多多雞大排檔

營業中

休息中

今日同爸爸媽媽去元朗行街 行過見到呢間大排檔坐滿人 所以就入去試吓啦招牌即燒炭火靚雞叫得多多雞 當然要試吓佢嘅招牌靚雞啦 佢係用大瓦缸高溫碳即場燒制 真係原隻燒完拎出嚟俾你食 佢有鉸剪手套可以自己拆嚟食 或者如果嫌麻煩都可以叫佢切好俾你食 隻雞啲肉好嫩好滑 就算係雞胸嘅肉都唔會好嚡 個皮好似張紙咁薄咁脆 真係好推介大家叫嚟食🤤蝦米雜菜粉絲煲佢啲啫啫煲全部都好大煲 好足料 講緊四五個人食都會夠食 味道好夠 亦都有好多種唔同嘅菜 菜心 白菜 娃娃菜 通菜 西蘭花 真係未見過咁多菜嘅雜菜煲🤩茄子火腩啫煲個煲上到嚟真係仲渣渣聲 好熱 真係啱啱新鮮煮出嚟 又係超大煲 三個人食真係食唔晒 個煲好惹味 煮得啱啱好 又唔會太濃👍🏻王牌多多雞小炒王小炒王係大排檔嘅必點食物 所以嚟到自然都要試吓 佢有魷魚蝦乾腰果炒出嚟 好足料 都好有鑊氣😋椒鹽滑豆腐我好鍾意食豆腐㗎 所以就叫咗呢個椒鹽豆腐 真係做到外脆內軟 再加埋啲喼汁 味道真係啱啱好🤩佢每日營業到凌晨四點 有室內同室外嘅位置比大家揀 啱哂一班夜鬼 鐘意傾到幾點都得呀🤣

👏🏻我真係好鍾意食大排檔 夠風味 夠鑊氣 最近呢間大排檔簡直係人氣之選🌟 佢哋最最最招牌菜就係即燒炭火靚雞🤩 所以一定要嚟棒場 平日都好熱鬧👏🏻 而家大部份餐廳10pm後都開始少人 準備閂舖 😍但呢度開到凌晨4:00am 真正嘅夜繽紛🥳 見到店員都忙到踢晒腳 但態度依然好親善❤️ 仲會問下客人意見 作出改良 值得幫襯&推介💖⭐️招牌即燒炭火靚雞 $198/隻係用大瓦缸高溫碳即場燒制 大約要25分鐘制作時間 記得嚟到要第一時間落咗單先再慢慢睇其他 一上枱個下 果然冇令人失望 好香 好吸引 趁熱戴上手套即刻用手撕開雞肉食 雞油&肉汁相繼流出 未放落口已經流晒口水 先連皮連肉咬一啖雞脾 真心好好食 皮脆肉嫩 味道醃得非常均勻 咸度剛剛好 呢隻雞係出色嘅 嚟呢度唔食真係走寶⭐️星星師傅炭燒豬頸肉 $128呢個餸都係呢度嘅招牌菜🤩 大大碟😋 有蔥蒜辣椒鋪面 肉質爽口 有油香 配合泰式生蝦嘅辣汁 份外香口惹味🤤⭐️酥炸台山蠔 $178酥炸脆感令人好滿足🥰 而且每粒蠔大隻又飽滿🤤 加埋個秘製汁 唔洗講咁多🤭 食過就會明 就係正😝⭐️時菜炒龍躉球 $188鑊氣十足 雖然少少偏油 但好香口🤤 龍躉口感嫩滑 食落覺

原來元朗都有一條大排檔街上次夜晚行過相當熱鬧！今日就揀咗其中一間試吓佢啲小炒其中一個吸引我哋嘅原因～就係呢隻脆皮炭燒雞見到台台都叫！睇嚟非試不可拔絲菠蘿咕嚕肉超有鑊氣！甜酸互相中和 同埋夾起每一舊都真係拉絲架送白飯一流通菜鮮魷黃金墨魚咀炸到粒粒鹹香十足！！上枱時熱辣辣～大排檔就食呢一種鑊氣 夾啤酒食直頭係絕配主角炭燒脆皮雞登場明爐炭火烤燒～雞皮超級脆 真係內外軟 猛火燒，但係入面肉質仍然係超級juicy 食落好香口 果然係招牌菜貼心附上手套同鉸剪方便你落手食想再惹味啲，可以加埋淮鹽～不過本身已經好入味再加就有啲太鹹啦脆皮雞全部都即叫即燒！所以一坐低就要嗌咗佢先都要等15至20分鐘，食住其他小菜等就差唔多啦～我哋三個人食咗三個小菜 +1隻雞每碟都份量十足如果胃口比較細嘅女仔可以酌量再叫少啲 或者考慮打包返屋企食多餐Overall CP值很高不過有冷氣坐既地方相當有限 如果大熱天時坐街邊都幾挑戰耐力～

多多雞大排檔 | 元朗最近成日睇到有隻燒雞社交平台影相好靚終於比我發現到係邊到即刻衝去試試去到已經坐滿人咁制 好彩仲有入面冷氣位大大個招牌寫住 營業到4 點 岩曬一班夜鬼招牌脆皮碳燒雞果然名不虛傳 影相打卡一流影完仲叫返佢地幫手斬件上可以選擇自己剪 不過好似無咁方便個皮燒到勁脆 肉質嫩滑 勁大隻2個人差D食唔曬懷舊欖角一字骨肥瘦分明 食得出師傅既功架酥炸台山蠔台山蠔勁大隻 鮮甜每一隻都炸到好酥脆配上佢地秘製既醬汁味道再上一層瑤柱蛋白炒飯炒飯粒粒分明 D瑤柱仲專登炒到乾身每一啖都食到蛋白同瑤柱下次試過佢個紅牌肥仔炒飯 好似幾正咁

多多雞大排檔元朗又新街大排檔有室內室外座位可供選擇。我就鐘意嘆冷氣所以坐室內。坐低睇吓餐牌除咗必叫招牌嘢，原來仲有好多款小菜同啫啫煲。招牌即燒炭火靚雞係用大瓦缸碳火燒制。燒雞皮脆卜卜，雞肉嫩滑，戴上手套成隻撕嚟食食得特別爽快。果然係招牌菜無得輸。傳統炸大腸大腸切成長條形，食落爽脆。點埋個醬汁好惹味。豉汁盤龍鱔叫咗半條份量都好多。盤龍鱔肉身夠厚食落啖啖肉。配埋個豉汁要嚟撈飯一流。金銀蛋時蔬用咗我最愛既西蘭花，原來煮金銀蛋都一樣咁好食。

身為半個元朗人嘅我大力推介呢間係元朗又新街嘅多多雞大排檔。佢有一大個瓦缸係廚房燒雞，仲要係即叫即燒！食落真心係暫時食過最好食嘅燒雞。個皮脆到可以拎嚟做片皮鴨😝肉質燒完仲係超juicy，有濃濃嘅沙薑味！佢其他小炒都好唔錯，全部都好有鑊氣。乾炒牛河炒到條條分明，唔會過油，牛肉片份量勁多。🫶🏻椒鹽豆腐外脆內軟，正常岀品🥰西芹炒龍躉球嘅魚好新鮮，唔係用雪藏貨炒👍🏻至於環境，可以坐室內同室外都得。怕熱嘅我梗係坐室內。入面冷氣十足，光光猛猛，全程食得好舒服🤭

元朗其實都冇乜好食既大排檔，呢間多多雞出現真係打救到我地😂好味又大份，仲要營業到凌晨四點咁好王牌多多雞小炒王$138王牌小炒王配搭都不外乎韭菜、蝦乾、魷魚、腰果，呢度既蝦乾同腰果都好大粒，而且應該加入左豬油，非常香口！椒鹽海中蝦$168蝦好新鮮彈牙，呢個價錢黎講size都算大，十分惹味招牌即燒碳火雞$198即叫即燒，所以想食最好一坐低就落左單先！雞皮脆到好似紙咁，雞肉都嫰滑多汁👍啖啖肉黃鱔啫煲$158呢度既黃鱔又爽口又大條，用啫啫呢種做法可以去除土味。一打開蓋香到隔籬枱都望過嚟。😂

🐽 黃金咸蛋炸魚皮魚皮炸到金黃酥脆，咸蛋味道香濃，每一啖都勁邪惡勁滿足🐽 蜜椒薯仔牛仔粒牛仔粒炸得外脆內嫩，咬落入面中係7成熟倒，搭配蜜椒的微辣甜味，非常開胃🐽 酥炸椒鹽黃鱔黃鱔炸至酥脆，椒鹽調味剛剛好，帶出黃鱔的鮮美口感，送酒一流🐽 椒絲腐乳通菜通菜炒得香脆，椒絲和腐乳的組合獨特，味道鮮美，味道都好平衡🐽 招牌即燒炭火燒雞這款招牌炭火燒雞一上枱個樣絕對係吸精之作，外皮烤到金黃酥脆，內部肉質鮮嫩多汁，口感非常出色。

今時今日香港好似已經冇乜大排檔😮‍💨今次就俾我喺元朗搵到間大排檔🤭試左間叫《多多雞大排檔》，佢仲要營業到凌晨4點🕓‼️啱晒同班朋友吹水飲酒🍻到天光🌄叫得多多雞🐔，所以一定要試下佢個招牌菜炭燒脆皮棟企雞🐓招牌即燒炭火靚雞🔥🐔｜$198每一枱都會必叫👍上網睇到啲相以為好細隻，點知一上枱即刻嘩一聲‼️原來都幾大隻😲 落完order都要等十幾分鐘先上枱，因為每隻都係即叫即燒，確保客人每次食都係新鮮熱辣辣🔥最有風味係客人自己手撕同自己剪，一剪嘅時候啲肉汁係咁流😲超Juicy‼️皮脆肉嫩，感覺似食緊片皮鴨咁，勁脆‼️豬油渣炒芥蘭🥬｜$78我地叫完之後幾枱都跟住叫，可想而知幾咁香😂有鑊氣又好香豬油渣味🤩芥蘭唔會老大大粒牛柳粒啫煲🐂🥘｜$188黎大排檔當然要叫佢地嘅招牌啫啫煲🥘啦牛柳粒🐂真係大大粒😂份量仲唔少添，牛肉仲要超嫩，一啲都唔鞋，加埋啲姜蔥🫚一齊啫，超惹味😋星星師傅炭燒豬頸肉🐷｜$128又係好大份😂好香炭香味🤤好香蒜蓉味，燒到外層好脆，內𥚃啲肉好淋👍 配埋泰式🇹🇭酸辣汁夠曬開胃‼️感覺有啲似蒜香骨味😂乾炒牛河🐂｜$108我覺得要睇下間餐廳有冇水準，一定要叫乾炒牛河‼️呢間牛河炒到好香，重點唔會太油‼️牛肉🐂

招牌即燒炭火靚雞$198/隻使用大瓦缸高溫炭即場燒製，所以需時30-45分鐘左右，想食就要黎到即刻落單。用個大窰燒雞基本上唔會伏，燒完出黎好有炭香味，雞皮脆卜卜，肉汁一剪隻雞就流曬出黎！肉質嫩滑，採用鬍鬚雞，脂肪含量不多，唔會好肥膏，我食兩次兩次都有叫雞十八歲卜卜脆牛肋條$238又要起筋又要炆又要炸，功夫都幾多，所以都要耐心等候。不過值得等，上菜時超級脆卜卜！牛肋條冇筋又軟熟！再點上沙嗲醬層次再提升！推薦一大班朋友食（食得太多有少少漏，不過真心好食）薑蔥台生蠔啫煲$188上菜時吱吱喳喳的熱煲，香噴噴的，店員還會幫忙攪伴一下免黐底，煲內有好多台生蠔，半煎好也上了煎粉，夾雜薑蔥蒜頭蔥頭爆香，好滿足！餸飯一流！生炒新鮮沙薑鬍鬚雞$228比起炭燒雞唔駛等太耐，但都好正！沙薑的香氣襯托起鬍鬚雞的鮮甜，鮮嫩多汁，而且很開胃！因為響屋企附近，所以食過兩次，大排檔風味，但乾淨企理，分室內室外位置，筆者坐室內可以涼冷氣，仲有樓上雅座，如果客人想煲煙🚬可以坐出面，開到凌晨四點，同知己老友吹水飲酒🍻到夜一夜都唔怕。店主親切友善，店員服務有態度，會再訪。

元朗真係好多野食 係一個美食天堂連大排擋打冷都有好多間 今日黎呢間係又新街 夠方便 有室內同室外座位 揀左室內坐 估唔到咁乾淨企理唔似平時啲大排擋濕漉漉 污污糟糟咁餐廳係人手落單 一坐底就即刻加新水拎碗筷好爽手✨招牌即燒炭火燒雞即叫即燒 都要等大概廿五分鐘建議坐低即叫再慢慢揀其他餸見隔離檯都係坐低就叫左燒雞先上檯熱辣辣 原隻上 仲滴緊油 會比手套同較剪你自己分食肉質好嫩滑 外皮好薄脆 冇多餘既油脂入口仲有淡淡既炭香味 超推薦！✨十八歲卜卜脆牛肋條呢個見個名咁得意就叫黎試下估唔到咁大碟 本身驚會好油好濟同好韌但食落又唔會喎 有驚喜咬落好腍 唔會有好濟既感覺點埋佢配既咖喱汁 意外地夾 仲冇咁漏✨西蘭花啫啫煲份量都好多 上檯個陣仲炸炸聲 勁香西蘭花仲食到好爽脆 唔會煮腍晒✨豉油王鵝腸豉油炒得好香好上色 鵝腸爽口唔會好難咬墊底用左芽菜金菇 夾埋一齊食又另一種口感呢間大排擋有驚喜 上菜又快 仲好大碟而且夠晒乾淨企理 加分後尾發現原來呢度開到凌晨四點 真係可以一大班朋友黎食飯飲酒傾計傾通宵唔怕傾耐左餐廳關門比人趕咁掃興🤭

暫時應該係我食過元朗最好味嘅大排檔😛 叫咗四款食物，四款都滿意！平時好容易食滯，但呢度嘅食物調味適中，唔會太重手，令人好有食慾，一口接一口。✨招牌即燒炭火靚雞 $198/隻✨喜愛指數: 🌟🌟🌟🌟使用大瓦缸高溫即場燒製，份量巨型，俾客人打卡影完相，可以選擇自己戴手套手撕雞肉，或者交由店員切好分件。皮脆肉嫩，肉汁飽滿，尤其係雞髀位特別香滑！✨大澳蝦醬炒時蔬 $78✨喜愛指數: 🌟🌟🌟🌟我平時好唔鍾意蔬菜，但呢道菜幾啱我口味🤣 蝦醬味突出但難得地唔會死鹹，仍然保留到蔬菜嘅原味，食落去舒服，又多汁🥹✨蜜椒薯仔靚牛柳粒 $168✨喜愛指數: 🌟🌟🌟✨牛柳仲多過薯仔😍 牛柳粒有嚼勁，黑椒味濃郁，肉質的確係靚牛，蜜椒醬汁甜甜地幾好味！美中不足係薯仔外層唔夠脆，未做到焦香感。✨黃金系列的蝦 $188✨喜愛指數: 🌟🌟🌟🌟🌟蝦肉被滿滿嘅鹹蛋黃包圍，濃而不膩，香口惹味，鑊氣十足😍 餐廳開到凌晨四點，完全係我呢啲夜鬼人士嘅福音👻　

多多雞大排檔係元朗出晒名，位置係又新街一條大排檔街，加上開到凌晨四點，勁旺場。一坐低侍應哥哥問會唔會叫燒雞，因為即燒需時，我哋緊係即落order，再慢慢諗食咩餸🤤👉🏻招牌即燒炭火燒雞差唔多係最後先上菜，真係落單先燒，但係好嘢係值得等待。燒雞有炭火香，雞皮燒走多餘脂肪，香噴噴🤤雞肉都好滑，連雞胸都好味。雞肉配左碟淮鹽，但唔使點都好夠味。配埋啤酒真係一流，大家爭住食。👉🏻新鮮菠蘿咕嚕肉好多新鮮菠蘿，好特別係炸肉片，比一般咕嚕肉更脆，即炸當然好食。👉🏻沙嗲金菇牛肉煲大煲到嚇親～勁多牛肉同粉絲，超抵食。👉🏻紅燒豆腐份量夠多～👉🏻豉椒炒大腸好有鑊氣～

元朗真係好多野食，有時想食下大排檔，但衛生就麻麻地，搵到呢間嘢食好食，而且坐得舒服乾淨小食椒鹽鴨下巴 $118呢個絕對係同一大班朋友飲酒必吃小食，外層炸到金黃香脆，內裏唔乾肉質幾滑招牌嘢招牌即燒炭火靚雞 $198/隻呢個店員同我哋介紹，係用大瓦缸高溫碳即場燒呢個完全係今晚餐飯嘅主角，店員拎隻雞過嚟已經好搶眼，放低喺枱完全用震撼嘅形容😆雞嘅外皮超級鬆脆，而且超薄，內裏肉質好嫩滑，又多汁，鹹度適中，想食得重口味啲，可以加啲淮鹽提供埋鉸剪同手套方便剪啲肉落嚟同唔會整污糟手👍🏻通菜啫啫煲$108 一嚟到新鮮滾熱辣，出晒煙！好香通菜爽脆加埋肉碎食，真係好耐冇食過咁香既啫啫菜XO醬炒墨魚咀 $138墨魚咀比想像中更加大粒，份量好多，墨魚咀炸過再拎嚟炒，所以口感更加豐富，配埋XO醬味道非常突出！小編非常推介！飯2碗 $15/碗

多多雞大排檔位於最有名的元朗食街『又新街』，是一家有鑊氣的粵菜大排檔，特別是營業到凌晨四點岩哂又食飯又飲酒的朋友仔🤩必點柴脆皮秘製燒雞 $198🔥🔥🔥呢道招牌瓦缸炭燒雞，以柴火烤制，皮脆肉嫩😋美極海中蝦$168美極蝦極脆，香酥美味🤤蒜蓉炒白菜仔$78如果你喜歡蒜蓉味道，炒白菜仔應該很適合你蜜椒薯仔靚牛柳粒$168好喜歡食到蜜糖薯仔炒到焦糖色，牛柳粒炒得軟嫩多汁，充滿鑊氣，黎大排檔必點🤤