外野手 (已結業)

食過幾次，刺身永無走單，次次一盤盤上，但選擇不多。推介天婦羅，即叫即炸粉漿不厚，食落好脆，海老大大隻，食兩三啖先食晒。佢地d 炸野同埋燒野都好多選擇又好食，例如雞軟骨，墨魚丸，蟹粥等，但要小心份量，免浪費。坐三個鐘都無問題，唔會趕你走。熱清酒又易入口，送餐一流。總之唔會食到一肚氣啦。

今晚試過.得wor,刺身新鮮源源不絕,其他都唔錯.燒鯖魚同白拖羅好味~ 位位百五絕對算物有所值!

我同意間野環境麻麻, 坐得都幾迫...不過野食都幾ok.. 尤其是三文魚壽司同刺身都幾新鮮..不過態度就真係唔太好...成日催人走...

尋晚同左同事兩個人去食(果道如果8點前一定要Book位), 食左3round刺身, 1round壽司, 1round天婦羅, 1round熟食. d刺身好新鮮, 鮑魚好鮮味, 北寄貝同八爪魚都好正; d壽司都ok, d飯唔太硬, 最正係鰻魚卷, 我唔食鰻魚都覺得幾好味; 天婦羅一般啦, d粉都唔係太厚, 熟食水準不錯, "一口帶子"幾好味--不過肥左dd, 牛肉鍋伴鍋果d水晶粉幾好咬口總括lai講此食店比起好多日本食店d水準已經好好多, 佢仲要$150($138+10%)任食, 你食2, 3round刺身都係翻到la ~

第一次在這裡食Buffet, 平日食開二人餐都已經好正, 經過今次, 下次都可能選食Buffet唔單止來得快, 魚生好新鮮, 炸蝦南瓜天富羅我自己就覺得必食, 我先生就話燒牛舌好正, 蟹粥都ok, 個Buffet可以食兩個鐘, 我哋自問都好食得, 但我哋食得快時, order都來很快, 好快full咗, 冇個半鐘就埋單, 不過好滿足呀!

我覺得佢既刺身係重點如果你本身唔食魚生既話, 就咪去喇佢有得tick既刺身我都覺得好食, 起碼比旺角,尖咀同類型既比起黎好.同埋落左order好快就到, 亦未試過俾左order當無左(最多遲, 所以唔好以為無到就叫多次,我試過一次過黎左四碗麵豉湯=_=)要提既係佢既命名好得意, 饅頭叫一口饅; 牛展叫牛脆肉薄切..etc唔係唔好食, 不過對食物名有懷疑記住問清楚@@

我年幾前都去過幾次,一路都覺得ok架..到上個星期五..再去試下,聽d人講又話迫又話唔好食..但其實都唔係丫...d魚生幾新鮮,天婦羅又好食..d粉又唔會太厚,係白拖羅就唔係咁好食..至於地方迫,係又唔係太過寬闊,但係可以接受喎...仲有,服務方面,太至上都幾好服待,係有一小部份,無乜笑容囉...總之一句講晒, 我會繼續去食啦....138+1 好ok架啦..

又唔係你地講得咁差，等我逐點回應下吧！舒適度：有人講好迫，其實只係你同你ｄ朋友坐得親密一點，同隔離枱仲有一段隔離，可以接受，我話加太賀仲迫。食物的味道：魚生幾新鮮，幾好呀！我狂食三文魚同甜蝦，無肚瀉喎。其餘炸物都好好，即叫即整，好熱下架！唯一唔係幾好既係炸墨魚丸之類既食物同埋什果沙津（如果唔介意食罐頭野就ｏｋ），推介燒墨魚嘴（有圖），好正（記住叫佢小鹽）！選擇方面，雖然唔係真係話好多，總之夠你食，估唔到有個上湯什菌，清清地，唔驚變左食肉獸。侍應服務方面，都好好喎！我朋友生日，佢送左個壽司蛋糕同清酒俾我地（預訂），不過要ｃｈｅｃｋ身份証架。（記住帶呀！）不過，蛋糕麻麻地。個侍應問我地食過未？我地話未，佢即刻介紹怎樣叫、份量點樣預，無面黑，雖然無乜笑容，但係以佢地既工作量，做到一頭煙，仲想人點？唔通真係賣笑咩？佢地仲好細心，見我地填左ｏｒｄｅｒ紙放左係枱度（我地諗住填定，過一陣先叫野食），個女仔走埋黎話係咪要叫野食，當時我覺得佢地好細心，同敏銳，又周不時為我們添茶。以我所見，我地食到八點幾仲有人等緊位，以佢地有三個舖黎計，入座率都唔錯啦，呀！仲有！我訂位時要非吸煙區，原本佢地係無既（我之前

呢間野我去過6次喇~我次次去d 魚生都幾好, 壽司飯又唔係硬, d 天婦羅又好味~野食即叫即做拿埋來時仲好熱,算係唔錯啦~不過環境係逼d~

我在新蒲崗範圍有日常活動的，以日本食品來說，新蒲崗選擇不多，在這兩年間，都有被迫光顧頗多次。價錢比外面的日本餐廳便宜，所以不見得任何東西特別好吃，環境擠迫，侍應態度差。

我兩三個月都會去一兩次既。呢度d服務係麻痲地嫁喇(近排好左dd啦)。環境就唔係咁掂喇，好鬼迫劫。食物種類唔算多但味道都算不俗，魚生都幾新鮮，炸物普通，鍋物ok，燒物一流。而家呢度白拖羅係任叫嫁喇，推介燒牛利，正!

好唔抵啊, 外野手呢間店真係好唔得, 係雜誌幅相影好似好正咁, 咪山長水遠去試下, 點知間舖好似屋村商場食店咁, 咁都要收$138, 不過見一場來到, 去TRY TRY啦咦.........點知上菜好慢, 叫完好耐先有, 個d鍋物淡到死, order魚生一次比得個二件, 想食多d就一定要分幾次order，好煩燒物又係size好細,總之就好唔掂, 唔值$138, 我一定唔會再去!!!

唔新鮮喎d刺身

lunch好多人等位..明明到我地...佢地又無人安排<br />...比人拿左...D味道同d朋友都覺得幾好..幾抵食..但收錢個時好混亂....仲收多我錢..嬲死我

個度既侍應服務勁差...又成日黑曬面..好似好想快點叫人走..間野裝修又核突..睇雜誌好似講到好好..去完真係想死..從來未去過咁差既日本料理..我真係建議大家諗清楚先去....我同媽咪大家都咁話