大圍小食

營業中

休息中

今日去咗大圍係朋友屋企開x’mas party 🎉 2點開始玩但起碼7點先開始食晚飯🫣結果朋友二話不說帶我哋落樓搵好嘢食😳朋友話細細個已經食起，全部都好正！我哋好似廚師發板咁，樣樣都叫啲🤤真係食飽我地5個人😂煎釀三寶：件件大件又足料，啲魚肉好紮實🤭特別係佢哋秘製嘅菜甫餃，辣得好爽😎串燒：豬肉，雞肉同牛丸，啲孜然粉勁香勁入味😊韭菜豬紅豬腸：嘩，啲豬紅同豬腸好多，好抵食！豬腸煮得好滑溜添😘陳皮魚蛋：必食呀，彈牙啲醬又惹味！炸大腸：真係兒時回憶，脆香又肥美😋仲有個超級足料魚肉碗仔翅，入邊啲木耳同冬菇，仲有啲魚肉有勁多😝佢哋仲有好多特別嘅嘢食，譬如臘味飯，炸雞髀🍗，雞蛋仔，夾餅，車仔麵，真係要乜有乜，真係好羨慕我呢個朋友可以住喺大圍呀😍

大圍小食 職員態度勁差又串事發：當時店面無咩人 淨係得一位女士同我女士先落order 我排佢後面然後有位職員問我要咩 叫我行過去咁我就叫落order啦叫完就等 點知後面有一家三口話我買得多排錯隊 搞到佢哋等得耐 之後面又有位女士炮轟我 講之前買串魚旦都唔洗咁耐原來佢哋間野係有分買魚蛋燒賣一條隊，買其他食物又一條隊勁無奈既係明明佢哋店員叫我行過去落order的店員見到我係咁俾人話 都唔出聲話係佢叩我行過去 仲態度好差咁加多句（你排呢條隊真係錯左）見佢講到咁 我都算叫佢讓俾的魚蛋燒賣先 佢就真係拖多我10分鐘左右 但我當堂火都來 大佬我買3碗野 係佢哋的職員手腳慢 搞到應付唔切咁多人但就將個責任推落個客人度？明明係果陣無人佢哋的職員叫我行過去全既地方 最後錯嘅又係客人？呢間嘢真係有冇野蠻到咁？真係唔會再有下次未見過咁無理既食店

有時趕時間式者口痕都好鍾意係街邊篤篤下，好似呢間＜大圍小食＞既多年老店咁，次次行過都排哂隊。今次忍唔住要叫左一大堆返屋企慢慢嘆☺️必食推介鴛鴦腸糯米飯（$48）大大盒都係$48，加臘腸／潤腸就再加$10。臘米飯油香味十足，撈埋葱花、花生同菜甫一齊大食，口感豐富之餘仲好惹味正宗古法臭豆腐（$15）又係大大件，咬開入面係蜂巢狀，一定要襯熱同多甜醬、豆瓣醬先好食😋炸大腸（$15）大腸好厚切，炸到外層脆卜卜。要配芥辣同甜醬，又係一定要襯熱食，凍左會變擦紙膠😂細油渣麵（$40）湯頭好濃味，麵質唔會過淋，油渣索哂d湯之後更加惹味。一定要加埋店家自製既辣菜甫😍煎釀三寶（$20 5件）價錢唔算平但係勁大件，唔會好似其他舖頭咁切要紙咁薄同得少少魚漿。第一次見🥦西蘭花，食落都幾得意☺️

📍呢間大圍小食開咗好多年 真係由細食到大🤭🤭 以前年年秋天去踩單車約朋友喺大圍等 一定會走去食串魚蛋燒賣先起行🤣 呢間嘢真係集合左最齊款式嘅港式小食、有魚蛋燒賣魷魚牛柏葉、煎釀三寶🥟、串燒🍢、雞蛋仔格仔餅、車仔麵🍜、仲有豬油渣麵同埋糯米飯….. 仲有其他 數都數唔晒！平時假期放工時間行過都人頭湧湧🤭今日放工諗起佢個糯米飯，仲有佢嘅原條臘腸潤腸🤤🤤🤤 收工即刻走去買🤭 仲要左一個豬油渣麵、一碗豬皮蘿蔔豬腸配配胡椒湯底、煎釀三寶 同埋魚蛋燒賣$12/10粒🤣 佢啲小食又平又抵食 性價比，真係超高‼️煎釀三寶 $20/5件 全部都大大件，仲有好特別嘅西蘭花🥦同埋冬菇😂 估唔到係幾好食㗎，而且炸完都唔會好油。豬油渣麵 $50勁大碗，上面有超級多豬油渣，好香口。舖頭仲有特製嘅辣菜脯🌶️勁正！另外豬腸豬皮蘿蔔都係我自己配搭鍾意食嘅嘢，舖頭有特別嘅胡椒湯底 唔好話小食店 有時麵舖都未必咁好心機去專登做個湯底！🫶🏻🫶🏻 另外真係不得不提我最鍾意嘅糯米飯 $48 + $10臘腸潤腸，加上菜脯蔥花花生🥜 糯米飯煙煙韌韌，好好味😋😋 天氣凍食熱辣辣嘅糯米飯真係十級滿足 💯💯💯

大圍小食喺正大圍站對出已經有好多年歷史 以前每次去踩單車都會買兩串魚蛋燒賣嚟食食物款式好多 價錢又唔貴 性價比極高🔸煎釀三寶 有好多款式 仲要每款都大大件除咗大路款式 紅腸茄子尖椒青椒魚蛋仲有西蘭花同埋番薯 每件都有好大舊魚肉好正好滿足🔸臭豆腐 超大件 炸到乾身香脆 配豆瓣醬食係必須 好惹味 仲越食越臭 好正🔸串燒🍢🍢🍢豬頸肉／雞肉／魷魚／炸燒賣／炸大腸串燒全部即叫即燒 聞到已經好想食姐姐落咗好多味粉調味 好惹味豬頸肉同雞肉都好大串 啖啖肉又juicy🔸炸雞髀🍗塊雞皮炸得好香脆 雞肉嫩滑又鮮嫩多汁最重要的是大大隻 相當抵食🔸生菜魚肉🐟冬天食暖笠笠 入面魚肉超多 鯪魚肉好彈牙 食得辣可以加埋辣菜脯 越食越辣好過癮 好滋味

早幾日去朋友大圍屋企gathering ，打完牌肚餓，即刻去買啲小食返去食！大圍小食有各款街頭小食，真係宵夜之選。小食店長期有人龍排隊買嘢食，但條隊好smooth, 好快就到。見到煎釀三寶新鮮炸起，不斷keep 住炸出嚟，我樣樣叫咗啲：魚蛋、豆腐、青椒🫑、尖椒、冬菇、茄子🍆、西蘭花🥦、紅腸😍熱辣辣好正！個個食到停唔到口！炸大腸即炸好脆☺️ 當然唔少得燒賣、辣魚蛋，好惹味！臭豆腐真係好正，好香😚 又脆又大件、加埋豆辦醬、甜醬好味！仲有串燒、雞髀都好好味！生菜魚肉好夠份量，魚肉夠多又彈牙，麻油、胡椒粉唔少得😍碗仔翅好足料，木耳爽口，肉絲又夠多！我哋食到勁滿足！

係香港，我最鐘意就係掃街！香港小食別具特色同代表性。係海外想食番呢啲小食都唔容易。所以我真係忍唔到一次過買哂想食嘅小食，細路仔先揀，我！全！部！都！要！細細個係讀書時期已經成日食。聽聞都好多年歷史。臭豆腐我最愛。厚實又有d脆嘅臭豆腐，加埋豆瓣醬同甜醬好食，仲可以自選加其他7種調味粉。韭菜豬紅蘿蔔豬腸有意外驚喜嘅韭菜豬紅蘿蔔豬腸， 個湯底有小小胡椒豬肚湯味， 豬腸無豬腥味，豬紅同蘿蔔亦好入味，寒冷天氣食完有溫暖嘅感覺，而且好大碗十分抵食碗仔翅好足料嘅碗仔翅，除左一般常見嘅材料仲有竹芛，加埋麻油胡椒粉同醋真係好香！醋味啱啱好，唔會太酸到蓋左其他味道。烤魷魚燒嘅時候已經聞到好香魷魚味，魷魚唔太靭又有咬口炸脾個炸脾好似塊面咁大，炸得好夠脆！魚蛋燒賣魚蛋係陳皮魚蛋，燒賣係金龍/60士多個種味道同口感。來貨都幾好。炸大腸好乾淨，不過我地放耐左😢。煎釀三寶勁大件，好飽肚。佢哋個辣菜圃餃幾好食！炸西蘭花又好有特色。樣樣小食嘅size都幾大，有種姨姨想將你餵飽嘅感覺🤣🤣🤣。

小篇👧🏻間唔中踩單車去大圍搵食，間唔中都會到《大圍小食》呢間老字號掃街 ，呢度小食種類好多，串燒、炸物、車仔麵、格仔餅雞蛋仔都有，今次同👦🏻掃左好多款小食當晚餐😋========有興趣可以🅑🅞🅞🅚🅜🅐🅡🅚☺️==========⭐串燒類💕燒豬頸肉💕燒雞肉💕燒司華力腸‼️呢間串燒真係幾好食，串燒份量大大件價錢平比，而且有好多種燒調味選擇，個人特別喜歡燒豬頸肉，肉質厚身肉嫩，邊位燒得香口。⭐炸物💕煎釀三寶💕炸大腸💕臭豆腐💕炸燒賣小篇👧🏻特別喜歡臭豆腐，臭豆腐大大件，外皮炸得特別酥脆香口，係臭果隻香口😂，鐘意食既朋友一定明🥰 煎釀三寶亦都好大件，特別有冬菇釀魚肉，幾特別。⭐麵類💕豬油渣麵呢間店豬油渣麵十分出名，豬油渣份量超多而且香口，粗麵底，湯底香濃，加上辣菜脯好惹味。⭐辣咖哩魚蛋、牛柏葉、水魷‼️推介呢度的咖哩汁，配埋水煮牛柏葉、水魷真係好香辣，幾好味，但都有啲辣，愈食愈惹味。⭐格仔餅格仔餅蛋味香濃，配埋花生醬煉奶食好好味😋。 如果鍾意我既分享pls follow —> @cc_foodie_dairy ☺️💕📍大圍小食大圍富嘉花園22號地舖

終於都凍啦❄️期待已久我至愛嘅大圍小食「糯米飯」終於開賣啦，急不及待立即衝去買啦🤣又凍又落雨都咁多人排隊買，就知有幾好食啦！糯米飯再加臘腸同潤腸係必點的😍熱辣辣又香又糯，本身飯入面已經有臘腸、花生、菜莆，但我太鍾意臘腸同潤腸，所以一定要再加多2條😆冬天必食嘅仲有胡椒湯底嘅豬大腸豬紅韭菜，飲完個湯個人立刻暖晒，蘿蔔清甜，豬大腸乾淨！煎釀三寶就唔使講啦，大大件都係$20/5件，臭豆腐、炸大腸仍然保持水準，第一次點嘅串燒$30/2串🔥有6款調味選擇，孜然粉配雞肉，沙嗲配豬頸肉冇得輸👍🏻佢嘅魚蛋燒賣拎咗美食金獎，咁就要試吓車打芝士椒鹽燒賣啦，炸燒賣加椒鹽外脆內軟，加埋芝士香味100分啦💯

煎釀三寶係我嘅最愛😁聚會一定唔少得佢，今次朋友仔帶我試咗呢間大圍小食，買咗勁多返屋企一齊食。呢間小食店1998年就出現係大圍站☺️ 20幾年都係咁嘅做法，充滿港式人情味。佢哋嘅煎釀三寶好得意，款式勁多，而且每件都大大件。有啲出面完全未見過，竟然有西蘭花、冬菇☺️ 配上大大件嘅魚肉，非常之抵食。特別推介就係佢哋嘅辣菜脯餃子，辣得來菜脯非常之有咬口，而且夠脆口。除此之外仲試左串燒，雞肉串嫩滑多汁。豬頸肉串燒都唔錯，有五件大大件每啖都有咬口。魚肉翅都正，好多魚肉大大件，配料多夠曬杰。最後加左件痴飯，餡料多☺️咖喱三寶都正，豬皮夠淋，魚蛋煮得夠耐，咖哩汁入曬去！

大圍多野食已經不在話，今次急急腳湊完囡游水，就過左呢間經典小食店買外賣拎番屋企食👍一直想試佢既煎釀三寶，因為比較特別係舊舊都好大粒，仲要有西蘭花釀魚肉，真心好食😋好少小食店會有😏搞到我都點左兩舊🤭另外，都要試埋臭豆腐！無得飛台灣住，唯有頂住先，職員姐姐超好人，可能知我為食，好叻咁問我要落咩醬汁🤣🤣 因為我有古怪嗜好，咩醬都要落今次因為游完水買番屋企一家人食，所以叫埋陳皮魚旦 ， 燒賣 加 雞脾，食到囡囡停唔到口😝 我鍾愛陳皮魚旦既辣醬汁，唔係超辣，但你會食到有香味，唔係平時個啲齋辣疫情好耐都無掃街啦，今日一次過掃晒佢，仲可以外賣得好乾淨咁帶返屋企食超開心

我由細到大都住喺大圍，經常去大圍火車站附近去搵嘢食㗎，當中有一間小食店「大圍小食」係一間由我讀書到出嚟做野都會成日幫襯嘅小店。雖然係小食店但都好多款小食及主食都有得食，如煎釀三寶、魚蛋燒賣、串燒、雞蛋仔、車仔麵、臘味糯米飯🍚等，真係重有一款啱你口味😋。煎釀三寶我最愛係食佢果魚蛋、炸得香脆好有魚味同埋大大粒好似乒乓波咁大粒👍🏻，抵食夾大件。臘味糯米飯天氣凍我最鍾愛食臘味糯米飯，有加上原條臘腸及潤腸加埋炸花生🥜配糯米飯，真係人間極品。燒賣咖喱魚蛋🐟呢度個燒賣同咖喱魚蛋，真係好好味，魚蛋佢係用陳皮魚蛋，而最正係佢果辣醬👍🏻。

最近久違經過大圍，見到呢間由我學生時代已經好受歡迎既港式小食店依舊好多人排隊。屋企人提議不如買野食作外賣返去當晚餐，於是就買咗一堆返屋企開心share。<臭豆腐> $15臭豆腐好大嚿，炸到乾身香脆，入邊豆腐仲有汁，食到豆香，點埋跟嘅甜醬，愈臭愈香，耐人尋味。<炭燒魷魚串> $20魷魚要咗孜然粉味，聞到炭火味，魷魚鮮美味道彈齒留香。<煎釀三寶> $20/5件港式小食中一定要食煎釀三寶!煎釀三寶有勁多款式，除咗常見嘅茄子、青椒之外，仲有坊間少見嘅西蘭花釀鯪魚肉，一開始覺得冇咩特別，但係食落其實又幾好味喎。<陳皮魚蛋> $12/10粒魚蛋雖細，但口感結實彈牙，陳皮味突出，加埋攞過獎嘅自家辣醬，夾埋食真喺天衣無縫。<足料糯米飯(大)> $48 臘腸+$10想食得香口啲，所以加咗$10要多條臘腸，糯米食落煙韌，臘腸充滿油香，再加埋蔥花、花生等配料，成盒糯米臘腸飯份量唔少，食到勁飽。<司華力腸> $18司華力腸鎅咗花邊，所以啲調味料好入味，而且司華力腸夠曬大條，好抵食。

喺大圍站對出有間叫大圍小食嘅小食店，佢哋差不多開業有近四分一個世紀，主要做街坊生意，所以性價比勁高。糯米飯：有兩款size可以揀，仲可以加原條臘腸或潤腸。而糯米飯少得夠乾身，唔會太油膩，仲有多種嘅配料，好似有蔥花、花生、辣菜可以增加飯嘅味道同埋口感。長洲大魚蛋：唔洗去長洲先食到，大圍呢度都有，粒粒都勁大粒，口感彈牙爽口，配埋佢哋第製辣汁就更加惹味。煎釀三寶：平時多數都食到茄子、青椒、紅腸、冬菇、豆腐、魚蛋呢啲，呢度仲有西蘭花、餃子，佢哋每款嘅size都較出面嘅大，仲釀炸到啱啱好，唔會太乾身，食落仲有啲juicy嘅感覺。臭豆腐：呢度其中之一嘅熱門食物，離遠都經已聞到嗰陣好香嘅臭豆腐味，炸到啱啱好，外面金黃酥脆，入面豆腐仍然嫩滑，加埋甜醬同埋秘製辣椒醬一齊食就更好味。炸大腸：炸到外皮香脆，入面有煙韌嘅口感，仲夾雜咗滿滿嘅油香，大腸同甜醬、黃芥末就最夾。串燒豬頸肉、雞肉：呢度嘅串燒兩串會有優惠，佢哋嘅size都好大串，燒得啱啱好，外皮有陣陣嘅焦香，而肉汁仍然保持，肉質嫩滑，仲有多款不同口味嘅調味粉可以加，有辣有唔辣，任君選擇。椒鹽燒賣：燒賣加咗椒鹽拎去炸，香脆可口，口感煙韌。炸餃子：手工包製

掃街嚟講，可以一間滿足哂我所有願望，都暫時得大圍小食可以做到，嚟親都大排長龍你就知除咗都未食選擇價錢仲好親民我每次都必食既一定係臭豆腐, 真心你食完都搵唔到第二間好食得過佢，實心有份量，一嚿都夠頂肚😂，但花多眼亂，眼闊肚窄既我又點會只食一樣呢😁碗仔翅、油渣麵、狗仔粉、煎釀三寶、燒賣魚蛋、雙腸生炒糯米飯、串燒、章魚燒、炸大腸等等。每樣都係地道小食，位置又方便，大圍站一出對面就係，唔怪得咩時間嚟都係咁多人啦🤓