大圍小館

營業中

休息中

已經唔係第一次幫襯大圍小館，覺得佢d小菜嘅水準次次都keep到，真係非常適合帶埋啲長輩一齊嚟食飯～首先坐低未叫嘢食，就有呢兩碟小菜，琥珀合桃又甜又脆，唔使1分鐘就俾我哋清晒～另外一碟係梅子苦瓜，本身我哋係唔食苦瓜嘅，覺得冇咗嗰浸苦澀味，口感清爽酸酸甜甜，最後有少少回甘，不錯～小炒王非常有鑊氣，最特別嘅入邊係有松子同埋蓮藕，撈飯一流籠仔梅菜蒸菜心，好睇又好食豉油王鮮鵝腸，鵝腸口感一流第一叉係必須要點嘅招牌菜，外脆內軟，舊叉燒差唔多成寸厚，啖啖肉非常滋味！姜米籠仔蒸蟹飯，估唔到隻蟹咁大隻！價錢仲要相當合理，姜同蒜撈埋啲蟹肉一齊落啲飯到食，超美味呀～好多人都推薦嘅炸鮮奶，工序繁複，又甜又脆，正15年果皮紅豆椰汁糕，呢個甜品真係非常之有誠意，係用咗15年嘅陳皮，強烈推薦！整體來講全部食物都好有水準，下次要再食～

大圍小館 (大圍).呢間真係罕有我地全五星嘅中菜館，不論食物環境以及員工服務態度都非常好👍🏻入門口前必須量體溫以及搓手，環境幽靜，裝修雅致，枱與枱之間有超大透明膠膜擋住，感覺好安心. 🔹天下第一叉🔹.真係好好好好食，有天下第一叉的名號真係名不虛傳瘦肥比例7:3，我諗好多人都會覺得係好完美嘅比例，唯獨係我唔食肥肉😂但舊叉燒用上等脢頭肉好好惗好好食😋呢個係每次到必叫.🔹豉油皇鮮鵝腸🔹.呢個又係好食到不得之了，豉油皇色澤令人充滿食慾，簡單廉價鵝腸能登大雅之堂更加顯廚師嘅功夫，味道濃郁，鵝腸爽脆，洗得非常乾淨.🔹香濃腐乳炒蝦球伴西蘭花🥦🔹.選用香港地道老字號腐乳廖媽記，蝦球充滿中國芝士腐乳和，西蘭花好甜🥦如果大家喜歡腐乳呢個必吃！.🔹薑米蒜香龍仔蒸蟹飯🔹.大大隻蟹配以油飯加上葱蒜，飯嘅份量好多，上次我地兩個人食有叫今次四個人食剛好！.🔹甜梅菜竹笙蒸茄子🍆🔹.呢個係好似係期間限定菜式，見到係另一份menu到，從來無諗過呢兩樣材料可以配搭一齊！好驚喜因為都非常好食😋少少甜嘅梅菜加上非常爽口嘅竹笙，好入味，另外個茄子都好好食！.📌 大圍小館 (大圍)大圍積福街92號地舖.——————————————

終於可以4人食餐飯，餐廳裡面檯與檯分隔好足夠，而且用透明膠分隔，唔會有壓逼感，坐得好舒服。一坐低侍應就奉上兩小碟前菜，講真，兩個前菜水準都超級高！勁想encore!!琥珀合桃係佢地自家焗，甜都適中好香脆，焗到金黃色入口脆卜卜完全無油膩感。話梅涼瓜酸酸甜甜好易入口，酸梅將涼瓜嘅苦澀味完全消散咗，淨低嘅係涼瓜的一點甘甜。淨低嘅醋我都完全飲晒，因為話梅的甜溶係醋中，好似飲緊無酒精的陳年花雕主菜我地叫咗5餸一飯，唔好睇每碟細細咁，食起上嚟超飽，我地4個人抱住個肚走。蜜燒牛柳粒配薯仔牛肉味突出，唔會被蜜汁的甜掩蓋；肉質鮮嫩有咬口，唔似用梳打粉嗱爛晒嘅廢牛。厚切叉燒真的超！級！厚！！但即使好厚，中間無乜脂肪的部位依然滑口Juicy，更加唔洗講外面肥嘟嘟充滿油脂的部份。講真平時好憎食瘦叉，丘呢到嘅叉燒不管肥瘦都係水準極高！意大利黑醋肉排比起平時食的黑醋排骨，佢地用嘅意大利黑醋係更香更醇，唔會有一噚死酸味。肉排肥瘦適中，啖啖肉好適合食肉獸嘅朋友豆醬雞侍應介紹佢地嘅豆醬係自家制正宗潮式豆醬，係用天然黃豆製成。比起街外的會更香更滑，而且仲無咁鹹。一入口，真係驚喜，即使好多豆醬都唔會好鹹，而且黃豆味非常突出

餐廳位於大圍站附近，過條馬路轉過彎就到，地理位置非常方便，我哋呢啲唔係住喺呢一頭嘅食客都非常容易就搵到。門口有好多紅燈籠同懷舊櫈仔，非常之容易認。一坐低就有兩個小食，分別係琥珀合桃同苦瓜，我估個苦瓜用話梅醃製過，入口酸酸甜甜最後尾先回甘，真係好開胃呀！我第一次嚟乜都想食，有少少揀唔到食咩好，好彩有個好熱心嘅店員話幫我哋發板👍🏻👍🏻小炒王豉油皇鵝腸甜梅菜蒸菜心第一叉呢個係半份嘅份量，勁厚切，每一舊都有包Tempo咁厚！肉質意外地非常鬆軟，真係好好食呀！果然冇介紹錯啊！薑米蒜香籠仔蒸蟹飯呢個又係好食到不得了！個賣相又靚，二百幾蚊冇諗過會有成隻蟹，一打開個籠嘅時候大家都忍唔住”哇”左一聲!炸鮮奶呢個甜品係送嘅，姐姐話用咗15年嘅陳皮去整個紅豆糕，估唔到連一個送嘅item都咁有heart呀！本來想食呢一個，但原來要早一日訂㗎，唯有下次先試啦！

一心諗住同朋友食好嘢，點知味精又重，食完個口成晚都好口乾，又欠缺鑊氣，份量非常偏細碟(不過好在細碟，咁嘅味道如果唔係唔知點食晒)，好在只叫左3款食物: 腐乳蝦仁西蘭花 🥦- 蝦沒有蝦味，而且只有6-7隻，腐乳不夠香，好重味精。🤮🤮半份叉燒 - 太甜，肉沒有肉味，只食到一口肥😓大澳魚香茄子 - 見個名咁強調大澳，又係茄子應該唔會中伏，點知仲差個樓下茶餐廳。完全沒有鑊氣，沒有果種鹹香味，只係一味死鹹，仲越食越鹹。🤮🤮🤮🤮真心很少寫食評，除了會評論特別難食又貴的那些名不符實，沒有誠意的食店。

大圍呢一間大圍小館真係一間幾高質嘅中菜館，服務態度又好，地方環境亦都唔錯，坐得非常舒服， 食物方面非常高質，特別一題係佢個叉燒，非常厚切， 超級鬆化 係一個必食選擇， 同埋佢個松子仁炒飯亦都好香好好食， 仲有一個意大利黑醋骨亦都非常入味肉質鬆化juicy ，真心推薦 呢幾款招牌特色菜。 特別一提佢個甜品紅豆椰汁糕亦都非常有心思, 食到好香嘅陳皮味，紅豆亦都好足料 ，呢個真係好好味，食完一件又一件， 呢一間大圍小館下一次一定會再嚟啊！

屹立於大圍嘅一間傳統粵菜館，最近見到有人share呢間中菜餐廳最近推出每枱送鳳梨一個🍍當然要大大力支持小編食完之後表示呢間真係我食過少數值得支持又出品高質嘅中菜，我一定會再翻兜☺️🤟🏻-第一叉 $118一講起叉燒大家可能以為頹飯先會食到，但呢個叉燒係咁大個人第一次食過咁厚嘅叉燒🤩外面燒得焦香，裡面肥瘦均勻，裡面好嫩。另外係用花蜜去燒所以食落甜甜地有陣陣花香味道😍😍-豉油王鮮鵝腸 $158鵝腸好新鮮！食得出係真係用新鮮鵝腸整的🥰全部都大大條，食落口感爽滑彈牙🤪-蛋白薑米蒜香蟹飯 $258份量好多，兩個人未必食得晒🙈面頭舖滿蒜蓉、薑同蔥粒，而且有吸收到蟹嘅鮮味，一啖飯一啖蟹肉，唔使講都知幾香😍-啫啫唐生菜煲 $128上到台面熱辣辣冒晒煙，店員會幫手撈一撈勻佢，應該係落左蝦醬所以食落好香好香😍

《😋名不虛傳👍第一叉🍖》睇過網上人講，講到依間既叉燒係全港第二間好食，但價錢親民又近我，當然要試試佢啦！果然，午市預左等半個鐘起碼先入到去🤡為左食，點都等！======================一坐低，當然叫馳名嘅第一刀叉燒啦！講到係好勁咁，再叫左啲其他野咁～嘩！真係樣樣都正！😮先講蜜汁第一刀叉燒$118/5件，厚切到一舊等於出面3舊咁！ 肉鬆化，味剛好，肥廋比例一流，食完有種超幸福既感覺！☺️唯一係要好大個口先一啖食到，口感不一般，味道功夫不一般，絕對要叫！第二樣令我震驚係薄撐！勁多蔥，櫻花蝦滿怖，勁薄，勁香！係我食過最好食既薄撐🥰第三樣係佢既手工菜，懷舊腐皮夾$41一層腐竹一層蝦膠然後再用高湯蒸！口感富層次，夠哂特別，值得一試！而無啦啦叫既沙薑豬手同川弓白芷魚頭，更係友人一讚再讚～ 沙薑豬手超爽，味道剛好；魚雲個湯勁濃，只係個百福豆腐好唔夾🤡（係我地要求高左，sor, 如果老闆睇到請轉用布包豆腐啦😆）反而煎糯米雞，豆沙窩餅就一般般囉～炸九肚魚如果唔係用依隻脆漿就好lu~總括而言，係好食，性價比高，只係要等，都耐既咁囉～👏👏👏👏👏👏👏P.s. 兩條為食友一個lunch 食咁多，好

大圍難得有間良心中菜館，間中都會同屋企人去食，星期六晚上 一家三口一早訂定位，同訂定個第一叉燒。假期真係好爆場，訂左位都要等一陣先有位。.餐廳以中菜為主打，餐牌價錢好合理，因為份量偏多同有質素👍🏻茶位$22/位，另外再計加一。有好幾樣主菜好多時要訂位時叫定，唔係好多時候都會賣晒。.▪️第一叉（半份）$118半份都好多，六大舊叉燒，每件都超厚切，超過5cm厚度，叉燒表面充滿光澤，用左半肥瘦梅頭肉叉燒慢烤再炭燒，自稱天下第一叉都一d唔過份，臨上碟前加左蜜糖，會中和返個燒烤味👍🏻👍🏻💯.▪️香濃腐乳炒蝦球伴西蘭花$168第2個必點既菜一定係呢個腐乳炒蝦球伴西蘭花，腐乳係用土炮品牌「廖孖記」豆味夠香又唔會太咸，真係好鬼惹味，加埋佢個蝦球好大粒又新鮮。.▪️惹味海蝦干小炒皇$148呢度小炒皇同一般大排檔有d唔同，配料包括：蓮藕 松子 韮菜 蝦干 紅蘿蔔 魷魚... 蓮藕切成條狀，每下都好爽口同索索聲，加上好特別既松子粒粒，炒起上黎有鑊氣又岩送飯👌🏻👌🏻👍🏻.▪️啫啫芥蘭煲$128仲有自己屋企一定整唔到既啫啫煲，加左蝦醬炒既芥蘭條，幼身芥蘭夠嫩口，上枱滋滋聲夠過癮😚.同屋企人黎食永無炸型👍🏻每次食完仲有糖

#kong_girl_foodie出街食.今次去咗大圍小館同朋友食晚餐，想試下佢個好出名嘅第一叉🐷.而除咗第一叉，今次我重食咗香濃腐乳蝦球、啫啫生菜煲、蟹蒸飯、生炒骨。.❣️第一叉 $108肉質偏瘦，食落去唔算特別多油香，反而因為佢非常厚切，你會更加食到佢嘅肉味，外皮冇濃味嘅少少黑邊重令到佢更加香口。.❣️ 香濃腐乳蝦球 $168蝦球都幾大粒爽口，食落去更加有口感，腐乳味香得黎又唔會太鹹。.❣️啫啫生菜煲 $118好惹味嘅生菜煲，不過記得要盡快食，唔係嘅話放低耐會凍咗同有濃味。.📝總結食得都好滿足嘅一餐，由前菜到甜品都食得好開心，第一叉亦都冇令我失望，黎緊會再番黎食！同埋依到服務同裝修都好好，係少數疫情下都重keep到氣氛嘅餐廳。.❣️食完俾分時間❣️🌟食物: 8/10🌟環境: 8/10🌟服務: 9/10🌟打卡: 7/10🌟推介: 8/10.📍 大圍小館 (大圍)大圍積福街92號地舖

今日同朋友四人行到叉燒十分出名的大圍小館，員工服務態度很好，很有禮貌，感受到他們的熱情，餐廳的防疫措施也非常齊備！讓我們食得很安心！🤪🤪🐷第一叉 $108 這裏的招牌菜，唔大件叉燒，入口即化，燒到有黑邊，但冇燶味！🍤蝦球配西蘭花 $168蝦肉大大隻，非常爽口配上西蘭花一流，可惜個人覺得鹹咗少少！🦀🍚蒜香薑米龍仔蒸蟹飯 $258一大龍嘅蒸蟹飯，蒸飯吸收晒蟹，蒜香，薑嘅精華！好快清晒🤣🤣！ 而且限鉗師傅都有處理咗，自己再簡單處理就食得！味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻回頭機會：👍🏻👍🏻👍🏻👍🏻#人總有一飽今餐我最飽！😋📍 大圍小館 (大圍)大圍積福街92號地舖

星期一去飲茶，大約12：20 到 等左15 分鐘左右就有位。因為限一台食70 分鐘，唔係有排等。每張台都有透明膠隔開，乾淨又有少少隔音，位都寬闊 唔算迫，媽媽覺得非常好，坐得舒服。出點心唔算慢，全部都夠熱，味道都好好，又大件。有啲特別點心，如煎糯米雞，好得意，特別野係要試下，不過好油呢。三人叫左八樣野，計埋$15 茶錢一位同加一，一共$384，都唔算平。大圍黎講實屬有質素點心，怪唔知甘多人黎食，下次會再幫襯，希望水準keep到啦！遲啲試下佢晚市小菜先！

一直都好想試大圍小館，朋友話這酒樓的中菜好多都係巧手小菜，終於等到可以四個人食飯，即刻book一book!餐前小食係琥珀合桃 鬆化甘甜冇油味💗黑松露醬炒滑蛋蝦仁 滑蛋炒得嫩滑，入口即溶似的口感 蝦仁爽滑 好正酥炸美國桶蠔 連盆鹽同食 鹹鮮 酥脆 而且冇腥味 椒鹽白飯魚 嗰漿好薄 令人一條接一條 停不了口 送酒一流蝦子柚皮 柚皮入口不苦澀 濃厚醬汁加蝦子令你咬一口柚皮 口中充滿甘甜帶鮮感覺 幸福最後叫咗個蟹蒸飯做結尾 蟹肉實淨鮮甜 蟹汁流落飯到 令整個飯非常香 飯粒粒分明 有咬口之餘又帶點煙韌 與朋友一啖接一啖又清晒 滿足

香港同聲同氣的中菜始終不多，感激友人絕佳的推介！時光倒流至去年夏天，第一訪是為著提前給老媽慶生！當晚一家人盡興而歸，對於菜式、招呼及各樣安排均很滿意，席間大家還計劃擇日一起飲茶、嚐嚐點心。可惜天不從人願，自那夜後堂食和限聚令變本加厲，至今大伙兒願望仍未達成！ 以下所介紹的點心，只是忍不住二人率先前往的體會！「大圍小館」主打懷舊手工菜，以嚴選本地出品的優質食材為宗旨，每一道菜式在老師傅傳統手藝下，皆沉穩扎實、精而不華、美味與本土情懷皆備。個人認為「大團小館」不單止是同聲同氣，還是不折不扣的好料好菜，在限聚令和禁晚市堂食期間，依然維護每一名員工生計，堪稱良心之中的奇葩！不欲多言，馬上介紹我的味覺體驗！老媽生日聚的必吃焦點是澳洲雪蟹、又名水晶蟹，醒目的一早預定了！「大圍小館」曾以貨價加每斤一百元油水錢的優惠作推廣，我們沒那麼幸運趕上優惠，不過最重要是給老媽驚喜，我們亦可乘機品嚐美餚，開心開心！二選一，我挑了這一隻，已忘記有多重，總之足夠我們九男女享用！同場還有這一隻巨蟹 Standby，光兩隻大蟹鉗已相當驚人！巨蟹沒久留，為其後到訪的友人作出貢獻！開胃前菜有木耳、合桃和話梅苦瓜，不斷提醒自己

作為少有既中菜黃店之前試過叉燒都ok所以又再反兜😂點知開返堂食即刻好多人呢個係第一次食既相入面係around 2/3-3/4份量既雞汁同炸雞分盒上 返屋企可以氣炸返d雞幾有心思炸雞返炸都仲滑 不過無雞味☹️同埋炸粉太厚啦 有d仲要無肉既😭柚香咸檸既味就如個名一樣個汁似係自製 但略嫌太多柚皮有d苦 同埋個人覺得同個雞唔係好夾🙈唔會encore返兜既第一叉望到相都知d肉有幾鞋😑同第一次食既質素差好遠😭最神奇既係我6點9打電話落外賣 佢叫我8點去拎當我去到既比錢拎食物既時候男店主(?)強調左第兩次我好好彩 呢盒係最後個盒😂咁究竟佢係咁好生意 6點9就賣淨一盒定係根本無預留到比我呢🤔今晚8點去拎既時候堂食爆滿 出面仲要等位見到黃店咁多人幫襯係開心既不過希望可以keep返個水準🥺同埋要知道開返堂食就無曬優惠白飯要加返錢合桃都係專登講老細先話送😂😂不過今次d合桃好好食❤️❤️