大圍小食

營業中

休息中

⭐️【大圍】港式街頭風味小食⭐️紥根沙田大圍二十多年的老店〔大圍小食〕，以前踩完單車就會企係街買黎慢慢嘆，真是一個掃街覓食好去處，現在不太方便除低口罩吃太多野，其實買回家吃同樣滋味。店鋪主打傳统港式街頭小食，一出大圍站行幾步就已經到達，店鋪亦在不遠處提供露天膠凳位供堂食，必食推介: 臭豆腐、碗仔翅及狗仔粉都是性價比高的招牌小食，而且店鋪營業至凌晨兩點，最適合夜晚肚仔餓及想宵夜的人仕。【狗仔粉】(HK$38)狗仔粉分量很多，面層鋪滿了菜餔、炸蒜、蔥、冬菇及肉碎，菜脯啖啖卜卜脆，狗仔粉麵質口感軟硬度適中，不會糊口，湯底亦不會過鹹及油膩，很有驚喜。【臭豆腐】(HK$15)回到家打開盒有很香的臭豆腐味道，而且很足料大舊，外皮厚實而且香脆，乾身無油膩味，配上豆瓣醬及甜醬味道一流。【生炸大雞髀】(HK$25)生炸雞髀份量十足，大大件啖啖肉亦很入味，外皮炸得非常香脆香口。【串燒豬頸肉、串燒豬雞肉】(HK$30/兩串)即叫即燒，燒得熟成度剛剛好，豬頸肉肥瘦適中，雞肉亦很有咬口，灑上調味的孜然粉及黑椒粒，提升了不少惹味感。【燒賣、水魷魚】(HK$12/10粒)(HK$15)燒賣煙韌，水魷魚爽口，加上秘製辣汁

🧡🤎💛經典小食🥡平價又好食就算唔係住附近，好多人都有聽過依間小食店嘅名「大圍小食」，加上之前ViuTv節目介紹佢哋嘅臭豆腐😍睇到Hatty心郁郁，決定踩完單車去補充熱量先！🚴🏻‍♀️🤎臭豆腐🤎 $15/1件臭豆腐嘅「香」味真係令人流晒口水🤤咩都唔好講！先嚟一份啖臭豆腐先🤭豆腐份量十足，外層極酥脆，內層豆腐密度高 有口感！沾上豆瓣醬😳風味尤佳！真心大推✨❤️炸大腸❤️ $15/1串炸大腸要做得好，其實好難🤯清潔唔乾淨、唔新鮮都會影響口感同味道🥹不過依個炸大腸肥而不膩，外層香脆！最鍾意搭配黃芥末一齊食，清新又刺激🤣🧡魚蛋🧡 $12/10粒金獎魚蛋豈能錯過？依度嘅秘製辣汁好過癮，老闆仲問我好唔好食(個口咬住魚蛋，有啲難講嘢😂我唯有以行動清盤！一碗魚蛋關鍵在於醬汁，依個辣汁重口而不過鹹，辣度適中🌶絕對可以encore！💛燒賣💛 $12/10粒淨係魚蛋邊夠喎，食埋燒賣就perfect 啦！燒賣軟硬適中，熱辣辣嘅燒賣加上醬汁，好好食😍🖤串燒魷魚串🖤 $20/串買嘢食嘅時候留意到店內姐姐烤緊魷魚，姐姐見我雙眼發光 叫我整返串喎😳「唔好啦！一串邊夠㗎🤣兩串啦！唔該靚姐」唔知係咪我嗌咗佢靚姐，依兩串魷魚都好大

以前會去太子街頭食臭豆腐，但住左沙田咁多年都未試過係大圍食街頭小食，眼見依D街頭小食因地區發展、文化開始買少見少，早兩日去買小食、粉麵重新感受香港風味。咖喱燒賣魚蛋由細到大燒賣魚蛋都係咁鍾意食，最吸引係佢地個咖哩醬，辣度唔算強，但勝在夠香濃，而佢地個咖哩醬係親手調配，點解我會咁清楚，因為我太愛佢嘅味道而買左一樽，要黎整咖哩撈麵一流。碗仔翅大熱天食碗仔翅真係挑戰自己耐力，但食左一啖就真係忍唔住會繼續食，勁足料，淡淡嘅醋香味令你更開胃。挑戰過後真係熱到飯都唔想煮，所以外賣左煎釀三寶、肉碎狗仔粉、油渣麵當晚餐，自己加返熱個湯，先落蔥、菜脯去油渣麵到，菜脯辣度都幾強，同碗麵都相當夾，而肉碎狗仔粉個湯會較清，但兩個麵質都好食，煎釀三寶最愛嘅就係釀青椒。雖然天氣熱真係會令人卻步，但街頭風味消失就會少一種香港特色，而佢地嘅味道唔應該被遺忘。

果日同男朋友去踩單車，尾站係大圍，還完車就梗係要醫肚啦😆但又唔想食粥粉麵飯喎，就諗起附近有間老字號嘅小食店，咁一於食係街頭小食啦😛「大圍小食」我印象都已經好多年😙 係一間好老字號嘅小食店🥰 佢哋有好多唔同種類嘅小食食，而且價錢合理，性價比高，難怪成日都排哂長龍👍🏻💗生炸大雞髀雞皮炸得好脆，但入面嘅肉依然嫩滑多汁，非常香口，令人食指大動啊🤤💗魚肉燒賣佢地嘅魚肉燒賣嘅魚肉比例都幾高，咬落彈牙唔會成口粉👍🏻值得推介💗長洲大魚蛋依家唔駛入長洲都有大魚蛋食，大魚蛋咬落好結實，真心份量十足，配埋小食店獨有辣醬就更加滋味😎💗臭豆腐炸得好香而且外脆內軟，再加甜醬辣醬，口感非常豐富💗格仔餅外層香脆可口，內裏夾坐花生醬練奶同砂糖，絕對係經典嘅街頭小食之作💗 韭菜豬紅大腸韭菜爽口，豬紅有咬口，大腸蘿蔔都夠淋，材料雖然簡單其實整得好食都好考功夫👍🏻加埋秘製辣菜甫真係好惹味💗魚肉碗仔翅魚肉好彈牙，碗仔翅好足料，係必食推介👍🏻咁出色嘅小食店一定要推介比身邊朋友啊😋仲有啊，佢地個獨有辣醬係有得賣味，咁就隨時隨地係屋企都食到街頭風味小食啦💓

住大圍，點可以唔識“大圍小食”喺大圍屹立二十幾年嘅老店🏚️，款式多元化而且食物經典最重要係性價比好高。今日決定小食🍢當晚飯，五點嘅幾都已經見到一堆人喺度排隊買嘢食，唔講咁多畀大家睇下我嗌咗啲咩嘢食。肉碎狗仔🐶粉/肉碎銀針粉：每次嚟都必食，佢哋嘅狗仔粉🐶/銀針粉真係好有懷舊風味，而且份量都好多，入面仲有碎肉冬菇蝦米🦐，非常足料。懷舊玩仔翅🍲：每次我都叫兩溝，即係魚翅+魚肉，雖然話係假翅，但條條都一樣好粗，魚肉又彈牙，真係越嚟越少地方有呢啲，真係好有食翅🍲嘅感覺，希望可以繼續保留。煎釀三寶🍢：有好多選擇，有青椒🫑/辣椒🌶️/紅腸/西蘭花🥦/雲吞🥟/魚蛋🍡/茄子🍆/豆腐，件件都鋪上好滿滿魚肉，又大件，全部新鮮炸起，熱辣辣食最好食。臭豆腐：又係一款懷舊食物買少見少，真正好食嘅更加難搵，佢哋嘅臭豆腐真心好食過出面好多有名嘅小食店，佢哋唔止嗅起嚟有臭味食落去都有嗰陣臭豆腐香味，配埋佢哋啲秘製甜醬辣醬食一流。串燒🍡：講得出既都有，仲有我最愛嘅豬🐽頸肉，佢哋全部都係即場燒起，熱辣辣，仲有唔同嘅調味粉揀，實有一款啱你口味。韭菜豬紅豬腸：雖然係一樣好普通嘅食物，但又對佢又愛又恨，佢哋嘅豬腸洗得好乾淨，肥瘦適中

正所謂 · 掃街係香港人既文化❣️經過總會忍唔住香氣 · 手痕整番串所以我只係想好好傳承呢個掃街飲食文化😎絕非係忍唔到口偷食呀👻·位於大圍火車站對出 · 屹立多年既✨大圍小食上至狗仔粉車仔麵 · 下至燒賣魚蛋 ·都一應俱全♡ 燒豬頸肉 ｜燒雞肉串先介紹我最愛既醬汁組合 · 蜜汁配上孜然粉💕真係好鬼正 · 甜甜地好惹味豬頸肉爽嫩 · 雞肉外焦內嫩💥次次都要打孖上 · 咁先滿足😎♡ 滷水雞髀老老實實 · 真係第一次係街拎住隻雞髀食🍗滷得幾入味 · 唔會死咸✨而雞肉幾嫩滑 · 重點係塊雞皮好正🥹♡ 炸臭豆腐係我香港頭三甲既臭豆腐🏅聞落唔算係好重味 · 唔係特別臭🕺🏻但外酥脆而內juicy • 真係有汁架💦♡ 炸燒賣外層酥脆 · 而裡面軟糯💥口感唔錯但記得要幫佢調味有時候整色整水都係一件好事🤪♡ 特大魚蛋純粹想食佢個辣醬🙈個辣醬真係好得 · 配埋粒拳頭咁大既爽彈魚蛋咁食真係好chill👻♡ 韮菜豬紅大腸完完全全無怪味 · 大腸處理得好好❣️大腸爽嫩有咬口但又唔會係食香口腸而豬紅好嫩滑 · 韮菜唔會好老👍🏻不輸潮洲打冷店啊🫶🏻♡ 魚肉碗仔翅係一碗我甘願食到成身汗既碗仔翅🥴碗仔翅超級足料 · 絕對唔係

講起香港小食，大圍得呢間店先可以食齊香港掃街嘅風味。無論日夜都係咁多人幫襯。雖然喺街唔方便除低口罩，外賣拎走慢慢嘆一樣好正。<正宗古法臭豆腐>懷念兒時臭豆腐味道，呢度真係最好嘅選擇。發酵過後．熱油炸到外皮香脆，夠乾身無油膩感，加上豆瓣醬同甜醬，超好食。<韮菜豬紅豬腸>每次肚餓諗唔到食乜，一定會叫返碗，個湯底好香胡椒味，韮菜新鮮又嫩綠，大腸嘅份量都好多。<肉碎狗仔粉>狗仔粉口感比烏東更煙靭，加少少自定製嘅辣菜脯，辣辣地更惹味。<碗仔翅>碗仔翅大大碗，好足料，而且唔會太浠同味精，食咗兩啖就比阿仔清哂，下次要買兩碗先夠分。<長洲大魚蛋．燒賣>因為小朋友唔食辣，店員好貼心幫我將秘製辣汁分開上，識食一定要加辣汁食。<豬大腸>炸得香脆，又唔會太乾，加埋芥末醬同甜醬，無得頂。<煎釀三寶>竟然連冬菇同西蘭花都有，鮮冬菇配上魚肉原來都可以咁夾。有時夜晚口痕痕．絕對係宵夜嘅最佳選擇。

成日放工返屋企前會叫啲小食返去開餐,但最近兩次都覺得味道差咗，魚強膠膠哋，口感不是太好，啱啱呢次串龍蝦丸仲要外面暖入面凍，食咗少少要放棄。希望只係一時水準唔穩定，唔係又少一檔小食

呢間大圍小食，喺地鐵站望出去非常搶眼，次次行過都人流不斷，今日去朋友屋企聚餐，一於喺呢度買返幾樣先！！咖喱三寶嘅辣度真係唔惹小，豬皮好爽蛋，蘿蔔超級清甜，再加埋少見嘅陳皮魚蛋，朋友大讚好味。煎釀三寶方面：番薯、紅腸、冬菇、豆腐、辣餃子，$20/5件，雖然拎到上屋企有少少油份滲出，臭豆腐已經絕跡咗好多地方，呢間舖頭居然仲有得賣，臭味絕對可以接受，食落油淋淋嗰種感覺加埋少少辣椒醬正哂！朋友係雞蛋仔粉絲，見佢會新鮮倒入蛋漿，所以等5分鐘都照買（順便等埋串燒）呢個價錢都整到外脆內軟非常唔錯，唯獨蛋味可以再濃郁少少，裏面口感再填滿啲啲就更完美啦。呢度嘅串燒都係即叫即整，難怪條隊成日都咁長，分別叫咗豬頸肉、雞肉、司華力腸、墨魚丸，佢哋會先塗上蜜糖同醬汁，製作完成之後先再灑上調味粉。另外不得不提餐廳大熱嘅油渣麵，份量超級大兜，油渣炸得酥脆，咬落又唔會太油膩，綿質唔會一pat pat，黏住晒過於軟淋。最欣賞湯底分開上，唔會過鹹，配埋啲菜脯同埋炸蒜，味道啱啱好～今次貪得意仲叫埋韭菜豬紅豬腸，面頭滿滿嘅韭菜完全唔韌，豬紅尚算入味冇腥味，唯一係豬腸味道較濃烈，如果唔係食慣嘅人應該接受唔到，或者叫返辣味會比較

又嚟介紹特式小食喇✨！今次想介紹嘅係位於大圍一間好出名嘅街頭小食舖頭❤️。我去呢間小店嘅原因其實係因為前排見舖頭老闆有被採訪，介紹佢嘅臭豆腐🥳。我實在太耐冇食臭豆腐啦，所以都因為呢個採訪而吸引到我想去呢度食下😚，順便都有個機會可以食埋其他街頭小食🤪，當係比自己放縱下一日啦🤣。即刻同大家介紹吓佢嘅街頭小食！食物方面☝🏻#串燒豬頸肉（$30/2串）首先想介紹吓嘅係串燒豬頸肉，我本身都好鍾意食豬頸肉😚，但係因為豬頸肉有時都幾肥膩🫣，所以其實都比較少食。今次難得見到串燒豬頸肉就點都唔錯過啦，因為豬頸肉經過燒之後可以逼到好多油分出嚟👍。再加埋串燒必落嘅孜然粉同七味粉，食起上嚟都幾有風味㗎！#陳皮魚蛋（$12/10粒）跟住要介紹嘅就係另一樣點都唔會錯過嘅街頭小食陳皮魚蛋啦😍。同大家補充下，其實呢間舖頭嘅魚蛋燒賣係曾經歷過香港特色美食選舉嘅金獎㗎🏆，全因為佢嘅人氣辣汁🌶。所以佢個汁可以話係成碗魚蛋燒賣嘅精粹嚟😝。講返個魚蛋先，我覺得個魚蛋做得好彈牙😬，同埋佢個秘製醬汁真係有好明顯嘅陳皮味喺入邊😜，絕對係真材實料。#煎釀三寶（$20/5件）跟住要講嘅就係煎釀三寶啦😎，相信最經典嘅煎釀三寶大家都食過。所以

想食就食，想買就買，想食呢度嘅特色油渣麵，想食我最愛吃嘅串燒豬腩肉⋯⋯想食又諗起佢😋👍每次嚟到呢度，一定又會買到大包細包，因為我呢隻為食貓🐱嘅選擇困難症又出現，樣樣都想食，就樣樣都買D嚟食😂😂—————————🥣自家製辣汁：先講佢呢度嘅自家製辣汁，真係食乜嘢都可以用佢嚟調味，尤其係食呢幾款食物，用嚟配搭，惹味十足😋簡直就係perfect 的好味道👍👍👍👍👍🦑水魷魚：又爽又滑的水魷魚🦑，配上呢個自家製辣汁，好味到停唔到口😋🐷豬皮：炆得又夠稔🐟燒賣：魚肉燒賣夠軟熟🎣魚蛋：果皮香的魚蛋爽口彈牙自家製辣汁.配乜都咁好食😋👍—————————🐷豬腩肉串燒：又係我最愛吃嘅豬腩肉，係我最愛吃嘅豬腩肉🐷🐷🐷🐷😂😂😂😂————————-🐷韮菜豬紅豬腸：韮菜嫩口，豬紅爽口，豬大腸又是我最愛吃的一款食物，加入辣菜莆吃，味道更出色😋————————🍝油渣麵：經典又有懷舊的味道，而且更是做得相當出色的一款食物，油渣不肥不膩，配以上湯，配搭材料有冬菇、蔥、蒜🧄、辣菜莆……..等等————————🫑🍄🥦🍆🥟煎釀三寶：大大件的煎釀三寶，青椒🫑、冬菇🍄、西蘭花🥦、茄子🍆、餃子🥟、魚蛋🐟⋯⋯釀魚肉的彈牙口感，都可以配搭出

今日係叻女 所以獎勵下自己✌🏽🐷買了油渣麵 哩碗係細size呢 份量超級足料的🈶️🈵️🈵️的豬油渣同埋麵麵🍜雖然返屋企都有段車程 但食落時發覺👀✨豬油渣仲係脆脆的 麵麵都好正好彈牙🦷👍🏽配料🈶️冬菇絲🍄蔥粒🟢炸蒜粒🧄同埋辣菜甫🌶全部都是我歡的配料 開心 同埋好惹味啊🤤🤩另外 加了一份豬腸 係一整條啊 勁多啊哈哈😛🤤洗🉐️好乾淨 食落無味又好爽 又唔肥喎heeheee～全部都好食 推介 絕對🈶️回頭的機會‼️‼️其實🈶️打算買煎釀三寶 但覺得會食唔晒 所！以！留！返！下！次！幫！襯！😄😀

呢間小食店喺大圍屹立多年，任何時段都係做不停手，晚晚都出現人龍。分行排隊買，加上店員勁有效率，唔洗等好耐。「豬紅．豬腸．韮菜」必食，足料夠份量，勁like豬紅同豬腸，韮菜好幼嫩，百吃不厭「肉碎狗仔粉」加咗佢地自製辣菜脯，成碗粉嘅味道即時升華咗，配埋個湯底好惹味。「臭豆腐」好耐無食臭豆腐，大圍真係得呢度先有得賣，仲勁大舊，外皮好香脆，加埋甜醬．豆瓣醬...尋回兒時嘅味道「串燒 豬頸肉 」即叫即燒，勁多汁超Juicy, 好味仲可以加上唔同味粉「燒賣．魚蛋」個辣汁真係無得頂，靈魂所在，好鍾意食呢種煙煙靭靭口感嘅燒賣。「煎釀三寶」打開盒，一人一件食唔停口...款款都好正，釀西蘭花都有呀，健康得嚟又帶點邪惡。咁多間小食都係呢間最正。

街頭小食永遠都係香港好正既文化，企係條街食係最正，不過炎炎夏日🌞，簡左外買番屋企食。韮菜豬紅豬腸份量好足夠，豬紅入味，豬腸都洗得好乾淨，唔黏同唔臭。油渣麵🍜麵係上海粗麵個種，有口感。好多豬油渣，食完會好有罪惡感，不過真係好好味。碗仔翅街頭小食黎講，碗仔翅係我Favour，呢間好足料😍😍，裡面仲有竹生，增加口感燒賣魚蛋街頭小食點可以小左呢兩位主角，魚蛋係陳皮魚蛋，燒賣係煙韌個種，好好食。加上佢既秘製汁，好惹味。呢間小食店係大圍立足多年，水準依然保持得唔錯，而且價錢唔貴，性價比高，所以keep住都有人幫襯。鐘意食辣既朋友，可以叫佢加辣汁，佢會落秘製辣汁菜甫，幾香口。

上次去大圍因為太飽所以冇試🥲今次就特意過黎大圍試下大圍名物🤣果然係值得呢個稱呼❗非常符合我嘅期望，平價又抵食–燒賣&魚蛋 💰每款12（10粒）價錢好抵😋燒賣幾大一粒🤣醬汁好惹味，類似帶D辣辣地嘅沙爹醬感覺，味道好獨特，帶有香料味，魚蛋係陳皮魚蛋（我一開始以為係普通炸魚蛋）陳皮魚蛋我本身麻麻低，不過不失🤔–油渣面（細） 💰38超級推薦😍真係好味，油渣炸得好酥脆❗似是食薯片一樣，同埋味道好香，一D都唔會油膩，面嘅質感偏淋，辣菜脯係靈魂，但真心辣🌶️，湯底係清湯的，但調味都唔會好淡