大壹燒鵝 (啟田大廈)

營業中

休息中

一個人去堂食早餐，有三四枱沒有人，每枱有人多數一人坐一枱，待應堅持要搭枱，明白茶餐廳繁忙時間係應該搭枱，但當時並非繁忙有至少三四張吉枱而且之前客人都是一人一枱，完全不理解點解一定要搭枱，而且待應態度惡劣地要求本來是比較喜歡的茶餐廳，經常早餐晚餐都會光顧，經此番體驗，以後都唔想再去了……………………………………………………………………………….......

今晚和朋友來到藍田的「大壹燒鵝」食晚飯，餐廳在啟田道，離地鐵站只是幾分鐘路程，很方便。餐廳有半層閣樓雅座，環境寬敞，座位舒適。一看餐牌，就被$288的二人套餐所吸引，可以任選三小菜，包括燒味雙併，有白飯和例湯。「足料老火湯」：有豬骨、五指毛桃、紅棗煲的老火靚湯。「叉燒拼油雞」：果然是燒味專門店，叉燒肥瘦適中，爽口彈牙，油雞是雞髀，肉質嫩滑，口感非常好。「馳名紅酒會牛尾」：一大鍋，份量不少。牛尾炆得腍軟入味，由於經紅酒炮製，去除羶味，所以特別美味。配菜還有薯仔、鮮茄、紅蘿蔔等，相當豐富。「話梅炆豬手」：一樣是大碟頭，豬手爽滑而不肥膩，配上子薑、話梅，酸酸甜甜，非常惹味。未到七點，餐廳已幾乎滿座，可見非常受歡迎。「大壹燒鵝」的小菜值得一讚。

放工嚟藍田搵朋友攞啲嘢，順便一齊食晚飯。由友人帶路，嚟咗啟田大廈地下呢間「大壹燒鵝」。聽朋友講，餐廳嘅燒味主廚正是澳門一間星級食府出身，而晚飯小菜亦做得有板有眼，絕對不比大酒樓失色。我哋點咗個二人行超值套餐 ($288)，個套餐包 2 位用老火靚湯同白飯，另外仲可以任選三餸，配熱飲+$5，而凍飲就+$7。是日老火湯為合掌瓜豬骨湯，湯水味道非常清甜，用料十足，滋潤解燥。熱奶茶濃郁順滑，茶味香得嚟又唔苦澀；而凍檸茶亦冰涼舒爽，酸度適中，飲落好 refreshing！大壹叉燒皇拼玫瑰豉油雞：叉燒選用肥瘦適中嘅梅頭肉炮製，食落肉質好軟嫩，富肉香和醃製醬料嘅滋味。油雞水準亦不俗，雞肉嫩滑，豉油汁清甜濃稠，用嚟送飯一流！椒鹽鮮魷個脆漿好薄身，火候掌握得恰如其分，外層炸至酥脆，而內裡嘅魷魚肉亦夠晒嫩口，椒鹽味適中又唔韌，絕對係下酒佳選。另外碟菠蘿咕嚕肉亦屬水準之作，唔單止賣相靚仔，而且食落肉味好香濃，外脆內鬆化，吃時還帶點油脂甘香。配料有無花果、蕎頭、菠蘿同三色椒，呢個配搭非常新穎，加上自家調製嘅甜酸醬汁，開胃醒神。

晚上時間，經過藍田大壹燒鵝店，看到人們在店外大排長龍，還有掛在玻璃上富有亮澤感的燒味，便心思思想試試看～店內燈光明亮充足～🥦芥菜鹹肉煲 {＄98 }滾熱的乳白色湯底在煲內呈上，瓦煲能保存食物的溫度，喝下味道香滑美味，芥菜呈青翠的綠色，烹調得多汁幼嫰，鹹肉更帶出鮮味。🍗大壹燒鵝飯｛＄63 ｝雙拼加$5我們轉了瀨粉，加了雙拼叉燒。不得不被這兩款燒味驚艷到，燒味的外皮油份適中呈光澤，飄香四溢。叉燒烤得外脆內軟且香口，濃稠的蜜汁還掛在叉燒外皮上，肉厚肥美，啖啖肉！燒鵝做到皮脆肉嫩，肉質厚實充滿鵝肉的油香，點上酸梅醬更開胃。🍲花菇雞腳燉螺頭 ｛$58｝這盅燉湯令人胃部和暖舒適，湯底材料真材實料，湯名稱內有的材料均有提供在內，個人很喜歡這盅湯～🐟椒鹽九肚魚九肚魚加上新鮮蔥粒及炸蒜，魚炸得香脆嫩滑，外脆內軟，點上醋更顯鮮味，令人一口接一口！

臨近新年，同家人提早食團年飯，好掛住大壹既燒味同小菜。星期一至四晚市既超值套餐真係十分抵食, $288有晒雙拼燒味，2個小菜，仲有靚湯送。 燒味雙拼(叉燒皇+玫瑰豉油雞)叉燒半肥瘦，外身焦脆，肥瘦肉比例剛好，肥既部分入口即溶，加埋蜜汁夠晒惹味豉油雞仲係雞比上，十分抵食，咬落啖啖都係肉，雞肉已吸收了豉油，好入味，連皮食仲滋味。金銀蛋浸時菜我地揀左白菜，份量都足料，皮蛋，蛋白，大量白菜，浸住係湯好入味，唔怕食菜口淡淡。 士多啤梨豬扒呢個配搭十分新鮮，味道係出奇地夾。士多啤梨汁甜酸度剛好，偏甜令人食唔停，呢個汁配飯都好夾。豬扒非常入味，又有口感，而且份量真係好多。 加埋白飯例湯，三餸一湯真係好抵食。

食過堂食及外賣燒味飯，覺得味道都OK，所以今日專登外賣1斤叉燒，百幾蚊1斤叉燒，問佢攞一個薑蓉，個阿姐非常串同我講，叉燒不設付薑蓉，如果要薑蓉要額外收$2蚊1個，唔係嘛！？講真丫，佢D燒味比起同區真係唔係叫做平，買百幾蚊野1個薑蓉都要收錢，第一次遇到咁既食肆，得啦.....都唔多講，列入blacklist，以後唔幫襯！

無意中發現原來藍田都好多特色美食！途經一間大壹燒鵝，原本諗住食燒鵝，點知因為收工太夜，去到已經買完！只好叫小菜食啦！馬介休香煎蓮藕餅$98好大塊，料好足，如果蓮藕再多的口感更加好！薑蔥班頭腩煲$98好香噴噴的薑蔥味，魚份量都好足，忍唔住連薑蔥都食晒。椒鹽九肚魚$98椒鹽香口食材，佢做到炸粉脆而魚保持滑溜，口感剛好，味道適中，再點上個汁增加佢味道，不錯👍🏿雖然食唔到餐廳招牌菜燒鵝之類嘅燒味，但試到餐廳的小炒都可以😌下次再食過燒味✌🏿

今晚加班遲收工，媽媽說今晚不做飯了，就去大壹燒鵝吃晚飯啦。環境不錯，隔離板也裝得較高，做足防疫措施，可以放心吃飯。而且服務好，上菜特別快。三餸一湯又抵食選擇菜式也不少，先來個老火湯，有媽媽煲的味道，材料也好足。主菜有椒鹽鮮魷，表面一層薄薄的炸粉皮，香脆又金黃色，鮮魷又嫩又大塊，一盤有十幾塊。鼓汁炒鵝腸：有三色椒和酸甜鹹菜，鵝腸又薄有爽脆，內腸洗得很乾淨，很少肥脂肪，吃得健康。瑤柱海味雜菜：有菜心，粉絲，厚肉冬菇，小白菜，西藍花等等，當然少不了瑤柱，最精華的是湯底非常鮮甜，不肥膩又健康。最後來杯檸檬水，檸檬厚又多，所以這餐又抵食又好滋味。

今天比較清閒，出外吃晚餐。這家食肆雖然是燒味店，但是也有港式快餐和中式小菜供應。店內裝修新，環境清潔，座位舒適。於指定時間內供應特價燒味飯，叉燒併燒腩飯連熱飲品56元，叉燒是採用五花腩的，入口甘香，甜味適中。燒腩皮脆，脂肪部份甘香，瘦肉部份嫩，味道沒有過咸。熱檸檬茶有三片檸檬，茶味香濃。金銀蛋浸時菜78元，白菜新鮮，皮蛋爽口，咸蛋味道正常。紅燒北菇豆腐68元，豆腐滑，冬菇肉厚味香，醬汁美味，值得推介。藍田小炒皇98元，份量大，色彩繽紛，韭菜花嫩且氣味清香，紅椒及黃椒均新鮮，蝦肉彈牙，炸蝦乾惹味，魷魚煙韌，芋頭絲卜卜脆，腰果爽口，加入了XO醬和薑絲，味道層次豐富。

每次到藍田，無論其他人想有其他新新嘗試，我都會盡力說服他去大壹燒鵝，水準穩定亦時有驚喜。成功捍衛的我今次選了套餐的大壹叉燒王 拼 玫瑰豉油雞， 金銀蛋浸時菜和咖哩牛腩煲。正！大壹叉燒王 拼 玫瑰豉油雞如果有人跟我說這裏的叉燒時慢煮的，我絕對相信。叉燒應該用上類似五花腩的部位，一層肥一層瘦，肉質亦極度鬆化，外表燒得剛好， 帶點燶邊， 麥芽亦都掛滿外層， 帶出肉的甘香 。玫瑰豉油雞真的帶有一份玫瑰香， 雞件本身非常新鮮， 亦都相當厚肉， 嫩滑程度爆錶， 每一啖都滲出雞本身的肉汁和油脂香。金銀蛋浸時菜蔬菜非常翠綠新鮮不在話下，而作為配料的皮蛋和雜菇已經調味得非常好， 尤其是雜菇各自發揮所長， 各自帶出的香味和味道令新鮮的是時菜提升一個檔次。 皮蛋亦都嫩滑甘香。 整體性出色的菜式。咖哩牛腩煲以為這裏只有燒味出色就錯了，作為茶餐廳必備的咖哩牛腩同樣是一間餐廳的水準指標，這裏更加是高出標準。牛腩部位同樣是肥瘦夾雜，有牛味之餘亦可食出油脂的甘香，而且沒有炆得過火非常鬆軟。咖哩汁非常香濃，懷疑加入了少量花生醬的元素，濃滑而且惹味，撈飯更加有一種飽足的感覺，好滿足！

今晚和細妹食飯，去了一間位於藍田，以燒鵝聞名的餐廳吃晚飯。餐廳有兩層，座位舒適，很光猛。除了燒味出名，小炒選擇十分多。最終要了二人餐，除了老火湯和白飯，可以從39款中選擇三款，而且份量十足。小炒皇材料多元，十分豐富，除了最基本的蝦仁、蝦乾和韮菜等，亦有菜脯和芋頭條，增加口感。紅酒燴牛尾牛尾很香，啖啖肉，肉質夠稔。配有薯仔、紅蘿蔔、洋蔥、西芹等，甜甜地，很惹味。椰菜粉絲櫻花蝦煲滿滿的櫻花蝦配上爽口椰菜和Q彈粉絲，熱辣辣，香噴噴，口感十足。下次要試試主角燒鵝和燒味。

這天晚上我約了朋友在藍田吃晚飯，經過網上的介紹，我們便決定來到這間餐廳試一試，店內環境十分寛敞和清潔衛生，坐得十分舒服，給我一種很舒服的感覺，店內的客人很多，證明食物的質素有一定的保證二人套餐($288)叉燒非常香稔軟嫩，香妃雞非常嫩滑細密和十分新鮮，份量廷多藍田小炒皇用黃椒絲和紅椒絲陪襯，蝦仁清鮮甜美，韮菜炸得十分脆，腰果脆口，蝦乾有嚼勁，魷魚軟彈煙韌，芋頭絲很脆，看上去十分豐富，份量十分多豉椒炒鵝腸鵝腸十分爽彈鮮美，清洗得十分乾淨，用洋蔥，青椒和紅椒作陪襯，用豆豉和辣椒調味，味道微辣中帶一點鹹花茹雞腳燉螺頭燉湯(每位另加$38)雞腳嫩滑細密，花茹軟彈煙韌，螺頭燉得禁淋，經過十分長時間的老火湯，十分入味，十分足料，這個價錢十分超值整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相十分吸引，食物的定價相對合理，而店員亦有良好的服務態度，店內的員工很多，證明餐廳注重服務質素，店內設有多部冷氣機，十分涼快，所以我認為這間餐廳是值得再去惠顧

今晚家人出藍田買嘢，約左我係就近餐廳食番個晚飯，佢擇左#大壹燒鵝 ，貪佢選擇多。我哋叫左個$288～2人晚餐，包白飯例湯，燒味雙拼同2個小菜。今晚例湯係蓮藕雞湯，都很清甜啊。燒味雙拼- 叉燒拼白切雞，叉燒肥瘦適中，白切雞係雞髀🍗啖啖肉，點埋蔥油配飯很可口😋。菠蘿咕嚕肉，用新鮮豬肉制做，炸到很香脆，肉質細嫩，酸酸甜甜的汁味，味道調得剛剛好，夾起時還有拉絲的效果, 食得非常之開胃😋。櫻花蝦椰菜炒粉絲，打開聞到香噴噴，櫻花蝦很香，大大的一煲，炒得夠晒鑊氣！+$5叫杯熱杏霜，杏仁味香濃。🎈大壹燒鵝

同朋友喺藍田行完街，是但搵一間餐廳填肚，估唔到有意外驚喜。一間空間好大嘅茶餐廳，有兩層嘅座位，坐位好舒服，夠寬敞。我哋去嘅時間仲可以揀午市或者下午茶，其實食物嘅選擇相類，我諗係價錢同份量嘅分別。因為我哋其實係想食個early dinner，但又未夠鐘叫晚市套餐，所以我哋就單點。嚟呢度唔叫燒鵝好似對唔住自己，所以就叫咗個燒鵝飯，燒鵝皮好脆，有油香，啲肉又唔會太肥；另外佢飯嘅份量好多，兩個人都食唔晒。所以我哋叫咗咕嚕肉、椒鹽豆腐同蒜蓉炒芥蘭，好少茶餐廳嘅叫餸食飯可以整得咁有鑊氣。

今日同家人去藍田大壹燒鵝食飯, 一向知道呢度既燒鵝係好出名的, 所以來到一定要叫燒鵝飯, 鵝皮又脆, 餓油香到無得頂, 肉質有嚼口, 好香呀, 餸飯一流。加了$7叫了杯凍檸茶。見到餐牌好多選擇, 小菜, 煲仔, 潮州菜都有, 叫了豉椒炒花甲, 非常有水準, 夠晒鑊氣, 花甲肉質彈牙, 又鮮甜, 又大隻, 還有三色椒,夠爽口。小炒當然要試埋煲仔菜, 叫了個啫啫滑雞煲$88,好惹味, 熱辣辣, 雞肉鮮嫩, 配料有大隻的花菇, 菇味夠香, 又滑溜, 還驚喜有豬頸肉, 爽口, 令個煲味道更鮮甜。另外店員服務超好, 值得一讚, 又有推介食物。