大作壽司 (已結業)

昨天和男朋友來吃lunch, 有很多人啊! 還好剛好不用等位, 過一兩分鐘入來就要等位了, 不過最多都是等約5-10分鐘, 可以接受.我們兩人點了兩個午市拉麵/烏冬 (午市價錢 HK$ 2x - HK$3x), 再用優惠價 (約半價左右, 共 HK$15) 叫了2件鮮帶子壽司和2件象拔蚌壽司, 之後又加了碟三文魚壽司 (HK$6) 和鰻魚壽司 (HK$9).埋單連加一 HK$92, 整體味道ok, 又夠飽. 這間店人流真的很高, 我們到達時約中午1時15分左右, 到離開時約2時多都是座無虛席.另外要提一提的就是午市時最好order 壽司, 因為迴轉帶上只得很少選擇.現在我們在儲印仔, 消費滿 HK$50 就有一個, 再多儲一個就可以免費吃一碟壽司, 不過可能未儲夠那張只有3個月期的儲分卡就過期了.

最近愛上了大作6月個個星期都黎左3次左右~次次必叫滑蛋牛肉飯唔敢話係超水準之作,但起碼我覺得好食加上大作既質素同價錢係荃灣搵唔到所以大作呢排都成為左我既飯堂講返個滑蛋牛肉飯,其實d肥牛麻麻地,好韌,唔係咁易咬斷但係份量真係好足,1個碗裝到滿哂,飯同滑蛋牛既比例係2:1加埋7味粉同d壽司豉油撈埋就更goodlunch只係$24送埋個miso soup 雖然勁鹹,我次次都冇飲但係佢個湯都有好多料,昆布,豆腐,同埋除左滑蛋牛肉飯之外有時都會叫芝士蟹子壽司呢個係我覺得大作既另1個good~個塊司師傅成日都會"畢"勁大pat芝士蟹子係個飯上面~正呢排做緊鰻魚壽司特價,食過都覺得唔錯~本身極喜歡元氣d鰻魚壽司~因為元氣個隻鰻魚醬汁好正~大作雖然冇附上獨立包裝既鰻魚醬汁,但係我都覺得好好味~~不過同樣做緊特價既3文魚望落好似麻麻地(我同lg都冇食)件3文魚好深色(似係放左好耐)同埋切得偏薄身~兩個人埋單次次都唔過百,即使夜晚黎食都係100蚊有找想出街食飯又唔想食咁貴都會係1個good choice希望唔好咁快食厭啦..

這里的sushi不算難吃有這樣的價錢吃到普通質素算抵三文魚sushi：本以為平價又蚊型店會不新鮮，但入口不差，配上薑片味道更佳，可多叫2碟，因為做緊優惠，$6碟(2件)鰻魚sushi：也是同上價，這好味，夠汁夠入味，不過飯糰不細，吃多幾個就飽還有玉子，炙三文魚，加州反卷等sushi：味道都一般般，其中加州反卷比較失望，蟹籽甩散，感覺怪怪不過這里沒有甜品如雪糕/其他甜點所以吃完比較想吃甜點的，都較失望吃得飽，每人只須$40

我個陣係一點幾去食的 宜家有好多新野出左\ 之前去食都冇燒物 D野好食左啦 宜家又有抽獎活動 下午又有定食wo 都真係覺得好平又有水準 燒雞皮好正

老婆今日生日,於是就帶埋對仔女一齊出去食飯.......我地order左一點熟食: 什錦天婦羅 , 燒油甘魚頭 , 燒雞翼串 , 金菇牛肉卷; 我覺得d水準好左好多,起碼d天婦羅唔會好似之前甘d粉仲厚過d餡,而家食落去係鬆好多,金菇牛肉卷都係一個唔錯既選擇,個汁濃得黎唔會太咸,d牛肉又唔會韌到食唔到,good!!仲有個油甘魚頭,又平又大個,尼個真係超抵食,我記多好多日本餐賣尼個頭,起碼都要$50-$60up,尼度around都係$30幾,值得一試 !!!!唔講唔知牙,佢地而家做緊一個推廣,咩起條迴轉line度攞壽司,就有機會中獎喎,對仔女是但攞咋,就中左2碟勒,一碟係原條鰻魚壽司,另一碟就係三文魚刺身,雖然係獎品牙,但一d都唔馬虎囉,果條原條鰻魚長到尼嚇親我d細路,食完仲話要再食牙~碟三文魚刺身同比錢食既果份有得揮,唔會因為係獎品而特別溥~~ 正牙 !!總之一句講晒,而家尼度d野愈黎愈好食,服務態度都比之前好左好多,起碼d侍應個個都面帶笑容,食都食得開心d牙!!!

位於荃灣千色店的大作迴轉壽司店，我經常幫親佢地。我之前食得最多係元綠壽司，食食吓啲味道差咗，啲飯越食越難食，於是食吓其他鋪頭。呢間野最好食係「特鰻壽司」，真係與眾不同，刺身價錢都算ok，不過炸物真係唔掂，你唔信的話可以去試吓！ 記得叫碗麵豉湯，好正架！每次平均一個人賣單$50-60。

d野好唔新鮮,有d腥臭味,d野轉到暖晒都冇人會換走,第一次食蟹子係淡紅色,勁難食,呢d完全唔需要個師傅好勁都唔會差得去邊ge野,都覺得唔好食,其他所有野都係冇味道可言,食完覺得唔好味之餘,又唔算特別平,完全唔覺得自己食梗日本野

昨晚O完T,感到肚餓,見到目黑宵夜7折,原本想入去食,但同事說超差,要去大作,原來宵夜要十點半才開始,有個侍應見到我們在門口看,雖然還差十分鐘,都招呼我們入去先坐低,見到條帶只剩十幾碟卷物,還要8折,以為同事老點,但侍應遞上柯打紙,才知道原來這裡的宵夜不是像其它壽司店推買剩貨,而是隨意落柯打,新鮮即制,結果兩個人叫了一份柚子什錦刺身飯,及一份十片的三文魚刺身,另隨便在帶上拿了兩碟小卷食,等了約十分鐘,見到碗飯個樣好靚,三文魚刺身片片是厚切,很新鮮,超正,食飽後,見到隔壁的人居然在食刺身船,埋單時忍唔住同侍應吹兩句,先知道有好多熟客尃門宵夜時段來食刺身,下次都要再來試試

荃灣有不少連鎖SUSHI店，大作在芸芸SUSHI店中仲可以晚晚店子爆棚，多人等位就知道係受歡迎。前兩晚打完波，同同事落去幫趁，入到去，撞到另一同事同兒子開飯，於事一行四人一齊食。朋友兒子只愛兩款：鰻魚壽司同粟米沙律壽司(最鬼唔抵食嘅壽司)我哋三人就點左軟殼蟹手卷、三文魚壽司、赤貝壽司、辣味三文魚壽司、數之不盡小食就叫左黃金炸生蠔壽司味道都好新鮮，件頭ok，辣味三文魚就係我至愛，夠辣！炸生蠔即叫即炸，好熱辣辣同脆，勁好味！四個人食左n碟都係四百幾蚊。

上年幫襯過一次，今次唔食真味住，走去食呢間。呢度d壽司好多都好新鮮，不過環境就一般，唔似第二d日本野咁燈光暗d，而且仲有電視睇，似茶餐廳多。呢度d魚生比較新鮮，食到「錦」個隻味，唔錯！

食過幾次大作，水準平均，覺得係比起元祿元氣抵死咁，又唔係好有特色。不過，星期四與朋友去食個午飯後，便要比個笑面佢了。朋友叫左個蔥粒吞拿魚腩飯 share，等左好耐下，但黎到時.. 見到碗飯好大碗下 (分到四碗飯) ~ 食落去 d 吞拿魚腩好新鮮，再配上芝麻香和蔥粒，冇左平時吞拿魚壽司刺身既腥味。不過就沒有配吞拿魚腩既鼓油，便美中不足了。另外叫左個軟殼蟹手卷。熱辣辣而肥美的軟殼蟹炸得岩岩好.. 仲要係夠大隻，成隻「蟹腳」露出「手卷」之外，食到最後一啖仲可以食到軟殼蟹肉的，好滿足哩﹗不過紫菜就林左 d ~ 唔脆。三文魚壽司一如以往的大舊... 而個朋友都叫左三文魚前菜，份量好夠。就係咁，我地兩個就捧住個肚咁行返公司了。

本來我同男友都係大作既長期顧客，因為我地都鐘意食三文魚，而大作出名三文魚壽司既三文魚大件到可以完全覆蓋個壽司飯（見圖一），而且價錢又平（新年後已加價），兩個人淨係食壽司，食到勁飽埋單都係$100多d！我地26/4星期六14:00又去左大作，好失望！坐低之後望住個迴轉帶真係啞左，上面得十碟左右唔多受歡迎既壽司，轉左幾圈都仲係呢幾碟，無加過！（見圖二、三）搞到左右對面既人，個個都要落order，無左「迴轉」既意義！唔知係咪換晒d壽司師傅，三個都好生面口！係手腳慢，還是太多單呢，d野好耐先到，四周都充斥著怨氣，個個都係度鬧，d waitress又被催到黑面！我地最後order左一個飯一個烏冬兩碟壽司，拿拿聲食完走人！盛惠$95！

果晚同老公行過千色店果頭...見到呢間野...記得之前食都係幾個月lur~..入面d師父變晒...個場又空...心諗一試...點知全部都加晒價...入到去叫左個魚生反....發現d魚生全部都唔新鮮係d頭頭尾尾...仲敢賣到咁貴..食左少少冇食喇..之後o係迴轉見到好多壽司...但係..全部都放左好耐..所以落單...要求即製..單到師父手上...師父即時發生怨言...唉....冇晒胃口...唉...以前都話好d...最少會笑口笑臉...而家d師父...好似飛仔咁...以後都唔會再試!

間野星期日成10點都仲好多人，唔知點解咁少食評！？一行2人星期日去，都9點幾，仲有8成滿，其實睇menu都知唔係貴野，對野食唔會有太大期望，坐低之後order左幾碟壽司，因為迴轉上面０個0的睇落唔係咁新鮮。野食黎到，比迴轉上面0的真係新鮮0的，但野食就真係一般，不過如果為左飽肚既都OK.

前日中午和朋友約在荃灣千色店行街,咁啱肚餓,見到間壽司舖就随便行咗入去,食咗一碗拉麵,外加一碟三文魚壽司,埋單34元,朋友食咗一份小食套餐,有天婦羅一碟加一碟壽司,先至25元,抵!超值!