大和堂咖啡店

營業中

休息中

上網見到尼間野好特別就去左試下，去到好有驚喜，食物上都係出面比較少見的款式，係中西合璧，叫左個All Day Breakfast 同大和堂咖啡。All Day Breakfast 啲野係岸岩岩整好，可以揀要咩蛋，我就揀左隻蛋，好嫩滑，而且薯餅真係炸得岩岩好，好脆。之後再叫左個雞蛋仔與雞，炸雞炸得好脆卜卜，肉質都唔會好鞋，好好食，雞蛋仔就算放左一段時間先食，都係好脆，大和堂咖啡都好特別，咖啡上加左少量茶葉入去，飲落去個味道都好特別，咖啡味配合茶葉香味，口感絕對冇係其他地方試過。員工服務態度都好好，如果見到客人冇食哂，會禮貌問下客人係咪有咩地方唔滿意，會耐心傾下睇下食物會唔會有咩需要改進。有機會再黎👍🏼

之前係網上面見到呢間cafe 好有特色所以就有日假日走左去食lunch去到現場都大約兩點但仲係好多人排隊、雖然舖頭好細、但好彩好快有得入場我地本身想點其中一個特色野食、可惜當日冇得食、所以就點左個burger 同 all day。詳細叫咩名就唔記得啦！個burger 同all day 都幾好味、all day 個黑色多士平時好少係街食到、比較淡但就好香脆。如果鍾意食淡味小小既人就幾岩食、濃味怪就可能爭d啦。我地叫左兩杯野飲、粉紅色個杯好似係叫玫瑰鮮奶、另一杯好似叫綠茶鮮奶。雖然我地叫左少甜、但綠茶個杯我覺得好淡味但玫瑰鮮奶就飲到玫瑰香同甜味。如果兩杯黎講我會比較推薦飲玫瑰鮮奶啦雖然呢間係cafe..但感覺太多人幫襯所以都未必可以好舒服咁坐係度啖、同埋整體食物價錢都偏貴而且份量好細、如果胃口大既人就未必太適合去啦不過整體環境同食物味道我係幾鍾意既、如果人少返d既話、第日有機會會再去食PS. 因為後面有3個人等位所以店員想我地轉台俾兩個孖台後面入、我地都冇咩所謂就轉左台啦、但原來我地轉去另一張枱係執完枱之後就冇抺乾淨就俾左我地，所以服務方面我覺得呢下有d差

今日去左間幾特別的cafe佢係九龍城中藥店活化而成嘅Cafe~大和堂環境保留咗好多舊式擺設，仲有中醫館嘅標誌：百子櫃叫左個all day ,一杯啡 同特色甜品：紅棗山楂芝士餅本身仲想食埋雞蛋仔與雞，但係今日冇得賣，只好輕食咖啡同野食一般，甜品有驚喜 好養生😂

.大和堂咖啡店 📍九龍城衙前塱道24號地舖大和堂建於1920年代,前身為「大和堂蔘茸藥行」，後來活化成咖啡舖。咖啡店現時保留了舊中藥行的味道，翻身後成為具建築特色的建築物😍😍環境：🐣🐣🐣🐣🐣服務：🐣🐣🐣🐣🥚🌸秋風臘味意大利飯配磨菇清湯 $158味道：🐣🐣🐣🐣🐣呢個Risotto好好味😋個蘑菇湯味好濃好香😍😍Risotto既米咬落去都好有口感👍🏻👍🏻加上中式臘腸中西合璧既配搭，成個飯好香好特別🐣🌸麻辣蛋牛三文治🥪 $148味道：🐣🐣🐣🥚🥚三文治包底烘左底，好香好脆😍牛是6安士肉眼扒，好厚好大塊，肉汁鮮嫩😍😍個煎蛋🍳用牛油🧈煎過好香，不過個麻辣四川蛋黃醬真係好辣😂😂唔食得辣既朋友要考慮一下😂😂🌸大和堂鮮奶咖啡☕️ $48味道：🐣🐣🐣🥚🥚咖啡店將伯爵茶同鮮奶咖啡混合一起，都好香👍🏻👍🏻但我地就略嫌唔夠熱同咖啡味唔夠濃🥹🌸自家製黑糖鮮奶咖啡 （凍） $52味道：🐣🐣🐣🥚🥚咖啡都真係一般，咖啡味唔夠濃🥹黑糖都唔算好多，加上冰比較多，杯咖啡有啲淡🥹總結：餐廳裝修別緻，食物質素唔錯同賣相精緻，都值得一試。但份量較少，價錢亦偏貴，所以encore就唔會😂😂🐣

大和堂咖啡店 次次去開九龍城都見到大排長龍所以就去試吓啦😋😋見到其中都非常特別 保留G2000藥材舖嘅風味非常可愛1. 雞蛋仔與雞- 個雞蛋仔非常之脆 完全係做到外脆內軟嘅效果- 而西檸汁雞🍗都好好味道 食落佢唔係一味炸粉 雞肉比例都好多- 酸酸甜甜咁好開胃- 覺得兩款其實分開食或者係夾埋一齊食都完全冇問題- 不過食到後期有少少覺得膩- 最好同朋友一齊share2. 麻辣蛋牛治 配薯條🍟- 唔好睇少佢 食完好飽肚- 啲牛肉好juicy 而且好厚身 - 多士同蛋夾住個牛肉 好惹味 加埋啲蛋黃醬 絕對唔會太乾身- 鐘意麻辣既朋友絕對不可以錯過🥰3. Ice rose latte - 野飲就冇咩特別 但就有小小多冰😖味道：🌟🌟🌟🌟/5衛生：🌟🌟🌟🌟/5回頭率：🌟🌟🌟🌟/5

依日想搵啲特別少少嘅餐廳，所以就搵咗九龍城依間由中藥店活化做cafe嘅大和堂～☺️💙雞蛋仔與雞 （西檸汁）💙💵$118依個係cafe嘅其中一個signature dish，幾乎每枱都有叫～一上枱真係有少少俾佢個size嚇親😳上網睇相以為唔會好大份，但係其實份量真係唔少😂有成底雞蛋仔，都唔錯喎～做到外脆內軟，大概係一半蛋糕一半空氣，比例幾好☺️炸雞外皮好脆，唔算十分juicy但係唔會乾，加埋啲西檸汁都唔錯～私心幾鍾意啲糖漬檸檬😂😂💚傳統英式早餐💚💵$108依個正常質素啦～比較出色嘅係我覺得佢嘅茄汁焗豆幾好食😋唔似係一般嘅罐頭🤔不過佢個sourdough用咗油落去煎，個人覺得太過油🫢💛焙茶薑母拿鐵💛💵$44依個係期間限定嚟😳😳見佢幾特別，就試下～熱住飲嘅時候，薑母嘅味道比較出，似係薑母奶茶嘅味，到攤凍少少嘅時候，焙茶味就會出啲～我覺得都幾好飲，值得一試🥰🧡洋甘菊茶🧡💵$48正常質素，解膩度一流～💕overall💕本身以為依間可能只係打卡用cafe，但係食物質素其實都唔錯☺️想搵間特別少少嘅cafe嘅話都值得一試～不過要有要排隊嘅心理準備🥺

喺IG 見到好多人打卡，收藏咗一段時間，今日終於嚟試吓，估唔到平日1:30都要等位喎。- 選擇：食物選擇頗多，較為特別，可惜飲品冇乜突出嘢。- 服務：店員態度不錯👍🏻- 價錢：2樣食物+2杯咖啡=埋單$350，未必有下次- 環境：內部係藥材舖改裝，所以有好多舊式擺設，可惜係餐單方面做唔到有任何連繫。當佢係一間普通cafe食都可接受嘅。食物質素方面，飲品點咗Cafe Mocha & Chai Ginger Latte。兩款都不過不失，可惜溫度唔合格，室溫都沒有。雞蛋仔與雞，有驚喜😬估唔到西檸汁同雞蛋仔又幾夾喎👍🏻第一啖個雞蛋仔仲脆脆地，啲雞又啖啖肉，正呀💯Carbonara 份量太少，一個人食都未必夠，不過味道不錯👍🏻意粉口感al dente，煙肉大大舊，不過好咸🤐

😋味道：7.8/10🗣服務：7.5/10🏡環境：10/10✨🤩特色：10/10✨💵人均：$100-130💰性價比：7/10 👍🏻推薦度：7.5/10.🐼Bookmark左好耐嘅cafe😆大和堂cafe前身係一間歷史悠久嘅中藥舖 活化後變成咖啡店 但仍然保留好多懷舊嘅裝潢🎞例如門口嘅牌匾同鐵閘 仲有Bar後超搶眼嘅百子櫃😆除咗打卡位之外 呢度嘅食物一樣好有gimmick好啱打卡😋主打fusion菜 有部分係港式嘅代表~不過咁有gimmick嘅壞處就係超多人🥲平日下晝去都要等成個幾鐘。。食物方面就正正常常 但就唔太抵食 雖然係有特色 但係要等咁耐就唔太值🥺.（👍🏻為推薦）👍🏻🐤雞蛋仔與雞(可選薑汁糖漿或西檸汁) $118 (7.5/10)呢個都係店舖推介之一~雞蛋仔外脆內軟 蛋味香😋而且配西檸汁都幾夾 酸酸地幾清新冇咁膩☺️不過炸雞嘅炸皮偏厚 連埋雞蛋仔咁食有啲乾西檸汁再多啲就好😗👍🏻🥪麻辣蛋牛三文治 $168 (8.2/10)呢個汁係麻辣蛋黃醬 幾辣幾惹味 有驚喜🤩而且牛都不錯！厚厚一塊 肉味濃郁🥰再配上粒粒麻辣肉粒 味道頗多層次😌三文治炸得香脆不過唔太抵食🙈🌮火腿班尼迪蛋 $88 (7.

平時行過見到有人排隊，見今日無人排就入去點左杯espresso同芝麻蛋糕，首先杯espresso唔夠熱，飲第一啖就更加失望，可能個人口味問題，非常酸而且無香味，越飲就越酸件芝麻蛋糕就普普通通，好細件，賣差唔多$50就有d overpriced，唔夠芝麻味而且偏甜，失望！最後杯espresso真係飲唔落坐左一陣就走。espresso加埋件cake差不多$90，非常唔值。唯一可以讚嘅係有位staff幾有禮貌嘅

香港呢個地方充滿著人情味同歷史，但經歷政權/時代嘅變遷後，香港嘅自由都成了歷史。建築物也不例外，女神像，裕民坊等也被時代淘汰。但呢度有位牛津大學畢業生，為了保護本土文物，不想有更多嘅野成為回憶，就保留了大和堂😌。大和堂開業於1932年，經歷過三代人嘅經營😲，最終中藥行於2017年結業。現時咖啡店老闆出生於九龍城，小時有去過呢度睇中醫，喺英國畢業後回鄉見到呢度招租，又唔忍心見到被人拆毀呢個本土文物🥺，堅決租下舖位，裝修成為咖啡店，令更多人可以看到當日大和堂嘅樣貌🤩。 門口見到有金漆招牌，摺疊鐵閘，就連用黎磨藥材嘅木櫈都保留下來。座位上嘅牆壁有各種牌匾，百子櫃，連咖啡豆都用咗以前裝藥材嘅玻璃樽🤯。雖然用番d舊嘢，但入到去唔會覺得好唔自然，有一種舒適感。座位異常地少(大約只有七張二人枱)，所以真係要等得比較耐⏳。 大和堂其實我已經第二次到訪，佢嘅餐牌都有換過，而家就變咗個正常西餐餐牌，失去了之前吸引之處。食物中西合壁，最吸引人有雞蛋仔與雞，山渣蛋糕，菠蘿包鵝肝。如覺得鬼異嘅，可以食返全日早餐/意大利粉😍。 大和堂菠蘿油$78 Size係極之細小🤏🤏，一啖就已經食哂有餘。但78蚊就有一塊鵝肝，

bookmark咗好耐終於嚟到呢間中藥鋪有百子櫃嘅cafe..☕️latte🥞homemade pancake🍳腐竹糖水撻..pancake同咖啡正常發揮💁🏻‍♀️..腐竹糖水撻 見佢咁得意忍唔住要試😉真係有腐竹糖水味 仲要有埋薏米😮上面嘅蛋黃係檸檬🍋醬可以話真係還原腐竹糖水🤗但係真係好甜 好甜 好甜😧如果連撻同🍋醬一齊食 會好少少但overall都真係好甜…🤐..下次試試雞蛋仔與雞------👻回頭指數/Coming back?🍽食物/Food: 🔘🔘🔘⚪️⚪️📷環境/Ambience: 🔘🔘🔘🔘🔘🛎服務/Services: 🔘🔘🔘🔘🔘💸性價比/CP: 🔘🔘🔘🔘⚪️------🐶寵物友善/Pet-friendly:🏖室外用餐/Outdoor seating: ❌------

-好耐之前嚟過一次，Weekend明明已經預早到11點嚟排隊，都已經勁多人，嗰陣因為趕時間所以放棄咗繼續排，今次同樣時間再嚟，等咗一陣就入得，果然呢啲係睇運氣嘅😂-😋 早晨美式早餐 ($98)👉🏻 配料都幾豐富，有窩夫、腸仔、煙肉、薯仔同煎蛋👍🏻👉🏻薯仔係千層薯仔，竟然喺舊薯仔入面搵到一樣叫「層次」嘅嘢，食落去個口感好有層次，小驚喜😍👉🏻 另一樣想highlight嘅就係窩夫😛 好香脆，脆卜卜，配合埋蜜糖好香好好食😋😋👉🏻 呢度嘅All Day Breakfast仲有傳統英式早餐選擇，有興趣嘅大家可以試吓-😋 雞蛋仔與雞 ($118)👉🏻 呢個係呢間舖頭嘅signature，都係我想嚟食嘅主要原因，完全無失望😍😍👉🏻 雞蛋仔唔係香脆嗰隻，比較偏軟身，幾香蛋香味，配合埋個炸雞，係邪惡又滿足嘅選擇🤣👉🏻 不過略嫌雞件比較大舊，食起上嚟比較唔方便👉🏻 可以選擇搭配薑汁糖漿或者西檸汁-🙋🏻‍♀️ 其他說說👉🏻 呢度個裝修係好似中藥行咁，但係食啲嘢係西式，成件事好衝突，但係又好有新鮮感😂

本身好期待😚特登入九龍城食，舖頭有一種古典味💕好靚！但因為人太多，所以無得chill住食，所有食物非常一般，價錢都唔夲，煮咩都完咩都成陣油味，連咖啡都無乜特別🥲🥲🥲um…唔黎真係唔可惜.🍔大和堂芝士漢堡$168 (2/5)個包同薯條份量算細，個包皮好似油浸咁，食完成口油，個肉扒都唔juicy..🥲我咁講，mos burger set 仲正！😔.All day breakfast $118 (2/5) 繼續搵油黎浸個包同薯餅🙃個份量都唔算多，普普通通🧐唯一得個豆煮得幾好食！

經過無數次「大和堂」都未有光顧，原因朋友的不快經歷，今次決定親身試試《Egg Benedict + Rose Latte》Egg Benedict 賣相跟一般的不同，足見心思。流心蛋面再略略燒過，帶出一點焦香味道。荷蘭醬不會過稀或過濃，個人比較欣賞特別調味的菠菜醬，帶一點點酸味，配搭起來非常清新。 Rose Latte 也不錯，呷一口有淡淡的玫瑰香，不太濃卻足夠帶出花香及奶滑。《English Full Breakfast + Flat White》All day Breakfast 分美式及英式，今次選擇了英式，以鐵鑊奉上，感覺熱辣辣又很有鄉村風味，材料都是大路，但每一款烹調及選材都有心思，如茄汁焗豆有稍微烹煮，雞肉腸也特別選用配有香草味較濃的款式。至於咖啡，咖啡底香濃不錯。整體而言，不論裝修及食物都有特色，難怪在cafe店林立的九龍城仍佔一席位。

打卡cafe，本身無期望，價位係soho價，咖啡叫左dirty，做吾到dirty效果，蛋糕款式好特別，山楂莓，賣相都靚，打卡一流。內裡係一間舊式藥材鋪，有百子框，保留大部分裝修，都可以去打次卡既