大圍小食

營業中

休息中

10月28號大概晚上7點買燒賣魚蛋，我排隊排到我，咪同女店員落單，原本都好地地，我有講明要2串魚蛋，2串燒賣，分開裝，女店員叫我等等，點知有個叔叔係旁邊問要咩，我咪講多次2串魚蛋，2串燒賣，我見佢用個大少少嘅碗裝，咪以為佢裝20粒要大碗啲，點知我見佢想裝埋魚蛋時，我叫住佢，我要分開裝，叔叔仲串我”要分開裝早啲講呀嘛”，好彩旁邊個女店員立即幫我話返個叔叔”人地有講無聽書”，佢死死地氣裝大碗強塞20粒燒賣入細碗我都算啦，佢仲要跌咗幾粒燒賣出嚟佢條毛巾度，仲好意思係我面前放返入個碗到，奉勸各位要買呢間小食店嘅嘢食嘅時候睇吓啲嘢乾唔乾淨先好食🤨

街頭小食絕對係我哋嘅集體回憶，大圍火車站對面搵到呢間港式小食天花板，開業多年，係唔少單車友同街坊到大圍必到check point🚸鍾意辣嘅必食經典咖哩魚蛋🍡同燒賣，陳皮魚蛋粒粒爽彈，加上秘製咖哩汁，香辣過癮✨魚肉燒賣口感軟糯而且唔似豬肉燒賣咁油膩，大推！香港買少見少嘅臭豆腐外層酥香內裡濕潤，外脆內軟，加甜醬同辣醬好有風味港式串燒香噴噴，豬頸肉一定係必食，食到炭燒香味，燒完之後更加香口有沙嗲、蜜糖、辣椒🌶️孜然等調味選擇，買返屋企個個都爭住食天氣涼涼哋又係食糯米飯嘅時候，本身有粒粒臘，升級級可以加原條臘腸/膶腸，秋冬必食🔥滷水雞脾都有驚喜，煮得好入味，大隻得嚟肉質嫩滑，相當滿足煎釀三寶款式齊全，其他地方好難搵到西蘭花、冬菇釀三寶🥦呢度都食到，樣樣都係大大件，重點係唔油膩，滿意想清清哋可以揀生菜🥬魚肉，魚肉爽滑彈牙，鍾意食辣嘅一定要加佢哋嘅辣菜脯配埋麻油胡椒粉最正，辣度十足，一流👍🏽

大圍小食對大圍嘅街坊來講都係可以話細細個已經食佢大，咁緊係啦佢已經係間大圍嘅老店，屹立咗一個好長嘅時間，每一樣野都好抵食。喺呢度，你可以食到多款街頭小食，燒賣魚蛋、魚肉碗仔翅、炸大腸、煎釀三寶、串燒等等呢啲就唔在講啦。除左小食，亦都有一啲主食又或者可以擺上枱加餸都得，就好似狗仔粉、車仔麵、韮菜豬紅豬腸咁。炸大腸炸得非常香口，配埋甜醬芥辣食風味更佳。韮菜豬紅豬腸，豬腸洗得十分乾淨，完全冇異味。豬紅爽口唔易散，韮菜鮮嫩入味。魚蛋嘅辣汁好辣好過癮。車仔麵十分足料，選擇亦都十分之多，配埋豬皮、豬紅、魚皮餃、牛丸等材料食十分滿足，加少少魚蛋嘅辣汁食更加正。呢間街頭小食嘅總匯，真係絕不能錯過。

📍 #大圍小食 (大圍) 大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️大圍小食呢間小店藏有不少驚喜，無論係味道定係份量都叫人滿意，絕對係大圍一帶唔能錯過嘅小店。今次買外賣返屋企食，一樣咁正！✨ #燒賣 醬汁勁濃郁，最鐘意佢既辣汁味，一次過食20粒！正！✨ #油渣麵配自製辣菜脯 蒜香配搭鹹香,麵身有彈性,油渣好香脆而且無油溢味，係童年回憶既味道。✨ #足料糯米飯 糯米飯粒粒分明，配埋臘腸同潤腸,可謂十足豐富。✨ #紫菜魚皮餃 餡料飽滿,餃子皮薄而不失韌性，加上紫菜更好食！✨ #豬頸肉 烤至金黃酥脆,肉質鮮嫩多汁✨ #墨丸 口感滑嫩，魚漿味道鮮明，咬落去有彈性。✨ #韭菜豬紅豬腸 韭菜豬紅係最佳配搭，夾埋一齊食先最正！兩者份量都好多，加埋豬腸，正！✨ #港式滷水雞髀 雞髀滷得入味，肉質嫩滑，醬汁香濃！▪️▪️▪️▪️▪️▪️▪️▪️▪️▪️▪️▪️▪️▪️

大圍人一定識嘅老字號小食店❣️今次星期六過嚟 終於見識到啲人潮啦 咁多人幫襯嘅原因我實測完啦 果然係好味又性價比高‼️首先值得一提嘅係就算有長長嘅人龍幾咁好生意 老闆娘同伙記都好好禮貌 好有溫度💕（響尖沙咀試過所謂打卡小食店係幾咁冇禮貌同難食🙄）仲有呢度嘅感覺都好乾淨企理講返食物 真係超級多元化 勁多款式 口痕食嘅有 醫肚嘅都有 輕食又得 飽肚又得今次我純粹拎返屋企加餸 咁就冇點到車仔麵、糯米飯、豬油渣麵等等啦❣️煎釀三寶 點咗紅腸、魚蛋、尖椒、豆腐之外 呢度最特別嘅就係有鮮冬菇同埋西蘭花嘅選擇啊 魚肉好彈牙之外 每一粒都係重量級 我就最鍾意鮮冬菇嘅呢個配搭 係嶄新嘅口感 另外仲點咗一隻韓式炸餃子添 外皮脆卜卜勁好味❣️滷水雞髀 呢隻簡直係king-size 仲大過我隻手掌✋ 滷水汁好香口 成隻雞髀都浸得好夠入味 雞肉好嫩滑 ❣️串燒（豬頸肉、雞肉） 雖然本身已經燒熟咗 只係點嘅時候再翻熱同加調味粉 但肉質唔會因為咁樣而好老 食落依然有肉汁 外層燒到焦糖色恰到好處 仲有超級多款式嘅調味粉俾大家選擇 （目測有成八款㗎😆） ❣️魚蛋燒賣 燒賣有魚肉香但食唔到肥豬肉粒正合我意

呢間大圍小食由1998年開業至而家，一出地鐵站就係，相信好多人都食過！價錢算平，份量多，放假就係要瘋狂地食。📌煎釀三寶件件都mega size真係好驚喜！超飽。📌陳皮魚蛋&燒賣個特製醬辣得過癮，魚蛋燒賣彈牙。📌肉碎銀針粉配自製辣菜脯銀針粉好滑好好妖，同肉碎辣菜脯好夾。🐟生菜魚肉碗仔翅好多魚肉，碗仔翅好濃味。📌臭豆腐 、串燒豬頸肉&雞肉、炸大腸、司華力腸第一次食港式臭豆腐，個皮炸到好脆，點埋辣醬都幾好食！串燒豬頸肉好爽脆，好好食。司華力腸就超大條。三個人食真係飽到一個點。🥢大圍小食 🌏大圍富嘉花園22號地舖

今日收工一班同事上去其中一個同事屋企玩，我哋覺得好多餐廳外賣都好一般，醒起地鐵站附近嘅大圍小食！我哋決定買返去食！小食店門外經常都站滿人，可見幾受歡迎！以小食店來說，食物的選擇多得驚人！我們各自都選了自己想吃的，再一起分享！燒賣魚蛋必食！魚蛋係陳皮魚蛋，辣汁出色，嗜辣朋友會好鍾意！滷水雞髀好入味！第一次食狗仔粉，真係唔係有好多地方可以食到，湯底唔味精，狗仔粉有咬口，煙煙韌韌，加埋勁辣菜脯，好惹味！炸大腸外脆內軟，處理得好乾淨！推薦串燒！豬頸肉串燒同埋雞肉串燒都燒得好夠火候，好惹味！煎釀三寶勁多人叫！佢嘅鯪魚肉冇雜質，第一次見有西蘭花！最鍾意豆腐同大魚蛋！魚肉碗仔翅好足料！魚皮餃嘅紫菜湯好清甜！估唔到會有臭豆腐！好耐冇食過！就算外賣返到去都仲keep到脆口，加甜醬辣醬，依家諗起都好想食！呢間小食店咁受歡迎真係有原因！

今晚經大圍返屋企，俾佢啲魚蛋燒賣飄香，引到流晒口水。決定破戒食次宵夜。原來夜麻麻都有好多人同我一樣，排長龍喺度買小食。呢間小食店喺度開咗好多年。多數做街坊生意。小食種類繁多，我最鍾意就係食魚肉燒賣。係小食店嘅燒賣！酒樓嗰啲我反而唔鍾意食。老闆話佢哋啲燒賣汁係自家研製，濃縮嘅辣汁可以掛喺燒賣上。通常出邊賣嗰啲都係甜豉油。所以幫襯開呢間小食店我一定會買佢哋啲燒賣，再加自家製濃縮辣汁。串燒大大串，真心抵食嘅。外表燒到金黃，肉質滑嫩，味道非常香濃。醬汁恰到好處，帶有少少微辣。炸雞髀外脆內嫩，外皮炸得好乾身。雞肉鮮美多汁。燒魷魚烤得恰到好處，表面微焦，肉質彈牙，搭配特製醬汁，簡直係完美嘅搭配。同老闆傾咗幾句知道佢係好用心去做每一款小食。聽完佢對於製作過程嘅執着都大為感動。所以我一定支持香港本地小食！

夜麻麻仲一出大圍地鐵站。見到好多人排隊。仲要係派錢添，原來係嗰個係等住識少食宵夜。原來有臭豆腐，好正哦，臭豆腐啊！不過香港的臭豆腐係黃色！類似台灣嘅臭豆腐。其實唔係好臭。都幾蘇香！仲有就係我最中意嘅大腸好麻啊，好腍口啊。洗得好幹淨。大舊大舊好大口！然後居然仲有串燒喎。腸仔啊，牛🐮丸仔啊，夠香口！然後又變咗傳說中的老板。長頭發木村拓哉咁嘅樣。好靚仔啊！有聽過我喺旺角都有分店喎，下次去幫襯下先。加油啊

早兩日幾個朋友上去住喺大圍嘅朋友屋企玩，佢介紹我哋呢間小食老店，於是我哋就買咗一大堆小食去佢會所食。呢間小食店喺正大圍港鐵站對面，初初以為啲嘢食會好貴，點知原來性價比好高，超抵食！除咗平時啲街邊小食，呢度仲有車仔麵、狗仔粉、銀針粉呢啲飽肚嘢食，呢間鋪仲開到好夜，簡真係大圍嘅宵夜之選。我哋總共4個人，叫咗勁多小食，差啲食唔哂，最後食到超級飽。⭐煎釀三寶⭐陳皮魚蛋⭐燒賣⭐炸大腸⭐臭豆腐⭐鹵水雞髀⭐生炸雞髀⭐生菜魚肉碗仔翅⭐生菜魚皮餃⭐串燒⭐肉碎狗仔粉每樣野都唔錯，我最鍾意佢嘅串燒，燒都好香，而串燒豬勁肉好爽口，食落一啲都唔乾。鹵水雞髀就鹹中帶甜，醃得好入味。煎釀三寶亦都有好多款，每款都大大件，魚肉幾彈牙。碗仔翅勁大碗，所以再食的話，叫細碗就夠。狗仔粉非常足料，好多冬菇、肉碎，個湯仲充滿蝦米味，狗仔粉份量好多，食落煙煙靭靭，幾好味。呢間小食咁抵食，下次去開大圍一定會再幫襯。

今次要介紹嘅就係呢一間大圍20年嘅小店，你講得出嘅小食都有得食😎😎 每當行過既時候都會見到好多人排隊幫襯👍🏻👍🏻 好犀利！ 我覺得最好食既孖寶，一定係陳皮魚蛋+燒賣！！！ 陳皮回甘，魚蛋彈牙燒賣煙韌有彈性，加埋佢嘅自家辣醬，港式小食之選當然唔少得既仲有佢哋既煎釀三寶，他們的三寶價錢不算很貴，款式都幾多，除了有平常時常見到的青椒、茄子、豆腐、魚蛋、紅腸等款式，仲會有西蘭花🥦🥦 認真有新意👍🏻炸雞髀，以及串燒雞肉和豬頸肉等，都是香港小食的經典代表作。九款味道：孜然、川椒、七味、黑椒、咖喱、香茅、辣椒、蜜糖同沙嗲任君選擇，總有一款啱你心意。我試咗沙嗲加蜜糖，落單後在你面前烤，鮮艷亮澤，睇到流晒口水！韭菜大腸豬紅推薦！！大碗 份量十足！豬大腸乾淨軟腍，配脆韭柔口感味道一流臭豆腐好臭好正！搭配辣椒醬食更佳～碗仔翅魚肉好足料的碗仔翅，口味濃度適中，仲加咗魚肉，好飽肚

已經好多年冇食過臭豆腐同炸大腸，咁啱聽日有個演出， 夾band之前買啲小食 同朋友一齊食！！！之前經過大圍火車站已經見到呢間舖頭好多人， 今日嚟到都係滿庭若市🐰🐰🐰果然係性價比高嘅多年老店👶🏻👶🏻👶🏻⭐⭐⭐煎釀三寶之前見到啲食評推介個個都會叫煎釀三寶， 果然好有驚喜， 因為之前都冇見過會有西蘭花係煎釀三寶度😂😂😂amazinggg有位好食得辣嘅朋友都話佢嘅青辣椒 超級超級夠辣😂😂😂 每一件都好大舊，大滿足⭐⭐⭐👉🏻紫菜魚皮餃除咗有好多隻大大隻嘅魚皮餃之外， 紫菜都非常知足料👍🏻👍🏻👍🏻👉🏻沙嗲串燒豬頸肉個人覺得呢個串燒幾出色，燒汁好味之外，口感香脆⭐⭐⭐👉🏻正宗古法臭豆腐Wow 好耐冇聞過，一打開，係依個味啦！！！加埋甜醬，正！！！👉🏻椒鹽炸燒賣因為太趕自己落唔夠椒鹽！！可惜！！！👉🏻港式炸大腸都好大粒酥脆內軟🐰🐰🐰👉🏻大碗仔翅都叫左好多少食，估唔到佢嘅大大碗仔翅真係好大盛！！！😂😂😂 想乜都試下嘅朋友其實叫細碗夠了😂😂😂

呢間食店長期都咁多食客幫襯，除了大件夾抵之外，最重要系好食，口味夠地道。位於大圍站對出嘅大圍小食，最少幫襯咗十幾年，佢個魚蛋、燒賣仲攞過獎。如果鍾意食辣，必定要去試佢個秘製辣醬，好惹味，辣得好過引，食過系會掛住嗰種好食。阿媽話今晚有幾位內地既親戚嚟屋企作客，叫我打幾個外賣加菜，即刻諗到香港地道小食，每款買D，呢個大雜匯不得了，煎釀三寶、辣魚蛋、燒賣、串燒、豬大腸、牛拍葉、生菜魚肉、土魷、鹵水、生炸大雞脾，臭豆腐，水魷....等，個個食到樹起手指公，吃光大圍小食，反而剩咗阿媽煮嘅菜😂。佢地話有食過香港既街頭小食，但無見過份量咁足咁大件，煎釀三寶件西蘭花大大梳，魚肉大大片，狗仔粉超足料，豬頸肉串燒勁爽，豬大腸外皮炸得好香，魚蛋彈牙，仲叫我教佢地點去，自己要再去掃１次貨，因為我每款小食要１份，佢地唔夠喉。

🔥講到香港小食唔知你哋覺得邊樣最具代表性？呢一間，喺大圍屹立咗超過20年嘅小食店，噏得出嘅小食幾乎都有💫雖然佢係一間老店，不過佢嘅運作模式一啲都唔老，定期就會推出一啲新產品，例如呢排推出咗嘅💐煎釀三寶西蘭花💐就非常受到一班街坊嘅歡迎🥰要數佢其中一樣最好食嘅孖寶，肯定係呢度嘅燒賣同埋陳皮魚蛋！配上香濃秘製嘅辣汁，而且價錢竟然只係💲12/10粒！🐔大大隻嘅生炸雞髀更加唔少得，食完一隻今晚都唔使食飯！都只係25蚊🧆煎釀三寶當然係小食裏面嘅主角之一啦，一大盒我都只係買咗30蚊，每一件都非常大件，佢度嘅釀尖椒係辣辣地㗎！佢呢度煎釀三寶有個特色就係有啲街外出面唔會有嘅嘢就例如魚肉西蘭花同埋冬菇咁樣！🫔椒鹽燒賣，到底有咩吸引？咪就係香脆囉！加少少辣醬，簡直係perfect，幾多錢？12蚊！🦑呢幾年大熱嘅芥辣墨魚呢度都有，仲係新鮮即整，唔使驚食到肚屙😋🐷炸大腸，應該都係香港名物之一。呢度嘅炸大腸唔好睇佢十幾蚊一串，佢係大腸包小腸！絕對值呢個價錢，出去食碗牛腸河都三四十蚊得嗰幾舊仔，呢度舊舊都係大大件🐔串燒，呢樣就真係唔係週圍嘅小食店都會有。呢度嘅串燒雖然買16蚊一串，但係份量大！係喺你喺街邊食到十蚊一

大圍的這家小店相信係大家太熟悉因為佢實在提供大量種道地的香港小吃,包括煎釀三寶、狗仔粉、魚蛋燒賣、臭豆腐和韭菜豬紅等，仲要個個都好好食，所以喺大圍嘅老字號，而且性價比非常之高#煎釀三寶 他們的三寶中實在太多元化，必定推介豆腐煎餃傳統的茄子尖椒還有香菇等等### 狗仔粉這家的狗仔粉做得很地道,麵條彈牙,汁汁濃郁,加上飽滿的蝦仁,整體口感十分豐富。湯頭香濃,湯汁入口回甘,吸滿湯汁的粉回味無窮。#串燒 豬肉雞肉，任你選擇仲有唔同嘅粉俾你揀司華力腸燒到外脆內軟啖啖肉燒賣魚蛋萍萍無奇嘅燒賣魚蛋加埋佢哋嘅B仔辣椒醬食即刻別有一番風味難怪拎𡘾### 臭豆腐臭豆腐外酥內嫩,香氣撲鼻,配上特製醬汁,甜辣開胃,雖然有些許臭味,但並不刺鼻,而是恰到好處的香氣。### 韭菜豬紅新鮮的韭菜與柔軟多汁的豬腸搭配,韭菜脆嫩,豬肉鮮美,醬汁恰到好處,回味悠長