大和堂咖啡店

營業中

休息中

比佢嘅裝修吸引住，係附近做野即刻黎打打卡！係門口已經有好多人排隊，係門口放左幾張高腳凳，有大玻璃可以睇到咖啡師沖調飲品。裡面是中藥舖嘅裝修格局，有着一個中式大牌匾，又有百子櫃做裝飾，非常有中式設計嘅味道。店員安排好座位俾我之後，睇完餐牌要自己出去收銀處位排隊俾錢，再話俾佢知你坐嘅位置安排送餐。~~~~~~~~~~~~~~~~~~~~~~🔷雞蛋仔與雞 配檸檬汁一個幾特別嘅配搭，一個港式小食配搭一個港式小菜，又估唔到咁夾喎，兩個都係外脆內軟嘅食物。美中不足嘅係兩樣嘢食本身都炸得比較乾身，個汁又比較少，分開淋上野食度，令到食起上嚟有啲乾。🔷 班尼迪蛋 Egg Benedict 水波蛋有流心的效果，荷蘭汁跟酸忌廉的味道夾得岩岩好！而菠菜煮得好淋，舖係底層的無酵母多士也keep 得住是脆脆的。份量看似細小，但吃完覺得很飽架！2個女仔叫2樣野食一定夠食呀🔷自家製黑糖青檸湯力朝早已經飲左咖啡，所以揀左杯其他飲品試試！ 我見好多人都揀咖啡，又估唔到呢杯飲品做得幾出色。原本以為黑糖會好甜，溝左係青檸嘅酸，中和左黑糖嘅甜。另外配埋有汽嘅tonic, 令到成杯飲品更加fresh! 唔飲咖啡，呢杯飲品都係唔錯

門口到入邊裝修都別有心思不過等候時間實在太耐 又唔可以行開前面兩張枱等緊，諗住應該唔係太耐啦點知都等咗足足一個鐘 (三點等到四點有多)咖啡就不過不失啦 1. 早晨美式早餐同埋佢Menu上面嘅比起上嚟 圖文相符 亦都冇驚喜當時我都係肚餓, 但都覺得好昔通2. 雞蛋你與雞見到咁多人嗌一定係王牌啦一個就真係好失望😭😭😭根本就成碟野都係overcook 個雞真係好硬好鞋好乾 食到上顎有少少損損地個雞蛋仔真係脆到不得了 係overcook果隻脆到好乾 個皮好厚其實老老實實 一間cafe環境已經好加分就算嘢食普普通通都覺得可以 但係今次真係好失望 而且仲要排隊排咗好耐各方面都可以安排到再好啲囉PS: openrice 上的價錢已經唔同晒, 成個MENU 都加左價而且仲要無左CHURROS , 我係為左佢而發現呢一間餐廳, 但點知無左

已經在2:30pm 后先到，排隊時前面只有3 個人，但足足排左45mins。一入去坐低發現張枱好污糟，有食物殘渣。我地叫咗好耐先有人過嚟抹走態度超差。之後自己去拿水，因為係自助的，發現個杯又有食物殘渣，好5衛生。叫菠蘿包冇菠蘿包叫鹹牛治又話無，叫乜無乜,又無預先講。叫熱咖啡，但上枱時已經凍左，上雞就夠熱同脆脆地，但雞旦仔就凍曬。總括來講食物一般；服務非常差；價錢偏貴；等得太耐，浪費時間。不會再去！！！

屯馬綫的開通著實予無數市民方便，趁著悠長假期後的閒日，專程來到這間聞名已久既活化cafe. 店舖面積比我預期細好多，坐得有點迫，可能睇得古裝劇多，以為古代藥鋪會好寛敞，所以即使是閒日，也要有排隊既心理準備。全店採用自行下單模式，服務員會負責奉上食物飲品。我點了一杯Dirty, 沒想像中的好飲，只可說可以吧！食物方面，點了傳統all day breakfast及極多人點的雞蛋仔與雞，前者正常，不過薯餅炸得不錯！後者就是打卡菜吧！但炸雞實在太乾太鞋太硬，所以兩個人要食曬都幾辛苦，點前要三思。

大和堂入面嘅設計好特別，好似舊式藥房咁😍食完上網睇返先知原來以前真係中醫館，近年活化咗，啱哂打卡😗▪️雞蛋仔與雞($98)見到呢個菜式就諗起喺美國間唔中就會食嘅 Chicken and Waffles😎不過呢個就係香港版，變咗雞蛋仔😂特別之餘都好食㗎！雞蛋仔外面脆卜卜，入面鬆軟，炸雞肉嫩滑😋配埋酸酸甜甜嘅檸檬醬都幾夾🍋▪️蕃茄薯仔蜆扁意粉($148)個人嚟講幾鍾意呢個意粉~意粉煮得啱啱好，彈牙有咬口，唔會話好稔😌蜆肉同蕃茄鮮甜，仲有少少炸薯仔粒，整體一啲都唔膩😙▪️麻辣蛋牛三文治($148)因為我唔食得辣，所以只係試咗好少😉剩係可以講，佢真係麻辣㗎，連薯條本身都有小小辣😂牛肉嘅部分都幾好食，唔會韌，鍾意食辣嘅不妨一試😜▪️自家製黑糖青檸湯力($48)專試特別嘢嘅我見到呢杯飲品當然唔會錯過😌今次好彩冇中伏😂係可以想像到有黑糖嘅甜味加青檸味嘅有氣飲品，加埋冇話特別夾好好飲，但係又唔係伏咁😙P.S. Weekend兩點去到都已經要排隊，大家唔想排嘅可能要平日去🤣同埋繁忙時段剩係可以坐75分鐘😉

一間九龍城出名用中藥櫃做主題既cafe 星期六日永遠爆滿加排隊超過一個鍾，又要唔俾拎飛，一定要外面等，最好就係閒日星一至五黎比較好 ，今日黎左食早餐，唔多人排隊就衝左份黎！美式早餐$88 +太和堂鮮奶咖啡$48早餐包括熱香餅、瑞士薯餅、豬肉腸、煙肉、雞蛋兩件pancake 熱辣辣新鮮做出，有保證，加埋牛油即時溶化，加埋糖漿，夠哂滑，好味😋一隻太陽蛋、三塊煙肉、一條德國腸，夠哂豐富，夠哂熱量 太和頭鮮奶咖啡即係鮮奶咖啡加伯爵茶，中間有個心心既拼圖花

九龍城一家充滿懷舊風的文青咖啡廳☺️店舖前身是老中藥店店內保留了大部分的老店裝潢擺設拍照超有感覺!!-◾️#大和堂熱狗 HKD$98熱狗上滿滿的料和芝士超吸引的😍麵包有烤過外皮微脆還帶有牛油的香☺️豬肉腸是脆皮的有黑椒味不會很咸肉醬很香蕃茄 微酸的開胃解膩加上水牛芝士整個超豐富‼️還配有炸粗薯條跟番茄醬-◾️#大和堂肉醬扁意粉HKD$138跟熱狗上的肉醬是一樣的他們的肉醬比較不會水水的料比醬汁多👍🏻扁意粉的軟硬度很適中看上去份量不多 但吃起來剛好-◾️#鮮果雪糕窩夫HKD$88窩夫外脆內軟暖暖的味道比較淡配有香蕉和草莓焦糖雪糕味道有點怪🥲-◾️#熱榛子咖啡 HKD$44◾️#凍朱古力咖啡HKD$48-(各項滿分為5分)餐飲分數: 🌕🌕🌕🌗🌑環境分數: 🌕🌕🌕🌕🌑服務分數: 🌕🌕🌕🌕🌑價錢分數: 🌕🌕🌗🌑🌑回頭分數: 🌕🌕🌕🌑🌑-#大和堂咖啡店 📍九龍城衙前塱道24號地舖📞 2623 2006🕐 08:00-18:00

九龍城一向都係有好多活化舊建築物既餐廳，自從係附近返工之後，都多左探索呢個社區。今日我去左大和堂— 由藥材舖活化成餐廳既地方食個brunch~鋪外同室內設計都保留左昔日藥材舖既陳設：百子櫃、牌匾、紀念牌匾等等食物方面亦好有特色🐔雞蛋仔與雞顧名思義，係鷄蛋仔同炸雞，有得揀薑汁或西檸汁，我地叫左西檸汁～炸雞用左雞排，炸得好香脆，而鷄蛋仔都外脆內軟，又鹹又甜好特別！🥚Egg benedict呢個好出色，有別於一般用鬆餅，佢用左多士做底，煎得好香脆~上面鋪左酸忌廉菠菜 好醒胃！再加埋火腿，水波蛋同荷蘭醬，出色！🍝卡邦尼意粉正常發揮～意粉夠al dente~厚切煙肉值得加分！☕️自家製黑糖鮮奶咖啡咖啡味濃，加埋黑糖鮮奶，好香滑～🍫凍朱古力好濃厚既朱古力，正！好似入左時光隧道，係舊式藥材鋪嘆咖啡☕️

要數九龍城舊舖新裝的咖啡店，前身為藥行的大和堂可算是其中的表表者。當年的百子櫃，現今依然完整保留，多種餐點亦以本土元素作發想，例如以「茶走」作概念的「啡走」，即以煉奶代替牛奶製作咖啡，成品自帶煉奶獨有的濃郁和香甜。另一特色小吃大和堂菠蘿油，將菠蘿油常用的原件牛油換上鴨肝，油香程度頓時培增，即使只是手掌心的大小，也令人感受到滿滿的邪惡感。

大和堂咖啡店 九龍城又一間用舊式建築物改建嘅Cafe，兩代中醫之後轉為藥材舖，到最後荒廢過嚟，有心人改建成為Cafe，但仍然保留佢嘅金漆招牌，百子櫃，門口大閘，同埋一啲舊家具，舊照片⋯⋯好有味道嘅環境，入去之後，佢哋都好主動好熱心咁介紹Cafe嘅來由，當日去食早餐，佢哋冇set嘅breakfast，需要分開order，最初價錢望落唔算好貴，不過當見到賣相再加上食埋落去，就覺得價錢偏高1. 熱香餅配藍梅醬 $88- 講真見到賣相已經大打折扣，食埋之後真係覺得需要改善，佢係傳統熱香餅，但係佢煎到好實，真係M記好食過佢😣2. 早晨美式早餐 $88- 多油，味道好一般3. Americano $384. Cappuccino $42- 咖啡係OK嘅總括來講，想感受下舊式中醫舖嘅氣氛，不妨嚟試一試，自己就應該未必會再去

西式的cafe食cake就試得多，港式雞蛋仔配咖啡又真係冇試過。雞蛋仔好脆好香，配炸雞另一番風味。要支持下港色特色小店，裝修都好靚，港色下午茶都可以打卡，我會再黎。

9月10 暴風雨前夕的大晴天屯馬線開通，促成「週六獨遊九龍城咖啡探險之旅」今次介紹一間光顧了三次而依然未有改善空間的咖啡店「極品」表表者是日餐點：手沖咖啡素吞拿魚雞蛋多士重點地解說三次光顧後的不愉快用膳經歷（10大要點）注意⚠️我絕無向任何店員發洩自己的愁緒或怒火‼️⚠️1. 店員以傲慢的接待方式為我帶位，天氣炎熱的情況下，店內空調有令人有步入冰箱的感覺（體貼？）咖啡最敏感的關鍵因素：溫度（值得留意！）2. 可幸終於有新餐單上線，設計精美，感覺選擇比2020年多，早餐選擇亦不少店員還可以解答我對新菜式的疑惑、手沖咖啡的偏好，下單時面對面當面要求了「希望手沖咖啡先上，餐點可以慢慢後上，另外，酸種麵包微烘，唔好過份烤焗至硬身，唔該！」3. 店內太冷，店員都應要求先上一杯暖水然後多士已在十分鐘內送到我面前但依然未見咖啡送上在空調極度充足的情況下，我唯有先為多士打卡未進食經已預期將會享用一份冷凍多士4. 為多士打卡期間，意外發現多士與相片及文字描述有極嚴重的不符正想向剛才的店員查問時，發現該店員正忙於為我沖咖啡，耐心等候的期間，有一店員準備更衣上班，此店員尚算機敏地關注我「請問多士點解無烤紅洋蔥？」

屯馬開通真的很興奮 佢既開通令我地搵食既道路都一齊開通埋！平時我地最多米去下旺角尖沙咀 或者番放工既地方食好東西但係屯馬開通之後 佢有宋王臺土瓜環呢啲美食地方！仲唔係搵食好時機！我地基本上無特別去過九龍城搵食 所以今次就由一係網站搜尋就會出現既「大和堂」開始！首先講講少少環境 原身係藥材鋪既佢 保留左唔少特色 百子櫃 鐵閘 招牌 全部都相當吸晴食物都唔簡單！我地叫左兩個主菜兩杯飲品！就先講講飲品 去到藥材鋪就不經意咁養生左少少叫左一杯熱既玫瑰鮮奶咖啡同熱既玫瑰鮮奶玫瑰鮮奶咖啡⭐️⭐️⭐️⭐️相當唔錯 甜度適中 三種味道有層次但相當夾得黎而另外一杯玫瑰鮮奶⭐️⭐️⭐️就岩唔想要咖啡因既你 但相對有啲甜 如果下次有機會再試 試下問下可唔可以少甜先🤣 雞蛋仔與雞 ⭐️⭐️⭐️⭐都算係相信特別既配答 佢有得揀薑汁或者檸檬汁 一時醒唔起雞配薑蓉都可以唔錯 所以揀左檸檬汁 變成西檸炸雞與西檸汁雞蛋仔！萬萬都估唔到 係夾架！佢雞蛋仔相對脆同乾身 變相兩樣野都好乾身 加少少掛汁 唔會好膩 美中不足係汁有啲少 食到雪藏雞既味道(雖然我知一定用雪藏雞 但大家都知出面大部分都係用雪藏雞 咁點解個啲又無雪藏味呀🤣)意大利香蒜青醬

前幾次假期經過大和堂都太多人排隊等位。終於今早九點去咗試吓囉今次點了American breakfast 😂，同一set All day breakfast ；另加一杯cafe latte 和瓶裝果汁American breakfast 送到過嚟都只係覺得微暖而且份量好一般 煎蛋竟然燶底同有怪味（可能冇徹底清潔個Pan)至於all day breakfast 就比較熱（我指個pan🤣🤣🤣) 薯餅散晒同佈滿炸油 煙肉亦非常一般嘅貨色 煎蛋同樣燶底有𤓓味至於cafe latte 可跟麥記同級！但佢收double😢😢😢整體來講只係普通快餐店水準伍收三四星價錢 更另人驚奇的疫情期間兩位站在cafe station 的員工竟然褪下口罩在吹水😡😡😡😡

一睇就被佢裝修吸引，好有特色，餐牌啲嘢食都幾fusion😍每樣都好好食，特別係個炸雞☺️大和堂菠蘿油 $78用鵝肝製成牛油，配埋脆口嘅菠蘿包食，不得了🤩🤩🤩🤩🤩雞蛋仔與雞 $98香濃蛋香😋薑味楓糖漿好有特色👍🏻👍🏻👍🏻炸雞最好食，超脆！加上糖漿，沾埋一齊食，配搭得非常好👍🏻👍🏻👍🏻👍🏻👍🏻👍🏻麻辣M5和牛漢堡 $128薯寶配麻辣蛋黃醬，配搭幾惹味😋大和堂鮮奶咖啡 $48