大和堂咖啡店

營業中

休息中

星期日早上11點到餐廳，不用排隊餐廳會為客人量體溫，及提供紙袋放口罩Order 了全日早餐（素）、黑松露炒蛋潛艇、latte、americano 說實話食物味道還好，但估計對男生而言份量應該不足夠而咖啡則是連鎖店質素但整體服務算不俗，裝修也很好

🔸雞蛋仔與雞 Chicken and Egg好特別嘅菜式 炸雞酸酸甜甜 好食😋 雞蛋仔不過不失 適合想食light snacks又鍾意打下卡的朋友仔📸.🔸卡邦尼扁意粉 Linguine Cabonara意粉好creamy 又唔會太膩 唔錯👍🏻.外觀好特別的coffee shop 環境好適合同朋友坐低吹水傾計 又有得打下卡影下相 值得一試😊😊

大和堂咖啡店想試好耐架啦！九龍城十分多咖啡店，所以今日先試到佢！行過見到都好有特色，因為佢以前係中藥行，而家就係做咖啡店門口有好多人排隊入去，外賣就入去買就得架啦！下次都想試試佢既野食！今次就淨係飲左咖啡～一入門口都俾咖啡師後面既櫃吸引到！今次係叫左Iced hazelnut latte ！latte 黎講，佢既咖啡都重味，可能係加左hazelnut 所以都真係有啲啲甜！但係係好飲既latte！！！！下次要試下其他咖啡先得！

早排有一晚喺九龍城食完飯，大約8點幾，想去呢間店飲杯咖啡，點知店員話最低消費每人$90。我哋2個人已經食飽左飯，又食唔落野，淨係飲杯野點嗌到每人$90？而且你作為一間咖啡店，點解唔可以比人飲咖啡？一定要人食野？唔食野點嗌到$90？當時成間店內只得一枱客，但都要限死最低每人$90，真係好不近人情。之前已經見過好多評論話呢間野服務質素差，真係估唔到咁誇張。

平日tea time都要等位 有用餐時間可能疫情期間多左人放假牛油果多士 $88 真係細份左少少 味道亦不見突出我杯flat white 咖啡香味吾濃 另左仲點左個窩夫 但我地都係覺得一般 質地偏乾身 放耐左就仲硬 另外個朱古力醬同草莓醬亦都冇令窩夫加分 我朋友杯焦糖咖啡就仲淡 如果啲冰係咖啡冰可能會好啲？成間野最期待最加分既原來係裏面既歷史執業照 百子櫃 牌匾 及抹不走的歷史

一間由歷史悠久嘅藥材鋪改建而成嘅港式懷舊cafe保留左舊藥房嘅特色 例如百子櫃同埋牌匾 好特別👀樓底好高 幾有古色古香感覺.🔸Linguine Carbonara意粉好creamy 但又唔會太膩 芝士唔會過濃 味道不錯適合唔鍾意重口味嘅人.🔸Crab and Avocado Salad望落去 salad個樣平平無奇 眼見亦唔見有crab meat但原來已經暗藏左係沙律菜入面平時餐廳都會將材料鋪面 大家影相就會更上鏡但係大和堂係一早將配料同醬汁撈好 然後先上碟 食落每一啖都好夠味👅沙律菜亦食得出係靚野 好甜！雖然影相出嚟有啲失色 但係味道就出奇地好食🤭 真係估佢唔到！如果avocado同crab meat份量可以多啲就更好🙆🏻‍♀️.🔸Tai Wo Tang Latte用左伯爵茶做茶底 加有少少蜜糖 飲落一啲都唔甜鮮奶幼滑 但咖啡味唔重 如果鍾意奶多啲嘅朋友應該會喜歡～🙆🏻‍♀️.🔸Rose Latte相反rose latte嘅味道就麻麻 飲第一啖已經覺得好甜同埋玫瑰味太重 完全搶哂咖啡香味🤔

去過幾次既百子櫃型格cafe，由百年中藥行翻新及改裝成咖啡室，今次食物同咖啡都進步了。🎈 All day breakfast💓 用咗鐵鍋裝住📸️兩隻太陽蛋🥳煙肉煎得岩岩好，茄汁焗豆、蕃茄、蘑菇😋薯仔粒😜兩塊toast好香脆😍🎈黑松露炒蛋潛艇😊 黑松露炒蛋黑份量好多， 一點都吝嗇😍😍配埋啲菇一齊炒，好配呀😝🎈Flat white☕️☕️咖啡香醇濃郁，質感較豐厚，重點係杯咖啡既溫度終於keep到，好感動呀，有進步💪💪💪如果唔限時或者可以座耐小小就好了👌

比百幾蚊食個素Egg Benedict 加杯咖啡要限時一小時！又唔係特別好食又細份！個蛋落太多醋，麵包皮脆過餅乾OpenRice又唔表明淨係比逗留一小時！山長水遠出到來嘢都未食完夠鐘即趕人走！食環境？除咗道藥櫃牆，其他嘢都無乜特別！仲有烏蠅仔飛飛下。

朋友介紹滿懷期待去呢間咁有風味既cafe 但係最尾極度失望而回整體黎講，裝修設計係冇得彈但係服務同食物.....先講講入座明白要等齊人入座既道理天氣熱，要排隊等位都無可奈何食得鹹魚抵得渴但係得60分鐘用餐有D離譜叫得黎，食完講已經冇時間仲趕過番工食晏 其實黎得coffee shop，都係想同朋友食吓嘢傾吓計野食方面，佢招牌咖啡，不過不失不過整體黎講佢既咖啡系列都係奶味蓋過咖啡味多一D鐘意咖啡味重既人未必欣賞叫左佢4樣野食1. 虎蝦pasta 同黑松露炒蛋潛艇味道不過不失，不過懷疑用既係咪虎蝦，因為睇起身個大細有D...(單純自己懷疑）2.雞蛋仔與雞雞蛋仔唔夠脆，個醋汁其實okay 好味同解油膩3. 三文魚多士味道就係正常三文魚多士既味，不過食到後面，見到條毛...最尾其我地一早叫左個蛋糕後上，諗住比個surprise 個壽星女點知侍應直接走左埋黎話我地用餐時間就黎夠鐘，我上埋個蛋糕比你地.....我真心希望係服務同食物上可以有D改善因為咁樣真係有d 哂左成個裝修同環境

作為一個懷舊控，成日會遊舊區～而九龍城就係我其中一個出沒蒲點～ 今次我就去咗有百年建築歷史嘅「大和堂」咖啡店！呢度位於九龍城衙前塱道，建於1920年，係典型嘅廣州騎樓式建築。「大和堂」前身係賣蔘茸中藥嘅藥行，經歷三代人，1940年，有「再世華佗」之稱嘅鍾伯明醫師開始係度主診，後來由長子鍾福明接手，直至2012年兩代醫師去世，由親戚改為藥材行，2017年正式結業，先輾轉活化成懷舊咖啡店。喺度飲咖啡，仿佛登上時光機，店內盡是古色古香嘅百子櫃、鐵閘及金漆牌匾，感受濃濃嘅老香港情懷。​喺食物方面，呢邊都提供好多中西合壁嘅美食～今次我order咗佢哋招牌牛肉漢堡、鴨肝菠蘿油同埋玫瑰鮮奶咖啡～呢度牛肉漢堡真心掂！先講吓個包皮，經過烤烘，包皮好酥脆，有點似豬仔包皮！內層搽滿牛油，好邪惡！❤️至於漢堡牛肉，紮實而厚，肉汁豐腴，同半熔芝士食，食時一口口幸福感😙而且呢邊薯條配我至愛嘅松露醬及茄汁，厚切啖啖肉，點醬汁食，正！（我仲追加多個松露醬呢！）😙至於最得意嘅食物，莫過於係大和堂菠蘿油！咪睇佢個樣同普通港式菠蘿油一樣，實際味道並唔平凡！外層係自家製牛油麵包，入面嘅「厚牛油」先係戲肉，係由桂花酒浸泡的鴨肝

咖啡出色最近跟朋友來了這裏喝咖啡，想不到在最近香港人都不想外出吃飯的氣氛下，這麼裏居然要排隊二十分鐘受歡迎程度可以看得出來！我點了：大和堂鮮奶咖啡：第二次喝，覺得這次比上一次好一點。鮮奶新鮮，咖啡香滑朱古力心太軟：分量、甜度剛好，朱古力流心不會變乾

一般假日都係要排隊，我今日去都不例外。我對佢嘅裝修感覺比 100分！首先門口好有情懷，然後入到去高高嘅樓底，加油以前中醫館嘅特色，同時間加入好多現代元素，看似簡單但有心思嘅設計， 形成獨特氣氛，十分有創意。Maintenence都做得好, 冷氣及座位適中😉，入到去感覺好舒服。只於食物比較簡單，味道不錯，但都冇什麼驚喜。 咖啡質素都幾好。 是以打卡and chill為主的一間餐廳，而整體服務質素還算不錯， 值得去下😊。

若然閣下太年輕，未必聽過或睇過「情牽百子櫃」這套劇。當年有風華正茂既余詩曼、氣質美人吳美珩，同埋官仔骨骨既郭俊安，但其實最吸睛的，反而係胡楓坐陣醫館的場景，古樸的裝潢，充滿年月班駁的百子櫃、金漆牌匾及鐵閘，活生生就似是回到19世紀的感覺。經歷了近百年曆史，終於從中醫界退下，但活化後，成了一間滿有特色的咖啡室。餐廳保留了大部位裝修，除了飲品外，亦提供小食。大和堂菠蘿油押上了店名，當然有獨到之處，充滿了香港情懷的迷你菠蘿包，結合了用桂花醬泡浸過的鴨肝，切成丁方，望落又真係有幾分似牛油，咬落陣陣油潤的感覺，帶桂花的甜美，邪惡到一個點，但又令人不期然愛上。煲仔小吃煲仔飯的魅力，大概是每到寒冬晚上，香港街頭巷尾，傳來令人食指大動的焦香。在替代米飯的炸米餅上，放滿了切碎的膶腸、臘腸、西班牙辣肉腸及Parma Ham，食落脆卜卜又有嚼口，其實真係好啱送酒。48小時慢煮牛面頰 用上slow cook手法，肉質是預期中的嫩滑，澆上的黑椒汁是用牛骨湯熬製，小小的一碟，卻是肯花功夫，作價$228，算是合理。咖喱和牛他他 和牛軟熟有嚼勁，咖喱好香口，舖在多士面一口咬落，辛辣香口，不錯。紅棗山楂芝士蛋糕

同一星期光顧了兩次閒日不用排隊星期六下午去大部分時間都十多人排隊每位客人入座前都要量體溫🤒️店員安排好入座後都是自己到櫃枱點餐·嘗一少口已經有濃濃earl grey味🥰鮮奶打得非常幼滑有埋靚靚拉花😳平時飲咖啡一定要加糖既我這杯不用加這款只有熱飲阿😚·雖然外表平平無奇但味道不錯少少咸帶點甜又冇蓋過咖啡味☺️·黑松露配炒蛋磨菇一向都是完美配搭另有少少蔥花香😋·巴馬臣芝士味道超濃喜歡芝士朋友必試意粉軟硬度亦適中·雖然店內沒有太多影相位大大的百年藥箱已吸引不少人而且食物質素亦高不妨一試😜

好耐好耐之前睇過雜誌介紹大和堂，知道係由歷史悠久嘅中藥舖變身而成，覺得幾有特色想試好耐。環境就幾舒服，樓底高感覺寛敞，播放中嘅流行歌曲襯托著古色古香嘅裝潢帶出強烈對比。Menu唔算很特別跟一般cafe差唔多，但總有幾款特色食品作為店舖招牌，我點咗”雞蛋仔與雞” 同mocha雞蛋仔無蛋香味又唔脆，個汁仲好醋帶酸，根本同個雞蛋仔好唔match，而炸雞因為唔熱油益味出晒嚟，如果改韓式炸雞會有誠意啲至於杯咖啡，一點咖啡餘香都無，連朱古力味都唔覺，只係得個甜，好失望如果只追求環境呢間都算滿分，但對食物真係唔好抱高期望