壽司郎 (已結業)

係日本排名第一既連鎖壽司店黎到香港🇯🇵✈️🇭🇰就算過左4個月都依然咁多人！壽司分四種價錢，$12紅碟、$17銀碟、$22金色碟同$27黑色碟💰壽司款式多，幾乎你想食既都會有🥰小食、熟食、甜品同樣都係好多選擇🤤杯碟擺曬迴轉帶上面，仲有濕紙巾好貼心！另外除左壽司豉油同Wasabi，呢到仲有甜醬油同醋提供🤎必食推介🧚🏻‍♀️🔻極上鰻魚（$22）鰻魚厚肉肥美 肉質細緻有彈性 非常出色作為鰻魚控非常滿意😎👍🏻可以算係我食過最好味既鰻魚壽司其中之一！🔻特選大吞拿魚腩（$27）油脂分佈均勻 十分肥美🤤有入口即融既感覺 唔會話好多筋 滿口魚油香呢個價錢有呢個質素，可以食多幾件😈👍🏻🔻灸燒芝士鮮蝦 （$12）呢個配搭幾時都係無得輸💯芝士份量好多 味道香濃突出配埋新鮮彈牙既蝦肉好滋味幸福🥰🔻茶碗蒸 （$19）蛋味濃口感嫩滑，以日式上湯同味醂調味，鮮味十足充滿日式風味🇯🇵而且超級足料！有大大粒帆立貝，味道鮮甜！仲有蝦、魚板、白果、香菇、雞肉✨以呢個價錢係必食‼️🔻醬烤日本產帆立貝 （$22）帶子厚身肥美，味道鮮甜肉質軟嫩🔻原條海鰻握壽司 （$27 ）肉質鮮嫩，入口軟綿綿，配埋鰻魚汁好滿足！大條到要分三啖先可以食得

🇭🇰#香港捐窿捐罅記 instagram: foodkiller_dk一等就等咗兩個月，相信冇乜人唔知既餐廳😛身為日本排第一既迴旋壽司😂出名在平民既價錢同高級既質素😗雖然可以用apps去拎位，但係個位置都要係佢附近先work😂 咁walk in 就通常係大約等1小時左右啦😂係附近fing下都應該好快過😌-🐟#特選中吞拿魚腩🐟（$17）比大拖更抵食😂食落有魚味又有油香😌而且又冇大拖有既筋😌 而且佢地既飯唔係機整😌而係用手握🤤咁就冇咁硬同乾😌必叫😂.🥚#茶碗蒸🥚（$19）好足料既茶碗蒸，有帶子🤤🤤🤤而且個蛋好蒸得好滑😛我好中意😗而且價錢又平，大家可以試下😛.🍩#蒽花吞拿魚軍艦🍩（$12）食落入口即融咁😂我好中意佢醬油樽既設計😌係可以一滴一滴咁落😌唔洗驚點太多醬油😌.🐠#炙燒羅勒三文魚🐠（$12）三文魚燒過之後有好重既肥油香😌佢最特別係加咗牛油果醬😌加多咗個creamy 既口感🤤好正😌總結來說 如果唔洗排 就可以再食😌-🎈 佐敦彌敦道348號彌敦坊UG樓平均傷害：$200好味值：7.5/10...

終於 終於‼️有時間去排壽司郎😭🍣痴線嫁，網上訂位要早兩個月，walk-in要排個半鐘策略係攞完飛去行下街再返黎，過號半個鐘內都都有效～遲啲會喺長沙灣同紅磡開分店，希望人流會分散啲🤤用平板電腦落單 圖文並茂👍🏻————————————————————👍🏻推介：✔醬烤日本產帆立貝: 好鮮甜，大份。✔原條海鰻: 唔會太薄同唔多骨！✔松葉蟹軍艦：個膏超級濃同鮮甜😋✔特選大吞拿魚腩: 👦🏻都係第一次食，入口唔係去到即溶咁誇張但好重油脂味，好滿足。✔赤貝裙邊運艦: 喺普通日本壽司鋪好難食到，因為都考功夫，就算有都會貴，呢度只售12蚊，味道普通，但口感好爽脆。-👎🏻不推介:✖海膽海苔包: 海膽徧苦同腥✖厚切真烏賊: 比較張口

係日本嘅餐廳呀日日都咁多人仲要book位book到之後嗰個月點樣食呀但嗰度又平又好食又新鮮點樣唔去朝聖下我已經晏晝提早左去拎飛五點幾已經拎六點幾已經排晒籌啦然後我要等到七點幾足足等左兩個鐘下面地方唔算大但等嘅人實在太多無奈地真係要企喺度等又怕會過咗飛但係佢又真係幾出色嘅因為我覺得佢好食過其他壽司鋪大拖羅中拖羅蔥吞拿魚海膽全部都係我嘅至愛啊🥰埋單嘅時候我覺得唔算貴兩個人食咗咁多貴野都系只係$400唔使但真係等得太耐啦希望佢嚟緊開分店會冇咁多人啦

自從壽司郎黎左香港之後已經去左好多次，次次都好多人等，所以極度推薦先用app預訂，就唔洗等嫁喇。最鐘意相入面吞拿魚大腩，雖然要$27，但唔洗去到日本都食到大腩都值得既！海膽都好正！$17都唔欺場！十分滿足！驚喜既係甜品，侍應推薦卡達拉娜，雪糕蛋糕質地既焦糖燉蛋，十分特別。壽司郎已經係飯堂，一想食壽司就會去，有迴轉有火車壽司，十分滿足同元氣價錢差唔多，但絕對拍得住日本水準！滿足程度亦都再高好多！希望遲d開左分店冇咁多人！

等左幾個月排隊嘅人龍都仲未減退,用手機Apps book位都要等兩個月之後先食到,所以決定試吓一開門就去攞位,結果都要等兩個鐘先入到去😂入到去幾鍾意佢座位嘅安排，就算係迴轉壽司位佢都會有一塊板隔開你同隔離果批人，感覺private啲👍🏻叫咗一客中拖羅同埋大拖羅試吓。個人就比較鍾意大拖羅，真係有入口即溶嘅感覺👍🏻但係中拖羅就性價比高，如有味都好香但係價錢來講就平啲👍🏻兩件都好值得推薦其他壽司嘅價錢都唔算貴，味道都好好，可以唔洗去元X壽司食啦，食完壽司仲叫咗個千層蛋糕做甜品，呢個千層蛋糕真係好食過遠的壽司好多倍！元x壽司啲千層蛋糕成日都未解完凍就攞出嚟，硬骨骨咁,壽司落啲千層蛋糕就軟滑好多，仲好creamy👍🏻

一直都很想試吓壽司郎壽司🍣， 但經過好幾次都因太多人所以放棄左， 同朋友轉左食其它餐廳。 見年尾最後一個星期日就同朋友即興地出發佐敦食壽司郎。😬依家壽司郎預約需要兩個月前， 而即日walk in 就需要睇YouTube直播😝 我地五點取到籌，太約等100個位先到我地。好誇張😮，而且樓梯同鋪面都擠滿左等位嘅人。 好彩我哋都一早計劃喺佐敦周圍行。去到7點半就剩10個位就到我哋，點知行10分鐘返去， 就已經過左8個位。 好彩過咗Number，半個鐘之內仲可以補飛。 最終8點剛剛好 dinner time 😌. 上面嘅回轉帶係你透過部touch screen pad 落order嘅壽司。佢會自動泊埋站。 下面嘅就係自動迴轉壽司。即使係自動迴轉壽司帶嘅壽司都非常之新鮮足料。好好味！！ 而且價錢非常之抵. 紅碟$12，銀碟$17，金碟$22 除咗壽司材料非常厚身同新鮮之外，要特別講一講佢嘅飯粒，係粒粒分明， 唔會好實 。 口感q糯咁， 好好味。 每一件嘅材料係可以完全cover d 飯 ， 唔拆開都影唔到壽司飯個樣😂😂。 呢間係一間平價但高質日本壽司鋪。 不過實在太多人啦，唔建議walk in .

自從好耐無去某壽司店之後，基本上每月都會去壽司郎報到，每月既新款式都會去試一下！舊款推薦：蝦壽司（生）食過就知同平時出面既生蝦壽司唔同中拖羅壽司, 大拖羅雖然香口，卻有點膩，中拖羅香口得來油膩感無咁重，每次必點每月期間限定都試左幾款，始終胃容量有限，白子壽司：香港難得一見既白子，入口香濃幼滑，配上柚子醋啫喱，減少一點膩口感覺，只要拋開心理壓力，絕對可試！生松葉蟹棒壽司：生松葉蟹捧又係少機會試到既食材，鮮甜幼滑，但整體感覺平平松葉蟹茶碗蒸：平時的茶配蒸少了雞肉，多了松葉蟹捧及白果，價錢不變，底食係底食，但加上松葉蟹捧本身的咸味，反而令茶碗蒸有點過咸奶茶味卡達拉娜：一如既往既奶滑，奶茶味濃，但個人還是比較喜歡原味卡達拉娜！可惜隨著奶茶味卡達拉娜上架，原味亦同時下架

9月份既時候好好好難得終於搶到壽司郎某個平日既晚上8點45分預約滿心期待既我終於等到11月7日當日 (最近太忙...依家先有時間食呢篇食評)當晚8:30左右同朋友係壽司郎樓下會合，上到去果真係有好多walk-in客等緊然後就好準時地係8:45入座餐廳內部真係幾大，所有擺位同餐具都俾人好乾淨既感覺。門口會有職員帶領入座，而且會俾個座位指示牌你，唔洗驚住要周圍搵自己個座位。點餐用餐廳既PAD，食物都算多選擇，價錢都算幾平唔需要肉赤個荷包食物係由輸送帶上方既軌道送到每一個座位速度都幾快，如果幾碟炒埋一齊好易會爛哂上菜速度好快，唔洗等好耐，抵讚當晚有一款期間限定係魷魚天婦羅，每件$12即叫即炸，魷魚天婦羅好大件!炸漿唔厚，魷魚肉好鮮嫩新鮮，好味到我地最後仲要食多件先走!仲有蟹膏蟹肉軍艦、和牛壽司、海膽紫菜包、炸蝦天婦羅、羅勒燒三文魚、穴子、燒帆立貝等等炸蝦天婦羅隻蝦就細隻左D...有點失望海膽紫菜包無想像中好食，海膽味道有少少怪，不過都對得住個價錢...但唔算物超所值其他款式既壽司都算唔錯，不過原來好戲在後頭，其中一款叫卡達拉娜既甜品係超級好食!!質感係偏硬既雪糕，但入口係非常幼滑，好濃好香既

食物點完很快就送到，價格公道，壽司大小適中，我們的戰鬥力非常弱，隔壁桌子都吃很多盤子一直在疊高。限時一小時，如果真的很拼命想要吃得多吃得飽會趕，但如果只是想慢慢享受，一小時其實剛好吧。菜單東西還不錯，推薦南瓜天婦羅跟鰻魚壽司，其他壽司也好吃！排隊是真的有點久，不過還好，我們比較有耐心。

之前用app預約咗兩個月等到頸都長終於食到。去到要先簽到，如果早到就要等到預約時間先可以入。3個人叫咗34碟，食到肚爆都只不過係$594。整體食物種類選擇多，流量高食材又夠新鮮，質素好過元氣，不過限時60分鐘真係食得比較急，不過每人$200 價錢咁大眾化真係無得挑剔😋中吞拿魚腩係必食推介，肉質鮮甜，有入口即溶嘅感覺⭐️⭐️⭐️⭐️⭐️.蟹膏軍艦蟹膏夠多味道甘香，連埋青瓜一齊食味道比較平衡⭐️⭐️⭐️⭐️⭐️.松葉蟹茶碗蒸，份量比其他壽司店多，有2條蟹腳同埋帆立貝，有蛋香調味夠濃又夠滑⭐️⭐️⭐️⭐️⭐️.炸雞軟骨炸得金黃香脆，粉漿夠薄，食嘅時候都仲係熱辣辣⭐️⭐️⭐️⭐️.魷魚白子軍艦比較少見，可以試下😏

今日eatmug9 #76久仰大名日本過江龍壽司郎一間嚟自日本嘅平民迴轉壽司店聽朋友講用app 預約去食都要等成兩個月一於刀仔鋸大樹 試下walk in 排幾耐先walk in 都只不過排個半鐘都尚可接受店員都好有禮貌帶位同講解返點餐要點點點 埋單又點點點擺位簡潔 豉油綠茶薑片醋都喺晒枱面除咗wasabi要喺條運輸帶上面攞嘅要食嘅嘢可以用部機落單又或者運輸帶上面攞喺條運輸帶上面嘅都算新鮮唔會話擺得好耐 擺到散曬佢壽司嘅價錢都唔算話太貴12蚊一碟起跳而且款式都好多當中我極力推介呢個吞拿魚軍艦價錢平之魚吞拿魚嘅質素都唔錯 好鮮甜可以encore 幾碟溫馨提示返你攞落嚟啲碟麻煩分一分類方便店員賣單時點數圖中係錯誤示範by the way我後尾係有分返好嘅 lol最後口痕隊多個芭菲大滿足我相信壽司郎點都好過香港某間壽司店舖小弟親身認證無論食物質素價錢同環境都更勝一籌係排隊要等耐啲啫 相信想食好少少嘅都唔介意嘅

今晚去左食壽司郎，真係非常多人，我同友人係3點半攞飛，跟住去尖沙咀行街，行完返到去7點鐘都未有位，等多半個鐘後終於有位。因為餐廳限定用餐時間一小時，所以d枱都流轉得好快，亦可確保人人都食到好味平價的高質壽司。我地點左芝士燒三文魚，蝦3味，海膽海苔包，厚切三文魚，帆立貝，特選大吞拿魚腩等壽司。整體黎講都唔錯，全部壽司材料都好新鮮，而性價比都好高。甜品就叫左個卡達娜拉，夠凍，味道唔太甜剛剛好。雖然用餐時間得一個鐘，但食物黎得好快，係夠時間食的。岩岩好食完就一個鐘埋單啦。

第一百篇 又係新一年第一篇當然要自私食啦！！一早聽聞e間過江龍有d實力！就去會一會佢！ 諗住閒日唔洗點等！點知奶晒野！！排到丫媽都唔認得！1305拎飛 成1418先坐底！ 要左卡位！ 用平板落單！服務員會問你黎過未！未就會簡單介紹下d野係咩位拎！！好貼心！ 一定點腐皮壽司！ 冇死甜仲有d豆味！正！海螺夠新鮮！爽 脆！脆椒三文魚！辣辣地 好正！佢飯d壽司飯唔會太硬！入口都舒服！甜虾軍盤！有沙侓醬幾得意！燒牛肉壽司 有醬油味！好食！佢d芥辣 唔係化學合成果隻！全膏狀！係有d粒粒果隻！帶d口感！醬油就有一隻甜慨同濃身d慨！環境就簡單！埋單156係等得耐！都算抵食！會再去！！

我哋喺個app度永遠都攞唔到飛😭所以我哋今次唯有朝早自己去攞 我哋11:30去到攞飛 之後1點去到等左唔夠1分鐘就即刻有得坐😍😍我哋啲時間真係遇到剛剛好😎開心🥳大家記住見到Wasabi嘅時候要一次過攞多幾包 因為佢係要點至少三包先會多啲Wasabi味😂😂同埋佢嗰回轉帶唔係成日有Wasabi 你miss左就要等勁耐先有得再攞🤣🤣🤣·深海紅蟹蟹腳 $22我哋今次第一舊就係食呢個 因為今個月好似係紅蟹嘅精選 所以期間限定有好多蟹嘅壽司 差唔多每樣都好好食🤤🤤呢一個佢係個蟹膏超甜 食落口超驚艷 同埋佢係$22有兩舊好抵呀😈😈·松葉蟹茶碗蒸 $19呢度嘅茶碗蒸真係好好食 我哋上次黎嘅都係嗌左兩個🙊今次見到佢有松葉蟹茶碗蒸推介 我哋就嗌左🦀️呢個蟹嘅茶碗蒸超好食 啱啱上台即刻食就最好食 因為熱辣辣 同埋入邊都好有誠意 都好長嘅蟹腳 同埋帆立貝 唔錯唔錯😝·特選中吞拿魚腩 $17呢個係我哋上次嗌過覺得好好食今次再嗌嘅😎佢係真係入口即溶 同埋性價比好高 我哋上次都試大拖嘅 佢都好好食 好多油脂 但我哋自己鍾意少啲油脂 所以中拖就已經非常之好🤤·蟹柳天婦羅 $12呢個超驚艷 係真係外脆內軟 一上台熱辣辣