壹級日本料理 (已結業)

黎到美林邨探下同事同bb，順便落去食埋lunch，一行四人到左冬菇亭食日本野，而加領展啲商場真係翻新到好靚，呢間日本野望落好高級咁樣，睇睇餐牌的價錢又ok喎。招牌不起眼，唔住開呢頭真係唔知有間日本餐館。時間尚早未多客，廚房貌似很衛生。高樓底加上天然光，光線充足冷氣夠，感覺不錯。藍旗吞拿魚蓉雲丹蟹籽飯（$98）點了個午餐set，滿滿的吞拿魚蓉好正呀，魚蓉肥美甘香，海膽鮮甜，卜卜脆的蟹籽，日本米帶醋香，樣樣都好味，正😋跟丼飯送的麵豉湯，好香的味噌味，不死鹹，好飲。梅醬竹炭冷烏冬（$68）朋友點了冷烏冬，竹炭口味，哈哈，灰灰的顏色好奇怪。酸酸的梅醬又幾好味喎，烏冬好彈牙，唔好比佢嘅顏色嚇怕。食法係先把梅醬同蔥掉哂落冷麵豉油入面，再用烏冬點黎食就得啦，就算幾個人share食都唔會好哩hea👍忌廉蟹肉薯餅（$28）新鮮炸起熱辣辣，內裏係滑滑的忌廉混合薯蓉，仲有一絲絲蟹肉，香口野梗好味啦。焦糖菠蘿（$28）朋友至愛燒菠蘿，食親日本野都會叫一份，呢度個燒菠蘿又幾好味喎，上面有一層焦糖脆脆，甜甜地，菠蘿水嫩多汁又無渣，正😍仲點左啲串燒，不過未影相就食左😅哈哈，都好味，係個牛舌略鹹。

公司未搬前在大圍附近，當年經常過這邊搵食，同事都是住附近，有些生了bb就辭職當full time mom，今天組隊過來探bb，午餐來美林邨內吃，想不到邨內有非常不錯的日本料理，不比市區差，價錢十分划算，不試可惜！必點刺身丼食，角切雜錦刺身飯，只售$39！刺身份量多，和飯差不多是1:1！質素不俗，新鮮，現在出外吃飯，這個價錢要吃飽已經不容易，還要吃得好，怪不得中午時份來到座無虛席！一行六七人，每人點一份丼飯，加了一些小食share，有些沒拍照因為大家吃得超快（汗，餓鬼投胎乎？）當中這個燒菠蘿我十級推介，如果有吃過放題質素燒菠蘿應該都知道，菠蘿又酸又多渣... 這裡的菠蘿，上面有一層焦糖化的薄脆，完全沒渣！如果是放題，我大概會點五六份（笑） 喜歡菠蘿的，不能錯過！聽服務員說，燒菠蘿是季節限定，只入靚貨，不是經常有的唷！lucky！軟殼蟹牛油果三文魚子反卷，軟殼蟹是新鮮炸起，卜卜脆，牛油果這superfood最近大熱，份量超多不吝嗇，挺有驚喜，可見菜式遠遠超越放題質素，贏幾班，屋邨高質日本料理，一家大細來地方夠寬闊，有bb櫈，是baby friendly的餐廳，推介！

同朋友去X笠倉掃貼紙，因為平，所以再來冬菇亨吃日菜。雖然平，雖然是冬天菇亭，但大家放心，這𥚃是有冷氣的。因為很久沒吃過鰻魚，就點了午餐B5 蒲燒鰻魚飯跟味噌湯：鰻魚肉厚，表面有光澤。吃起來夠味有魚香，白飯軟硬適中。蘿蔔漬也很脆口。加上味噌汁，令人非常滿足。可樂更是支裝的，而且跟餐加$5就有一支，非常實惠。可是還有更實惠也是我重點推介！點了午餐之後，只要加$8，可以換購多款配菜。和風炸餃子咬下去真是「咯咯」聲，外脆內有肉汁。三文魚刺身$8有三片，我這兒有兩份。其實還有沙律、壽司（三件）等可選。我問過工作人員，如果我點一個餐，就算叫十款$8的配菜也是可以的。即是如果四個朋友，叫三個餐再一堆加項，必定飽得你動不得，而埋單才一人六七十！完全適合我們這種月光族。多謝收看

雖然以前番工成日都會經過大圍，但去到美林村咁遠，如果唔係地膽介紹，都唔會知道有間日本野咁好食聽說這裡是由冬菇亭改建，抱住尋找美食加上體驗咁有時代特色建築的心態，就算捐窿捐罅都要去試下，好在不枉此行。先來個牛油果三文魚籽軟殼蟹卷 ($88) 平時好少會叫牛油果的食品, 但早前聽了一個朋友介紹原來牛油果的味道有點像三文魚，所以就心思思想試試。原來它與三文魚又真的有幾分相似, 口感軟綿綿, 有少少魚的味道。加上醬油有點像三文魚壽司, 而且軟殼蟹真材實料, 不會只有一層粉又不會有油益味。食日本野又點會少得刺身, 有我最喜愛的帶子、油甘魚及赤蝦，和朋友喜歡的三文魚剌身。剌身份量十足，每一片亦很厚切。而且肉質新鮮，雖然不是非常甜，但都相當抵食。日本料理給人很貴的感覺，但以日本野來說, 這間餐廳尚算抵食。唯一美中不足的就是那裡看不太出來是由冬菇亭改建的感覺，如只用普通餐廳的標準，就是水準之選。

家姐話請食飯，三姊妹就當然要食豪D啦～平時成日都想食日本野，但好多日本野都偏貴，特別係食刺食個D，一個學生邊捨得食呀，所以就梗係要襯有人請嘅時候去食啦～就晒我地每個嘅放工放學中間點就係大圍比較就腳。個人比較少去呢區但都有聽聞過有唔少好野食，果然名不虛傳，一出mtr就已經勁多食肆，沿路行去呢間餐廳期間都見到有幾間都好似幾吸引，有機會要去試試呢間餐廳嘅位置比較難揾，係條邨行左一陣先揾到，不過獨立一間嘅外觀好正，應該係香港唔易見到。呢度勝在坐得都幾舒服，舖位都幾大間，坐落唔會太迫，又唔會太嘈，傾下計都唔錯。呢D唔係我負責比錢嘅野，就梗係唔敢出聲講想食咩，交比出錢嘅家姐決定！一黎先係豪華嘅刺身雖然好想叫三文魚但睇到報紙最近都係唔敢叫住，唔緊要有帶子BB補償返我心靈上嘅損失我地叫左帶子，八爪魚同埋赤蝦。最鐘意帶子～超厚切用筷子夾住dun 下dun 下咁真係好治癒味道都幾鮮甜，$48 四切都幾抵，出面食個帶子手卷都要$2x，可以就咁食刺食開心D～八爪魚都幾有咬口。而蝦都幾大隻。跟住就到卷物啦。我地叫左個最近大熱嘅牛油果三文魚籽軟殻蟹卷。呢排牛油果真係超級紅，雖然我個人就唔太好牛油果嘅口感嘅，但軟殼

每次到大圍探朋友，也會到附近美林的冬菇亭食用膳，真係好過在家自己煮。 何解？因為呢度價廉但用的是上等的材料。 今次來食Lunch，果真是大件夾抵食。 我叫的Set Lunch是最貴的銀鱈魚西京燒(跟味噌湯) $138 －－ 跟餐支裝汔水加$5，星期六、日及公眾假期要加一 賣相完全可以媲美中上環的日式料理 味道同樣是一流的，銀鱈魚燒得表面香脆，魚肉嫩滑，但又不會滿口油脂。 朋友點的這個稻庭烏冬 $52 稻庭烏冬彈牙煙靭，絕對是高級的貨色。 最抵是什麼？是午餐可追加不同的小吃，每款都只係＄8 － 勁抵 壽司三件(油甘魚、三文魚、墨魚) x 2 = $16 三文魚刺身三片 x 2 =$16 青瓜沙律 $8 不要以為加＄8, 質素就一般！錯了⋯⋯質素也是高級的，刺身全部鮮甜同爽口，新鮮之選。 因為朋友說這裡的忌廉蟹肉薯餅 $28是一定要試的，點了一客果然十分美味，忌廉蟹肉薯餅肉裡是流心的忌廉，一定要趁熱吃，才可吃出最美味的時刻。 還有這裡的串燒也很出名，朋友一口氣點了一盤： 雞軟骨串 $12 x 2 = $24 雞皮串 $12 x 2 = $24 牛脷串 $38 x 2 = $

奶油包好耐冇去沙田個頭今次襯去朋友屋企探狗狗就決定跟朋友去一個奶油包冇諗到會咁特別既地方就係係東菇亭既日本餐廳 - 壹級日本料理門面已經好夠特別室內環境更加與別不同有天窗...陽光可以透入嚟感覺好舒服而且個樓底勁高仲有台與台中間好闊落唔係迫迫gip gip咁而且好特別既地方係佢有吧台位中間仲有圓台岩晒一大班人一齊嚟食因為係中午既關係佢係有Lunch set既野食方面有好多選擇奶油包就揀左和食配白飯SET鹽燒鯖魚...唔好講笑以奶油包呢個唔食魚既人講你知鹽燒鯖魚係勁勁勁好食夠味之餘D肉又唔會腥唔使點個汁都已經夠晒味而且魚肉油份好足冇骨得嚟又啖啖肉皮又香口又脆奶油包覺得呢個魚絕對有90分壹級日本料理有樣野好正就係加$8就可以配小食/壽司仲要係唔限數量款款都係加$8奶油包當然唔放過呢個機會瘋狂叫野食奶油包叫左壽司三件入面有油甘魚、三文魚同墨魚因為同朋友係2個人就sure係叫2份油甘魚同三文魚都幾好夠新鮮而墨魚因為奶油包唔鍾意食所以係朋友食晒仲有三文魚刺身三片唔使講...呢個都係叫2份三文魚係奶油包一向都好鍾意食既刺身佢又係好新鮮(其實奶油包一個人應該可以食晒) 仲有叫左和風炸餃子朋友覺得佢好

經過大圍美林邨，見到🈶️間日本嘢，之後入左去食，一坐低，嘩，仲🈶️$35個飯，立刻叫左，來到時比預期中大宛，好食好香，飯夠哂飽！飯內🈶️不同魚生，青瓜，旦粒，三立魚子，芝麻！ 雖然嗰啲飯比較林，整體好🈶️心，個宛好靚！仲有佢個度個環境很舒服，室內🈶️水聲，🈶️太陽小天幕頂，裝修青🉐️來好自然，佢果度點片位真的坐🉐️很好，🈳️間不太窄不太闊！ 值得一提的是，佢其他餐都好底食，後面仲有加8蚊可以加小食，平靚正，大份夾好食！正！

住在沙田的我，若在沙田食飯，多選擇新城市廣場，今次決定改一改，去了大圍壹級日本料理食午餐. 這裡推出自選配搭午餐，價錢由$35起，跟餐支裝汽水加$5，包裝飲品加$3. 估不到連星期六、日及公眾假期也有得食. 我點了東京叉燒豬骨濃湯手打烏冬，加$8可以配小食，我選了餃子, 飲品點了汽水. 夏天天氣炎熱, 最啱飲番一支冰涼的樽裝汽水, 實在透心涼. 餃子一共有兩隻餃子. 外層帶點脆身, 味道調教尚算不錯. 東京叉燒豬骨濃湯手打烏冬上枱. 叉燒是薄身, 肥瘦幾平均. 而烏冬幾彈牙, 口感不錯. 另外點了小食忌廉蟹肉薯餅. 這個蟹肉薯餅外層夠脆身, 一咬開, 饀料湧出, 外層內軟, 雙重口感.

不見三月的壹級日本料理與相別半年的友人，在一夜之間交匯聚頭 是晚摒棄高級貴價日本菜，只為找個坐得舒適的地方輕輕鬆鬆吹水 下單後等食之際，朋友憶述舊日時光，回想那些人與事，以及已經消失的店家 由香港的飲食潮流說到餐廳食店的周期循環，所謂的美食天堂，或許僅是幻影 藍鰭吞拿魚蓉雲丹蟹籽飯 $98竟屬店家新推出的自選配搭晚餐之一 足料刺身飯伴有味噌湯，單比對量價已有好感，就只希望質素同樣合意 海膽細緻甜美，瞬融於口，絲毫無腥；吞拿魚蓉脂潤綿密，肉味亦鮮 飯底粒粒分明，依然有點咬口，不會過份水濕粉爛，加上飯素調味剛剛好 A3牛肉手切刺身飯 $168覆成小山的牛肉刺身紅白相間，色鮮肉亮 牛肉刺身聽起來也許奇怪，但其實近年來都愈為普及，不時現身於日韓料理 只要新鮮，不成問題，生牛肉多脂軟腍，肉味明顯比煮熟的淡淺得多 牛肉片與飯底間照鋪薄層飯素調味，另加青瓜絲點清，不失為有趣的新嘗試 刺身自由配搭砌成拼盤，冰鎮之下簡簡單單的奉桌，不多修飾 藍鰭中拖羅 $438（四片）櫻粉可人，嫩身滑溜，腩肉油花緻密如大理石 鮮甘味美，入口毫無筋感，輕嚼便足矣，亦不需怎樣調味 至於赤身 $98（四片）就自然少

今日12點幾1點去到美林，程搵哩間野食。去到就話最抵食果個招牌菜，S1三文魚飯賣晒，但係就有三文魚刺身點，係咪好欺騙成份濃烈？仲有1樣野，去到就剩係比張套餐紙你剔，又唔一次過比晒啲餐牌你睇，搞到想點件壽司食都以為冇，落左單睇到人地出其他野食，先覺得奇怪點解得搵唔到！好啦～最後點左2個拉麵，佢個拉麵湯底差到，個樣就似模似樣，個咪同屋企煲果啲豬骨湯有咩唔同？唔係咁架嘛！之後頹頹地，過左隔離果間乂飯糖食，啲野又多野揀又有多種甜品又好食啲！早知一開波唔鬼去哩間！晒錢！晒氣！

一個大圍的朋友帶我去他家附近食晚飯，係屋邨包圍下，咁我期待的餐廳包括快餐店以及茶餐廳，竟沒想到係一間好大的日本料理店。我食開嘅日本料理餐廳都好逼好狹窄，但入到去，樓底好高，又有好多可以坐十人嘅圓枱，平時大班人食放題都要分枱坐，呢間好適合大班人食。日本料理離不開炸物、串燒、壽司、刺身及定食，呢度都不例外。不過我呢啲好中意食新野，所以除左傳統嘅日式菜就叫左啲我未見過未食過嘅，真係好有驚喜！先黎嘅係忌廉蟹肉薯餅通常炸物都係用蝦、芝士，呢個用忌廉同蟹肉，雖然有啲濟，不過入面好creamy，好想食好多舊，但食哂就冇肚食其他，唯有下次再叫。如果有少少濟嘅感覺，就要食呢個蘋果豚肉串。估唔到呢個組合驚奇地夾，好fresh好開胃。壽司我揀左牛油果三文魚籽軟殼蟹卷。三個材料都係我大愛，加埋一齊無得頂，可以食到入面軟殼蟹仲脆，牛油果溶化哂係啲飯，再加上爽脆嘅蟹籽，口感一流。刺身件件都好大件，好抵食，推介薄切八爪魚，平時食八爪魚咬極都唔完，但呢度廚師好細心，切到一個唔厚唔太薄嘅程度，食三件啱啱好。最後嘅鰻魚飯結束我呢日做了一日㗎妹嘅夜晚，鰻魚味好濃唔腥，不過飯太多，我差啲不好意思夾哂成條饅魚，飯就留給

香港好多食店個名都好特別，主要係想引人留意啦～但好多時都係得個名，好唔好食，抵唔抵食，就......今次同朋友一行6人去左大圍覓食，呢間叫做「壹級日本料理」真係冇呃人～ 呢間食店位於美林村冬菇亭......睇下店鋪門面先～ 咦！原來冬菇亭都咁靚既～?!  從出面望入去，好清楚見到廚房既壽司枱，不得不讚：好乾淨！（放心左一大半）掛住同朋友傾計，完全忘記左影下食店入面既裝修 不過，我記得係好新，好乾淨，我諗始終係新開張啦～首先來個前菜 -「青瓜蟹籽沙律」，不過不失，正正常常。呢個「霜降和牛粒串」（其實有4串）真係very good，Juciy 無雪藏味，而且唔會食到攝牙隙雖然我哋呢班係食肉獸，但係都會點下蔬菜嘅～ 有「黑松露牛油什菌」，好有黑松露香，雜菌都新鮮又彈牙「牛油果三文魚籽軟殼蟹卷」，呢個好食！我一向都唔食牛油果，但呢個我完全入得口。最後，不得不提，呢度嘅服務好好。每次叫侍應生幫我哋添水加茶，又或者拎紙巾同碗，佢哋都滿面笑容，好樂意。我最怕啲食店嘅服務態度差，好似欠左佢咁，就算點好食，都食得唔安落啦！

今次去探朋友順便去吃朋友推介的大圍美食，「壹級日本料理」，未知好不好食，但地點都比較難找食店位於美林村冬菇亭，我在港鐵站落車行去，入到邨沿途問了兩次路，一番波折才找到我和朋友都喜歡的favourite - 刺身！ 新鮮！我最鍾意這裡的珍寶赤蝦，夠大隻，又鮮甜 我朋友就推介薄切八爪魚，又爽又鮮～到粥粉麵飯時間～共叫了四樣嘢：「東京叉燒拉麵」，「蒲燒鰻魚飯」。估都估不到，我們很快清得乾乾淨淨，太好味了。東京叉燒拉麵的麵夠彈牙，湯底不會很味精feel；而朋友仔就好喜歡個鰻魚飯，認為鰻魚有魚香，而烹調火喉恰到好處。不經不覺就食完了一餐，有些意猶未盡的感覺，下次再來吃!

一直以嚟對熟食亭嘅印象停留響大排檔常餐之類嘅食物，但上週末同女友去咗大衛美林邨熟食亭之後大開眼界。我哋想食完飯去沙田文化博物館，但沙田新城市個場又人滿為患，所以決定由大圍食個飯，然後慢慢行過去。經過幾間熟食亭一睇！日本嘢？價錢又相宜，不如食呢間。首先叫咗啲小食：螢光魷魚仔：入口鮮甜鱈魚乾：上檯之前明顯加熱過，蒸走啲水氣，熱辣辣，脆卜卜！點埋蛋黃醬，好食！入去餐廳見到 Menu 已經覺得呢個角切魚生飯嘅價錢好吸引！$35！真係 AEXN、SXGO 都做唔到呢個價啦！一於叫嚟睇吓乜料！食落，非常好！魚生嘅份量唔少但新鮮，仲要只得少量三文魚，最少仲有吞拿魚！不過點心嚟嘅，之後同女友再 Share 咗份銀鱈西京燒。燒魚嘅火候剛剛好，拎嚟送飯真係一流！因為叫多咗小食同唔係餐嘅銀鱈西京燒，所以呢個 Lunch 嘅人均消費貴咗少少。但係睇返佢個 Lunch Menu，其實真係價錢實惠，值得去食！