大家樂 (百誠大廈)

營業中

休息中

難得星期日，晏起身係好正常嘅，本想去麥當勞吃熱香餅，但卻因遲起身食唔到，只好轉到樓上嘅大家樂。食早餐變成食午餐，大家樂嘅早餐牌全收起來了，而午餐嘅選擇又唔多，最後一人選咗四寶飯，一人選咗燒腩拼油雞飯，都係燒味。叉燒唔夠軟，油雞跟平時食開嘅差唔多，可以讚好嘅要數燒腩，唔肥，肉質唔老，而金黃色嘅豬皮脆到忍不住嘩嘩聲。

和Dee又次上大家樂解決晚餐，一個月總有三幾餐是在大家樂吃，好在大家樂的餐款除了一些熱門例牌常霸佔餐牌位之外，偶爾會推陳出新，倒可以常常嘗試新口味。像這次的“紐西蘭爵士牛排”就不同於之前的牛排，因我不吃牛排，也說不上有什麽特別。“法式燒春雞”，雖外皮燒至焦黃，很濃的豉油味，卻能鎖住內裏的雞汁，令得燒春雞外香內嫩，不可多得！“芒果冰”，酸酸甜甜，有芒果之類的果粒。吃完鹹味主餐，又可以吃上餐後甜品，兩個主餐都附有雪糕木糠布甸送，多一重享受！

麥包吞拿魚治(半份) + 牛奶麥皮 + 熱齋啡 ($18.5) 係我嘅至愛早餐之一, 既健康簡單, 而且用料新鮮又坐得舒服, 我認為物有所值 麥包吞拿魚治(半份) - 可選麥包茄蛋治 牛奶麥皮 - 可選無糖麥皮或火腿絲扭紋粉 熱齋啡 - 轉凍飲加 $3

楓葉蜜糖雞扒+北海道牛乳炒滑蛋+蘿蔔糕+熱柯華田 ($21.5) 味道OK啦, 只係唔知點解, 雞扒越來越細份, 有咩理由塊雞扒仲細過份蘿蔔糕先 上一次我坐咗喺兩個員工隔離, 聽到其中一個話 "今日D雞扒幾靚", 於是我望向佢個餐盤, 有驚人嘅發現, 個員工份雞扒嘅SIZE竟然係我嗰份嘅至少兩倍 其實M記都有雞扒+炒蛋早餐, 只係貴$2, 但份量就大份好多, 下次想食大雞扒就唔好去大家樂了...

其實每日都食大家樂既早餐, 今日終於記得幫佢影張靚相寫個食評 北海道牛乳炒滑蛋+鮮油餐包+牛奶麥皮+熱齋啡($20.5) 感覺上百誠e間大家樂冇其他大家樂用咁多油, 而且食物水準也較高, 感謝用心既大廚 今日除左炒滑蛋特別香牛奶味之外, 鮮油餐包都係新鮮嘅, 非常軟熟可口, (有時會比隔夜嘅變硬麵包), 牛奶麥皮又唔似茶餐廳果d 咁杰撻撻, 非常潤胃 我好鍾意飲大家樂嘅齋啡, 因為佢唔似M 記嘅齋啡咁一陣燶味 我亦認為大家樂嘅咖啡奶茶做得非常唔錯, 唔似茶餐廳果d 有時會有一陣酸酸地味(唔知係唔新鮮定d 糖唔夠靚)

呢日落左黎佐敦，又唔想特別搵地方食飯。咁就上左黎呢度，雖然話係放飯時間。但排隊買野食都唔會等太耐，效率都算幾高。咁就食個炒意粉同飲杯冰冰罷。黑柳炒雞肉意粉都等左兩個字，不過都幾好食。意粉算幾彈牙，而且個賣相都唔錯架。個雞肉都唔會太韌，不過就無乜味架。要彈既係，個份量真係唔算太大，係個輕盈既版本。香芋珍珠豆花冰呢隻特飲算幾好飲，唔太甜架。而且都幾重芋頭味架。但豆花既份量唔太多，而珍珠算幾煙韌。整體上，個飲品係算幾好飲架。呢餐都唔錯既，野食同野飲都我心意。而且服務算唔錯既，做野既效率好高。

經過修葺之後，整個感覺立刻高級了一點，所以決定一試，是否食物的質素也隨之而提升。一如以往，有新推出的食品，我是絕對不會放過。溏心蛋正是這一期的新推出食品，我選擇了配搭牛脷。這一次是外帶的。溏心蛋，初時我以為是有一點甜的，當我吃過之後，我就完全改觀了。這個溏心蛋的外型就像一隻普通的蛋，可是中心卻有點與眾不同。一隻普通的蛋，中間的蛋黃是比較硬，以及比較容易散開。這隻溏心蛋，咬下去好像咬了一隻半生熟的蛋黃，感覺好特別。唯一美中不足的是它浸在湯裡面比較長時間，所以蛋味也沒有太多了。至於這個湯，看下去可能會覺得它有點太濃，可是它其實有點像紅菜湯，味道跟扭紋粉是蠻搭配的。牛脷有幾塊，可是我卻沒有把它們全都吃完。因為本人覺得它們比較清淡，而且比較多肥肉，不太適合我自己的口味。扭紋粉雖然沒有很多，因浸在湯裡面時間比較長，所以都吸收了湯的味道，讚!

師傅呢幾日突然迷上食早餐, 每朝一訓醒, 就淨係諗下食咩好, 可惜呢區選擇真係唔多, 喺又趕時間又諗唔到嘅情況底下, 師傅都係鍾意黎呢度食個早餐, 貪佢款式多囉!入到去唔算太多人, 未買飛前當然睇下有咩好食啦, 呢度真係好多選擇, 攪到師傅都十五十六, 又想食粥, 又想食煎蛋, 最後爭扎左一陣都係要腸仔煎蛋配蘿蔔糕, 再加一杯熱檸檬茶! 買完飛就行去捧餐, 其實師傅一向都唔鍾意捧餐, 不過黎得呢度, 冇計啦!坐底後就拿拿聲開餐, 第一時間試下杯熱檸檬茶, 平時師傅會揀凍飲, 但呢度嘅凍飲唔好飲加上唔抵飲, 所以先要熱檸檬茶; 熱檸檬茶又幾夠茶味, 夠濃不過帶少少澀, 但檸檬就幾新鮮, 一早飲到呢種水準嘅熱檸檬茶都算唔錯; 腸仔煎蛋配蘿蔔糕就有腸仔兩條, 煎蛋兩隻, 腸仔味道唔會太咸, 又唔油, 入口鬆軟, 好味; 煎蛋係太陽蛋, 太陽蛋煎得好靚, 蛋白煎得夠香, 而蛋黃又冇穿, 皆因師傅最鍾意成隻蛋黃放入口食, 真係好正呀; 而蘿蔔糕煎得都夠香, 有蘿蔔味, 又唔會太多粉, 配料份量洽到好處, 掂呀! 總括黎講食物質素合格, 環境舒服衛生, 價錢都接受到, 埋單好似十八定十八個半, 都

今朝有事出左佐敦, 梗係好好地食個早餐先開始一日既工作. 要左冰極魚柳同炒蛋配火腿通粉早餐, 多士加杯熱華田添. 冰極魚柳真係幾好味, 個他他醬仲有雞蛋碎, 好滋味. 炒蛋一般滑, 普通茶餐廳貨色. 火腿通粉都ok, 正常水準啦. 多士食左少少, 唔熱唔凍, 普通野. 熱華田都幾濃味. 完成一個非常豐富既早餐, 又要俾心機做野啦.

今天和朋友在看戲前到大家樂吃晚飯，他推薦爵士牛排鐵板餐，我就試一試牛排厚厚的，可以配番茄汁or黑椒汁，我喜歡黑椒汁，淋上鐵板上，汁料飛濺，要把鐵板放到老遠，我選了黑椒汁，不錯的，但沒什麼特別，一塊排已很飽了，因爲配了一個酥皮湯，還要飽上幾分來，酥皮湯味道濃濃的，但沒什麼餡料，再加上$6要了一杯青檸冰，真的要捧著肚皮走路才可以。

早幾日封筆食家"今餐食乜好"懷住一夥唔多願意嘅心情, 走進佢人生嘅墳墓, 就係做老襯喇! 雖然如此, 師傅仍然要打醒十二分精神, 做好準備, 所以一早起身當然要食番個豐富嘅早餐啦, 而今次師傅都係揀左呢間食店!入到去人山人海, 不過都唔理咁多, 師傅即刻去買飛, 最後揀左餐肉腸仔蛋配蘿蔔糕, 再加一個火腿麵, 清清淡淡又唔會唔飽!一坐底即刻開餐, 於是先試下個餐肉, 餐肉唔算咸, 加上又唔係煎得太燶, 係就係得半執, 不過都可以啦; 腸仔得一條, 味道唔會太咸, 口感幾好, 好味; 煎蛋一隻係太陽蛋, 太陽蛋煎得好靚, 黃又冇穿, 正呀; 蘿蔔糕煎得都幾香, 料亦算足, 唔錯; 至於火腿麵係用火腿絲, 火腿絲唔會太咸, 麵就唔會過腍, 都可以啦!總括黎講食物質素合格, 環境舒服加上乾淨衛生, 價錢唔算平加, 埋單廿一, 抵食程度一般啦; 不過如果唔係食番一個咁豐富嘅早餐, 又點樣捱到去晚上八點呢? 所以師傅成日講對自己好d就要食飽個肚, 笑臉值得一比, 而下次都會再黎!

好友亨利小登科嘅大日子, 師傅當然要一早準備好, 所以豐富嘅早餐絕對唔少得, 為左食得好d, 坐得舒服d, 加上經濟d, 所以師傅就揀左呢間食店!呢間連所快餐店師傅一向都覺得唔錯, 特別係早餐, 所以諗清潔食咩後就即刻買飛, 師傅就揀左魚柳腸仔配蘿蔔糕, 再加一個炸菜麵, 呢餐仲唔飽!攞左個早餐埋位, 睇一睇發覺賣相唔差, 於是先試下個魚柳, 魚柳炸得好脆, 不過肉地到幾更下, 單以魚柳黎講係絕對令人失望; 腸仔就一如以往做得都幾好, 味道唔會太咸, 好味; 而蘿蔔糕煎得都幾香, 料亦算足, 唔錯; 至於炸菜麵就冇咩特別, 都可以啦!總括黎講食物質素好似跌左, 唔知係d魚柳唔得定咩呢? 環境都舒服加上清潔衛生, 價錢都唔算平加, 埋單廿二, 抵食程度一般啦; 一大清早黎呢度食個醒晨早餐, 絕對令人精神一震, 不過是次水準有少少下降, 失望在所難免, 唯有寄望下次會有改進; 笑臉令次比唔到喇, 不過下次都會再黎!

佐敦乜都俾我食過哂咁滯，終於要食d普通野。最近大家樂不斷宣傳既蟹肉天使麵，電視廣告講到佢又滑又多蟹肉，有冇咁正呀。朋友叫左紐西蘭扒餐($37)連朱古力噴泉(但係我之前試過唔ok，所以叫朋友order香蕉船)，睇個樣都可以喇，茶餐廳質素。至於我就要左個蟹柳天使麵+沙律，個天使麵係好滑呀，不過太多水，d味道又好似普通d魚旦粉湯麵咁，奇怪。大家樂d野水準係咁上下，將就下喇，不過價錢真係貴左d喇!

好日唔去大家樂,唔係同同事去都一定唔會去.諗住叫個焗三文魚飯,但o岩o岩排到我就賣晒,真係好彩,即時求其轉個牛腩飯.味道方面,個牛腩汁好濃好正,睇落好深色以為好鹹,其實o岩o岩好......that's all,牛腩肉超韌超硬,正牌o趙蔗咁.D牛根仲離譜,有舊一大舊咁,切都唔切,要自己用刀叉首先切開先可以用筷子食,仲慘過冇得食. 埃......

　　食物有分季節，所謂不時不吃，唔同時候要食D 當造o既o野，但係我估唔到去大家樂都要「不時不吃」。　　事緣有次去大家樂食晚飯，由於趕時間，所以食唔到甚麼即炒小菜、甚麼燉翅套餐，只可以叫即刻有o既「鰻魚炸豬扒飯」。印象中大家樂o既鰻魚都唔係咁好食，但估唔到今次咁差！鰻魚竟然可以好似豆腐咁，一夾就爛，入口又好似鵝肝咁(唔係甘香)，入口即溶！我就點都食唔出係鰻魚喇。　　而且隨餐有所謂「麵豉湯」，唔飲由自可，一飲就真係火都o黎埋，完全係味精！味精o既濃度仲高過茶餐廳o既例湯，飲完真係口乾o左成晚，雖然個餐只係廿零蚊，我要求唔高o丫，只係要返廿零蚊貨仔o者，都唔得﹖但係其他o既「主打」菜式，如雞燉翅，o既賣相同質素都好好，所以下次去大家樂都係要食返D「主打」o野。