大喜屋

營業中

休息中

食過咁多次放題，去過咁多間大喜屋，我都係第一次見到有咁多人排隊，喺開門之前已經有兩條隊，一條預約咗一條冇預約，實在驚為天人。見到咁多人一早佇立良久咁等佢開門，我就知依間嘢不得了。入到去，第一轉已經叫咗勁多嘢食，成枱都係。每一樣嘢都正常水平，有幾樣係特別好食，例如係榴槤類嘅嘢，都係好正：烤榴槤，榴槤椰皇奶凍想飽嘅話可以食，都幾正：蝦球伊麵之後食咗啲唔同嘅嘢，我都係首推西京燒比目魚，我嘅至愛！飲品方面都好多選擇，熱飲竟然都有，就係便利店嗰啲暖櫃，入邊有好多紙包飲品，我都覺得好細心！食咗幾個鐘，食到佢閂門，直程係好抵玩，坐咗咁耐，都係一個價錢，同朋友歡聚一流！

今日同朋友過咗嚟沙田食放題，聽講大喜屋依排有唔少榴槤主題嘅美食！作為榴槤迷嘅我梗係要過嚟試吓！除咗榴槤，大喜屋提供嘅食物選擇都好豐富，有刺身、熟食、煮食等等，任君選擇。極尚榴槤椰皇奶凍榴槤椰皇奶凍賣相好吸引！！面頭嘅榴槤蓉好多，味道香濃，而且好Creamy。另外，奶凍好滑，充滿奶香，仲食到有啲椰汁味。底下個椰殼仲有椰肉，可以食埋，非常好味！燒榴槤餐廳仲有提供燒貓山王榴槤，我覺得榴槤燒過後味道更香濃，質地上就同冇燒嘅時候差唔多。可以任食真係好抵食！吉列牛乳炸鮮奶炸鮮奶外脆內軟，鮮奶甜甜地，好嫩滑。芝麻雞翼芝麻雞翼即叫即炸，外皮好脆，有芝麻帶點香味，雞肉好嫩滑多汁。牛油栗米牛油粟米份量好多，除咗好香牛油味，食落仲甜甜地，係一個好好味嘅小食。鵝肝鵝肝壽司十分推介，必食！每次送來嘅鵝肝壽司上嘅鵝肝都好大嚿，食落充滿油香，入口即溶。另外壽司外佈滿芝麻，食物口感豐富，而且更加香。七味芝士燒大蝦芝士大蝦炙燒後好香，芝士大大片，好滿足呀。加拿大雪蟹腳真係估唔到連蟹腳都有！蟹腳有鮮味，仲有啲海水味，鹹鹹地，仲配上咗醋，可以點埋一齊食。雪花牛肉鍋牛肉鍋上枱時熱辣辣，要小心。牛肉份量多，另外仲有豆腐、粉絲、

今日難得閒日中午唔使返工，約咗朋友一齊去沙田行街，大家都未食早餐，所以我哋都想食放題～第一次試沙田嘅大喜屋，估唔到環境會咁大咁闊落，最緊要係午市都好多人食～價錢都唔貴$248一人（要加一），一黎梗係叫啲刺身食吓先啦，所有款式嘅刺身都好新鮮！估唔到生蝦都有三款揀（泰式、虎蝦、甜蝦），然後見到唔同嘅中式小食都膽粗粗試下！點知喜出望外，金湯慢煮鮑魚花膠盛真係好足料，以往食花膠好驚有沙，呢一款完全冇，好驚喜👍🏻中式仲有個重點推介，蝦球伊麵，份量少少哋，最啱放題食，蝦球大粒，伊麵有濃濃既上湯汁包住，我地叫左兩次！而且估唔到會有咁多榴槤嘅小食，我個人就好鍾意啦，試咗烤榴槤、榴槤椰皇奶凍，兩款都榴槤味十足，奶凍好滑！跟住仲要分享吓壽司，左口魚邊同埋玉子燒係重點推介！唔會因為係放題而賣相求其～金蒜炭燒廣島蠔又係令我好回味，絕對係大粒份量足，蒜香再經炭燒出爐，非常惹味！出面小食嘅部份都好豐富，飲品有茶、汽水、酒精飲品！甜品有蛋糕、豆腐花、乳酪、雪糕！仲有好多熱食、湯飲，真係大人細路都啱！最緊要係呢個價錢可以食到咁多嘢，一個午餐都試唔晒，我下次一定會夜晚約朋友再嚟！🍽 大喜屋 (沙田店)📌 沙田沙田正街2

屋企有人係出名嘅榴槤狂熱者😆知道而家呢間成日食開嘅放題有得任叫期間限定榴槤甜品！拿拿聲訂位帶去食就無投訴啦🤝🏻🤝🏻平日晚市食都只係$258@成人(另加一服務費)！去食番餐勁嘅先😂. 有人好擔心啲榴槤被人點哂😂所以一坐低第一件事係柯打哂榴槤系列先😂包括:✨極品金枕頭榴槤燒 (香濃撲鼻且入口即溶嘅口感令人忍唔住追加再追加😍) 、✨極尚榴槤椰皇奶凍 (喺香滑奶凍上加咗完熟榴槤🤤椰香榴槤香出奇地夾) 、✨脆炸貓山王 (一咬爆出榴槤漿！😍又香又脆非常邪惡！) 榴槤粉絲千萬唔好錯過👍🏻👍🏻. 除咗食放題必叫嘅🦀刺身(推薦海水味重嘅✨加拿大雪蟹腳 ＆晶瑩鮮甜嘅✨阿根廷赤蝦 🦐) 、壽司卷物🍣(必叫特色✨花之親子 ＆✨ 牛油果醬伴松葉蟹肉卷)、🍤炸物燒物( 叫咗✨金蒜炭燒廣島蠔 ＆✨香草燒羊鞍）、一品料理(必試 美味嘅✨上湯蝦球🦐伴麵 ＆ 矜貴嘅✨金湯慢煮鮑魚花膠盛 ＆入口綿密嘅✨鮑魚雞粥) 😋😋. 除咗QR code落單之外😊另外自助區亦非常多元化多選擇🙌🏻普通嘅啤酒汽水茶飲有齊！連清酒🍶真露都可以任飲😃仲有✨沙律, 水果, 涼拌小食, 熟食 (仲新增咗點心🤩), 甜品, 雪糕 等等等等🎉🎉快啲約埋

實在太耐，冇食放題喇，早兩日趁住有時間，近近地就係沙田大喜屋食返個日式放題先😋，我哋就有book枱，但係未夠12點門口已經有人排隊，相信呢一餐都唔會令我哋失望，坐低咗就用QR code點餐選擇都好多㗎，但係今期榴槤大熱，當然唔會錯過，點幾款榴槤產品試吓啦😌我第一次食烤榴槤，估唔到咁好食，仲甜過平時就咁食，唔怪得知有人用榴槤嚟煲湯🤣🤣，另外試埋榴槤椰皇奶凍，榴槤蓉入口即化，配埋奶凍食，簡直係絕配😋😋😋，見未夠喉，個胃仲有位就試埋佢嘅蝦球伊麵，隻𧎚超級彈牙，一啲都唔輸蝕比大酒樓，真係值得推介👍👍

喺沙田除咗大家都去新城市廣場之外其實連珠仲有唔少小型啲嘅商場其中就包括沙田廣場，呢一度最近有少少裝修，所以未來就會有一個新面目示人。 😆唔好睇呢度咁細個商場冇乜嘢食，一去到下晝就會見到有唔少人都非常鍾意食放題，就係喺大喜屋呢一度，食放題lunch經濟實惠仲可以有同樣嘅滿足，有時仲可以用埋晚餐嘅quota咁就仲抵啦。🤤裏面依然都係乾淨企理環境舒適，選擇一如以往咁多，而且仲有唔少限定嘅嘢食🤭首先一開波，當然就係刺身環節，總共有14款選擇任拼，款款滋味，淡淡驚喜。😳而新加入左長腳蟹腳，🦀每一條都係咁鮮紅色咁新鮮，展開入邊啲蟹肉就會好輕鬆咁樣褪到出嚟，🦀冰冰涼涼再點少少Wasabi豉油簡直係Perfect，鮮甜水潤多汁。🦀另外魚類就有三文魚希靈魚同埋油甘魚，🐟特別要讚吓油甘魚嘅甜度非常足，更加有回甘嘅感覺，🐟至於爽脆嘅希靈魚未到稍為淡啲相信就會容易令人接受。🐟另外海鮮類就有幾款特別要推介，重點一定係北海道帶子，象拔蚌同埋甘蝦。🦐雪白嘅北海道帶子冰爽嘅肉質再加埋微甜，營養又豐富又冇負擔。另外象拔蚌作為刺身亦都係好爽脆😛另外出面亦都有唔少嘅冷盤同埋熱食，冷盤走都係日本餐廳常見嘅例如中華沙律螺肉八爪

時隔半年再次回訪呢間人氣小店，主打日式任飲任食放題，而且聽朋友話佢哋最近仲出咗個新menu，竟然可以任食烤榴槤呀🩷 仲有榴槤椰皇奶凍、蝦球伊麵等特色料理，相信唔少人都係沖佢而嚟，平日晚上好full，記得要預先book位！一坐低即刻撳咗盤榴槤燒，數量有限，售完即止，好驚冇晒😂 金枕頭燒完之後更加香甜，外層微焦，內裡軟熟，榴槤愛好者表示十分滿足～ 榴槤椰皇奶涷亦係今期限定item，上面鋪咗滿滿嘅榴槤蓉，配著奶凍感覺無咁膩🤤 貓山王炸榴槤外層薄脆，內餡又熱又軟糯仲會爆漿，另外千萬唔好錯過兩款榴槤雪糕，淡淡香氣，讚呀！正常嚟講嚟得呢度都會食刺身同壽司，賣相精緻，味道鮮甜，而且有火灸版本，大人小朋友都啱、炸物、燒物同串燒同樣美味，例如羊架、比目魚、雞翼、炸鮮奶、乳鴿都可以叫吓～ 不過個人反而最欣賞嘅係熟食，必點之選有金湯慢煮鮑魚花膠盛、金蒜炭燒廣島蠔同上湯蝦球伴麵，尤其是係避風塘魷魚，爽口彈牙，酥脆可口，encore咗好多次都食唔厭🥺 自助區有沙律bar、小食、飲品同甜點🍦 記得要留肚食椰汁海燕窩鮮奶同烏雞湯，仲有忌廉泡芙、檸檬撻、海鹽曲奇大福、水蜜桃大福、朱古力/草莓/檸檬芝士mousse、c

本身仲諗緊食咩好(´-﹏-`；)突然收到𝔐𝔰𝔤有特別設有期間限定既極品金枕頭榴槤燒 ʷʰᵃᵗ!!! 立刻ᵇᵒᵒᵏ位◔.̮◔✧  之前已經食過好多次大喜屋 係信心既保證出野快 執野快 又唔會漏單 ᕙ(•̤᷆ ॒ ູ•̤᷇)ᕘ₊˚食物飲品選擇多 夠豐富 適合揀飲擇食既我 同伴們唔洗再在意我 可以狂叫魚ॱଳॱ叫到成枱都係野食 要擺埋隔離枱 一路上菜 我地一路食 追唔上侍應們既速度每次上刺身都有乾冰營造氣氛 (･ิω･ิ) ✧⥅ 極品金枕頭榴槤燒 ⥆以為成間鋪會有好多陣榴槤味 點知味 氣味隱藏得好好 未食過熱既榴槤 都幾好食 但始終唔夠新鮮既香 大喜屋實在太正 ( ૢ⁼̴̤̆ ꇴ ⁼̴̤̆ ૢ)~ෆ 已經約左屋企人再一戰極品金枕頭榴槤燒

員工服務態度超級差不論傳餐/收碟都完全沒有理會客人d衫,基本上食一餐要經常顧忌餸汁會否滴到自己加上未到完結時間已經收了所有桌上器皿,餐車亦毫不顧忌地「痴埋」顧客身後極差的飲食體驗😡比觀塘那間差很多😡

我同老公都特別鍾意食榴槤，一知道原來放題有榴槤食，咁正😋梗係立即岀動啦！呢度平日價錢都係$300左右，就已經可以食到各款美食，足兩小時任食任飲，其中最令人心動一定係極品金枕頭榴槤燒同埋極尚榴槤椰皇奶凍，一凍一熱，好味爆發！榴槤燒食落啖啖肉，除了可以享受到暖笠笠甜絲絲嘅軟滑榴槤肉，外層燒過更潻香脆口感。至於榴槤椰皇奶凍可謂消暑妙品，凍食味道顯得格外清甜，啖啖榴槤肉真材實料👍作為榴蓮控的我encore了幾次，感覺非常抵食👍當年呢度仲有非常多刺身同埋壽司選擇，自助區都可以有多凍盤海鮮供應，例如有灼蝦、青口、以及中日韓前菜(例如有我最鍾意食嘅味付螺肉、中華沙律、泡菜等等)，仲有各式飲品同甜品任君選擇。放提我反而主打熟食，推介呢度嘅醬燒帝皇蟹棒、鹽燒三文魚腩、鹽燒牛舌、鹽燒雞翼、比目魚西京燒、皇牌炸乳鴿、金蒜炭燒廣島蠔👍👍尤其是炸乳鴿同埋燒蠔，又係回本好味之選！呢度嘅乳鴿係真乳鴿，體型比較少，所以食起嚟特別嫩口，一般燒味舖冇得比啦！蠔夠新鮮，肉身飽滿多汁，配蒜蓉簡直係Perfect match㗎！

榴槤水果皮爽肉甜滑，知道🥢沙田大喜屋🥢有極品金枕頭榴槤燒🔥特登去食日式放題，一試難忘👍🏻熱辣辣嘅果肉更甜滑，味更香濃💪🏻好好食呀😋😋😋，仲有脆炸貓山王極尚榴槤椰皇奶凍🥥，啱晒鍾意食榴槤嘅朋友👏🏻👏🏻👏🏻放題仲有好多選擇有壽司🍣刺身🍱 火炙壽司🔥手卷🍙天婦羅🍤炸物🍘燒物☄️串燒🍢一品料理🍲煮物🥘佢嘅燒羊架🥩表面燒得濃濃地，好香孜然味肉嫩多汁，好好食呀👅仲有好濃郁嘅雞湯☕️糖水🍯汽水🧋甜品🍧海鮮🦀雪糕🍨任飲任食💦每樣叫少少食勻全部款式係最聰明，好似一次過食晒成間餐廳咁過癮😆雖然客如輪轉， 服務都好細心，經常有人執枱，又好有禮貌，今餐食得歡喜又開心😃大喜屋日本料理沙田正街沙田廣場1樓33-35號

📍大喜屋 (沙田)沙田沙田正街21-27號沙田廣場1樓33-35,44-46號舖放題2小時（5-7pm )$258 另加一服務費自助區有多款冷盤和熱食，瑞士雞翼好大隻，飲品同雪糕都勁多款，有haagen dazs，刺身新鮮，食物上得好快。個人認為個燒蠔幾好食。上咗兩鑽刺身，第三轉就開始冇咁新鮮。侍應都好有禮貌，不停幫手收碟，保持枱面清潔。推薦大家食💛極品金枕頭榴槤數量有限，大家要提早下單下，暖暖的，肉質細滑，好食

这次9月24日星期日到訪，對上一次已經是三個多月來這間人氣大喜屋，我們訂了6:30入座，每位$318+10%，刺身種類少咗好多，質素真的有待改善！壽司也同樣差了，壽司飯比之前大了一些，但黏度和酸度也可以的重點是這白汁大蝦我们沒有點也放上枱，真的有點亂！甜品方面主要因為有榴槤燒才吸引來的，原來上的時候已經窩心地起了榴槤屈，果味很甜，真的不錯的！可能人手不太足夠，枱面需要收的東西也沒人理會，需要找人收拾，之前完全沒有這個問題，但這次體驗某些食物真的不太好！我諗應該要過一段長時間才去了

耐唔耐就想食下放題，趁朋友未開學前就約埋去食。其實好食不單止係刺身壽司。有好幾款熟食都唔錯。鮑魚雞粥，粥綿滑，食到雞嘅鮮味，好多雞肉鮑魚片。比目魚西京燒，嫩滑唔腥，啖啖肉好味。金蒜炭燒廣𡷊蠔，好香蒜味，濃郁醬汁，蠔肉飽滿，炭燒又十分滋味。鹽燒牛舌，牛舌唔算特別厚但都juicy，反而係帶啲嚼口同埋鎖住到肉汁，加上大量黑椒喺面，都好惹味。當然還有我最愛㗎炸榴槤，炸皮煙韌，入面就係流心餡，榴槤味好突出，而家仲掛住嗰陣濃郁嘅香味😆😂😂。炸乳鴿，帆立貝北海燒，炸鮮奶，鯖魚同牛肉鍋都好值得試。自助嗰邊都有好多食物，好多想試實在太飽，唯有等下次😂。

榴槤控注意⚠️ 榴槤控注意⚠️不嬲都好鍾意食榴槤，估唔到連日式放題都有金枕頭榴槤燒任食😋認真驚喜平時定時定候都有一股刺身癮，單點食都要幾百蚊，不如黎食放題好過.90分鐘都係$248，叫多幾轉刺身就回哂本😀本來以為中午食冇咁多人，原來都多就快滿場tim刺身壽司種類好多，厚切三文魚、油甘魚、仿鮑片、希靈魚、北寄貝、帶子、馬刀貝、八爪魚、赤貝、象拔蚌、阿根廷赤蝦、俄羅斯甘蝦，全部都新鮮，整體都厚切。仲有好特別嘅就係竟然有松葉蟹🦀🤭好少見仲要鮮甜可口🙌🏻即刻點左好多食😂唔知以為自己去咗酒店食buffet壽司方面用放題質素黎講都真係非常好，一樣種類好多，其中拖羅壽司我最鍾意除咗壽司刺身，仲有一d中式菜式，重點係質素唔錯，有鮑魚花膠一品盛，花膠大大塊塊、燒乳鴿香口燒香脆可口，唔會比茶樓執輸。蒜蓉烤蠔都推薦，蠔大大粒，表面滿滿炸蒜蓉香。見到佢出咗個新野，法式紅酒藍莓鵝肝，鵝肝入口即溶加藍莓蘋果好新好夾😛嚟到，不妨試吓燒物方面就一定要讚，極品金枕頭榴槤燒🥰鍾意食榴槤嘅，我真係食到停唔到口，大大嚿燒完更加甜😋一上枱浸浸榴槤香!!仲有脆炸貓山王，炸物黎講真係正正正，炸粉唔會太厚，一咬開榴槤即流出黎，認真係好味