影片
以上資料只供參考, 請與餐廳確認詳情
相關文章
3006 瀏覽
今日撞正要去油麻地辦事，甘岩搵到個好地方醫肚，雖然餐廳的門面比較「舊」而不起眼，但再細看才知道餐廳內有乾坤，其實係上一手舊有的茶餐廳業主要移民，好彩店舖最後得到一班年青人承繼後再沿用店名去經營，但就將內部格局由茶餐廳轉變成為當下潮流的西式Cafe。門外特意保留50年代舊有茶餐廳風格，至於內部的裝潢、間隔、卡座、水吧位置和餐牌都很有跨時代的風味，非常有特色。今日帶埋囡囡肥甄過嚟一齊食午餐，連佢都感受到餐廳的內部設計和一般的西餐廳感覺很不一樣，令人耳目一新。西檸雞牛油檸檬汁意粉（$84）將牛油加入意粉水乳化，過程中就算無落忌廉都可以令質地好似忌廉一樣咁Creamy，而且意粉充滿住牛油香，再加上檸檬汁甜甜酸酸，彈牙口感又夠fresh。西檸雞肉質嫩嫩不嚡口，同樣帶點酸酸的味道，整體係一道適合夏日的fusion菜。臘腸冬菇奶油意大利飯 （$92）中式煲仔飯就食得多，但今次竟然內裡係裝住既係臘腸冬菇奶油意大利飯。充滿奶油的creamy柔滑的味道，但意大利飯有D被瓦煲焗得偏淋，米粒中未有帶點煙韌的嚼口，口感卻不失不失。雖然加上臘腸帶有點點油香，但整體偏淡口，個人始終偏向喜愛煲仔飯有種甜豉油咸香和焦香的口感。若然煲仔飯能加多點中式的特色會更好。脆炸鹹蛋黃雞翼配薯條沙律（$68）雖然寫明係輕食，但份量一啲都唔輕，肥美大隻的炸雞翼，炸得恰到好處，表面沾滿咸香脆口的鹹蛋黃，再配埋炸薯條，新鮮熱辣辣甘炸起、邪惡滿分。一碟就有六隻炸雞翼，一定要同人哋share，邊可以「自肥」架。薑汁撞奶麻糬蛋撻($28)用了香港品牌的十字牌牛奶調製而成，非常有香港特色。雖然薑汁的味道較淡而不辣，反而牛奶的奶味相對較突出，小朋友都會鍾意。重點係麻糬做得非常厚身，口感煙煙韌韌，同脆口的曲奇蛋撻底非常配合。凍兒童鴛鴦 ($46)用阿華田同好立克沖泡而成的兒童鴛鴦，兩款口味都咁好味，又冇咖啡因成份，表面再灑上阿華田粉和燕麥碎大大增加口感，肥甄當然難以抗拒。啡立刻（凍$50）咖啡加入好立克的小玩意，雖然習慣飲開齋啡的我，好驚咖啡味唔夠強，好彩詢問一下員工，原來咖啡係用Double shot，雖然第一下飲落去，好立克味會比較強，但之後咖啡的甘香就慢慢滲出黎。黑牛（$48）黑牛係八十年代初香港特色飲品。雖然唔係我出生嘅年代，但係起我細細個都仲記得有可樂玻璃樽飲。今次難得有得再點返，仲要係經典版的玻璃樽可樂，再加埋一球冰凍的維記雲呢拿味雪糕同Sparkling朱古力脆脆，童年回憶就返晒嚟。杏霜巴斯克焦烤芝士蛋糕（$46）蛋糕做得好厚身，中間的軟心做得超出色，creamy柔滑，杏霜的味道真係超突出，一下子就籠罩住整個味蕾。愛杏霜的人一定要試。不過個人唔太受得杏霜的味道，反而加埋碟旁的碎曲奇，味道平衡返又接受到喎。大安茶冰廳油麻地廣東道830號地舖
繼續閱讀
最近去咗大安食飯，成個經歷令人無言。啱啱入到去，冇人招呼，似乎冇咩心機，好似做嘢只係打發時間。等咗好耐都冇人嚟落單，明明一個餐都要成九十蚊以上，點解服務質素可以咁差？最失望嘅係，連食物質素都無力。嚟到嘅嘢飲、嘢食完全唔出色，味道淡而無味，好似冇心思去準備。咁嘅表現，真係令人反思：「係咪完全無心做餐廳？」作為客人，花錢花時間，本應期待一餐開心飯，但結果只係換嚟自助拎餐具同水嘅態度同十分一般嘅食物。總結一句，建議大家選擇光顧重視顧客同真正用心經營嘅地方，唔好浪費期待同金錢。
繼續閱讀
1️⃣煙鴨胸菠蘿包真係好特別！包身鬆軟，外面有啲微微脆，煙鴨胸的味道濃郁，搭配菠蘿包的甜香，口感十分平衡，食落去好開心。就算有啲人對煙鴨唔太習慣，都會覺得好味。平時配菠蘿油可能會有d膩，但呢個除咗有煙鴨胸之外，仲有蔬菜，飽而不膩。2️⃣蛋撻(唔記得影相)餅底好香脆，配上滑順的蛋漿，甜度啱啱好，咬一口就感受到蛋香四溢，真係令人欲罷不能。我平時係鍾意食曲奇皮嘅，但朋友話一定要試，所以就叫咗葡撻，結果冇令我失望！呢間除咗貴少少之外，味道冇得挑剔~
繼續閱讀
個蔥油叉燒蛋撈麵 收八十蚊，真係呢！你味道對得住先係呀。真係普通到無朋友，仲要80蚊，純粹只係靠個懷舊做賣點😂😂價格已經貴，食物真係普通到呢，呢啲譜店打卡一次就夠
繼續閱讀
這間冰廳老店，現在要茶餐廳，裏邊啲咖啡好好飲，每次入去用餐都好感受到老闆對店舖的熱誠，內裏還掛着附近舖頭各特色老店。食品都是舊同新的拼合，每人菜式各有特色。每次帶朋友嚟，大家都會有難忘的印象，所以每次與朋友相聚都好自然地想起這間舖頭。下次繼續去試其他嘢，我仲未試薑汁番薯巴斯克蛋糕。仲買左環保袋同帽做記念👍🏼
繼續閱讀
您可能會有興趣的...