大壹燒鵝 (啟田大廈)

營業中

休息中

話說今日路過大壹見到入面食客都幾多，網上面嘅食評都唔錯，咁我就入去試下佢咩料啦。入到去我地叫咗2個茶餐，一個係叉燒油雞瀨，另一個係燒鵝燒腩仔瀨。本來抱住好大期望的，但嘢食一落到枱就知道今次中伏了，我懷疑寫食評嗰啲人有8成係假🙂或者係我食下午茶所以餐廳俾d下欄嘢我地。首先討論下第一個餐(叉燒油雞)，叉燒總共有6舊但其中4舊係燶到黑哂 完全係致癌物咁。同埋我冇叫要肥叉，但d叉燒肥到似食緊燒肉咁，起碼8成都係肥肉🥹。之後討論下個油雞，一睇隻色就知唔入味架喇偏淺色再放落口，大獲了柴到似湯渣，完全冇誇張真係湯渣啊。再討論下第二個餐(燒鵝燒腩仔)，燒鵝份量細得3舊，其中兩舊仲要皮(食鵝緊係食佢個皮架啦，最重要嘅嘢竟然冇)，食第一啖已經發覺個燒鵝咁奇怪嘅，咁煙韌嘅，冇睇錯啊係用煙韌黎形容佢🙂好似食擦子膠。最後個燒肉皮肉分離又係想點？特別嘅擺盤？我真係唔識欣賞喎大佬，咁都出得俾客你地又真係幾犀利。不過味道算係最正常，比起方間其他燒味舖偏淡 冇咁咸。我唔知係咪因為自己黑仔先遇到啲咁嘅情況，定係佢下午茶真係俾下欄嘢。希望大家唔好中伏啦，最後埋單2個人110食下欄嘢🙃

朋友介紹我嚟食呢間嘅燒味 所以專誠過嚟試吓我外賣攞走 本身諗住叫例牌($128)但係發現有得嗌半斤($78)因為例牌都係半斤多啲啲 所以就叫咗半斤唔知係咪叫半斤嘅部位會唔同(？)店員冇問我要瘦定係肥~一打開已經完全冇OpenRice上邊見到嗰種半肥瘦基本上係全瘦肉其實食落都唔會乾都叫做幾淋係唔差嘅🙌🏻但我期望係半肥瘦嗰種🥲🥲特登過嚟食嚟講有少少失望☹️同埋佢價錢都幾進取💸一般出邊都係賣緊四五十蚊一啲港島乜出名嘅例牌其實都係賣$68佢呢個半斤已經要$78 例牌$128💰💰💰

男朋友之前揸車經過已經話好想食，咁啱今日我哋又嚟到藍田呢個2人套餐好抵食$288有湯、有雙拼燒味、有2個小菜‼️不過對於我嚟講實在太多啦，所以我哋都係散叫～～燒鵝燒腩仔飯嚟到燒鵝專門店，梗係要食燒鵝喇呢度嘅燒鵝肥瘦岩岩好，係咩肥膏，鵝油香而不膩燒腩仔塊皮好香脆一層肥一層瘦勁好食椒鹽鮮魷估唔到冰室嘅小炒都咁有質素炸衣好夠薄，魷魚口感幾軟彈，唔會硬綁綁不過最好要趁熱食，放涼左層炸衣就又濕又淋！瑤柱海味雜菜煲呢個勁有驚喜個湯非常鮮甜啲菜吸哂啲湯勁正，我係咁飲啲湯

大壹燒鵝 (啟田大廈)地址: 藍田啟田道51-67號啟田大廈地下1A, 2-4及6A號舖以前喺藍田讀中學，已經教咗好耐冇過嚟藍田啦。今日同老公喺藍田撐枱腳，我哋兩個都好鍾意食啲小炒，所以嚟咗近地鐵站嘅大壹燒鵝試試 ！餐廳環境乾淨，仲分咗兩層，非常闊落。員工友善，食物種類多，推介！二人套餐例湯： 粉葛赤小豆豬骨湯老火湯味道濃郁同清甜。粉葛有止渴清熱嘅功效，赤小豆就健脾祛濕、利尿消腫。粉葛赤小豆豬骨湯香甜美味，個個都啱飲。叉燒拼油雞香港呢度嘅燒味都唔錯， 試試叉燒同油雞。蜜汁叉燒選用最上等嘅脢頭肉，食落肉質鬆化，肥瘦均勻。加上用咗蜜汁，面層有燶邊，食落脆脆地，而且非常香。叉燒保留到原有肉汁，醃料惹味，好正！油雞雞肉嫩滑，雞味濃郁，皮帶點彈牙。豉油汁味道香濃，撈飯一流！ 燒汁薯仔牛柳粒呢碟餸薯仔同牛柳粒份量多，一上枱就聞到好香。廚師即叫即整，炒得好有鑊氣。薯仔本身有炸過，外表金黃色，外脆內軟。牛柳粒一口size，容易入口，食落肉質鬆化。燒汁味道惹味同牛肉同薯仔混合得好好。白飯兩碗白飯大大碗，熱辣辣。米粒晶瑩剔透，好豐滿，好香。西蘭花炒蝦仁最後仲揀多碟菜。西蘭花淋甜，冇草青味，廚師準備工夫做得

今日屋企人來吃飯 ，耍去斬料，就去大壹外賣半隻燒鵝回家。 買完燒鵝 ，我站在玻璃窗睇住他們工作情况。 剛好見到有幾隻燒鵝出嚟。當時我好興奮等待他們開一隻新燒鵝給我 ，可借不到幾分鐘 ，外賣小姐已經叫我取外賣。 當時我覺得奇怪， 裏面沒有人斬半隻 燒鵝 ，我為何那麼快取到外賣呢？ 我摸盒燒鵝底原來是凍的。 我告訴小肥女的服務員聽，但是她堅持說燒鵝是熱的，還說我搞錯， 叫我再摸膠盒上是否熱。 但我在摸 沒有感到有溫度， 後來我再告訴她， 她一手取了我的燒鵝回到枱上， 再向同事大聲說，話我搞錯， 燒鵝明明是熱的， 如果我不喜歡就馬上退錢吧！ 當時態度非常非常惡劣。 真不可一世。 為何這個疫情期間 ， 她的服務態度會那麼差呢 ？ 她是老闆嗎？ 正當我正在猶豫一段時間， 斬料的同事老實告訴我， 這隻燒鵝是我斬的 。燒鵝是新鮮的， 它不熱，只有微微溫度， 請我放心吃 。 燒鵝不斷燒出來。 而這袋外賣上燒鵝汁 ，他一看，已經被肥服務員全部倒瀉曬。 我後來了解和明白了， 我都有要這盒 燒鵝。 斬料同事再幫我整理好再轉交給我 。 我回來馬上試過證實燒鵝是有微暖的。 最後希望這位似老闆的服務員改變 與人溝

藍田港鐵站附近最推薦的小菜店就是大壹。店面燈光通明。門口便見令人垂涎的馳名燒味，常有外賣客人。店員安排客人入座爽快順暢。自助安心和掃描針卡。前幾次是手機叫菜，今晚是店員前來服務。這兒出菜算快。食品必推當然是大壹的燒味啦。我作為义燒控，很喜歡這店的义燒肥瘦參半，燒得焦香、肉嫩和鮮美，伴著香軟白飯是一流呀。但這兒沒有瘦义的選擇，減肥時期便只能淺嚐了。燒鵝瀨亦是皮脆、油甘、肉香，略嫌太肥膩，不能多吃啊。兩人份量吃已夠飽肚，份量是十足的。今晚加了蒜蓉粉絲蒸蝦。一碟大概8隻中蝦開邊，粉絲浸在充滿蒜香蝦汁的調味料中、淨食都不會覺得咸呢，日後可以再來回味! 

之前黎過大壹燒鵝，有唔同分店，約左朋友黎食晚飯。原來最近推出左星期一至四晚市既超值套餐，岩晒心大心細既我地，可以燒味，小菜都食得到。套餐$288包靚湯+燒味一碟+兩個小菜小炒，好抵食。 燒味雙拼(叉燒皇+玫瑰豉油雞)叉燒外皮香口脆身，肥瘦肉比例唔錯，好有口感豉油雞無論係雞皮定係肉，都好入味，每啖都係充本既豉油味，好開胃椒鹽鮮魷即叫即炸熱辣辣，份量多，魷魚好有鮮味，炸粉比例岩岩好，配上醬汁，好惹味瑤柱海味雜菜雜菜包羅萬有，西蘭花，菜心，白菜等等，滿足晒健康既願望。湯底十分入味，令食菜變得吸引。仲有例湯同凍檸茶，例湯都好足料。

每次經過都排住長龍既藍田大壹燒鵝，一於下午時間去餐廳食下入面有上下兩層，位置及空間都闊落座位非常舒適午市套餐都好多選擇有炒飯、焗飯等等有燒味之外有小炒、海鮮、粉麵焗飯、同煲仔小菜午市和小菜餐牌上都好多選擇點了一個午市燒味飯套餐，同小菜、午餐叉燒皇拼玫瑰豉油雞招牌叉燒半肥瘦叉燒適中仲有脆邊豉油雞肉質嫩滑而且多汁好美味星洲炒米用上叉燒、蝦仁和仲有入青紅椒、雞蛋及韮黃米粉彈牙爽口，色澤金黃呢杯特濃阿華田脆脆最愛甜甜既阿華田口味要點返杯飲下，上面有朱古力脆波波粒，再淋上cream，疊出層次感，凍凍飲一口好美味，真係必再飲。雜果賓治夏天飲上雜果賓治夠晒有夏日色彩，最底浸咗唔同款既粒粒，好多冰浸住飲一口已經透心涼，味道好清新解渴。菠蘿雞粒炒飯炒出來粒粒分明而且好入味，菠蘿粒菜粒都唔少份量很多呢。燒汁薯仔牛柳粒 HK$98牛柳粒油香滿溢夠惹味，易咬口薯仔想不到有半煎炸至金黃色及熟透外脆內軟的口感，連燒汁好惹味鑊氣夠非常好味豉椒牛肉炒河我最鍾意係多汁佢帶出惹味可口，河粉仲唔會點斷開，每條河粉都可以索到汁牛肉片好軟淋易咬口。呢度既店員都唔錯幾好服務，上菜速度都好快📍大壹燒鵝🔍藍田啟田道51-67號啟田大

今日難得早收工，約左朋友係返藍田附近晚餐朋友鐘意食叉燒，指名要去食大壹燒鵝，我都食過幾次，再食都無異議二人餐好抵食，$288，可以揀三個餸，重可以揀雙拼燒味地方乾淨，冷氣夠，樓底高，坐得舒舒服服，估唔到六點鬆已經有8成滿叉燒燒肉飯$56足料，每款有六件叉燒飯$53一樣份量十足燒肉皮夠脆，肉爽口唔鞋，油脂均勻，正叉燒真係無得頂，比上次食好似再神級左有濃邊又夠蜜味，紋路靚，偏肥少少但有入口溶化既感覺，無誇張，係真心識食緊係食肥叉椒鹽鮮魷$98第一次係呢道食小菜，之前都係食燒味多，估唔到小菜都一樣掂！鮮魷一碟好多塊，重要好大塊，大塊唔係因為粉厚，佢係真係大塊好新鮮，魷魚入口咬得開，粉薄香脆，椒鹽微辣惹味馬介休蓮藕餅$99又係一個驚喜一碟六塊，上枱熱焫焫，每塊都好肥厚，外皮帶脆，內裡結實爽口有咸香，好食燒味飯跟餐＋$11紅豆奶茶茶底有茶檔風味，絲襪奶茶果種整體今餐好滿意

今日唔想煮飯，落班就出黎搵嘢食。之前已經食過哩間大壹燒鵝，今次因為又想食燒味飯所以特登過黎食多一次喇！餐廳樓面比較大有兩層，環境也比較乾淨，坐位寬敞坐得舒適。一進店內就見到食客滿座，但係一啲都唔會影響上菜速度，一坐低冇幾耐好快菜就上到枱。燒鵝脾燒鵝係即叫即整，一上枱就可以感覺到香氣四溢。鵝皮皮薄而且燒得顏色好靚又香脆，肥瘦比例均勻又唔會好油膩，點上酸甜汁味道層次更豐富，送飯食真係好正！叉燒飯叉燒燒得好好味！帶小小燶邊，食落感覺非常脆口又香甜。肉質鮮嫩一啲都唔會柴，味道感覺就同普通燒味店唔同。啫啫雞煲雞煲上到枱仲係熱辣辣哋出晒煙，可以聞到好大嘅香氣撲鼻而來。以大量嘅洋蔥同蒜頭爆香調味，仲有豬肉、香菇。份量非常驚喜，雞件好大塊又煮得入味，醬汁濃郁送飯簡直一流！

晚飯唔想煮，同媽媽去「大壹燒鵝」到，估唔平到平日都好滿座。選了$288 的2人套餐，包了2個老火湯，3個小菜，2個白飯等。先上到老火湯，是豬骨節瓜湯，好入味又沒有味精。好好飲，仲有好多湯料係底。「燒汁薯仔牛柳粒」的牛柳生熟底剛好，不會太乾，配上燒汁 送飯一流！薯仔先煎香，外脆內軟，好香口。「椒鹽鮮魷」見好多台都叫，等我又柯單食下。炸粉不會太厚，鮮魷鮮味十足，絕對新鮮，加上喼汁去一去油膩味，都好好食呀。「蝦千銀魚仔肉碎浸時蔬」用上上湯白菜仔，加上魚乾仔蝦乾去入味，白菜仔吸晒d鮮味，好食！白菜的份量也不是，食到好飽。白飯一人一個，大大碗食完飽晒。餐廳坐的好舒服，空間感十足，夠光線。是食飯好地方。

今日途經藍田，見到「大壹燒鵝」係門口掛咗好多油雞燒味，望落好吸引，於是入去試下，兼叫埋一些小炒！😉# 碧綠龍躉斑球 ～ 每塊石斑都好大舊、夠厚兼啖啖肉，仲有8塊咁多添…另外魚皮爽脆，西蘭花新鮮，成碟炒得好夠鑊氣香噴噴！# 紅燒北菇豆腐 ～ 炸豆腐連埋冬菇一齊煮，炆得好入味，加埋新鮮菜心伴碟，好滋味！# 燒味雙拼飯套餐 (油雞、燒腩) ～ 燒腩仔皮脆肉嫩，油雞係雞髀啖啖肉，加埋蔥油芥醬一齊食，非常惹味！# 特飲紅豆咖啡 ～ 紅豆煲得好冧甜，咖啡味香濃，飲完心都甜！

這間出名的就是燒鵝，因為這店老闆在澳門米芝蓮餐廳工作過的，但我覺得除了燒鵝還有其他燒味也很出色，而小菜又夠火候。今日來吃晚飯，選了這個超值滋味二人餐～～～招牌足料老火湯今日的老火湯是冬瓜薏米瘦肉湯，味道清甜好滋潤。大壹叉燒皇拼玫瑰豉油雞招牌叉燒皇燒的火候掌握得很好，肥瘦適中有脆邊唔會韌，而豉油雞肉質很嫩滑多汁。椒鹽鮮魷椒鹽鮮魷很大碟，魷魚很新鮮大件，炸得非常鬆脆加上炸蒜一起吃更惹味。西蘭花炒蝦仁西蘭花很翠綠，清甜又爽脆，炒蝦仁很爽口彈牙，這就是鑊氣。

假日的標準起床時間，永遠係因為過度肚餓而打鼓🥁的胃，光速刷牙、洗面、換衫落街.早、午餐🥣一次搞掂，今次去咗藍田大一燒鵝茶餐廳，我點燒鵝飯，鵝仍有餘溫入口皮脆肉嫩，這質素在鬧市中品嚐，有點驚艷。

來個不止一次大壹燒鵝的原因，除了因為探朋友，更加因為這裡的食物質素在試過那麼多間藍田食肆中數一數二而且相當穩定，難怪今日平日晚市早段來到，依然坐滿人。和有選擇困難症的朋友幾經辛苦選好了二人餐的兩個自選菜式，套餐包括了足料老火湯，燒味雙拼的大壹叉燒皇及玫瑰豉油雞，另外自選的菠蘿咕嚕肉和菜心炒牛肉。燒味雙拼大壹叉燒皇及玫瑰豉油雞沒有特別要求下，餐廳自動波給了爭崩頭的半肥瘦和燶邊叉燒，賣相實在太吸引了。咬下去是一層肥肉一層瘦肉的五花腩，油香十足不在講，配合燶邊的香脆可口，叉燒醬甜度適中，帶出陣陣肉香，實在是抗拒不了。看見玫瑰豉油雞的色澤已經知道師傅非常用心的烹調和上色，味道香而不膩，肉質細嫩，皮下沒有多餘脂肪，而且帶有陣陣玫瑰酒香。菠蘿咕嚕肉份量大但每一件肉的體積平均，上面均勻的沾上甜酸醬，並且依然保留香脆多肉汁。配料上同樣花上心思，除了一般常見的菠蘿和三色椒，還配上無花果乾，帶出獨有的清甜味。菜心炒牛肉菜心非常翠綠新鮮，一咬即斷沒有菜渣。牛肉吃得出沒有用鬆肉粉，肉質依然嫩滑，而且調味香口，實在出色。