大伙頭 (已結業)

陽光燦爛的清晨，出發到大棠郊野公園郊遊，藍天白雲，涼風送爽，呼吸大自然的空氣，是最美好的時光！中午回程，到大伙頭吃個午餐！大約四至五款午市套餐可供選擇，沒有選到心水，最後點了全餐，36大元，非常抵食！服務方面，服務員都戴了膠質口罩，感覺尚算衞生，可惜地面較髒，清掃一下較佳吧！頭盤有滑蛋、餐肉和厚多士，擺盤有點隨便，有點市井，絕對沒有考究過！可幸味道是不錯的，多士厚而香脆，蛋滑而香，餐肉不會太乾，美其名餐肉有餐肉味！主菜是沙嗲牛公仔面，湯多肉少，擺盤同樣不區小節，隨便一放便上台！幸好，味道也是不錯的。面質若可再軟一點較佳！這個屬於有點咬口那種，接近還有點生的境界！香滑濃厚，大大杯的餐茶，好飲！

早午係茶餐廳,晚上變身成火鍋放提. 分兩個價錢, 普通牛肉-$118(全包), 安格斯-$158(全包), 試了平的 一去到選完湯底, 就送了幾片三文魚剌生,同一大碟豬楠肉片, 三文魚一般,豬肉偏肥, 太大碟,食五曬有些海鮮要畫紙-,花膠- 都係呀信屋貨式, OK, 不錯, 只係每次叫都按人頭比. 唯有寫多幾次, 還有肥牛,就是看你比幾錢選不同牛肉, 一般平價牛, 好肥還有冰鎭介蘭,云吞,水餃都要畫紙, 不過無叫到外面自取, - 因每柗兩人只有1隻碟, 所以想每次夾多都五得, 但就比較環保些.要有的大致都有, 多款菜, 多款菇煩, 多款平價丸, 牛肉,雞肉, 尢魚,牛柏葉,生根,炸魚皮,嚮玲……….., 都算新鮮大致都不是貴價食物,但呢個價錢真的非常底食. 飲品就係茶餐廳有的再加啤酒. 比大快活或吉野家較底食. 下次都會常到 

原本今早打算幫家人買野，誰不知店舖仲未開，個肚又餓餓地，所以就走去新北江樓上食早餐。入到大伙頭，只有一set套餐揀，分為A+B+C為一set。A: 牛油方飽或多士B: 滑蛋C: 鮮茄牛肉，豬潤，雪菜肉絲，炸菜肉絲，叉燒………麵或通粉或意粉等選擇如有需要，可加$3 D一款餸(火腿，腸仔，餐肉或煙肉）最終我叫牛油多士，鮮茄鮮牛公仔麵，滑蛋+腸仔。先講多士，麵包用比較厚身方飽，好香唔會太硬，個鮮茄鮮牛麵好香，應該用鮮蕃茄煮個湯，所以好香濃，而個滑蛋都好正 ！！服務方面，收銀個四眼姐姐好有笑容，座位都好舒服，加上設計是半open kitchen形式，所以望到煮野食既情況！！

真係估唔到,上個星期來這裏,仲係一家普通嘅茶餐廳,出品冇乜特別,間間茶餐廳都是一樣,一星期後的大伙頭,完全唔同晒。「伙頭全餐」自由配搭！番茄牛肉通是我的至愛，竟然在天水圍出現，以前要過港島區先可以食到，車錢貴過個餐。這個蕃茄牛肉通好有水準，牛肉好新鮮，又滑又冇渣，蕃茄湯底好好味，仲有蕃茄粒，鮮甜度適中，連通粉都彈牙。原來主角喺「多士炒滑蛋」，之前我係度食開奶油豬，侍應話依家冇咗，諗住叫方包，但侍應話佢地件多士好好味叫我試，本應唔想....(因為之前食過)，佢話唔同咗，見佢咁有誠意，同時見到全場貼著「多士趁熱食」標籤，唔通有特別？試一次啦！多士好厚，好鬆脆！開頭諗住叫方包係諗住唔食嘅，竟然件多士俾我食曬！炒蛋好滑，配多士一流。天水圍嘅早餐有新驚喜！

逢星期五同班同事都會出外食Lunch，每次都離唔開茶餐廳之類，價錢都比市區貴，今次有同事提意到一間我地未食過既餐廳去試，一入去裝修都算唔錯，有d似翠華...!而個價錢都緊貼大型連鎖式茶餐廳。感覺都貴....平均一個午餐湯+凍飲都要38!!(比同區蚊型餐廳貴)，我地一行四人叫左，xo茄子豬頸肉飯、蝦仁叉燒炒蛋飯、咖哩班塊飯!!食物質素真係好下等貨，最敝連d飯...一食入口就知唔好食.!..36蚊一個餐雖然唔係話多，但佢比d咁既質素真係唔值!

羅宋湯~餐湯好大碗，間中會有舊牛腩，什菜都好多，湯味濃郁。椒鹽豬扒~炸得夠乾身唔嚡口，好惹味，唔會太咸。啫啫魚腩煲~味道係好既，魚炸得太硬，無獻汁食唔慣！豆腐火腩煲~豆腐火腩男人既浪漫，但從色、香、味來說這個煲仔肯定唔合格。海皇粉絲什菜煲~無諗過會係一個的湯煲，不過清清淡淡都算可以。粟子排骨煲~粟子和紅蔥都好多好香，不過大家都食到排骨好大陣雪味。啫啫通菜~通菜好嫩，上面有少少肉碎，配搭得好好味。

千里由九龍到這裡,一試這間由朋友推介給我的餐廳,來到這裡果真讓我沒有失望首先,這間餐廳的裝潢,感覺很獨特,有別於一般的茶餐廳,雖感覺高貴但不失本來舊式茶餐廳的風格可惜因當時肚子太餓沒拍了照當時我點了一個菜式叫大伙頭小炒皇,我想這是那裡的招牌菜吧我想可能因為當天沒什麼人流的關係所以很快就到菜一吃下口,味道很濃郁,但不失鮮菜的味道店員也十分之親切,我也十分滿足地離開

今日放假,專登入去天水圍探friend, 諗住搵間舒服D餐廳坐低傾下計, 但行來行去都無啱心水, 後來D FRIEND話有間新野可以試下, 咪行入新北江, 點知要行到尾先到(有d隱蔽). 一見到, 有d眼前一亮, 最初以為又是什麼"暗暗地" "求其"裝修既 茶餐廳, 但間餐廳好光猛, 好優雅(同商場有d格格不入), 令人好舒適. 有咁既裝修, 重以為好貴, 點知街坊價, 味道一流, 賣相不錯, 真估不到係咁隱蔽既地方有一處咁出息既茶餐廳.

這是我的第一篇食評, 就比咗呢間 “大伙頭”。試食當天正是他們試業的第二天, 但卻有不少人來幫襯。 我們三個人試了以下食物:-义燒: 很正, 很腍, 一啲都唔"嚡", 就算我們掛住傾計放了很久, 都沒有變硬。抵讚! 燒腩仔: 很不錯, 塊皮都很脆, 但個人都係比較喜歡义燒多啲。紅豆冰: 很正, 有很多紅豆, 而且亦很腍, 比起那些快餐連鎖店正好多。凍檸檬茶: 我朋友說還可以。鐵板西冷扒: 因我不食牛肉, 所以沒有試, 但我的朋友說味道都不錯。鐵板羊仔架: 味道很不錯, 但個人嫌不夠"so”, 因我較喜歡食"so”一點的羊仔架。他們的鐵板套餐分量都頗多, 比較細食的人, 應該食不完。總括而言, 整體食物質素都很不錯, 值得一試, 我會再來試試其他的食物。