大作壽司 (已結業)

好耐之前去過覺得麻麻,尋日同朋友行街佢提意食日本嘢,見到裡面d員工好似唔同左樣,唔知係咪轉左手,入去坐迴轉d寿司個樣都幾新鮮,我地食左d寿司同廚房嘢,價錢都幾合理,這次印象比我覺得好左好多,值得一試!

見間鋪冇咩人食, 價錢又唔貴, 入左去食啦..食物質素就相當普通, 唔會食壞人, 但絕對唔會叫好囉.食物數量係多, 條迴轉帶係任何時候都有排滿哂食物, 不過幾位師傅依然起勢咁整壽司, 食得切就還可以, 但最弊係食唔切嘛, 人又唔多, 新整果d 就咁擺係度, 舊果d 又唔拎走... 點敢拎黎食呀.. 壽司要新鮮架!結賬果陣, 由於服務生手字實在太差勁, 令到cashier 計錯數, 計多左成50幾蚊, 但最差勁係叫個客去洗碗盤點番自己d 碟.. 我鬼知邊隻碟打邊隻碟咩..唔通我話食得1碟, 你真係收我1碟錢咩... 吹漲!!! 你老作條數都唔好咁離譜呀..

見個價几抵兩個人入去食，叫左個前菜：八爪魚（真係一般，佢Ｄ汁有Ｄ似膠水）之後仲有几碟三文魚（淡而無味），真係几失望，我諗都係太卷，同埋腐皮壽司比較上好Ｄ。但是，當看到他們點處理食物真係有Ｄ驚。眼看佢條迴轉帶放滿了壽司,師博依然不停咁整,結果D壽司就咁就放係度...又唔用蓋蓋著,真係唔太衛生. 另外, 他們的卷物都是一早卷好的...雖然有保鮮紙包著,但完全無冷藏,放足一晚..早去食就無問題, 如果遲D去就唔知會點la..食物都算la..一份錢一份貨, 但係佢D服務態度真係唔得lor..寫單的時候,個服務員姐姐D字寫得唔好,張單無lala就多左几十蚊,(我仲以為間野有咁多附加費)原來,明明一碟,變七碟...收銀問番服務員姐姐,佢可以話唔知自己寫咩ge...講佢聽又唔信, 又要人專登走番去數D污糟碟....我的答案都係一檥ga la..要我返去認返D碟又點je..勸各位朋友,埋單的時候,記得要自己數清楚,當面點清..唔係就帶多D$$去la

和J上一月份最後一堂, 決定食日本菜.迴轉壽司選擇不算多, 總共食了十三碟.1.三文魚x 2 –唔太肥美, 面無乜油光.2.墨魚–尚算煙勒.3.墨魚鬚–元氣好食D.4.海膽–出奇地唔腥, 但甜度好唔一般.5.帶子–唔夠鮮甜.6.熟帶子–都幾大隻.7.鰻魚卷- 鰻魚鬆散地放在卷上.8.泡菜墨魚–辣辣香香幾惹味.9.北寄貝沙律–紫菜keep到脆.10.油甘魚–普通而已.11.象拔蚌–薄薄一片, 唔夠咬口.12.鳥貝–爽口, 但細片左D.埋單$180, 感覺唔太抵呀!