多多雞大排檔

營業中

休息中

👨🏻‍🍳多多雞大排檔 (元朗)📍元朗又新街37-51號富祐閣地下14號舖 「超有鑊氣大排檔，好食又可以打卡！！」 食完已經推薦比frds🤣原本比佢個原隻燒雞吸引過黎食，點知其他小菜都勁爆好食！！（吾系誇張🙈）真心性價比極高，又夠鑊氣、又大份😆仲要無加一，難怪閒日都滿座。。癲 👍🏻🍽️招牌即燒炭火靚雞 $198打卡一流！！製作需時，即叫即燒，小心燙手⚠️😝上到枱滴晒汁油，炭火燒到勁香，皮薄超脆！！雞肉嫩，重點！！要點埋D雞汁精華，夠味又好食😋😋😋 👍🏻🍽️來佬茄汁蝦碌 $168醬汁調配得開胃惹味！！蝦🦐大大粒，啖啖肉，肉質爽口，好新鮮，必點！！ 👍🏻🍽️星星師傅炭燒豬頸肉 $128上菜個下嚇親🙈超大份。。以為好似平時泰式豬頸肉咁，細細碟小食，點知咁大碟🙈🙈每塊豬頸肉都厚切，啖啖肉脆邊，配埋泰式醬汁，正！！ 👍🏻🍽️蒜蓉炒時蔬 （菜心） $78食過最好食的炒菜心🥹暫時no.1超爆有鑊氣！！炒得仲好翠綠！！雖然望落好油令，但系食落吾會好油😋仲好清甜😋😋一上菜，隔籬枱姨姨系咁話早知佢地都叫菜心🤣 👍🏻🍹道地蜂蜜綠茶 $15/支爽😆 呢間多多雞以後系飯堂了🥹好食又抵食，員工們都好好人，已經同街坊打成一片，

元朗出名多嘢食，三五知己就一定要去大排檔啤一啤， 呢間開到凌晨四點 ，出名食招牌脆皮彈燒雞。天氣咁熱叫返支大啤啤下佢咁先最地道。第一時間點了燒雞，店員話即叫即燒要等30分鐘，我地叫咗幾個小菜份量都非常大，足夠幾個大男人胃口，每一道菜都令人回味。甜絲絲拔絲菠蘿咕嚕肉$168新鮮菠蘿甜酸適中，加上三色椒脆口又解膩。每一嚿肉肥瘦適中又有拉絲效果，好滿意。蒜蓉炒芥蘭$78有媽媽的味道，菜炒得鮮翠嫩綠有鑊氣。椒鹽酥炸鴨下巴$118送啤酒一流，啖啖肉鹹鹹香香，可以做餐前開胃菜。薑蔥蠔煲$188熱辣辣香噴噴鑊氣十足，打開蓋已衝着大量薑蔥蒜氣味，蠔好大隻又juicy。招牌攤銷脆皮雞$198招牌原隻脆皮雞，上菜時深深吸引住好想即刻扯黎食。外皮燒至金黃色雞油慢慢滲出來，有手套唔使驚整污糟對手。一邊食一邊扯開啲肉，雞肉鮮嫩Yummy 。整體好滿意，有戶外及室內可以坐，價錢超值，鑊氣十足份量亦足夠，所以下次會再來💪🏼

元朗又新街 － 多多雞大排檔 醇正美味之選今天,我來到元朗又新街,造訪了這間極負盛名的多多雞大排檔享用晚餐。身處大排檔的環境裡,彷彿回到了香港過去的飲食文化之中,讓人倍感懷舊。對於喜歡大排檔氣氛的食客來說,多多雞絕對是一個不錯的選擇。店鋪設有戶外座位區,讓你可以一邊品嚐美食,一邊欣賞熱鬧的街景,盡情感受大排檔的獨特韻味。另一方面,店內環境也非常寬敞舒適,配有冷氣設備,讓你能夠在涼爽的環境下用餐。說到菜式,多多雞的招牌即燒炭火靚雞堪稱一絕。這道菜採用大瓦高溫炭即場燒製,全隻雞外皮超ch脆皮，肉質鮮嫩多汁,表層更有一層迷人的焦香,令人難忘。除此之外,我們還點了沙嗲金菇肥牛啫煲。濃郁的沙嗲醬汁完美融合了肥美的牛肉和金菇,口感層次豐富,令人回味無窮。另一道不容錯過的菜式是酥炸墨魚咀。外酥內嫩的墨魚咀配上鹹香的調味,讓人欲罷不能。最後,我們品嚐了美極海中蝦,這道菜既新鮮可口,又富有海鮮的鮮美滋味。多多雞大排檔不僅提供地道的大排檔美食,更於凌晨四點仍然營業,滿足了夜遊人士的需求。這個獨特的經營時間,無疑令這間大排檔更添特色,也讓不少食客慕名而來。

我今日放工後，約同好友去位於元朗又新街37-51號富祐閣地下14號舖的多多雞大排檔食晚飯，大排檔的格局，傳統的瓦煲菜式。我點左個 招牌即燒炭火靚雞一隻 $198，潮式梅子蒸鱔半條 $228，二十四節氣靚湯（沙鍋皮蛋豆腐芫茜生魚湯）一鍋 $138，薑汁炒西蘭花 $78，純椰青水2支 $30，絲苗白飯2碗 $30。招牌即燒炭火靚雞上檯時熱辣辣，皮脆肉嫩，滋味十足；潮式梅子蒸鱔的鱔肉鮮甜嫩滑，啖啖鱔香；薑汁炒西蘭花好爽口，二十四節氣靚湯值得推介，材料新鮮又豐富，生魚片份量足足有成條生魚，廚師用心製作，魚湯十分清甜！

🔎多多雞大排檔 (元朗)想食大排檔 搵下邊間未食過就見到呢間 位置都算方便 室內同室外都有 仲開到零晨4點😱 食宵夜一流🔹 招牌即燒炭火靚雞 $198/隻用大瓦缸高溫碳即場燒 差唔多每枱都有嗌 個皮真心脆 肉又嫩仲有肉汁架！另外有跟梅子粉 不過我覺得夠哂味 唔洗加都得🔹豉汁盤龍鱔 $228/半條 豉汁好香 鱔又爽口唔腥 賣相又靚 3-4人食都夠！🔹脹卜卜椒鹽鮮魷 $138大排檔必食椒鹽鮮魷 沒有例外！炸得夠脆口 鮮魷又夠彈牙🔹虎蝦仁黃金炒飯 $128唔想食白飯咁悶 揀咗個炒飯 大大隻虎蝦 炒飯又夠鑊氣 份量仲好足📍元朗又新街37-51號富祐閣地下14號舖🍴搵返相關地區👉🏻 #90sfoodieshare_元朗#食在元朗

身為元朗街坊嘅我地成日都會去大排檔食飯，貪大排檔有獲氣又有氣氛，而呢間大排就係我地成日食開，因為呢間嘅燒鷄真係好有特色同超好味，用炭火即叫即燒，所以一坐低我地一定係叫左燒雞先慢慢睇餐牌！仲每次去都一定要叫一隻食先得！🐥招牌即燒雞 $198即燒瓦缸碳燒燒雞，原隻企係到上枱，畫面非常震撼！而且提供手套鉸剪俾你自己剪開嚟食，非常好玩！不過今次我就叫左廚房幫手切雞。燒雞真係做到皮脆肉嫩，雞皮真係非常香脆，好似食緊薯片咁！而雞入面用左蒜蓉同淮鹽去醃，非常入味，加上嫩滑而滴住雞油嘅雞肉，真係好滋味！🪿豉油王鵝腸 $118鵝腸份量非常之多，好抵！豉油王嘅味道調校得非常好，唔會得一味死咸，配上爽脆嘅鵝腸，送酒一流！而個底仲好有心思，係芽菜加金菇，點返啲豉油食，好味。🦐椒鹽蝦 $168隻隻蝦都大大隻同好新鮮，蝦肉彈牙，而且個蝦走油走得非常好，蝦殼脆卜卜但一啲都唔油，椒鹽味恰到好處唔會太鹹，又係送酒一流嘅小菜！🦪薑蔥台生蠔煲 $188估唔到係用砂煲上，一打開蓋，啲香味衝上嚟，侍應仲會幫你炒多幾下，等啲餸嘅熱力再平均啲，真係啫啫聲咁！生蠔份量又係勁多仲勁大隻！生蠔🦪撲咗少少粉再去快炒，令到表面香脆，而保持到

原來已經一段時間沒有到元朗了。我的好友住在元朗，難得大家今天晚上有空，下班後我就坐車到元朗去跟好友搜尋美食。元朗一直都是小店的聚集地，只要行出去大學路，又新街，都會見到大大小小的食肆。今晚我們就到了一家叫多多雞大牌檔，聞說這家大牌檔的招牌菜式必試- 就是即燒炭火靚雞。每隻燒雞都是在大瓦缸內即叫即燒，端到飯桌上時燒雞是原隻棟起來的，雞油從金黃色的燒雞身上慢慢滴到碟上，甚有風味。食客可以利用店員提供的剪刀來切割燒雞，或可以吩咐店員切割。我急不及待先試試雞胸，雞皮很脆，熱辣辣，就算雞胸肉質都是滑的。而雞髀更是重點，肉嫩多汁，愛不釋手！除了燒雞，我們也點了薑蔥台生蠔啫煲，就咁數落，一個煲有十多隻蠔，份量十足，而且煲內有非常多蔥蒜芫荽，啱晒我呢啲蔥蒜控！熱辣辣的端到桌上時，店員也提醒我們多用湯匙攪兩攪，可令啫啫味更突出。吃上來蠔味鮮甜，鑊氣夠！再來是刺激芥辣靚一口牛。涼菜沙律般似的，牛肉粒很多，芥末醬夾在牛肉粒上別有一番風味。也不忘點了個金銀蛋時蔬，今天選了菜心為主菜，很新鮮，配上清清的上湯和以金銀蛋作伴。恰到好處。最近是歐國盃和奧運大盛事，聞說多多雞大牌檔是營業至凌晨四時，如果大家在午夜時看完

招牌即燒雞招牌果然係招牌，落單嘅時候話要等30分鐘，仲諗緊要咁耐🤣但係真係等得值嘅！！上檯感覺平平無奇，剪開嚟食先發現佢個皮真係好脆🥹仲脆過炸子雞～塊皮唔會好肥好油，但係食落又好多汁，就算係燒雞都完全唔覺得柴，真係唔知佢點做到，大讚！！蜜椒薯仔牛柳粒咧道餸可以話係我去食大牌檔嘅時候必點。佢個牛柳粒好香，牛柳粒同薯仔外面有層薄薄嘅蜜糖包住，食起嚟鹹中帶甜咁，好正～黃鱔啫煲估唔到佢份量都唔少，好多黃鱔，而且上檯嘅時候熱辣辣，撈勻啲汁嘅時候沙沙聲。啲黃鱔好嫰滑彈牙，加埋佢個秘製醬汁同蔥蒜咧啲配料味道一流，如果可以喺冬天食仲正紅牌肥仔炒飯 睇個名有啲好奇係咩炒飯，問個店員有咩配料，佢話係睇廚師落啲咩，大牌檔版嘅omakase🤣🤣🤣一於試下佢～原本都驚有啲伏，估唔到配料都幾豐富，而且味道都唔錯。炒飯炒到顆粒分明，夠鑊氣，而且唔會覺得油膩，今次就有魷魚鬚、蝦米同菜心粒，唔知下次會係咩呢...歡迎大家試完話我知～咧間大牌檔有啲冷氣位，不過唔多，如果真係唔想咁熱坐出面就可以預先打電話問下或者早啲到la! 比我講多次，佢個燒雞真係好好食🤤

係大排檔食飯梗係要坐戶外！雖然戶外比較熱，但店家都有提供啲大風扇，令顧客涼爽啲，夠曬貼心。一場黎到當然要嗌佢地既招牌菜式😋招牌即燒炭火靚雞🐔一坐低即刻嗌左一個招牌即燒炭火靚雞，因為佢地係即叫即整，店家提醒我地需時要25分鐘，好嘢食當然唔怕等啦，上黎果刻望落真係唔惹小。原隻燒雞端上，仲滴緊汁！用鉸剪剪開嗰陣啲汁不斷流出黎(店員見我地好似冇咩力剪骨，於是好好人咁樣幫我地剪開左啲🙈)，要食得有風味，就要戴上手套趁熱拎黎食。燒雞表皮香脆，但又做到外脆內軟，鮮嫩香滑多汁。而舊雞都醃得好入味，連骨頭入邊都係充滿着蒜蓉香。星星師傅炭燒豬頸肉🐷每一件豬頸肉都厚薄均勻，表面香脆，比起一般餐廳食既豬頸肉薄薄一片好得多，每一啖食落去都充滿住口感。另外附上咗泰式甜酸汁俾我地點、酸酸甜甜，我覺得點唔點汁都好好食。通菜啫啫煲🍲新鮮滾熱辣，上黎果下仲唧唧聲，已經非常吸引。指天椒冇話加咗好多，我覺得個辣度可以接受，佢啲蒜粒同蝦米炒得好香，夠穫氣，我同朋友完全食唔停口🤣椒鹽海中蝦🦐一般嘅舖頭整椒鹽蝦未必去埋蝦頭，但呢間我幾欣賞佢去埋，咁就唔怕卑刺吉親。蝦食落去鑊氣十足，經油炸後嘅蝦外焦內嫩，配埋椒鹽味無得頂。食食下發現

這家位於元朗的大排檔的小菜充滿地道風味，每一道都讓人回味無窮。招牌原隻燒雞皮脆肉嫩，散發著炭火燒烤的香氣；店家準備好手套，讓我們撕著吃，別有一番風味炭燒豬頸肉則是香氣四溢，肉質亦相當軟嫩，入口即化。原條牛舌啫啫煲配以醬汁及炒香的洋蔥蒜頭薑片滋味入骨，帶來豐富的口感；金银蛋煮娃娃菜清淡可口，完美平衡了整餐的風味。整體而言，這家大排檔以其精湛的手藝和新鮮食材贏得了食客的讚譽，絕對是一個值得再訪的美食勝地。

多多雞，雞多多，一聽個名就知道係主打食雞，入到去第一眼就見到有燒雞，睇落幾吸引，所以特登點左招牌即燒炭火靚雞☺️問左老闆，餐廳仲會開到凌晨四點，唔怕夜左無野食😍招牌即燒炭火靚雞 $198肉質鮮嫩多汁，碳烤後香氣四溢，啖啖都係脆皮，入口即化，值得比個Like👍蝦米雜菜粉絲煲 $108粉絲煲入味，蝦米和各種蔬菜的組合挺不錯，拿捏得恰到好處😝肥仔炒飯 $128配料十足，米飯香而不膩，加上蛋炒飯&魷魚，簡直是完美☺️啖啖肉黃鱔煲 $158鱔魚肉質細嫩，口感醇厚，令人一試難忘😉薯仔牛柳粒 $168牛柳粒鮮嫩多汁，唔會太韌，加上薯仔和三色椒之後又有另一種風味🥳

今次終於可以掉低屋企隻🐯👩🏻‍🦰同啲兄弟出去chill下最啱就係食大排檔今次去到元朗又新街的多多雞大排檔,絕對係男人既隻腳點這環境舒適,營業時間長達凌晨4點每一碟嘅份量都非常足夠份量絕對對得住價錢🔥🔥必試的招牌菜即燒炭火靚雞🐔🐔餐廳用咗大瓦缸高溫即場燒，所以每一隻都要等20分鐘左右，外皮非常鬆脆，就算擺咗15至20分鐘都仲係脆既，咬開雞皮之後肉汁係會滴出嚟，絕對係必點嘅菜式之一十八歲卜卜脆牛肋條🐮🐮牛肋條外面一包住酥炸表層，牛味非常濃，加上秘製醬汁，但稍微乾身酥炸台山蠔🦪🍥呢個又係必點菜式之一，每一隻炸蠔都有手掌心咁大，炸粉唔會太厚，每一啖都充斥着生蠔嘅鮮味椒鹽九肚魚🐠🐠又係其中一個去大排檔必食嘅菜式，但係唔鍾意食多骨魚嘅朋友就要小心喇，因為幼細嘅骨比較多金銀蛋娃娃菜🥚🥚🥬食咗咁多肉同埋煎炸嘢，梗係要叫返個菜清清地，菜嘅上湯同平時嘅都唔同，比較濃郁，但係娃娃菜又可以中和當中嘅油膩感最後梗係叫返幾支啤酒chill一下回頭率：100%

元朗一向都係好多大排檔同打冷，食黎食去都係果兩間，今次決定試下新野！呢間多多雞大排檔個招牌超搶眼，離遠已經見到佢了，個鋪名都擺明車馬係食雞嘅，就梗係要試下佢地個燒雞啦，同埋佢地招牌菜仲有啫啫煲，未坐底已經聞到格離枱D煲仔菜超香🫢招牌即燒雞$198燒雞係用大瓦缸高溫碳燒，因為即叫即整，所以嚟到姐姐就會問你要唔要落定單因為要等25分鐘⏲️上菜嘅時候隻雞係成隻棟起，睇落已經食指大動，店員會比手套同鉸剪你自己落手食，一撕開隻雞髀果下係爆晒汁，食落皮脆肉嫩，火候控制得好好，完全連雞胸雞背都唔會嚡，亦都唔會好似炸子雞咁死咸🍗原條牛舌啫煲$228呢個煲真心誇張，唔係淨係得個煲大，係份量都超大份，真係有頭有尾原條切晒比你，薑蔥蒜爆到超香，牛舌厚切得黎又夠淋，完全做到啫啫煲嘅精粹💯黃金系列鮮魷$158｜XO醬炒鵝腸$118呢兩個小炒都非常之夠鑊氣，鮮魷炸皮夠薄，鵝腸爽脆，個份量又係多到食極都食唔完，兩個都係白飯小偷🍚呢度都幾癲，寫住開到零辰四點，真係買小見小。佢地啲小菜全部夠大份，四個小菜叫埋白飯啤酒埋單$752，已經足夠四人份食到飽飽，CP值極高，絕對係貼地抵食嘅推介🔥

住喺元朗咁耐都唔知原來有間咁好味又抵食慨大排檔，全靠朋友帶我嚟尋寶。原來大排檔招牌就係呢只用「瓦罉秘製慨燒雞」20分鐘就有得食，用不鏽鋼通掛上方便撕雞肉下來，瓦罉燒過的皮，外脆內嫩啖啖肉，仲好多汁下來，而且燒出來色澤均勻。 198元必食推介。大排檔出名啫啫煲有很多選擇，仲有好多小菜食，你講得出慨食材大多數都有，其中黃鱔啫啫煲的黃鱔份量十足，而爆香的配料味道都一流，絕不吝嗇。時菜啫啫煲有5-6款菜供選擇，個人喜愛通菜鑊氣勁，通菜爽口。非常入味。全部menu價錢抵食，連order兩罐飲品，500蚊有找。非常滿意朋友介紹👍🏻👍🏻👍🏻若開工收夜/半夜突然餓，都可以來這裡吃，因為食店時間至到凌晨4:00。😍😍

今日同爸爸媽媽去元朗行街 行過見到呢間大排檔坐滿人 所以就入去試吓啦招牌即燒炭火靚雞叫得多多雞 當然要試吓佢嘅招牌靚雞啦 佢係用大瓦缸高溫碳即場燒制 真係原隻燒完拎出嚟俾你食 佢有鉸剪手套可以自己拆嚟食 或者如果嫌麻煩都可以叫佢切好俾你食 隻雞啲肉好嫩好滑 就算係雞胸嘅肉都唔會好嚡 個皮好似張紙咁薄咁脆 真係好推介大家叫嚟食🤤蝦米雜菜粉絲煲佢啲啫啫煲全部都好大煲 好足料 講緊四五個人食都會夠食 味道好夠 亦都有好多種唔同嘅菜 菜心 白菜 娃娃菜 通菜 西蘭花 真係未見過咁多菜嘅雜菜煲🤩茄子火腩啫煲個煲上到嚟真係仲渣渣聲 好熱 真係啱啱新鮮煮出嚟 又係超大煲 三個人食真係食唔晒 個煲好惹味 煮得啱啱好 又唔會太濃👍🏻王牌多多雞小炒王小炒王係大排檔嘅必點食物 所以嚟到自然都要試吓 佢有魷魚蝦乾腰果炒出嚟 好足料 都好有鑊氣😋椒鹽滑豆腐我好鍾意食豆腐㗎 所以就叫咗呢個椒鹽豆腐 真係做到外脆內軟 再加埋啲喼汁 味道真係啱啱好🤩佢每日營業到凌晨四點 有室內同室外嘅位置比大家揀 啱哂一班夜鬼 鐘意傾到幾點都得呀🤣