夜梟 (已結業)

朋友介紹左呢間FUSION餐廳，去開尖沙咀行街就去埋試。餐廳有3層,其實中一層係飲野，環境幾吾錯，下次試下。我地就安排去5樓，餐廳位置吾多，但都坐得舒服。我叫左個橫行無忌蛋白炒飯，係用蟹子、蟹肉、蟹膏和蟹味菇炒，佢係炒完再焗既飯，出到黎好熱好香。個氯有芝士陪襯，上面有蛋白加蟹子，令到炒飯味道吾會太淡，個燒帶子幾鮮甜，值得加分。仲叫左燒乳豬配芥辣汁，個乳豬皮燒好肥，有陣燒烤味，D豬肉都好滑，肉味都濃，加上芥苿汁，乳豬油膩感覺去走左。最後甜品，叫左個鬼馬油炸得，其實係CHURROS，新鮮炸出黎黎，好香又好食。整體黎講都幾高分，會再黎!

帶住孩兒去覓食,首要條件一定係乾淨、坐得舒服。上樓餐廳好多時都比較迫，但今次呢度就完全無咁嘅問題喇！相連兩層空間，帶有中式設計，幾舒服寬敞㗎。。。價錢大概都係百零蚊，唔過份！睇落主菜個名都幾得意，應該係fusion菜嚟嘅。。呢啲係咪就係香港特色？見到lunch menu,都ok喎，想試呢度可以先從午餐入手。。忌廉煙肉刀削麵，汁濃香口，刀削麵唔會好厚，煙靭度啱啱好。慢煮叉燒配鹹蛋黃意大利飯，叉燒好鬆軟，夠特色！妃子笑東坡，清香中帶酸甜，東坡肉肥瘦得宜，正！

今日同朋友喱食fusion 菜！手撕雞配青瓜啫喱 ($108)青瓜啫喱好清新，夾埋雞絲同芝麻醬一齊好好食。如果手撕雞唔係刀切出黎，變番同菜名一樣係手撕既口感會更好。花膠, 響螺, 龍蝦湯 ($128)龍蝦湯好濃郁，充滿住龍蝦殼香味，加埋花膠、響螺呢d高級食材，性價比高，十分推薦。咕嚕菠蘿牛小排 ($188)咕嚕汁fushion牛小排，不得不佩服廚師既創意，呢味餸將中式牛柳提昇到另外一個層次，牛柳大舊多汁嫩滑冇根，連伴碟既沙律菜同薯蓉都好好食。慢煮叉燒配咸蛋意大利飯 ($158)意大利飯入面融入左港式叉燒飯既神髓，清湯煮成既意大利飯入面，加入咸蛋黎代替芝士鹹香，好有心思。慢煮叉燒用叉燒醬醃到入晒味，夠淋又有肉味，配襯起畫有川劇變臉面具圖案既碟上面，再加一條菜心做裝飾，非常別緻。

之前經過有婚紗街之稱既金巴倫道見呢座重建左既大廈變身成為飲食商廈，望望地上既易拉架見呢間《夜梟》提早預約有75折，趁機黎一試~3樓出𨋢，先見到高樓底落地玻璃嘅酒吧掛上紅燈籠、中式掛燈配襯著ping pong 檯，感覺中西合璧甚有玩味!店員帶領我地行往上層安排座位睇睇餐牌，菜色配搭可說是大膽創新，例如臘腸松露意大利飯、花膠響螺龍蝦湯~ 店員介紹了幾道特色招牌菜燒乳豬配芥末汁用一個木板盛載上檯，份量都唔細一口咬下皮薄香脆，脂肪少，但肉質相當嫩滑，充滿肉汁~再試下特別d既配搭，慢煮叉燒配咸蛋意大利飯~半肥瘦既叉燒經過慢煮後更加軟滑，蜜汁唔多少少甜更能帶出叉燒既原味，加入左咸蛋既risotto，估唔到呢個crossover 效果咁夾，唔太咸既咸香味同忌廉汁融合，提升整體味道，又唔會有膩感。而咸酸菜魚湯配上煎銀鱈魚，四川既做法西式既食材，賣相吸引之餘又別有一番風味。市面食開既咸酸菜魚以鱸魚、桂花魚居多，呢度換上銀鱈魚，肉質細緻滑溜，辣中帶咸，加埋附上既蟹子更增加口感鮮味，最後以伴菜的娃娃菜清新一下味蕾~走既時候再往下層八卦一下，原來仲有outdoor 位置，感覺很chill~ 下次happy h

無意中見到呢間食評，對得意菜式好有印象，一直好想試下。終於機會黎啦！約左個好耐冇見既朋友食飯，仲用booking app book左張枱有5折。👏👏👏餐廳地方唔係好大，但6:30去到已經坐左幾枱。由於一早上網睇左食評，心裡已經諗左食咩！去到再確定一下朋友都想食，就快快落order啦！首先上既係花膠響螺龍蝦🦞湯，睇個樣同普通西湯冇咩分別，但飲落就覺得似老火湯啦！味道好濃，好似好足料！差不多飲完湯，炒飯就送上枱啦！個炒飯叫橫行無忌蛋白炒飯，顧名思義橫行無忌就即係蟹咁解㗎 ！雖然話個飯係用蟹子、蟹肉、蟹膏和蟹味菇炒，但係蟹嘅味道唔係太突出。當我地食緊炒飯嘅時候，兩個主菜就一齊送上嚟啦！點解咁快就上菜呢？仲有我地係share食，兩碟一齊上，根本食唔切！兩碟既presentation都幾西式，但係個煮法就好中式，幾得意！「妃子笑東坡」其實係慢煮東坡肉配荔枝果凍，無中式東坡肉咁肥膩，肉質好淋，加埋荔枝清甜，幾特別！而「西門慶 」就係慢煮三文魚配重慶辣湯，可能上菜太耐先食，三文魚凍左就變得一般，重慶辣湯都幾麻辣！由於所有野好快就上晒，所以我地都好急咁想趁熱食，未能慢慢品嚐美味，實在浪費左咁精心設計既

Yeh Hiu is not just a bar, but it also provides fusion western dishes with an Asian twist! Located in the MW Plaza with 3-storey, on the 3rd floor is the bar, where is perfect for a drink and have some delicious bar munchies. Up on the staircase to the 4th floor is the main dining area.Shredded Chicken and Cucumber Jelly (HK$108)👍👍👍👍This is not your typical shredded chicken with sliced cucumber, as the cucumber is cucumber jelly instead! The jelly was made with cucumber juice and formed like a s

上網睇到，朋友試過又話唔錯，當然要黎試試，上到黎就幾有feel既酒吧場，果然係夜梟，不過我黎食野，所以再行上去2樓處，帶點中式風格的環境手撕雞配青瓜啫喱頭盤當然選擇酸酸甜甜的東西，手撕雞份量估唔到都幾多，而平時配手撕雞的青瓜，變成河粉形狀的啫喱，仍然有份清爽感妃子笑東波（慢煮東坡肉配荔枝果凍）東坡肉用刀一切，就好容易切開，果然煮到很軟綿綿，食落口軟糯感之外，東坡肉的肥油好像變成荔枝味，除左肉的甜味，還有荔枝的香甜燒乳豬配芥末汁一坐底店員就強力推介的一道菜，黎到都唔失望，外皮真的很肥，是像薯片的脆，而肉仍然有肉汗嫩滑，不肉普遍燒肉店的干身，而芥末汁也不普遍，有混入其他的味道，令乳豬更好食白酒燴梨配桂花啫喱我個人嚟講幾鍾意食桂花糕，所以見桂花啫喱就叫，味道和普遍桂花糕一樣香甜，但變成啫喱口感更滑，而梨有半個，本身都好甜，再配白酒和其他味道，令我覺得有似飲貴威士忌個種複雜得黎，又感覺到每種味道

今晚接老婆放工，順便食埋飯先返屋企，經過這間夜梟，午市都是幾十蚊起，晚市應該都唔貴，所以上去一試。餐廳以中式裝潢，而餐牌多以中西合璧為主。煎北海道帶子配藜麥沙律：帶子煎至表面微焦，中間呈刺身狀，下面是健康的藜麥，旁邊的是海草，十分爽口，帶點黑醋的甜香。慢煮叉燒配咸蛋意大利飯：意大利飯中間帶點硬，咸蛋香較微，叉燒燒得很腍且有肉汁，應是梅頭部份，帶點蜜汁香汁。煎銀鱈魚配咸酸菜魚湯：略嫌不夠酸，但辣味剛好，十分刺激，銀鱈魚外皮煎至微脆，雪白魚肉嫩滑，配上酸辣魚湯，味道鮮甜。白酒燴梨配桂花啫喱：有淡淡的酒香，雪梨較結實，桂花香味較濃，甜到入心。

這間位於尖沙咀的夜梟，餐廳菜式以中西fusion為主。光輝歲月炸美國白心薯、日本紫心薯、本地紅心薯配黑松露醬，全部都以薄薄的炸漿包裹，炸至外面香脆，紅心薯味道較甜，紫心則濃郁，白心就比較粉，而黑松露醬味道惹味。燒乳豬配芥末汁乳豬份量十足，即叫即燒，所以都等了一段時間，表面燒至金黃帶焦脆，保留肉汁，不會燒得太乾。煙肉忌廉汁刀削麵刀削麵麵質都幾彈牙，除了由意粉變了做刀削麵外，基本上其實是一個carbonara，十分creamy。

中西  fusion@尖沙咀地址寫三至五樓，原來下面係樓層極高，非常古色古香嘅酒吧，食飯請上樓上雅座 菜式都係中西 fusion 咁，又幾有趣。手撕雞配青瓜啫喱賣相有啲似沙律，麻醬好平均，青瓜啫喱係用青瓜汁整成條狀，好清新。咕嚕菠蘿牛小排賣相都係好西化，伴碟係薯蓉，整得好細滑好食！啲咕嚕菠蘿擺咗喺牛小排下面，配搭好特別都幾 match。牛小排熟成後好嫩，面層烤得甜蜜 未食過咁樣整嘅牛排呢～烤羊架配腐乳汁都好出色，腐乳汁調過味，唔會 strong 到蓋過羊架，反而提升咗羊架嘅味道！平時食羊架都好難好有儀態 今次就切好咗一件件，而且羊架多肉又細嫩，一啲膻味都冇～黑芝麻豆腐蛋糕非常有藝術感，好似畫咁靚用咗好多水果去點綴，但全部都係可以食翻！豆腐蛋糕好嫩滑，好 rich 豆腐味 作為飯後甜品一流，因為完全唔漏。

平時過年都係食中式嘢多，但有冇諗過其實新年食物都可以好西式？今次就食返個fusion賀年餐😂過年必備盆菜($268)同樣有鮑魚冬菇魚肚雞件之類，蝦就用咗蝦球唔洗剝殼夠哂方便😗而個湯都好似燉湯咁好香醇，同平時中式果種大刺刺嘅感覺好唔同，再加上瓦煲木爐賣相夠加分✨另一樣新年食品就係燒乳豬($238)，當然同中式乳豬唔同，係西班牙乳豬果種，燒到外皮脆卜卜肉質又依然嫩滑，加埋個醬汁頓時變西菜😌手撕雞配青瓜啫喱($108)已經唔止fusion菜咁簡單，直情玩埋分子料理，啫喱化嘅青瓜超滑溜，同手撕雞絲更易配合，再加返蟹籽增添層次感😌慢煮牛面肉配日式飯團($188)就係我最愛，牛面肉超腍超濃味，將脆脆地嘅板型飯團盛住肉一齊食簡直天下無敵✨橫行無忌炒飯($168)猶如其名，蟹肉蟹子蟹膏用盡哂所有蟹嘅精華，再加上牛奶炒蛋白營造中式炒飯嘅感覺，但同時又有用西式嘅芝士焗再加兩隻帶子，顯然易見嘅中西合璧✨兩個甜品分別係豆腐蛋糕($68)，質感幼滑動L，豆腐味香濃，中間夾雜芝麻粒但係唔太出😌而白酒燴梨($78)酒味重，可惜肉身唔夠腍，啫喱味道複雜，由肉桂八角到桂花陳醋之類甘且酸嘅感覺，就咁食似藥酒，連埋梨肉一齊

老婆中餐唔想食西餐又唔想，話都係嗰啲，有哂固定印象。我話咁就中西合璧囉。於是打開開飯搵食，個名幾特別，又係fusion，咁咪去試下囉，結果又無失望。先來個小食，光輝歲月：三種番薯 美國白薯，日本紫蕃薯， 本地紅心薯。三種炸薯，個人比較偏愛日本紫薯，味道比較甜和口感鬆軟。再來兩個主菜烤羊架配腐乳汁，西式做法，中式調味，羊架肉質軟嫩腍滑，配上惹味嘅腐乳汁😍銀雪魚配鹹酸菜魚湯，銀雪魚是西餐用多，鹹酸菜就中式多，銀雪魚充滿油香，入口鮮嫩。臘腸松露意大利飯配溫泉蛋，臘腸好中式，再配松露，再加意大利食，中西各樣特色食物配在一起，個人覺得松露味偏濃，比較合適濃郁口味人士。陳皮啤酒，濃淡適中，口味算大眾化，容易被接受。環境清靜，座位舒服，裝修別緻，好適合情侣或朋友慢慢坐和吃。

中西合璧 創意派Fusion菜 既是酒吧又是餐廳 高質味蕾享受 【夜梟】‼️‼️Fusion菜呀係～可以試到中西合璧嘅口味呀！佢地嘅裝修都係同樣中西合璧，好有特色！菜色明顯係精心設計過，就連菜名都好鬼馬🤩創意爆分！下層係酒吧，上層係餐廳，食完飯仲可以即時落樓下飲反幾杯😌燒乳豬配芥末汁🐖乳豬燒到卜卜脆，好香口，外脆內軟！同平時燒味食到嘅乳豬有別，佢地用咗西式嘅煮法，好特別，吾覺油膩！配上芥末汁一齊食，惹味之選～煙肉忌廉汁刀削麵同樣用西式煮法同醬汁配中式嘅刀削麵😍真係太有創意！湯嘅刀削麵食好多，西式煮法係初嘗～刀削麵爽口彈牙，條條分明。煙肉忌廉汁夠香濃同好creamy ，撈勻之後，啖啖刀削麵都滿滿忌廉味，滿足😋😋光輝歲月(炸三色薯條)睇個名就知夠曬創意😂分別係本地紅心蕃薯、美國白心薯同日本紫心薯！吾同國家嘅薯都用咗😝每粒都採用厚切，食落啖啖肉！油炸之後完全吾油膩，反而外脆內軟，好香口！點下配埋嘅黑松露再食仲好味🥰烤羊架配腐乳汁羊架肉味香濃，煮得剛好！肉質新鮮，好嫩，餐廳仲好細心已經將肉切好，就吾洗食得咁手忙腳亂😂😂西式羊架配中式腐乳汁原來又幾夾😍提升滋味程度！臘腸松露意大利飯配溫泉蛋好創新嘅食

夜臬呢個名一聽就覺得係行型格路線，果然無論由環境定係菜式都相當獨特，每款菜式都改左個好特別嘅名，而且環境好啱幾個朋友一齊坐低傾計飲酒食飯。陳皮手工啤包裝真係好似粒陳皮梅，唔會好似啤酒咁多汽，飲落酸酸甜甜，幾易入口西門慶（慢煮三文魚配重慶辣湯）好似川菜嘅水煮魚，但用上三文魚，好特別嘅配搭，而且魚肉好嫩滑，辣味好惹味，令人想食完一啖又一啖妃子笑東坡（慢煮東坡肉配荔枝果凍）初頭以為會好油膩，仲原來唔會太肥，肥瘦肉比例剛剛好，加上少少酸嘅汁同荔枝果凍令油膩感減少好多橫行無忌炒飯一上菜就已經聞到好香嘅蟹味，因為用左蟹子、蟹膏、蟹肉、蟹味菇、蛋白炒出黎，而且值得一讚嘅係飯炒得好乾身 好好食！鬼馬油炸鬼油炸鬼唔係中式嗰隻，而係Churros面頭撒上玉桂+黃糖，所以就算唔點朱古力都好好食，點埋朱古力仲更加有驚喜，因為朱古力係辣辣地，唔會太甜，相當特別！

喺尖沙咀鬧市中，上咗一間酒吧餐廳！仲要係中西合璧嘅！入到去完全係中國式嘅感覺，但係喺酒吧嚟嘅！已經感受到喺fusion嘅感覺!再上多一層就係普通餐廳，周圍嘅佈置都係好中國式嘅！但係當你打開餐睇嘅時候，你就發現入邊嘅嘢食好西式！心知佢係用中式嘅材料去煮西式嘅煮法！非常特別！有心思！仲可以帶比我新鮮感！—————-叉燒意大利飯呢個飯真係中西合璧， 佢採用左中式嘅叉燒配上西式嘅意大利飯！再加上一條菜做半碟，個擺設同埋餐具都係中式！但係佢用嘅飯係西式，真係第一次咁食！夠晒特別！——————脆焗豬手佢呢個豬手好好食！外脆內軟， 豬手嘅肉質好林！佢嘅煮法好似係用咗西式嘅煮法， 再配上芥末汁！真係好好食！總結：環境舒適坐得舒服！服務態度正常！嘢食特別！