大圍小館

營業中

休息中

大圍小館係食懷舊粵菜，日頭就有點心食。環境算係幾舒適，枱與枱之間距離好闊，但相對可以容納嘅客人好少，只有十多張枱，所以我地等十個號碼都等左一個鐘有多。因為我地兩個人食，只係叫左6樣野，整體覺得點心味道唔係會令人覺得驚艷既感覺，但係內功非常深厚，下次有機會再食多啲懷舊點心！出面真係食唔到！·懷舊鹹薄罉(中)$35好耐冇食過薄罉，佢係睇落好普通，但好難整得好食既點心，又要即整，所以好少地方賣。呢度薄罉煎得好靚，又薄又脆，都算足料，最可惜就係上到枱已經唔熱了，如果新鮮煎起一定更好食。·甜梅菜叉燒腸(特)$43好似冇見過叉燒腸會加梅菜，平時最常見係加荽ಠ_ಠ原來加左梅菜係好好味，腸粉皮又超靚，薄得黎足秤，而且滑捋捋，豉油鹹甜適中，唔會喧賓奪主。·赤肉燒賣兩粒(小)$31呢款燒賣好特別，唔止係有原粒冬菇蓋面，入面仲有一粒豬肉，唔係全部都係肉醬，質感同味道都另有一番風味，第一啖食落覺得冇乜特別，但食完一粒之後會繼續想食，味道沉實得黎偏清啖唔膩。·鮮筍蝦餃兩粒(小)$31蝦餃皮薄餡靚，蝦肉爽口，算係好出色既出品，都係會想食多粒(如果大粒啲就好)，但相比其他點心就冇太多可以拎出嚟講既特色。·第一叉(半

沙田米芝蓮新店良心中菜 呢排岩岩新上榜做米芝蓮餐廳 最近仲出咗個外賣自取餐 所以打電話去訂左一個（回家蒸套餐）佢哋仲要有醫護半價套餐 可以話好吸引.回家蒸套餐$158 入面有5款點心 各2件外賣 連保溫袋 同竹蒸籠 俾你拎返屋企跟番佢地教學 煲到水滾 蒸7分鐘⭐️眼淚流沙包（又名：柒婆包）我自己改嘅見到包上面 寫住大大隻柒婆 可以邊食邊x🤣咬開奶黃餡 做到勁流心 爆出黎 而且唔會過甜⭐️鮮筍蝦餃 蒸出黎 蝦彈 冇穿皮 高質⭐️手打墨魚燒賣 食到明顯墨魚滑feel有墨魚粒表面有日本花菇仔 同樣好好食⭐️懷舊蘿蔔餃 食落入邊有蘿蔔絲好有茶果feel 個皮都包得好好冇穿⭐️桃花餃 跟佢蒸7分鐘 感覺未蒸透大概8成熟 扣咗少少分 似粉果 一般啦.題外話竹蒸籠喺香港一位90幾歲伯伯 本土手工製買個淘寶垃圾籠都要$30 仲要 蒸出來成浸臭竹味需要事前滾水煮開籠 煮走果陣味但今次呢個蒸籠 都幾高質外賣拎到返屋企 直接蒸就OK幫呢個外賣餐 大大加左唔小分.整體 $158一大籠點心 好似好貴但如果計番 佢地本身米芝蓮出品$30-$40一款柒婆包兩件都$40 再加埋佢哋一個實用嘅蒸籠最最最重要 係好食 我就覺得幾抵

為慶祝母上大人牛一，今回決定請她到中菜館用膳，因最近兩餐與家人外食都是食西餐。同事極力推介大圍小館這家中菜館，提醒我必點招牌勾魂叉燒及籠仔蒸蟹飯！晚市訂座大約提前了兩星期左右致電預約。餐館位置容易尋找，我們獲安排坐廂房內的枱，空間相對寧靜。原來店家還會供應一些懷舊失傳菜，或是珍貴食材或是很費功夫的手工菜，這些菜式需提前預訂。我們只好從基本餐牌中點菜，除了同事推薦的菜式外，還多點3菜1羹，足夠我們6人享用。第一道上桌的菜式就是勾魂叉燒 (5件)，店員先在厚切叉燒上均勻地塗上秘製15年陳皮梅醬，再用火槍炙燒叉燒表皮，有助醬汁滲進叉燒，同時令叉燒帶微微焦香。食用前，可將叉燒沾上脆米。勾魂叉燒肉質軟稔，肉汁豐沛，帶蜜汁香，同時有著陳皮梅醬那種酸而不澀的味道，實在勾魂，令人回味無窮脆卜卜的脆米格外增加口感豐富度。薑米蒜香籠仔蒸蟹飯，上桌時香氣撲鼻，蒜蓉香與蟹的鮮香，未食已經垂涎三尺。用上大大隻的蟹，蟹肉結實鮮味，肉汁鮮甜，還有著滿滿的蟹膏。飯粒充滿荷葉香，還盡吸蟹的精華，與蒜蓉拌勻，米飯香甜又可口！香濃腐乳炒蝦球伴西蘭花，西蘭花爽脆嫩綠，蝦球大隻鮮甜又爽口彈牙，看似簡單的一道菜式，但味道一流！腐

見到門口勁多人就有D想縮沙，好彩友人們早到了，攞完飛仲有20張枱先到我地，但眨下眼半小時就有位，原因係入座只限90分鐘其中黑松落露醬松子仁蛋炒飯同第一叉令我最深刻，第一叉勁厚咬睇落似乾叉但食落去好鬆軟好香好出色！而黑松落露醬松子仁蛋炒飯粒粒分明，大量松子仁 (松子仁有很多益處，其中護心減疲勞、潤燥滋陰等)， 一啖果仁一啖飯口感十足。鮮山葵海蜇頭足料，夠大粒，爽口，係鮮山葵令到我個腦有2秒休克。推介!至於點心就大大件，但因為想試好多唔同懷舊精緻菜，所以下次有機會再試多D唔同點心。明燼脆皮燒鵝小許失色，上網睇好似好正，睇落都好似好好食，但肉稍為靭，有點失望。四個人除番開都係二百幾蚊，撫心自問食物咁高質又唔使周圍搶位排隊，唔使上網指定日期狂禁F5，唔使靠關係先食到既餐廳真係少之有少。明燼脆皮燒鵝 (半) $268黑松落露醬松子仁蛋炒飯 $168懷舊淮山雞札 $46 赤肉燒賣4粒 $46第一叉 (半) $138鹽酥魷魚鬚 $58鮮山葵海蜇頭 $78勁爆胡椒豬肚湯 $68

係第五波仲未咁嚴重果時訂左枱食大圍小館，果然唔係得個名，大部分點心都好好味，特別係蝦籽油炆筍（好清新但又入味，好難形容😂）陳皮豆沙煎堆仔（濃郁陳皮味）,仁稔蒸排骨（酸酸甜甜幾正），手拉腸粉（好滑）反而比較有期望既叉燒我就覺得佢太厚同未夠鬆化（同埋一定要趁熱食，凍左就會覺得肥膩），眼淚流沙包就皮太厚仲有好多點心同菜式都想試🤤有得book位嫁，book左唔使等咁耐👍大圍小館同北角鳳城酒樓d點心好似，兩間都好味，不過大圍小館就坐得舒服d，兩間都係高質點心，值得去

放假去飲茶食下點心。有啲其他酒樓唔多整嘅傳統點心，不過價錢唔算平。午市點心紙都有招牌叉燒，但係今日只係想食少少野所以無叫。蜂巢炸芋角酥脆，入面芋泥好棉，餡好夠👍🏻👍🏻糯米燒賣有啲似傳統糯米飽，蒸得算唔錯，唔會濕淋淋。糯米都夠味，不過得蝦米同臘腸，差咁啲風味。陳皮牛肉球陳皮可以辟左牛肉羶味，肉質幾好，唔會散開。鮮筍蝦餃皮厚薄適中，唔好過黏。蝦夠彈牙，個餡都調味得幾好。佢個辣椒🌶️油係大孖醬油。真係幾辣，不過幾香。

今次就去咗大圍區做嘢，做完嘢之後，就有人介紹咗我去呢一間好好食嘅餐廳！同屋企人食飯，最鍾意嘅就係食中菜，呢度嘅中菜好好食，我好鍾意食呢度嘅香濃腐乳炒蝦球伴西蘭花！西蘭花非常爽口，真係未試過原來可以用腐乳去炒西蘭花，估唔到味道真係咁夾！而且呢度嘅就蝦球日都好好食，加埋左腐乳嘅香味，令到個蝦球更加濃郁嘅味道！另外仲叫咗一份炸鮮奶，呢度嘅炸鮮奶真係好好食，我都好耐冇食過呢個菜式啦，非常懷念！炸得金黃鬆脆！

上年3月嚟過飲茶食晏，叉燒又肥又淰，煎糯米雞、蒸飯，樣樣都好食。見到佢哋攞到米芝蓮都覺得攞得好值。點知今晚買外賣自取：1）第一叉（全份）：$2282）蝦籽柚皮大鵝掌：$1583）蜜薯安格斯牛柳粒：$1584）大孖豉油鮮雞（全隻）：$4581）叉燒好瘦，唔淰 😐 3）蜜薯牛柳粒細盒到以為俾人偷食咗 🙄 以呢個價錢真係好貴，好唔抵（無幻想過大排檔咁大碟，但少到見盒底就真係接受唔到囉）牛柳貴，薯仔都落多少少撐吓場啦⋯⋯2）& 4）中規中矩WhatsApp同餐廳溝通，完全冇回覆，已讀不回就算！#知道餐飲業難做 #外賣自取都照揸車去支持吓#如果係食材加價加到癲 #不如抽起呢碟啦 #好過俾埋呢啲質素攞負皮

年廿九晚團年飯，唔想媽媽辛苦煮，所以決定搵好野食。團年飯梗係食中菜，所以我喺Openrice 周圍搵，最終搵到大圍小館。（最主要係見到佢係米芝蓮推介，所以即管試吓）。首先講講落單過程：我喺佢哋Fb 搵到 WhatsApp 號碼，所以就喺 WhatsApp 詢問一下。中午 send msg，下午5點多覆我。速度算係好好好快，畢竟我 expect 好多人用 WhatsApp 問。驚喜嘅係，佢哋甚至可以喺 WhatsApp 落單！方便快捷！（不過我心裡係有少少驚漏單…直至攞貨嗰刻）取食物過程：去到餐廳，同櫃檯叔叔講電話號碼就可以攞貨。我嘅情況係，佢哋有人手單，廚房亦做緊，係唔知點解冇咗機單。所以都搞咗一陣。不過我相信係個別例子。全程職員好好傾，又熱心，又有禮貌。讚！佢哋亦有送一啲舊香港嘅名信片，剛好有啲地方係父母舊時住嘅地方，睇到佢哋唔知幾開心。等咗10分鐘左右，啲野食終於有啦。等候時間上，可接受。食物質素：第一叉（例牌）- 名不虛傳！叉燒好稔，好入味，仲有好重蜜糖味！邊邊亦燒到脆脆，好食。瘦嘅地方肉質都唔「鞋」，唔錯。正如好多朋友講，每一舊都好大舊 🤣🤣🤣，我哋要用鉸剪逐舊逐舊剪。沙薑雞（

去到大圍當然要試一下入選米其林的大圍小館啦💛愛肉餅星人點了吊片肉餅煲仔飯，頂湯灌湯餃，第一叉（半份），蝦籽油燘筍😋大約15分鐘就有的拎，回家打開先被叉燒的肉量驚呆了🤣滿滿一盒叉燒欸欸欸而且超～級～厚還有燶邊～快快影完趕緊開動！看到湯餃整個笑開？這餃子大到可愛啊🤣🤣我平時比較少飲茶食點心，從圖上看真的想不到實物竟然有手掌那麼大啊哈哈哈哈哈（我本身已經算女生裡手比較大的了）🤣🤣小心夾起咬開完全爆汁，麵皮厚薄適中，內裡餡料滿滿，有點像燒賣餡？有彈牙蝦仁和豬肉，還有菇和瑤柱絲？等等，非常鮮香，我個人非常喜歡👍講回肉量感人的第一叉，邊邊是甜香的蜜之滋味，整個肥瘦均勻，但可能是因為太大塊太厚？中間瘦肉的部分有少少寡和韌🤏要沾多點醬汁，肥肉的部分未夠入口即化，嚼又有點膩且不太嚼得爛😂量是真的很良心不過口感上就不算有驚喜啦～蝦籽油燘筍是看到菜單上標了推薦才點的🙈因為我也很喜歡吃筍😍少少辣帶蔥油香，筍尖都超嫩好嚼，和湯汁拌一下吃確實滋味十足，讓人食不停口還很下飯😆吊片肉餅煲仔飯比較更像蒸飯？因為完全沒有飯焦😂不過我是今天因為這個飯才知道什麼是吊片🙈肉餅鹹淡正好，有吊片加持多了幾分鮮香，口感上是肉泥派？有

本身住附近，已經唔係第一次食。食物質素的確係好好，但員工質素有待改善。之前經過嘅時候前台職員問我同屋企人有冇興趣喺大圍小館食晚飯。咁我地一行三人6點拎咗飛就等位入啦。前台一直話我地知「就快有枱、有人走緊、執緊枱」為由，叫我地等多陣就有得入座。結果等到快7點，book咗枱嘅人都就快到齊。我地就再追問前台職員幾時有位啦，然後佢都係叫我地等多陣。終於快新一輪入座嘅時候，職員竟然表示fully booked所以畀唔到位我地。明明係佢叫我地過黎食，點知等咗成個鐘先講冇位畀我地！我地就問個職員點解宜家先同我地講冇位，然後佢居然扮睇我地唔到，唔理我地！入面有位應該係manager, 聽到佢鬧個前台好畀飛人。但位manager一樣當我地透明，冇應過我地一句。經過今次，無論野食幾好食都冇用。服務態度差成咁，叫人點樣再幫襯？一句道歉都冇，白白要人一共等咗一個半鐘先話冇枱。

大圍小館 9/10👍🏻2019年先開業，2022就上到米之蓮必比登推介。三位來自不同階層和領域的年青人決定聯手開一間傳統中餐廳，用良知做生意，點心即叫即蒸，保留懷舊菜式，小店仲不時轉點心餐牌，今次好彩試到個奶皇包。趁佢2022岩岩上車胎人，即刻食左先，希望質素可以一路保持。卜位的話平日中午要起碼早2星期卜，得11.30同1點两場，準時1點收到位。泊車：切忌泊門口，警察特別會抄門口牌第一叉9/10👍🏻 梅頭肉肥厚切割，脂肪比例會重但即場食唔會漏，碟上有厚厚的蜜糖，食之前再塗上一流。建議堂食，之前食過外賣，凍左的脂肪即時失色。新菜單-流沙包8/10👍🏻外表有特色手拉布腸粉10/10👍🏻超滑頂湯灌湯餃9/10👍🏻手掌咁大，湯又香濃椒鹽九肚魚9/10👍🏻炸物都香又脆粉夠薄鹽酥魷魚鬚9/10👍🏻燒鵝8/10👍🏻懷舊煎糯米雞8/10👍🏻陳皮豆沙煎堆仔8/10👍🏻陳皮牛肉球8/10👍🏻椰汁紅豆糕8/10👍🏻鮮筍蝦餃7/10👍🏻雪山叉燒包7/10👍🏻薑米蒜香籠仔蒸蟹飯5/10👍🏻飯比較干身$260pp服務10/10👍🏻職員帶咗特別嘅口罩，口唇型或者胡子型好有心，上菜速度超快，落單有效率，準時1點入座

每次經過積福街都會望見門口這一排排紅色大燈籠，認真吸睛，一直都想搵機會試吓。之前舅母生日，就搵機會試吓呢間中菜館。勾魂叉燒，聽到個名已經覺得厲害，職員先用秘製15年的陳皮醬汁塗抹於叉燒表面，再用火炙燒表面，讓外層焦脆之餘，亦好讓醬汁滲入叉燒裏面，食嘅時候可以將脆米撒於叉燒表面，口感脆卜卜，入口軟腍多汁，而且豐富嘅蜜糖香，確是令人回味。薑米蒜香籠仔蒸蟹飯，用上原隻膏蟹，加入薑米蒜蓉，用蒸籠去蒸，米飯吸收了蟹的鮮味，以及薑米蒜香，飯粒分明，忍唔住一口接一口，而且蟹肉都好新鮮，超多膏。辣豆豉尖椒炒松阪肉，用豆豉、尖辣椒去炒松阪肉，好香豆豉醬汁味，又帶些辣椒香辣，越食越起勁，且松阪肉口感亦十分軟滑。香濃腐乳炒蝦球伴西蘭花，用腐乳去炒蝦球都係第一次食，味道幾特別，香濃的腐乳味，蝦球大隻兼彈牙。紅豆椰汁糕，紅豆和椰汁糕層次分明，紅豆軟腍，椰汁香濃，口感爽滑亦不會太甜。桃膠紅棗蓮子糖水，用了桃膠、紅棗、蓮子去煲，呢個糖水最啱呢種乾燥天氣食，夠晒滋潤又養顏啊。

大圍有間中菜名店,大圍小館,2022年最新消息update返,仲拎埋米芝蓮認証添呀! 又要爆場喇!神級叉燒,西蘭花大蝦球,鮮蟹蒸飯茶濃香醇,先喝一杯茶,再由店家拍板推介招牌燒叉燒厚切肉嫩,一件最少有1.5~2cm厚,食個陣配埋脆米粒,再上菜時用火鎗燒灼形成焦糖脆面,比起一般食到既叉燒更鬆化,厚切口感更豐厚肉汁好豐盈, 沾埋脆米食,口感更突出招牌特製腐乳醬大蝦球,爽甜大隻,香氣迫人 蝦身爽甜之餘獨有既香氣久久不散最後係蟹飯,都幾乎每一位都有點,鮮蟹蒸飯,份量超大隻阿姐睇我地表演,先手拆蟹肉,再撈飯食,最佳個人心水食法起好既鮮蟹肉撈埋蒸飯食,啖啖鮮味蟹肉之餘又食到清香既蒸飯味道果然係有水準,值得拎到2022年既米芝蓮認証    地址： 大圍積福街92號

6點無堂食，經過大圍小館，買左半份第一刀加餸，打開盒覺得都幾大份，超級厚切，加餸一流，2個人食都有剩，真係食兩塊已經夠爬一碗飯。微波爐叮返熱一分鐘，咁厚切都仲好淋👍🏻👍🏻下次開返晚市想去食埋佢個米芝連都推介既蟹飯。