影片
營業時間
今日營業
12:00 - 15:00
17:00 - 22:30
星期一至日
12:00 - 15:00
17:00 - 22:30
公眾假期
12:00 - 15:00
17:00 - 23:00
以上資料只供參考, 請與餐廳確認詳情
好耐冇黎沙田既大喜屋食放題喇~ 好驚喜多左好多款新菜式呀平日黎食餐廳都好旺好多人, 唔想等位就最好訂定位呢 價錢由$2XX-$3XX不等~長者仲有88折添食物可以係自助區自取或者用QR code落單~自助區有熱葷, 例如燒味, 炸物, 小龍蝦等....另外有冷盤海鮮, 小食 & 水果~~超大既飲品櫃有汽水, 果汁, 茶, 啤酒等~仲希清酒任飲添甜品櫃有泡芙, 糯米糍, 馬卡龍, 心太軟, yogurt, 楊枝甘露, 豆腐花等仲有雪糕雪條, 最特別係有日本版既haagen dazs丫!!! 呢個真係無敵第一輪先點左刺身壽司類~刺身好多款式, 有松葉蟹腳, 三文魚, 北寄貝, 帶子, 赤貝, 甘蝦等等~ 全部都好新鮮!!!海膽手卷既海膽肥美鮮甜新品有海膽魚籽拖羅蓉最中餅 & 芥末寶石魚生~~ 造型同味道都唔錯~其他仲點左花雕醉鮑魚, 芝麻雞翼, 比目魚西京燒, 黃金軟殼蟹, 牛油煮大蜆, 薑蔥爆鱔球, 川味燒鮮蠔, 瑤柱扒豆苗等等, 真係超豐富!!!甜品類既極品金枕頭榴槤燒超食, 又綿又甜丫!!海燕窩椰汁燉木瓜就好滋潤今餐食到捧住個肚走, 真係超滿足!!!
繼續閱讀
終於跳舞表演完, 可以放肆一下啦! 想食呢間放題好耐, 聽講勁多選擇, 今晚就黎盡情食個飽飽的, 哈哈~ 原來呢度晚市放題係分幾個時段收費, 兩小時都好足夠, 地方又好大多座位, 夠哂寬敞~大致上分類為: 、及手卷、料理、燒物和串燒、炸物、一品料理、冷盤及熟食、, 除左係QR code落單, 仲有擺設冷盤, 點心,生果, 甜品, 湯, 糖果, 可以自己去拎, 真係好多款式, 不能盡錄~我簡單講幾樣, 我就喜歡加拿大雪蟹腳、三文魚、北寄貝、帶子、八爪魚、阿根廷赤蝦、俄羅斯甘蝦、各款刺身新鮮鮮甜一品料理: 推介花雕醉鮑魚, 好爽口彈牙壽司及手卷: 海膽手卷、黑松露油甘魚、醬燒帝皇蟹棒, 各有不同口感燒物: 推介金蒜炭燒廣島蠔, 十分惹味, 溫室菠蘿很Juicy不會乾卷物: 鰻魚忌廉芝士卷和牛油果醬伴松葉蟹肉各有千秋炸物: 天掃羅蝦外脆彈牙冷盤和熟食: 叫左一口牛肉有埋薯仔粒, 牛肉好軟腍, 喜歡章魚小食甜品: 都有好多款揀, 泡芙、大福、雪糕、雪條, 仲有燕窩蛋白燉鮮奶, 連馬卡龍都有, 真的不得了飲品:生啤任飲超正, 我試左兩款生啤, 正, 仲有清酒、梅酒和不同飲料, very good!
繼續閱讀
超級豐富沙田（大喜屋）放題，平日黎食餐廳都排長龍好多人，唔想等位最好訂咗位先，久不久就和朋友放肆吓，以食減壓😆😆就快父親節，長者仲有88折優惠❣️刺身壽司~三文魚刺身厚切，肥美嫰滑，入口即溶甜蝦大大隻，新鮮又鮮甜❣️咖哩大頭蝦大頭蝦肉質鮮甜爽脆，蝦頭爆膏❣️避風塘炒蟹新鮮蟹肉結實鮮甜，配上炸香蒜蓉辣椒十分惹味❣️焦糖牛奶鵝肝壽司面層薄薄焦糖脆脆地，下層厚厚大件鵝肝多士，超級 肥味，鵝肝味超香，入口即溶yummy❣️花雕醉鮑魚酒香濃郁，鮑魚爽脆彈牙❣️芝麻雞翼外皮金黃酥脆，肉質鮮嫰多汁❣️羊架羊架肉質鮮嫰多汁，配上香草一啲都冇騷味❣️海燕窩椰汁燉木瓜椰香濃郁，木瓜軟滑，甜而不膩，口感清新，夏日消暑甜品
繼續閱讀
今日約咗朋友沙田食飯，朋友話想食放題, 第一時間 諗到大喜屋， 之前食過其他大喜屋分店 覺得唔錯今次試下沙田大喜屋。我哋約咗五點半， 大喜屋門口已經好多人排隊等住入咗， 未到六點半已經全場滿座， 不愧係人氣放題。熱食、冷盤、前菜、 刺身， 火焰壽司、 創意壽司、 手捲， 甜品 、雪糕、 冷熱飲品應有盡有。 多款刺身選擇， 我自己最鍾意蝦類同貝類嘅刺身， 帆立貝壽司大大粒， 肉質厚實入口柔滑，俄羅斯甜蝦質地細膩， 鮮甜美味。焦糖牛奶鵝肝壽司：鵝肝外脆內軟質感綿密順滑，焦糖嘅甜味與鵝肝嘅鹹香完美配合， 令我忍唔住食完一件又一件。朋友好鍾意食呢度嘅咖哩大頭蝦， 咖哩醬汁濃郁 夠辣夠香， 大大隻肉質鮮甜爽彈。川味燒鮮蠔：即叫即燒，上到枱熱辣辣脹卜卜，加上特制蒜蓉調味， 先甜惹味香氣四溢。佢哋嘅甜品都好出色， 每款都細細件可以試多款唔同口味 ，馬卡龍外脆內軟甜絲絲， 焦糖燉蛋質感絲滑甜而不膩。雪糕仲有我最愛嘅häagen-dazs添，雪糕我都食咗兩杯， 超滿足。
繼續閱讀
午市同朋友黎食飯，多樣化選擇，午市時段，食客眾多，記得訂位‼️‼️唔記得訂位去到排隊都可以，但係要早啲去喎。-大喜屋招牌刺身壽司，刺身甜蝦大大隻，食十隻八隻都冇負擔，有新鮮有鮮甜。仲有壽司🍣都好正-新菜式，避風塘炒蟹，用新鮮蟹去炒，加上炸蒜辣椒10分惹味，眼見每台食客都有一碟。-咖喱大頭蝦，有泰國咖喱嘅風味，大頭蝦係用新鮮嘅大頭蝦去煮，大頭蝦肉質鮮甜蝦頭仲有蝦膏添。-焦糖牛奶鵝肝壽司，壽X郎同款，壽X郎一件買$17，依度大喜屋可以任食啊，更咪要食多幾件啦。-仲有大大件鵝肝多士，超肥美，鵝肝味超香。-皇牌炸乳鴿，都係超好食！外脆又多汁😋-牛油煮大蜆，好香濃😋海鮮味又夠！牛油湯又夠滑-香菇炆鮑魚，呢個菜式其實喺屋企都有食！黎到呢度梗係要試吓大廚嘅味道！好味--甜品櫃仲有大量大福，做飯後甜品，雪糕櫃又有大量雪糕任君選擇。
繼續閱讀
您可能會有興趣的...