄餅, 若遇正剛剛焗起就超正! 溶化既芝士好香, 若放涼了個皮就好硬 餡料除了芝士火腿外, 還有洋蔥, 菠蘿... ... 叉燒米既叉燒就太碎, 像極切剩既頭尾

新出既八節骨牛坑腩 ~ 不熱的, 要明爐加熱才能食 牛腩 --- 鞋, 硬, 乾, 韌, 寧願去附近既明x麵檔食仲好 枝竹好硬, 滾好耐都唔夠稔 蘿蔔唔入味 湯底落了點胡椒, 好清淡, 近乎清水既湯底

晚市 --- 老火湯 + 小菜 鹹魚芥蘭炒豚肉--落足鹹魚蓉, 好香--芥蘭好碎, 像菜頭菜尾--豚肉好難食, 像落了過量肉鬆粉, 味帶苦之餘, 肉質變晒樣, 勁稔 黑椒菠蘿炒牛肉--黑椒好惹味--牛肉大件夠稔--配菜有西芹同荷蘭豆, 新鮮爽脆

黑椒石斑飯--石斑塊有兩塊, 外層炸得香脆, 魚肉味淡, 不過覺得比龍脷柳好食--黑椒汁惹味 鴛鴦炒飯--食過同一集團一粥麵既鴛鴦炒飯, 覺得大家樂質素高些, 肉絲, 蕃茄及蝦都夠多--不過白汁仍是太淡, 唔夠味

茶餐推出越式湯河, 先試牛肉 ~~ 河粉厚身 牛肉稔, 肉味濃 好多生洋蔥, 以這麼細碗既河粉來說, 洋蔥實在落得過多 湯底好甜!!!! 帶少少香茅味 + 少少辣 另外 + $4.5 試新出既小麥胚芽椰汁雙色冰--小麥胚芽: 完全見不到, 相信是漏了落--椰汁夠濃, 沒有溝水--雙色: 兩種顏色既jelly

芝士忌廉汁焗海鮮飯 之前食大家樂焗飯都係又乾又硬, 但今次幾好, 一d都唔乾 滿滿既芝士忌廉汁舖面, 好香! 餸有蟹柳, 小塊煎龍脷, 仲有一舊又爽口又煮得夠軟身既墨魚仔, 好鮮味! 飯就硬了少少

千層咖喱雞又係被廣告吸引, 千層咖喱好香, 亦重椰汁味 雞有三隻 --- 雞脾, 雞翼, 雞胸 --- 感覺是面層用香料醃製後再去炸, 而雞肉裡面仍juicy, 保留肉汁. 不過雞胸實在太多骨, 好少肉

百合炒西芹魚塊--第一次食鮮百合炒既小菜, 百合炒過後仍保持硬身及帶微甜, 與西芹味道幾夾 煎龍脷柳飯--龍脷柳用蛋漿煎香, 再配香濃粟米汁, 原本唔鍾意偏淡既龍脷都覺得好食

下午茶餐 --- 豬扒包 雖然寫明即叫即整, 但好快就有, 包一D都唔熱, 豬扒只是微暖 食過同一集團既一粥麵豬扒包, 唔錯, 豬扒大塊之餘仲有好多菜絲+沙律醬. 估唔到大家樂會差咁遠 --- 塊豬扒唔止好細塊, 仲又乾又鞋, 個包亦是乾爭爭

tea 新推出了盛盒茶餐選了 -- 蝦多士, 薯仔沙律, 蕃茄蛋麵包卷, 鮮菠蘿, 啫喱 + 熱飲 $19 看似好多野食, 其實每樣既份量好少, 尤其是麵包卷, 只用一塊細塊的白麵包卷埋, 麵包還是實實乾乾的, 蕃茄亦唔夠紅 蝦多士用了大量油浸然後去炸, 所以外層勁脆及硬身, 勁熱氣, 油味太重

紐西蘭西冷條‧雞柳條 雞柳普通, 肉味淡, 而西冷條好食過西冷扒, 條條都好稔 墨西哥薄餅估唔到咁好食, 帶有麵粉香, 又夠熱 辣肉醬及車打芝士條配薄餅好夾 選了焗螺, 又乾又硬

今日心血來潮,去大家樂搵野食啦!!是日午餐:- 一哥焗豬扒飯 >> 已經有十年冇食過喇!一樣咁好味,多汁,多料,有我喜愛既蕃茄.加埋軟林林豬扒,完全唔洗用刀切.方便!炒飯底,香!一哥真係一哥,賣左咁多年都仲咁受歡迎~~個餐加0左杯熱檸水,34蚊差不多啦!男朋友餐單:- 五寶飯 >> 我起TST時食過一次,外賣係用圓兜裝.不過今次用普通飯盒裝呢~五寶依舊係果五寶,不過數量唔同.好似脆豬只得4粒,魷魚就多了.飯都多0左囉....見男朋友成個食晒,應該都OK好味道卦~

今日試左新出既南岸黃金鮑一個餐$58配瑤柱汁扣鮮鮑拼百花釀鮮冬菇+雲腿竹笙濃湯雞+五香牛腩粒扒豆腐+中國茶鮑魚有一小隻, 幾爽, 幾入味 而百花釀鮮冬菇, 有3小粒, 應該係用蝦肉黎釀落冬菇到, 連埋瑤柱汁同食, 好味! d 汁仲可以送飯。雲腿竹笙濃湯雞, 有一隻雞中翼,已經煲到好"淋", d 肉都離晒骨,2舊竹生, 同埋d娃娃菜, 似砂鍋雲吞雞, 好味!五香牛腩粒扒豆腐, 有2塊煎豆腐同菜做底, 上面舖滿五香牛腩粒, 2樣配合得好好食, d 汁送飯一流。$58都係合理價錢既~