壹級日本料理 (已結業)

一個大圍的朋友帶我去他家附近食晚飯，係屋邨包圍下，咁我期待的餐廳包括快餐店以及茶餐廳，竟沒想到係一間好大的日本料理店。我食開嘅日本料理餐廳都好逼好狹窄，但入到去，樓底好高，又有好多可以坐十人嘅圓枱，平時大班人食放題都要分枱坐，呢間好適合大班人食。日本料理離不開炸物、串燒、壽司、刺身及定食，呢度都不例外。不過我呢啲好中意食新野，所以除左傳統嘅日式菜就叫左啲我未見過未食過嘅，真係好有驚喜！先黎嘅係忌廉蟹肉薯餅通常炸物都係用蝦、芝士，呢個用忌廉同蟹肉，雖然有啲濟，不過入面好creamy，好想食好多舊，但食哂就冇肚食其他，唯有下次再叫。如果有少少濟嘅感覺，就要食呢個蘋果豚肉串。估唔到呢個組合驚奇地夾，好fresh好開胃。壽司我揀左牛油果三文魚籽軟殼蟹卷。三個材料都係我大愛，加埋一齊無得頂，可以食到入面軟殼蟹仲脆，牛油果溶化哂係啲飯，再加上爽脆嘅蟹籽，口感一流。刺身件件都好大件，好抵食，推介薄切八爪魚，平時食八爪魚咬極都唔完，但呢度廚師好細心，切到一個唔厚唔太薄嘅程度，食三件啱啱好。最後嘅鰻魚飯結束我呢日做了一日㗎妹嘅夜晚，鰻魚味好濃唔腥，不過飯太多，我差啲不好意思夾哂成條饅魚，飯就留給