大勝軒丸一 (已結業)

大勝軒在日本享負盛名, 非常出名, 又是下午經過, 拉麵達人又要出動了咖喱沾麵? 哇好不特別, 本來我有些卻步, 但見大勝軒之名, 沒關係試就試!咖喱沾麵有很多很多的生洋蔥, 叉燒切成粒, 咖喱跟什麼也很夾, 沾汁是少辣加點甜的日式咖喱汁, 雖然濃但有點普通, 沾麵很粗, 麵亦是質Q彈, 不錯的口感生洋蔥令碗沾麵有點印度感, 又叉燒本身切成粒想不到效果也是不錯, 有一點點五花腩的感覺餃子是非常一般的家庭式餃子, 皮薄但餡料不算多, 中間有點空, 煎出來的感覺也不夠香口, 一般吧

做完gym經過見到難得未閂舖，就入去試吓拉麵啦今日！見今日涼涼地,食咗碗魚介湯沾麵首先試一試個湯，佢係用個石鍋裝住的，所以好夠熱，而且個湯好濃，配沾麵食其實好好的，因為啲湯會好輕易咁掛住左係啲麵上面，食落就會條條都好夠味道個面底都OK ,好彈牙，唯一可惜嘅係個面冇糖心蛋跟，要另外加錢，但係份量就可以揀加大，唔使加錢的，大食仔啱晒塊叉燒就不過不失，比較肥食完之後可以要求店員加水飲埋啲湯佢，但其實個湯加左水都仲係好鹹，飲咗少少就放棄了

去完黃埔行街，見呢幾年呢區都開佐幾間拉面店就決定搵間試下。最後決定去美食廣場個邊既大勝軒。其實香港真係幾多拉面店，而唔小質素都唔差，但沾面的就唔多，而大勝軒算係其中一間元祖級專業既沾面店。而發現好多人好唔太了解沾面，導致好多負評，特別係碗面唔夠熱呢個問題，其實呢個反而係其中一個沾面特式，因為面條係煮完再用冷水過，咁樣大助保持面質同味道。講返大勝軒，今日入黎唔算多人，即刻有位坐，鐘意食拉面店主要原因係服務幾好，環境又舒服(起碼我食過大部份都係)。我地叫佐個特制沾面同一個拖羅叉燒沾面，等候時間都唔算長，大概5-10分鐘左右啦。先講講個特制拉面，分量都幾足，厚切叉燒，大大塊有口感又唔鞋口，湯汁非常濃郁，溏心蛋恰到好處，有流心。而面條質素都好好，入口的嚼勁，仲保留小麥味道，沾上湯汁味道一流，而由熱變凍呢個過程亦體會到味道變化個種層次感，算係高水準。朋友都相當鐘意佢份拖羅叉燒，話肥瘦比例適中，佢係終極拉面FANS (指有湯個種，而不是沾面)，但佢話佢都好鐘意呢個沾面，所以算係幾欣慰，因為係我建議黎呢到食。佢話佢都會再試多D 沾面而唔係獨沽一味食拉面WOR。

紅磡多好嘢食就係人都知， 份量唔太貴，又有風味，偶爾行過黃埔，都會見到呢間舖頭門口排著人龍，門口大大個木招牌，充滿日本風味，今次見人龍唔長，一於去試下。大勝軒主打既係沾面，在場客人十個有八個都係嗌沾麵，點可以唔跟機試下呢。見到餐牌上極力推薦沾麵要叫冷麵，因為一冷一熱咁樣比較有衝擊，而且面亦都會更加掛湯。蔥沾麵所採用嘅蔥係京蔥絲 而且都係蔥白嘅位置 除咗比較香口，亦比較硬身有口感，師傅將蔥切成絲後，有雪過，令蔥絲比較凍， 配埋麵食，好有衝擊。 不過由於用嘅係蔥白，會有少少蔥嘅辣味，鍾意食蔥嘅朋友係非常之啱胃口， 但當然食完會有一陣蔥味長留喺口腔，會有少少口氣，食完飯約咗朋友嘅人要注意lu。而麵身方面，嗌咗偏粗既太麵，比較有粗飽感， 而麵雪過之後， 亦都非常彈牙，一條一條咁樣擺落熱湯入面，可以同時感享受到湯汁既味道，除左索湯之外，建議將蔥、麵、湯一啖咁樣擺入口，可以一次過食曬三種口味，一冷一熱，非常醒神。唯一唔可取嘅地方係麵水多咗少少，令到碗底有啲水，底下嘅麵會比較濕。而湯汁方面係豬骨味噌， 口味偏重，配起沾麵上嚟十分香濃， 同時亦比較稠身，建議食完麵之後可以加少少木魚湯，飲埋個湯底又係

已經黎過好幾次，但朋友C話掛住，好想再食，咁我當然奉陪啦大約7點鐘黎到，入座大約八成滿，我地一行四人安排坐卡位，如果係一人黎既話坐吧枱都係一個唔錯既選擇。我呢個溏心蛋控，一見到特製沾麵有溏心蛋，就決意嗌佢！沾麵個醬唔杰身，配上大葱、筍同日式魚蛋，味道都夠濃，沾上麵食岩岩好，啲麵又唔會太硬身但有質感，不過我個人鍾意食重口味啲，所以加左啲辣油同生蒜落個醬度，等佢再出味啲而叉燒同溏心蛋都好味，溏心蛋真係無得輸本身食完麵可以加湯落個醬度飲埋佢或者加白飯食，但食完個麵都好夠，所以無再加湯~另外叫左小食炸雞球同煎餃子，雞球外皮炸得好香口，但裡面既肉都仲係好嫩滑，唔錯~~~而煎餃子就普普通通，無乜特別。我個人就覺得呢間沾麵係我食過既店鋪算中上水準，唔係人地講得咁差，服務都可以，所以會繼續幫襯

第一次，來到這日式拉麵店食叉燒炒飯，味道真的唔錯啊！叉燒炒飯併餃子，這個配搭真的不錯！又燒炒飯味道好好味呀⋯⋯粒粒叉燒又有口感，餃子仲好熱熱的令我有再次來臨的回憶；但今次再來品嚐拉麵及炒飯，真的難食到嘔啊!令我下定決心不會再來此店及此連鎖加盟拉麵食的！我今次跟朋友食了叉燒炒飯併餃子，魷魚鹽辛，嘩，魷魚🦑鹽辛難食到不得不寫下感受，喊到苦、簡直想嘔！餃子又凍，叉燒炒飯又無叉燒，又無味道的！服務態度又越來越差第一次來的時候，還有禮貌的，現在簡單趕客的！我有禮貌地問服務員味道真的很難入口！他的回應只說一直都是這樣的，無咩問題，仲要話十幾年都係咁，鹽辛呀嗎⋯⋯更係喊啦！又無再理會我們，又不打算退換其他食物，不停只重覆喊係正常，又唔會來嘗試一下，唉！真的不知所措、都唔知點做生意、如何做好間拉麵店！食過今次的，我從此不會再食這連鎖式拉麵再過來了，真的令我十分不滿意，我一直對食物都不講究的，正所謂，好又一餐，唔好又一餐！但我對呢間店的服務人員態度真的好差，好不滿意，對客人說話內容、對客人又好不耐煩的！

呢間沾麵鋪第一次聽是太古排勁長龍隊 經過幾次都要等就冇去食嘅衝動最近同事講開紅磡其實都有間 所以一行7人去食可選正常麵量(200g)/多麵(500g) 一樣價！我揀咗正常～麵可以揀涼/暖 我揀咗涼～好多種湯底 揀咗辛辣咪推介味留意：每個湯底都唔同價錢 我食呢個$70另加拖羅叉燒$15 溫泉蛋$12另外叫左$30 5隻煎餃Lunch time嚟講上菜時間算快不過的確有點失望.....個湯唔係熱辣辣...再加上的揀咗涼麵成個麵食得好冇癮 如果是正宗沾麵 必定是麵涼湯熱 我同waitress講可唔可以加熱個湯 叮熱都好啦不過佢唔理我.......成餐最好可能係熱嘅煎餃試一次夠了....天氣凍 都係食返熱嘢吧.......

因為喺附近返工既關係，去過呢間舖頭食過幾次lunch，間舖每次lunch time都係滿座，食完都無趕住要你埋單，侍應服務態度都可以。講返食物先，麵底有正常份量(200g)同加大份量(250g) 俾你揀，加大份量係唔駛加錢架，所以每次都可以食到好飽。湯底濃郁，夠熱，有一塊燒過既半肥瘦叉燒、一片鳴門卷、蔥同筍干，麵既質地煙韌野菜份量多，師傅略略炒過，爽口，湯底唔算濃，有兩舊叉燒粒叉燒炒飯拼煎餃子 ($48) 無映到相，因為油到無朋友，係我錯啦，去專門食拉麵/沾麵既舖頭係唔應該食炒飯架…好彩個餃子正常。

即便味道再好，名聲再盛，也很難接受這樣的服務。店裡廚師連湯中的湯粉都懶得攪開，侍者態度更是極度惡劣。與朋友同去，分開兩張紙落單，店家先是上錯食物，又是將兩人的點單弄混，最終因其失誤而態度粗魯地要求客人必須為沒有點過的食物付款，言語間不乏飽含敵意的暗示。在找出落單紙前，店員不斷謊稱客人點單失誤，更宣稱客人應該為得到的食物與點單紙上的不同而負責，到最後也仍語氣輕蔑。當時店中並無多少客人，侍者多過食客，想想也可以明白原因了。如果真想吃到原汁原味的日式拉麵，倒不如規劃假期去島國旅遊，沒必要在這種狹窄昏暗的小店里忍受竄到飛起的服務生、為隨便亂上的食物買單。

今日興起想食沾麵，經過附近見到有間食拉麵嘅鋪頭就行咗入去。就咁睇鋪面裝修十分日式諗住唔會差啦。入到去嘅時候店員就俾咗餐牌我哋睇，入面嘅種類都算多有唔同味道嘅沾麵食，之後我就揀咗店員推介嘅特製沾麵，同行嘅友人就揀咗新出嘅黑蒜油味。沾麵就可以免費加面同埋有暖同微冷嘅面可以俾你揀。之後我哋就揀咗微冷既面。食嗰陣味算繁忙時間，所以得我哋一兩圍枱，可以落左單之後好快就有得食。特製嘅沾麵多咗3塊叉燒同埋一隻蛋，燒過叉燒食落去無味，亦都好un, 好彩溏心蛋夠味，算合格。沾麵汁偏稀令到拉麵掛唔到湯，拉麵亦太過淋，無乜咬口。十分失望黑蒜油湯汁充滿黑蒜油嘅味道，食落去好香口，覺得出色個原味，可惜一碗沾麵得三粒叉燒丁，好似食緊成碗齊面咁。總括來講沾麵太淋，叉燒太乾，個湯亦太稀，唔抵食，十分失望的一餐

味道太苦澀 無哂日本拉麵該有既咸香 樣就好睇 食落似麵質1664或廿四味 唔收貨環境太悶焗 食到標哂汗 唔係食係辣野辣到標汗果種 係冷氣唔夠通風又唔掂果種我食既係湯麵 但湯底都太濃漿 大男人食半碗多D都頂肚 麵又太過粗身 可能我唔識欣賞比我感覺想食粉麵既 同區越泰日台式大把好過佢

以前去過無咩問題，見耐無去又試下咁囉，上次去到剛剛排到我無位，個職員態度唔太友善咁指我出門口右邊等位，唔知真係以為我打左人尖定得罪左間拉麵鋪，果次當堂走啦，見佢旺唔等啦，尼排見隔得耐口痕想食拉麵又膽粗粗去試，點知真係去兩次閙兩次，基本服務差到不知所謂，多謝又無句，起身埋單喝狗咁叫你坐低，柸冰烏龍甜既（以前飲過唔係甜既），塊嗚門魚蛋粉到怪怪地，埋單一百零六，我當時真係以為自己窮得滯定唔知個樣生得衰，我比低百二蚊先走，感覺似唔憂做既一間鋪，抱歉！再好食都假，唔去都罷！

The waiter was incredibly rude. My friends and I arrived at the restaurant and was asked to wait. Half an hour later, I went to asked him how much longer it may take. He literally pushed me out onto the street. He has no manner at all. So we left. I will never come back to the place and won't recommend it to anyone.

由大勝軒創辦人有沾麵之父之稱山岸 一雄的徒弟開的大勝軒丸一，聽完好似好吸引，於是一於去試吓是否真的與日本店的一樣。向來喜歡吃沾麵，特別是魚介味的沾麵，因為不太喜歡豬骨湯的濃郁豬骨麵，所以來到出名食沾麵的拉麵店當然選擇沾麵啦！這裡的沾麵有成十款，總有一款啱你口味！麵底有正常（200g）同加大（250g）兩種選擇，價錢一樣。選擇了魚介沾麵及黑醬油沾麵，兩碗均是增量的份量。魚介沾麵湯底魚介味濃郁，有大概30g的豬肉，但湯不夠熱，比起在京都拉麵小路店大勝軒吃到的稀一點，質素只有日本的6成至7成。而黑醬油拉麵好像只有黑醬油味，喜歡重口味的朋友可以一試，個人覺得湯底太鹹太油膩！

前日 同女朋友去食黃埔 呢間 大勝軒 我哋喺夜晚大約 七點鐘 左右 去到 唔需要排隊 我哋好快就入到去坐低然後我哋點咗兩個正面 一個就係大勝軒沾麵一個係魚介沾麵 其實我喺日本都食過呢間 而且 我同我女朋友都成日去日本 我覺得呢間餐廳食物質素唔錯有日本感覺， 而且嗰度都有日本師傅 所以我都覺得嗰度 值得大家去試 我哋大約食咗9個字 但係就冇其他post咁講 話畀人講埋單 而且服務態度 亦都非常之好 呢個可以翻食 雖然未食到五粒星 但係我都覺得 可以翻食