大作壽司 (已結業)

我未試過食啲甘難食既放題，又唔係平,好得人驚，佢地得兩個人傳菜，其中一個仲兼任清潔，叫刺身入三張先送一張黎，嗰啲吞拿魚驚死你叫得多，我一行四人，叫八件都唔係好過份，點知係就係黎八件，但係就等如平時一件壽司上面既吞拿魚一件，簿加細到，仲有啲墨魚刺身全部入面都有硬物，好得人驚，嗰啲飯好酸。

唔好比13個like 呃左!!呢13個都係裝修前的事!!依家今非昔比, 一落千丈, 又想學人攪放題!!改變完全失敗!!裝修後, 座位多了, 人手卻少了,侍應10次有7次都扮見你唔到揮手,見到果3次有2次都叫你一等了之~!!出野又慢, 賣相又差!!!

有一段時間冇去呢間野到食...諗住同亞媽去食下啦..點知已經轉左形式, 全部只有order枱...見到都心知不妙...但以住食開都ok咪入去食囉...又唔貴點知好失望囉...介竦唔竦...d野好細件...都不特止, 野食唔新鮮...食個雜菌拉面...煮到好似食味精面咁...竟然雜菌面都可以好肥林林...失敗囉....店員態度又差~ 我同佢講d野唔得, 佢竟話 "你唔要我咪幫你取消囉" 咁... 咁你仲邊食得落丫!! 火都尼~炒蝦卷d蝦係"林" 既, 加洲反卷竟然一料蟹子都冇...佢仲同我講間間壽司店既做法唔同囉....自問食野要求唔高....但...太過份了算了...呢間野太令我失望.....唔會再有下一次....

頂呀! 一家三口今晚行行下搵間放題坐低. 前身未做放題仲可以接受. 改為有放題之後。不敢想像咩都唔新鮮, 服務員得3個應付幾十人. 仲要同我講廚師推介. 無幾耐見亞姐當垃圾掉.................永遠都唔會

今日同朋友出去荃灣行街~大家都突然好想食壽司~記起哩到有一間''大作''....咁大家就去試下啦~~入到去~計埋我地2個人~都只係得4枱客~一坐低先叫左我地最愛 ''蟹籽沙律''~因為唔食生菜ge原因~我地轉左用青瓜絲~再叫 ''10片三文魚刺身''~仲有玉子壽司等~個沙律一黎到~我地已經打左個突...因為佢成個面都係''卡夫奇妙醬''...都算~我地撈好, 食入口~唔知點解會有一陣好怪ge味道...怪到唔識去形容~最後個沙律比我地放棄左~之後三文魚刺身~冇咩味...仲有骨...玉子壽司因為冇用紫菜條''綁''住, 一夾起就蛋飯分離...途中我地想再試下啦~比多次機會~想order ge時候...一個侍應都冇...原因係佢地坐埋一張枱吹水同織頸巾!!!要不停叫''唔該!'' 先有位姐姐仔好唔滿意咁行埋黎...叫多個下午荼餐試下, 係日式餃子 + 烏冬 + 汽水 + 中華沙律諗住食哩d一定冇死啦~~~之後個姐姐仔拎個烏冬同餃子黎ge時候...佢竟然就咁將餃子個碟放上碗烏冬上面....一隻手拎過黎..就咁放低就算數~我地當堂呆一呆 真係好想同佢講...個烏冬要食架~而家你實知係個碟係乾

今日晏晝去食放題,食物包括壽司,餐前小食,刺身頭一次入單的都有黎(除咗個魚生沙律)但之後再次入單的食物都黎唔足.....而食物的質素亦唔太好!!之後聽到後面枱的食客追咗兩次單,隔鄰枱的食客亦追咗一次單誰估到侍應生的答案會是''廚房的單已經出晒啦'', 吓..我心諗你頭先冇幫人追咩,會冇咗張單??當時餐廳得一半食客都可以咁亂,到咗晚市情況都唔知點??而我order咗幾次的中華沙律都冇黎,反為出現在向隔離叫set lunch的食客枱上.這時我問侍應生,佢先响廚房拎出黎...到了呢個時候,我地再追之前落咗單而未黎過的食物,侍應生再問廚房最後得到答案係''冇得供應''唉...不知所謂的服務,態度加上平庸無奇的食物我一定唔會再幫襯...兼叫其他朋友唔好試呀 !!!

真係未食過咁差既放題...切絲同幼條既刺身我真係物一次見識,帶子重差d細過個一毫子 一.一|炸到乾晒既雞軟骨炒到勁燶既蒜片牛柳粒....你竟然夠膽拎出黎比人食 ??重要唔算便,埋單每人成180左右我寧願食番任食打邊爐好過

我曾經為此餐廳寫過評論, 以前是好的.近期裝修後, 拆走迴轉壽司之後, 什麼"放題"(即是任食), 搞到餐廳質素嚴重下跌, 仲有, 乜野叫做"放題"?一個正常的中國人當然唔知, 又貴, $150/位..... 火鍋又唔店, 牛肉極肥, 火力又不足, 而且伙計又少左, 不論招呼,清潔, 落單方面大失水準, 以前做開好地地, 做乜改變呢?唔衰羅黎衰,連我幫親咁耐既熟客仔都頂佢唔順, 都決定唔再幫親佢.

今日阿媽無啦啦話想去呢間野食壽司，以我記憶，兩年前都仲值得一去，因為唔貴，算入得口之前係迴轉台，而家變左一張張ｏｒｄｅｒ台，ｄ位擺到密密麻麻，食食下，前面台突然有人嗌，原來係有個女人攞住幾袋野經過，因為條路太窄，佢ｄ袋整跌前面台個女仔杯熱水，搞到我都即刻要小心ｄ，廢事俾側邊經過ｄ人倒寫我杯水講番ｄ野食，ｏｒｄｅｒ左好耐都未到，要３催４請先到左幾件三文魚唔新鮮，饅魚又細細舊，個手卷黎到時紫菜已經林左\_/本身已經ｏｒｄｅｒ得唔多，只係叫左大約６碟，本身諗住食完再ｏｒｄｅｒ，但黎左４碟，食完，等左好耐都仲未黎埋果２碟，極慢！我見佢ｄ師傅係整緊壽司，但係ｐａｃｋ埋一盒盒，係外賣囉！邊做得切呀你話？等到我同阿媽燥燥地，終於忍唔到話唔要果２碟，埋單走人以後唔會再去喇！佢亦都唔係真係特別平，又唔好食。貪小便宜惹的禍

今日又好夜至收工,一個人去食嘢想去元氣食不過見到好多人.....之後去左後面嗰間中作,諗住食小小就返屋企,好彩呢間嘢無咩人入到去叫左三文魚,不過好似好唔新鮮咁既,叫左個豬軟骨拉麵,唔知點解D麵好似放左好耐咁(好似意大利粉),D湯又凍既.仲有叫左個軟殼蟹手卷,件蟹好似一堆粉團咁好似放D麵粉入口,我都無咩胃再食其他嘢啦!不是都係食左幾拾蚊,當係一個教訓啦真係可以我都唔會想去啊...........

唔掂!!早幾日食過...不過總比起荃興徑果間極品好大作ge三文魚唔新鮮...d希靈魚更加衰!無口感!!!食左幾碟,忍唔住走!!以後唔會再幫襯呢2間!但係其實如果你唔係要求好高,呢間都過得去ge....但我個人就接受唔到一d擺入口完全唔新鮮ge食物!特別係唔新鮮ge魚生!

行完街肚仔餓'''BF帶左我黎呢間日本野開餐開頭見佢個樣up up dum dum,,,期望唔高但都ok wor= ]太肚餓啦'''每人首先叫左個拉麵我:蝦天婦羅拉麵(地獄湯) 佢:牛肉拉麵當然係我果個好食D~出乎意料~個湯底幾好味XD同時又叫左d壽司....3文魚雖然抵但無乜3文魚味,,,not good火炙芝士壽司真係唔太好食,,,塊芝士都未熔= =埋單$13X``咁既價錢有咁既質素都算係咁丫可以試試= ]

自搬離荃灣後,都有兩個月未到大作食飯啦,這次來發現變了好多,壽司改用手握,壽司飯的飯細粒了,但好在材料份量無減到,這個轉變還不錯,因為以前總是叫了壽司,但啲飯食唔哂,其實都幾浪費,現在這個份量就差不多.還有的刺身柯打分量多了選擇,滿適合1,2個人食飯時,又要多款又要平的要求.結果一個人食了一客軟殼蟹卷,一客炸蝦手卷,一客辣三文魚軍艦加三文魚刺身/3片,油甘魚刺身/3片,承恵97大元,好滿足.順便柯打外賣回家,值得一提的是外賣全部即叫即做,所以要耐心等候.

從來無諗過要登記openrice 寫食評, 今次決定寫係因為見到之前果d好評去左試呢間黑店 !9蚊一碟三文魚壽司, 細舊唔緊要, 問題係一d 光澤都無, 好似放左半日甘, 結果我地寫單而唔要迴轉軌上面果d, 結果都係一樣再叫手卷2個, 我的係鰻魚手卷, 舊鰻魚竟然係出煙的, 我放入口係會辣親我條脷, 係非常非常熱果個'辣" 真係激氣到啤啤聲, 從來無食過滾熱辣既鰻魚!之後果d, 反正就係非常非常之難食, 最後跟友人決定止蝕離場嚴重提醒各界人士, 除非你覺得百佳賣既壽司係極品, 甘呢間你就去試啦 ( 其實我同友人覺得佢既壽司仲難食過百佳的 !!!!!!! )

日期：2009-07-17在"大作迴轉壽司"(荃灣)買了一碗"豬軟骨拉麵"($36)。拉麵和豚骨湯是分開盛載的。豬軟骨拉麵---內有拉麵、豬軟骨、蔥花、粟米、昆布、芽菜、鳴門卷和豚骨湯。湯頭豬骨味香濃，不過味道頗鹹。拉麵麵質少許腍身，尚算彈牙。豬軟骨肉質軟腍鬆化，軟骨脆口，醬油味濃，香口惹味。鳴門卷厚身，口感彈牙，魚味十足。拉麵份量多，十分飽肚。整體水準很好。